انا ما ظروف
ابكي الظروف
وسافر مع نبض الهوئ
وترجم الاحساس حروف
انا ما ظروف
اشكي القمر
ليل السمر
وادعوا الوهج يضوئي ويشوف
انا ما ظروف
غنيها ليك دنية امل
وجمال في روحك اكتمل
قبل الكسوف
انا ما ظروف
انثرها خوف
وجدف بقارب من عواطف
في العواصف
وبيها طوف
انا ما ظروف
خليك ولووف
سيب التامل في الغمامه
الماره من بعد الجروف
انا ما ظروف
داؤيها ليك
واحميها بيك
وقربها تشبع فيك جوف
انا ما ظروف
بتعلمك يا قلبي همسه
ولهفه بالاشواق
تعانق في الكتوف
انا ما ظروف
كلما القدر يبعدها عنك
ليها رتب في الصفوف
انا ما ظروف
بتكون فرح
بتكون ترح
وامشيها ذي ما هي بتشوف
انا ما ظروف
مكتوبي ليك
راوض المحن
ما تسيبا تجرح في دواخلك
او تطوف
انا ما ظروف
انسا الندم
ومعاها حلق بي تواصلك وابتسامتك
زول عطوف
انا ما ظروف
بحر الحزن
منو اطلع
وافتكر انك ظروف
انا ما ظروف
|
