شكرا يا زين عبدالله علي الكلام الجميل دا..

[imported_فتحي مسعد حنفي]

الاعجاز اللغوي في القران

الفرق بين الزوجة و المرأة في القرآن الكريم -- تبهرني العقول المتفتحة التي تفسر لنا ما لا ندركه من كلام الخالق جل شأنه

تعالوا وتعرفوا على البلاغة في القران والدقة في التعبير والبيان
ثم قولوا سبحانك ياعظيم يامنان
متى تكون المرأة زوجاً ومتى لا تكون ؟

عند استقراء الآيات القرآنية التي جاء فيها اللفظين ، نلحظ أن لفظ \"زوج\" يُطلق على المرأة إذا كانت الزوجية تامّة بينها وبين زوجها ، وكان التوافق والإقتران والإنسجام تامّاً بينهما ، بدون اختلاف ديني أو نفسي أو جنسي ..
فإن لم يكن التوافق والإنسجام كاملاً ، ولم تكن الزوجية متحقّقة بينهما ، فإن القرآن يطلق عليها \"امرأة\" وليست زوجاً ، كأن يكون اختلاف ديني عقدي أو جنسي بينهما ..
ومن الأمثلة على ذلك

قوله تعالى : \"وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ\" ،

وقوله تعالى : \"وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا\" .

وبهذا الإعتبار جعل القرآن حواء زوجاً لآدم ، في قوله تعالى : \"وَقُلْنَا يَا آدَمُ اسْكُنْ أَنتَ وَزَوْجُكَ الْجَنَّةَ\" . وبهذا الإعتبار جعل القرآن نساء النبي صلى الله عليه وآله وسلم \"أزواجاً\" له ، في قوله تعالى : \"النَّبِيُّ أَوْلَى بِالْمُؤْمِنِينَ مِنْ أَنفُسِهِمْ وَأَزْوَاجُهُ أُمَّهَاتُهُمْ\" .

فإذا لم يتحقّق الإنسجام والتشابه والتوافق بين الزوجين لمانع من الموانع فإن القرآن يسمّي الأنثى \"امرأة\" وليس \"زوجاً\"

قال القرآن : امرأة نوح ، وامرأة لوط ، ولم يقل : زوج نوح أو زوج لوط ، وهذا في قوله تعالى : \"ضَرَبَ اللَّهُ مَثَلًا لِّلَّذِينَ كَفَرُوا اِمْرَأَةَ نُوحٍ وَاِمْرَأَةَ لُوطٍ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا\" .
إنهما كافرتان ، مع أن كل واحدة منهما امرأة نبي ، ولكن كفرها لم يحقّق الإنسجام والتوافق بينها وبين بعلها النبي . ولهذا ليست \"زوجاً\" له ، وإنما هي \"امرأة\" تحته .
ولهذا الإعتبار قال القرآن : امرأة فرعون ، في قوله تعالى : \"وَضَرَبَ اللَّهُ مَثَلًا لِّلَّذِينَ آمَنُوا اِمْرَأَةَ فِرْعَوْنَ\" .

لأن بينها وبين فرعون مانع من الزوجية ، فهي مؤمنة وهو كافر ، ولذلك لم يتحقّق الإنسجام بينهما ، فهي \"امرأته\" وليست \"زوجه\"

ومن روائع التعبير القرآني العظيم في التفريق بين \"زوج\" و\"امرأة\" ما جرى في إخبار القرآن عن دعاء زكريا ، عليه وعلى نبينا أفضل الصلاة والسلام ، أن يرزقه ولداً يرثه . فقد كانت امرأته عاقر لا تنجب ، وطمع هو في آية من الله تعالى ، فاستجاب الله له ، وجعل امرأته قادرة على الحمل والولادة .

