كبسوله البروستاتا في زمن الكرونا.

[imported_Hassan Farah]

Elfatih Elhowairis

كبسوله البروستاتا في زمن الكرونا.
نغير ليكم شويه مع الزنقه دي.
منشور مهم للغايه لكل والد وعم وجد وصديق.
دكتور الفاتح الحويرص.
استشاري المسالك البوليه. مدينه لندن. بريطانيا.
انشر لتعم الفائده
مبسوط منكم تب شايفكم قعدتو في البيت ورغم أنه في خطوره كبيره جدا وقت تنفكو الصباح وجري السوق تجيبوا الحاجات ودفسي الغاز الشايفو ده الوقت ده ما تنسوا ياخ ارشادات وزاره الصحه وفتحوا عيونكم تمام الكورونا دي خطيره ونحن هنا يوميا في لندن بندفن ٨٠٠ شخص🤔 احسن النقول ليكم الجد...عديل..والا كيف؟؟ لازم تعرفوا.. واذا اهملنا وطنشنا ساي دي بتقتل احبابنا بالجمله....سمح.. وقت الدفسي والمداوسه في الغاز ما تنسي تمرقوا بالكمامات واتلفحو تمام ونظارتك اهم شي والمعقمات وباقه مويه الكربونات كان ما عندك مطهر..العدد بتاع الحالات زاد زاد زاد ده نتيجه أهمالنا يا جماعه وراسنا القوي ده. ماتنسو جيرانكم المتعففين اتفقدوهم وادوهم اكل الله بيرزقكم وبرضو التبليغ المبكر في حالات الاشتباه والبدخلو حجر صحي مايشردو يا جماعه.
بعد ده كدي النونس الحجاج ديل وامهاتنا وحبوباتنا بالبروستاتا.
ياااا حاجه وقت يقولو ليك راجلك عندو بروستاتا النفهمك دي معناها شنو... البروستاتا دي هي غده في حوض الراجل تحححت محاوطه مجري البول بتاعو بتكبر بعد سن الاربعين وكلو مره بتخنق وبتزرد مجري البول ده يعني يبقي بولو مسرسب وبنقط...شوفي يعني من الشيب يرك في راسو ده خلاص تب الحنفيه هنا بتصقر..سمح الشكيه هنا شنو؟؟ النوريك ..كان شال الابريق وبالاخص زمن الحظر والقفله دي ودخل الحمام خلاص وااااطاتكم اصبحت واولادك الا يلزموا الحيطه لأنه قعدتو بتطول في الحمام وبتسل روحكم وده عشان بولو خلاص بقي ضعيف وبنزل نقط نقط وداير منو صبر وقعده ...وكمان الليل كلو ماشي جاي يقطع الجمار (يعني يتبول) زولك ده بزتقو البول مرات وبساعدها بي جكه عشان البول ما ينقط🏃🏾🏃🏾💦💦🏃🏾وشغال يكركب يفتح الباب ويقفل الباب يتنحنح الليل كلو ( النحنيح ده ياحاجه ما تبع البروستاتا ده لي طرد الحرامي من حوش البيت &#129315 ..كدي النواصل مع الحاج ده.. شفت ياحاج مشكلتك دي كان ما عالجتها بتزيد وتبقي عويصه تب 🤔 تاني حتجيك التهابات البول ويبقي بولك اصفر وتقيل وعفن ومرات بتجي ماده بيضاء وبولك مرات يبقي فيهو حتراب ورمل ورترت ابيض يعني ( شوائب) وحتبول دم وحتعمل حصاوي فهمتني؟ حجار يعني في المثانه ( الامبواله) وكان الحجار طووولت بتعمل سرطان في المثانه وياخ امكن ما تقدر تبول كلو كلو الا بي قسطره...نبقي لي زي ده...ولزومو شنو تتلتل ناس الحله انصاص الليالي لي مشي الحوادث..لازم تنتبه يا حاج اووووول ما تحس البول بقي شويه ضعيف او البول بقي بالدعم والدفري للبطن والقنتي امشي الدكتور طواااااالي لانو في حبوب سمحه بتفتح مجري البول وفي واحدات بصغرو حجم البروستاتا وبتتحسن وبتبقي طيب باذنه...اوعك تطنش كلامي ده وبعدين الدكتور بكشف عليك كمان لانو امكن يكون في سرطان حمانا الله وإياكم.
هنا اسمعني كويس وخلي بالك وكلم اصحابك كلهم...... انا عارف الحبوب غااااليه ولحدي ما تلقاها أو تلقي قروش الكشف ما تقعد ساي اصلو امشي الملجه أو السوق وجيب حب (القرع) حق السنه وده يا تاكلو تسالي كل يوم كمشه يدك (مرتين) يا تدرشو اوتخلي دقيق سفوفه ساي وبعدين تعرف موسم الطماطم هسه خلص لكن كان لقيت قشره الطماطم القشره (بس) ما الطماطم ذاتها اسلخها ونشفها واعملها بدره وسف منها ملعقتين يوميا...اسمع كلامي البقول ليك ده الخواجات عملوا من قشر الطماطم وحب القرع دواء وبيتباع غالي وانت عندك في الملجه دي جنبك فركه كعب وانت ما جايب خبر ..اهم شي تشرب مويه كويس بالنهار عشان بالليل ما تساسق وتحاحي جاي جاي وتصحي الناس النايمه بي كركبتك دي.
وما تنسي ابكرونا قال. ليكم..ما تجونا..لمن نجيب نتيجه الكرونا. الابريق تحت عنقريبك والصابونه جوه جيبك..
اهو الواحد مبسوط بيكم وبس ملاقاتكم بعد نهايه يوم معابكه مع كرونه لندن دي وونسناكم وفرقنا عليكم.
يلا تأمين ولأمين وما تنسونا من صالح الدعوات ولابنائكم الأطباء السودانيين المقاتلين كلهم ومن رحل منا دكتور عادل الطيار ودكتور امجد الحوراني ودكتور مهند الضاوي بايرلندا الذي انتقل الي جوار ربه اليوم تقبلهم الله جميعا.
يمكنك النشر لاي رجل فوق الاربعين سنه للفائدة العامه
دكتور الفاتح الحويرص
استشاري المسالك البوليه. لندن.

