المغتربين ،،،،،،،، اتحيروا ،،،،،،

*المغتربين ،،،،،،، اتحيروا*
في بدايات الاغتراب،،،،
زمن المغترب بسأل أهله و أصحابه و بالدس بسأل زولته، ،،،
انا جاي السودان،،،، اجازه،،،، اجيب ليكم شنو،، ،،
و ده كان زمن الجوابات،،،،،، والبريد،،،،
زمن المغترب بجي جاري ليهو *٤ أو ٥ شنط،،،،* كلها هدايا،،،
ناس البيت
الجيران
الاهل
الأصحاب
ناس الشغل
و ما جاورهم
الشنط،،،، ملانه ،،،،، غير مرات شئ بترسل بالبحر،،،،
جيت المغترب،،، كانت بتغير اي حاجه،،، ،
حتى ريحة البيت،،،، بعد فتح الشنط،،،،
و الناس داخله،،،، ، و مارقه،،، ،
كل زول و بكل لهفه و شوق منتظر هديته،،،،
زي توزيع النتائج آخر السنه،،،،
و في حاجات بالدس في الأكياس،،،، بمرق بيها براهو،،،
البرنامج ده بستمر كده زي تصفيات كأس العالم،،،، لحدي ما الشنط تفضي،،
و المغترب يرجع بي شنطة واحدة،،،،
الزمن ده مشي،،،،
اتطورت القصه ،،،،
من طلب الجوابات لي الطلب بالجوالات،،،
جيب لي معاك ريحه،،، جلابيه ،،، قميص،،،، جزمه،،،، توب،،،،
و للاحتياطي كده بشيل معاهو حاجات اضافيه لزوم ما يزعل زول،،،
بقت الطلبات بالتفصيل،،،،
لحدي ما وصلنا زمن الجوالات،،،،
والناس مفتحه،،، بطلب جوال متطور،،، منها يقشر بيهو،، ،، وإذا جارت عليه الايام ممكن يفكه في السوق،،،
في ناس بتابعوا المغترب نظام،،، ساعتك حلوه،،،، حزامك رهيب ،،،، قميصك فنان،، جلابيتك مبالغه ،،،جوالك خطير،،،
دي معناتها فكوا لي،،،، اديني ليه،،،،
الطلبات دي كانت بترسم خريطة تحرك المغترب،،،، بعد ما يجهز تاشيرته و يحجز تذكرته،،، بقوم يتحاوم في محلات بيع الريحه و الملابس و الاحذيه،،، والاقمشه ،،،، والتياب السودانيه ،،، والجوالات،،،
*الليله القصه اتقلبت ،،،،،،*
تفتح اي رسالة واتس آب،،،، جاياك من السودان،،، ،
فيها وصية،،،،
لا طالبين ريحه و لا قميص و لا بنطلون و لا جلابيه و لا حتى توب،،،، الجوال زاته خلوه،، ،،
بتلقى رسالة واحدة متفق عليها في السطر الأول،،،، تختلف تفاصيلها تحت،،،
*ماتنسي جيب معاك الدواء*
يلا بعد ده تعال شوف،،،،
الضغط
السكري
الرطوبه
البروستات
الدهون
الازمه
الخشونه
المعده
وجع الضهر
وجع الراس
وتحت تحت طلبات خاصه،،،
جدن ، جدن ، جدن ،،،،،،،
ودي معاها صوره عشان ماتنسي و تجيب زيها،، ،،،
مسكين المغترب،،،، تلقاهو حايم من صيدليه لي صيدليه،،،
و كل ما يدخل يفتح الواتس آب،،، بالله عندكم الدواء ده،، ،، بي كم،،، خلاص جيب لي منه علبتين،، ،، وهكذا،،،،
يشيل و يلم في الأكياس،،، ريحة الشقه زي الاجزخانه،،،،،
المسكين هو زاتوا ينسى حبوبه،،،
بعد يصل السودان،، الرسايل تتخابط ،،، قبل السلام،،،
أن شاء الله جبت لي معاك الدواء،،،،
اي زول عايز يلحق قبل المولد ده ما يخلص،،،،
و فيها كمان،،
بالله بعد ترجع ماتنسي رسل لينا منه مع أي زول جاي، ،،،
هي كانت فكرة،،،،
من شاعرنا الكتب حنبنيهو،،،
و كتب جميله و مستحيله،،،،
انه اي سوداني جاي يجيب معاهو كيس دواء،،،،
هي كانت فكره،،،،
هسه أصبحت،،،، غصبا عننا ،،،،،،
ولكم
الصحه و العافيه،،،،
ترجع أيامنا الجميله و ترجع شنط المغتربين ملانه بالعطور و أجمل الثياب النسائيه،،،،