عندما كانت امرأته عاقراً أطلق عليها القرآن كلمة \"امرأة\" ،

قال تعالى على لسان زكريا : \" وَكَانَتِ امْرَأَتِي عَاقِرًا فَهَبْ لِي مِن لَّدُنكَ وَلِيًّا \" . وعندما أخبره الله تعالى أنه استجاب دعاءه ، وأنه سيرزقه بغلام ، أعاد الكلام عن عقم امرأته ، فكيف تلد وهي عاقر ، قال تعالى : \" قَالَ رَبِّ أَنَّىَ يَكُونُ لِي غُلاَمٌ وَقَدْ بَلَغَنِيَ الْكِبَرُ وَامْرَأَتِي عَاقِرٌ قَالَ كَذَلِكَ اللّهُ يَفْعَلُ مَا يَشَاء\"

وحكمة إطلاق كلمة \"امرأة\" على زوج زكريا عليه السلام أن الزوجية بينهما لم تتحقّق في أتمّ صورها وحالاتها ، رغم أنه نبي ، ورغم أن امرأته كانت مؤمنة ، وكانا على وفاق تامّ من الناحية الدينية الإيمانية .

ولكن عدم التوافق والإنسجام التامّ بينهما ، كان في عدم إنجاب امرأته ، والهدف \"النسلي\" من الزواج هو النسل والذرية ، فإذا وُجد مانع بيولوجي عند أحد الزوجين يمنعه من الإنجاب ، فإن الزوجية لم تتحقّق بصورة تامّة .
ولأن امرأة زكريا عليه السلام عاقر ، فإن الزوجية بينهما لم تتمّ بصورة متكاملة ، ولذلك أطلق عليها القرآن كلمة \"امرأة\"

وبعدما زال المانع من الحمل ، وأصلحها الله تعالى ، وولدت لزكريا ابنه يحيى ، فإن القرآن لم يطلق عليها \"امرأة\" ، وإنما أطلق عليها كلمة \"زوج\" ، لأن الزوجية تحقّقت بينهما على أتمّ صورة .

قال تعالى : \"وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ * فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ\"

والخلاصة أن امرأة زكريا عليه السلام قبل ولادتها يحيى هي \"امرأة\" زكريا في القرآن ، لكنها بعد ولادتها يحيى هي \"زوج\" وليست مجرّد امرأته .

وبهذاعرفنا الفرق الدقيق بين \"زوج\" و \"امرأة \"

[imported_طارق صديق كانديك]

سبحان الذي أنزل القرآن بمعجزاته اللغوية التي لا تنقضي .. !!

ان المتتبع لهذا المنهل الفياض من اللغة .. لا يكاد تنشرح نفسه لشئٍ حتى يطلب المزيد .. !!

وهذه العربية .. كنز .. لايعلم أسرارها إلا الراسخون .. كنت من المواظبين على الاستماع لصوت البروفسير الراحل عبدالله الطيب في تفسيره للقرآن الكريم .. يدهشك بالمعاني والاستدلالات .. وكذلك فعل الشعراوي .. عليهما الرحمة .. !!

كنت قد توقفت كثيراً عند قوله ( يذبحون ابناءهم ويستحيون نساءهم ) وأعيتني ( يستحيون ) هذي حتى وجدت شرحاً انشرحت معه نفسي .. !!

من المفيد أن نأتي ببعض الاعجاز اللغوي في القرآن فذاك تسمو به النفس وتفلح به العبارة وتستقيم المفردات .. !!

شكرا استاذنا فتحي مسعد .. ربما عدت ببعض ما لفت انتباهي ودهشتي .. !!

تقديري

[imported_فتحي مسعد حنفي]

وشكرا ليك ياطارق علي مداخلتك الدسمة وفي انتظار المزيد بس ألله يستر علينا من أبو مشعل تعرف في حاجات كتيرة الواحد ما بلاحظ ليها مع انو ختم القرآن كذا مرة ولما تجي تقرا التفاسير تقعد تفكر..طيب أنا كيف ما لاحظت الفرق دا مع انو ظاهر وقدام عيني..سبحان الله فالقرآن نهر لا ينضب كلما استزدت منه زادت كمية جهلك به..

[imported_رأفت ميلاد]

والله رديت عليك وأفحمتك .. لكن الله ما أراد وضاعت .. يبقى مكتوب ليك الليلة ضغطتك ما يرتفع .. بختك

[imported_فتحي مسعد حنفي]

المشاركة الأصلية كتبت بواسطة رأفت ميلاد

والله رديت عليك وأفحمتك .. لكن الله ما أراد وضاعت .. يبقى مكتوب ليك الليلة ضغطتك ما يرتفع .. بختك

أنا فاتت علي أكتب رأفت ميلاد ومن لف لفه يمتنعون..
يازول أمشي أفتح ليك بوست أكتب فيهو عن الانجيل والتوراة انشالله تكتب عن العهد الجاي

[imported_مبر محمود]

العم فتحي لك كامل الإحترام وكل التحايا ..
عزيزنا بابكر عباس يبلغك تحياته، ويقول لك : كلامكم دا ونسة ساي، ومطعون فيه.