[بابكر مخير]

المشاركة الأصلية كتبت بواسطة Hassan Farah

Elfatih Elhowairis

كبسوله البروستاتا في زمن الكرونا.
نغير ليكم شويه مع الزنقه دي.
منشور مهم للغايه لكل والد وعم وجد وصديق.
دكتور الفاتح الحويرص.
استشاري المسالك البوليه. مدينه لندن. بريطانيا.
انشر لتعم الفائده
مبسوط منكم تب شايفكم قعدتو في البيت ورغم أنه في خطوره كبيره جدا وقت تنفكو الصباح وجري السوق تجيبوا الحاجات ودفسي الغاز الشايفو ده الوقت ده ما تنسوا ياخ ارشادات وزاره الصحه وفتحوا عيونكم تمام الكورونا دي خطيره ونحن هنا يوميا في لندن بندفن ٨٠٠ شخص🤔 احسن النقول ليكم الجد...عديل..والا كيف؟؟ لازم تعرفوا.. واذا اهملنا وطنشنا ساي دي بتقتل احبابنا بالجمله....سمح.. وقت الدفسي والمداوسه في الغاز ما تنسي تمرقوا بالكمامات واتلفحو تمام ونظارتك اهم شي والمعقمات وباقه مويه الكربونات كان ما عندك مطهر..العدد بتاع الحالات زاد زاد زاد ده نتيجه أهمالنا يا جماعه وراسنا القوي ده. ماتنسو جيرانكم المتعففين اتفقدوهم وادوهم اكل الله بيرزقكم وبرضو التبليغ المبكر في حالات الاشتباه والبدخلو حجر صحي مايشردو يا جماعه.
بعد ده كدي النونس الحجاج ديل وامهاتنا وحبوباتنا بالبروستاتا.
ياااا حاجه وقت يقولو ليك راجلك عندو بروستاتا النفهمك دي معناها شنو... البروستاتا دي هي غده في حوض الراجل تحححت محاوطه مجري البول بتاعو بتكبر بعد سن الاربعين وكلو مره بتخنق وبتزرد مجري البول ده يعني يبقي بولو مسرسب وبنقط...شوفي يعني من الشيب يرك في راسو ده خلاص تب الحنفيه هنا بتصقر..سمح الشكيه هنا شنو؟؟ النوريك ..كان شال الابريق وبالاخص زمن الحظر والقفله دي ودخل الحمام خلاص وااااطاتكم اصبحت واولادك الا يلزموا الحيطه لأنه قعدتو بتطول في الحمام وبتسل روحكم وده عشان بولو خلاص بقي ضعيف وبنزل نقط نقط وداير منو صبر وقعده ...وكمان الليل كلو ماشي جاي يقطع الجمار (يعني يتبول) زولك ده بزتقو البول مرات وبساعدها بي جكه عشان البول ما ينقط🏃🏾🏃🏾💦💦🏃🏾وشغال يكركب يفتح الباب ويقفل الباب يتنحنح الليل كلو ( النحنيح ده ياحاجه ما تبع البروستاتا ده لي طرد الحرامي من حوش البيت &#129315 ..كدي النواصل مع الحاج ده.. شفت ياحاج مشكلتك دي كان ما عالجتها بتزيد وتبقي عويصه تب 🤔 تاني حتجيك التهابات البول ويبقي بولك اصفر وتقيل وعفن ومرات بتجي ماده بيضاء وبولك مرات يبقي فيهو حتراب ورمل ورترت ابيض يعني ( شوائب) وحتبول دم وحتعمل حصاوي فهمتني؟ حجار يعني في المثانه ( الامبواله) وكان الحجار طووولت بتعمل سرطان في المثانه وياخ امكن ما تقدر تبول كلو كلو الا بي قسطره...نبقي لي زي ده...ولزومو شنو تتلتل ناس الحله انصاص الليالي لي مشي الحوادث..لازم تنتبه يا حاج اووووول ما تحس البول بقي شويه ضعيف او البول بقي بالدعم والدفري للبطن والقنتي امشي الدكتور طواااااالي لانو في حبوب سمحه بتفتح مجري البول وفي واحدات بصغرو حجم البروستاتا وبتتحسن وبتبقي طيب باذنه...اوعك تطنش كلامي ده وبعدين الدكتور بكشف عليك كمان لانو امكن يكون في سرطان حمانا الله وإياكم.
هنا اسمعني كويس وخلي بالك وكلم اصحابك كلهم...... انا عارف الحبوب غااااليه ولحدي ما تلقاها أو تلقي قروش الكشف ما تقعد ساي اصلو امشي الملجه أو السوق وجيب حب (القرع) حق السنه وده يا تاكلو تسالي كل يوم كمشه يدك (مرتين) يا تدرشو اوتخلي دقيق سفوفه ساي وبعدين تعرف موسم الطماطم هسه خلص لكن كان لقيت قشره الطماطم القشره (بس) ما الطماطم ذاتها اسلخها ونشفها واعملها بدره وسف منها ملعقتين يوميا...اسمع كلامي البقول ليك ده الخواجات عملوا من قشر الطماطم وحب القرع دواء وبيتباع غالي وانت عندك في الملجه دي جنبك فركه كعب وانت ما جايب خبر ..اهم شي تشرب مويه كويس بالنهار عشان بالليل ما تساسق وتحاحي جاي جاي وتصحي الناس النايمه بي كركبتك دي.
وما تنسي ابكرونا قال. ليكم..ما تجونا..لمن نجيب نتيجه الكرونا. الابريق تحت عنقريبك والصابونه جوه جيبك..
اهو الواحد مبسوط بيكم وبس ملاقاتكم بعد نهايه يوم معابكه مع كرونه لندن دي وونسناكم وفرقنا عليكم.
يلا تأمين ولأمين وما تنسونا من صالح الدعوات ولابنائكم الأطباء السودانيين المقاتلين كلهم ومن رحل منا دكتور عادل الطيار ودكتور امجد الحوراني ودكتور مهند الضاوي بايرلندا الذي انتقل الي جوار ربه اليوم تقبلهم الله جميعا.
يمكنك النشر لاي رجل فوق الاربعين سنه للفائدة العامه
دكتور الفاتح الحويرص
استشاري المسالك البوليه. لندن.