*د. علي الشيخ*
*الحنين*
*ينبع البحر - السعودية*
*٢ سبتمبر ٢٠٢٠*

[بابكر مخير]

المشاركة الأصلية كتبت بواسطة علي الشيخ

ترجع أيامنا الجميله و ترجع شنط المغتربين ملانه بالعطور و أجمل الثياب النسائيه،،،،
*د. علي الشيخ*
*الحنين*
*ينبع البحر - السعودية*
*٢ سبتمبر ٢٠٢٠*

في 1978 كنت قايل نفسي..
من حر (مايو) وراتب المية جنيه دون قروش ولا كسر ملالين.. قمتا شارد لي همبريب الدرهم..
وصلت وكان الشهر سبتمبر.. والصيف في الخليج إندثر أعظمه وتبقى منهو أقله..
دآ طبعن ما حكوهو ليا من سبقوني..
بديت الشغل وكان أول يوم ليا أحتك بأبناء البلد وفاتحتها حيرتي عن هويتي..
عربي أنا ولا حقيقي مستعرب ولغتي مغلوطة..
عند باب المديرية العاصمة للشرطة حيث كان المعمل الجنائي حيث موقع عملي، كان يقف أحدهم وسماتهو أعلمتني أن الفرق بيني وبينه باين وما شيتن بندسآ..
نخرتهو وهكذا نحن المستعربة نسميها حين هي خشم كما هي عند العاربة، كمنقار صقر الشاهين وأكيد غير بتاع الجديان وكت كان رمز جمهوريتنا المتقلبة التسميات، حيث بدت صغيرة وقدر الحال كحكومة السودان ثم صارت جمهورية السودان وإرتقت السلم لتصبح ديمقراطية ولحقتنا ثورة ديسمبر قبل تكون كحال إيران وتبقى الإسلاموية (ذي ما بيقول دكتور حيدر) وكما تغير الإسم صاب التغيير العلم، الغريبة النشيد حافظ على نفسهو. أكيد لأن أغلب الحكومات المتعاقبة عسكرية المزاج. حتى عمنا عبد الله خليل كان منهم "جند الله"..
إغتربت..
وكان الراتب مريح يكفي الأسرة الصغيرة ويمتع أهلي بتاعين الأسرة الأكبر شوية، فكم تأهل بعضهم وكم درس بعضهم وكان حالي مقسوم بيني وبين شيخي "قسيم"..
كان الراتب مستغل في كل أوجه الخير فعم الأهل وبعض من القبيلة..
كان لراتبي وزير شامل فالوالدة "مدينة" عليها الرحمة كانت..
للمالية والمحاسب العام ومسئول التخطيط والمسئولة عن الصحة العامة والتعليم العالي والرعاية الإجتماعية والأسرية وتنمية الريف والحضر..
لم تسأل يوم عن قروش فهي كانت محافظ البنك وولم تطلب دواء فهي كانت مخازنها دوما مليئة ولكنها كانت ذآك النوع من البشر..
صاحب اليد الممدودة والعطاء غير المحدود..
بتذكر رجعتا من الإغتراب بحاوية مع صغرها.
وسعت لك أثاث منزلي وحمدت الله كثيرا بأني لم أملك حينها عربة وإلا كانت تكون حجرة عسرة فالحاوية ما كانت لتسعها...
ودي كانت الحيرة الوحيدة العشتها أيام إغترابي
تعرف يا دكترا..
ذي ما عندنا بيقولوا الزول من أيتها جنس شرب من موية النيل أكيد تاني راجع...
فأنا ضقتا درهم الإمارات وجيت تاني راجع بعد عشرين سنة..
وظنيتني لمن أغادر وما بيكون عودة من تاني...
ويبقى فراق الطريفي لي جملهو..
لا شنط ولا روائح وعطور......

متعك بالله بالصحه والعافيه، ودعوة خاصه هي راحة البال،،،،