طبعاً لديه حجة في ذلك،
هو فقط بعيد الان من الكمبيوتر، ولكن حتماً سيأتيك
كن بخير

[imported_فتحي مسعد حنفي]

المشاركة الأصلية كتبت بواسطة مبر محمود

العم فتحي لك كامل الإحترام وكل التحايا ..
عزيزنا بابكر عباس يبلغك تحياته، ويقول لك : كلامكم دا ونسة ساي، ومطعون فيه.

طبعاً لديه حجة في ذلك،
هو فقط بعيد الان من الكمبيوتر، ولكن حتماً سيأتيك
كن بخير

ألله لا جابو..هو ياخ أنا خلصت من رأفت الزنديق عشان يجيني بابكر..
لو داير يجي يتونس أهلا بيهو كان جاي يعمل مشاكل أحسن ليهو يبعد عني اليومين ديل عشان أنا مزاجي رايق وكايس لي شكلة..انت البقعدك مع الزول دا شنو

[imported_تحفة حوا]

اقتباس:
[shr7=مثل شرح او رساله او تعليق الخ]المشاركة الأصلية كتبت بواسطة مبر محمود
العم فتحي لك كامل الإحترام وكل التحايا ..
عزيزنا بابكر عباس يبلغك تحياته، ويقول لك : كلامكم دا ونسة ساي، ومطعون فيه.

طبعاً لديه حجة في ذلك،
هو فقط بعيد الان من الكمبيوتر، ولكن حتماً سيأتيك
كن بخير
[/shr7]

غايتو بابكر عباس اثبت انو كاواي بشكل

أنا عندي حاجة كان قلتها بكون نصرتك يا بابكر على عمو فتحي
وانا عمو فتحي ما برضا فيهو والله
ح اكون مراقبة الموقف من بعيد

[حسين عبدالجليل]

فتحي ازيك وشكرا علي هذه الاشراقات الجميلة التي تعيد للمرء ثقته في فائدة التداخل الاسفيري .

من اجمل ماسمعت وقرأت عن الاعجاز البياني في القرآن الكريم هو محاضرات وكتابات د. فاضل السامرائي.
تجد بعض كتبه هنا:
http://www.mediafire.com/?gddyowezluk
http://www.mediafire.com/?zzmttmu2zlz

[imported_فتحي مسعد حنفي]

المشاركة الأصلية كتبت بواسطة حسين عبدالجليل

فتحي ازيك وشكرا علي هذه الاشراقات الجميلة التي تعيد للمرء ثقته في فائدة التداخل الاسفيري .

من اجمل ماسمعت وقرأت عن الاعجاز البياني في القرآن الكريم هو محاضرات وكتابات د. فاضل السامرائي.
تجد بعض كتبه هنا:
http://www.mediafire.com/?gddyowezluk
http://www.mediafire.com/?zzmttmu2zlz

شكرا يابو علي المرور واللنكات..
في الحقيقة ياخ أنا لغاية قبل فترة ما كان عندي شغلة بي قرآن ولا دين لغاية ما ربك كتب الهداية وبقيت مدمن حلقات الدكتور زغلول النجار وحلقات العلم والحياة للدكتور مصطفي محمود وكنت بعد كل حلقة بكتشف اني عايش في ظلام وما جايب خبر أي حاجة..

[imported_رأفت ميلاد]

المشاركة الأصلية كتبت بواسطة فتحي مسعد حنفي
شكرا يابو علي المرور واللنكات..
في الحقيقة ياخ أنا لغاية قبل فترة ما كان عندي شغلة بي قرآن ولا دين لغاية ما ربك كتب الهداية وبقيت مدمن حلقات الدكتور زغلول النجار وحلقات العلم والحياة للدكتور مصطفي محمود وكنت بعد كل حلقة بكتشف اني عايش في ظلام وما جايب خبر أي حاجة..

