عرض مشاركة واحدة
قديم 22-12-2013, 08:04 PM   #[2]
أبوبكر عباس
:: كــاتب نشــط::
 
افتراضي

عبد الباقي موسى النو، مهندس وصديقي، لاقيتو بعد تمّ تعينو بوزارة الري، راكب مُشمع في بص سنكات جبرونا، كوركت ليهو وأنا جالس في نهاية كنبة البص: بالله يا باش مهندس، انتو بتركبوا المواصلات العامة معانا!!
زحف زحف لحدي ما وصل جنبي وسبّ لي الدين في أضاني وقال لي: المحطة الجاية أنزل معاي يا تافه
نزلنا في ود قيحة وشيلني كيس التبش وأصرّ أمشي أتغدى معاهو، بعد شربنا موية السلطة*، قال لي: تذكر الحاج الصديق بانقا زميلنا بتاع الكسمبر؟
قلت ليهو: أبو عريب؟
- أيوة يا تافة، الراجل عرّس من الكسمبر، مشيت حضرت عرسو، يا أخي، العرس هناك رخيص رخصة
تمشي؟
تذكرت انو ود خالتي عرّس قبل شهرين من رياض الخرطوم

عليك الله، يا أشرف، لو المداخلة دي، شترا؛ تعفي لي.
ــــــــــــــــ
* الحقوق ما زالت للطيب بشير



أبوبكر عباس غير متصل   رد مع اقتباس