أبو علي ود خالي بلالي..
عندي لدكتور الفاتح وصفة عجيييييبة لموضوع البول الذي الدريب دآ..
لو عندك عنوانهو ولا إيميلهو...

[imported_Hassan Farah]

عندي لدكتور الفاتح وصفة عجيييييبة لموضوع البول الذي الدريب دآ.
-----------------------------------------------
ود عمتى مدينة الله يخليك لينا كدى اولا بالتبادى رسل لى الوصفة دى عندى قريبى يعانى مسكين وانت عارف ظروف السودان يجزيك الله خيرا
اوعدك اجيب ليك ايميل دكتور الحويرص

[بابكر مخير]

تعرف ود خالي بلالي
جاتني خاطرة..
قبل ما أقولها عايز أذكر البيقراك هنانا بي قصة أنهو لا حياء في العلم
كنت ذكرتا ليك في الخاص عن موضوع الرجفة وتعرف الخاطرة الجاتني تتعلق بالموضوع دآ وإحنا وبما اننا وصلنا العمر البنقول فيهو قولن لي لناس!
حق مخرفين عليهو بدي نفسي كامل الحق..
أني أقول...
الخاطرة في أنهو الطب دآ مترابطات كل دروبه في حكاية "الجنس"
شوف حبيبنا دكتور الحويرص مسالك بولية يعني عنصر هام ذكوري
نساء ولادة هم كمان عنصر هام لكن إناث
ناس الجلدية هم البيعالجو الأمراض التناسلية
النفس والأعصاب هم مكمن العاطفة والصلات "الحميمة"
الباطنية هم تستيسترون وهرمونات
صيدلة وحبوب زرقا وما شاكل
مختبرات هم ناس حساب الكمين وكتااااااااار ديك البيحقصوا لمن واحد يلقى يخترق الجدار ويجي مخلوق جبار
الدايات هم يتحشروا في الأعماق ليخرجوا لنا زهرات الحياة
الممرضات راحة وقت الضيق وبشاير فرحة
والخاطرة سارحة في حكاية الرجفة وأنواعها وأخطرها ديك اللو جات بعد السبعين بتلحق الزول وين القدرهو والأكبر منهو ساكنين...

[imported_Hassan Farah]

ود عمتى مدينة صباح الخيرات عليكم وربى يحفظكم ويحفظنا من البانديميك القاتل دا
دكتور الحويرص يغريك السلام وهذا ايميله
[email protected]

اما كلامك الوردى الفوق داك يخربنى ما فهمتو
انا قايل وصفتك دى دواء ارسلها لقريبى