ياخ يدوبك أنت دخلت الظلام من أوسع أبوابو .. ياخ الدين دا ساهل شديد .. ما تبارى الناس البفلسفوه ديل .. بطلعوك أف بويت ..

غايتو قبال ما يجى بابكر عباس .. هسة كلامك الفوق العفيتك منو ده .. كل الآيات الإتضمنها ليها مضمون ومعنى .. ضيعتها كلها فى (أمرأة وزوج) .. وفلسفة فى اللغة العربية وطلعت مرت زكريا زوجة ناقصة زى المملوكة عشان ما بتلد .. ياخ دى حملت بعد سن اليأس .. فى عبرة أكبر من كدة ..

والدين ياخ الدين ده ما بتاع العرب .. الباكستان بس قدر العرب عشرين مرة .. يعنى كان ترجمت الآيات بالفارسى والأردو والألبانى .. يفضل المعنى الحقيقى وتضيع كل فلسفتك دى ..
بالألمانى زوجتك يعنى (Deine Frau) أمرأتك (Deine Frau) .. تفلسفا ليهم كيف ..

ياخوى نحن ما ناقصين تفجير أحزمة ناسفة .. أصلها بتبدأ كدى .. وفلسة العصر بقت يا تتفنن فى الدين زى جماعتك ديل بالموجب ولّ بالسالب زى ناس القمنى .. وكلو أكل عيش ..

أنا أهديك على الدين كان الله يغفر ليك البلاوى ديك كلها .. (بنى الأسلام على خمس) أقبض فيهم قوى على ضمانتى .. وأنت ما بينك بينها زراع .. يادوب شبر

تعرف يافتحى عندنا فى مدنى جلكين فوق الستين (رحمه الله) .. مايسترو (بكرة) بفتح الـ (ب) والـ (ك) .. يوم جارى آخر التربزة فى نادى الجزيرة مع ولد شاب .. الولد مزمز ورقو وضرب بية التربيزة وقال لى عمك (تسعة) .. داير يخم عمك ثبتو وبراحة كشف ورقو (جوكرين) .. الولد أتنرفز وقال ليه (جوكرين يا تافه .. الزيك ده قابض فى الحجر الأسود ويبكى)

[بابكر عباس]

المشاركة الأصلية كتبت بواسطة فتحي مسعد حنفي

..... نلحظ أن لفظ \"زوج\" يُطلق على المرأة إذا كانت الزوجية تامّة بينها وبين زوجها ،
....

هسع يا فتحي كلامك دا، فرقو شنو من ونسة وجدي الأسعد الأسعد؟
و بعدين انت و زين شغلتكم شنو بالقرآن؟
كدي إختبر نظريتك دي مع آية الملاعنة
و بديك لحدي الصباح لو ما جبت الآية و قفلت البوست دا، بجدعو ليك في الخور مع بوستات عباس الشريف
انتو قايلين لما تجيبوني الطيش خلاص بتخوفوني و أي زول يجي ينظر على كيفو!






ى

[imported_فتحي مسعد حنفي]

المشاركة الأصلية كتبت بواسطة رأفت ميلاد

ياخ يدوبك أنت دخلت الظلام من أوسع أبوابو .. ياخ الدين دا ساهل شديد .. ما تبارى الناس البفلسفوه ديل .. بطلعوك أف بويت ..

غايتو قبال ما يجى بابكر عباس .. هسة كلامك الفوق العفيتك منو ده .. كل الآيات الإتضمنها ليها مضمون ومعنى .. ضيعتها كلها فى (أمرأة وزوج) .. وفلسفة فى اللغة العربية وطلعت مرت زكريا زوجة ناقصة زى المملوكة عشان ما بتلد .. ياخ دى حملت بعد سن اليأس .. فى عبرة أكبر من كدة ..

والدين ياخ الدين ده ما بتاع العرب .. الباكستان بس قدر العرب عشرين مرة .. يعنى كان ترجمت الآيات بالفارسى والأردو والألبانى .. يفضل المعنى الحقيقى وتضيع كل فلسفتك دى ..
بالألمانى زوجتك يعنى (Deine Frau) أمرأتك (Deine Frau) .. تفلسفا ليهم كيف ..

ياخوى نحن ما ناقصين تفجير أحزمة ناسفة .. أصلها بتبدأ كدى .. وفلسة العصر بقت يا تتفنن فى الدين زى جماعتك ديل بالموجب ولّ بالسالب زى ناس القمنى .. وكلو أكل عيش ..

أنا أهديك على الدين كان الله يغفر ليك البلاوى ديك كلها .. (بنى الأسلام على خمس) أقبض فيهم قوى على ضمانتى .. وأنت ما بينك بينها زراع .. يادوب شبر

تعرف يافتحى عندنا فى مدنى جلكين فوق الستين (رحمه الله) .. مايسترو (بكرة) بفتح الـ (ب) والـ (ك) .. يوم جارى آخر التربزة فى نادى الجزيرة مع ولد شاب .. الولد مزمز ورقو وضرب بية التربيزة وقال لى عمك (تسعة) .. داير يخم عمك ثبتو وبراحة كشف ورقو (جوكرين) .. الولد أتنرفز وقال ليه (جوكرين يا تافه .. الزيك ده قابض فى الحجر الأسود ويبكى)

غايتو ضحكتني يارأفتهسة جاي تفلسفا لي بالألماني..طيب بالانجليزي YOUR WIFE وبرضو YOUR WOMAN. بعدين انت عارفني ما بباري لي زول بس الكلام المرتب بحب أقراهو لدرجة اني حافظ كتير من الانجيل عشان برضو لقيت كلام عاجبني..مش برضو كلام ألله
يازول انت وبابكر أبعدو مني..ياخ الواحد يجيب الكلام داك ينطو ليهو في حلقو نجيب اكلام الزي دا تنطو لي انتو في حلقي..حلو عن سماي بقي وخلوني أحاول أصلح ما أفسده الدهر والبلزنر والبودفايسر..

[imported_أسعد]

العزيز فتحي
غايتو الحبيب رأفت طقطقك عشرة صفر
وإن كنت أشد من أزرك في موضوع بوستك

هسع يا فتحي كلامك دا، فرقو شنو من ونسة وجدي الأسعد الأسعد؟

كه كه كه كه كه كه
أحيييييييييييييييييي أنا ياخ
يا بابكر أنا لمن قريت تحذير مبر ... قلت الليلة والليلة يا فتحي
بس لمن قريت ردك دا ... عرفت إنه مبر باع ذمته
أسي عليك الله ونستي مالك ومالها
لمن تسيء بيها لفتحي

ياخ بالجنبة كدة مشتاقين يعلم الله
ومشتهي لي معاك غولات كارب

[imported_فتحي مسعد حنفي]

المشاركة الأصلية كتبت بواسطة بابكر عباس

هسع يا فتحي كلامك دا، فرقو شنو من ونسة وجدي الأسعد الأسعد؟
و بعدين انت و زين شغلتكم شنو بالقرآن؟
كدي إختبر نظريتك دي مع آية الملاعنة
و بديك لحدي الصباح لو ما جبت الآية و قفلت البوست دا، بجدعو ليك في الخور مع بوستات عباس الشريف
انتو قايلين لما تجيبوني الطيش خلاص بتخوفوني و أي زول يجي ينظر على كيفو!
ى

ياخ أنا الجبتك الطيشأنا فعلا ما أديتك صوتي ودا ليهو سبب منطقي ويمكن أكتر..وكمان أنا طلعت قبل كدا الطيش وعايز أشوفك جنبي..
أول حاجة المسئولية بتحد من نشاط العضو وأهو انت شايف ودت الكاشف وشبارقة وين.
تاني حاجة العملية ما تنظير الحكاية وما فيها الزول دا جاب معلومة أنا ما كنت عارفا وأنا قريت كلامو وشفتو منطقي واقتنعت بيهو وهسة انت جيب كلام يثبت العكس وحأقوم أقتنع بي كلامك لو بستحق وأقطع علاقتي بي زين عبدالله.بس يابابكر الزول دا قاعد في ايرلندا وسط ناس ما بتفاهمو غير بالقنابل وممكن يركب طيارة يجي يصفيك زي شوربة العدس..وأنا بي صراحة الآيرش ديل ما بقدر عليهم.