دموع الرصاص

[حافظ حسين]

المشاركة الأصلية كتبت بواسطة مي هاشم

حضور ومتعة عالية جداً يا حافظ..
وبوافق سماع في تعليقها كلو وبضبّانته كمان..








مرات لما اقرا ليك بستكتر على نفسي أكون بعرفك شخصياً كده
( ده من باب القَشرة بمعرفتك وكده) gapgap

القديسة مي الليله الحضرة في حمد النيل
إنتي عارفة من الليله حاسميك القديسة ساق سلد.... خلي الأم وشيلي الولد....
و طبعاً دا يا مي آخر علاجات الريفيات في الولادة سابقاً (سابقاً دي مهمة), المهم يا مي البتتعسر في الولادة بغنوا ليها....
يا حلال الحاملا
من غلام جاهلا
جبرين نادي ربه جا
حلاك من دون جزا
و لو جبرين ما قام بالدور كويس , يغنوا للأم
يا ستي فاطنة نادي لي أبوك
أبوك يا فاطنة حلال المدروك
بعديها بشوفوا انشاد تاني .... المهم بعد تنتهي كل الاناشيد لو ما في حل في النهاية بلجئوا لساق سلد عشان يضحوا بالطفل لإنقاذ الأم .... دا كان في السابق ... هسي بقي عندنا الحكماء بكتلوا الأم و الجنين عشان ينقذوا الأب.....
و يا عذابات الانثي الريفية
تشكرين يا قديسة

[حافظ حسين]

المشاركة الأصلية كتبت بواسطة البديري

حفوظ.. الظاهر عليك مابتجى إلا بدق!

هههههههههههههههههههههه
كيفك يا بديري
مش الضرب ينفعهم و العلم يرفعهم كمان؟
و تييييييييييب
تشكري يا جميل علي المرور البنفسجي

[حافظ حسين]

المشاركة الأصلية كتبت بواسطة بابكر عباس

خطير والجائزة (العِجلة) هي الأخطر!
عند الأبالة، لو في زول أهدى ليك بكرة ما إتمرحت لسع، بيكون قدرك تقدير كبير خلاص.
برضو تذكرت العذراء الكان برموها في النيل أيام الجفاف، لكن ما عرفت كيف أحشرها هنا؟!
الجزء الأخير (المداخلة رقم 5)، صياغتو، محتاجة شغل شوية، لكن لو أهل مكة قالوا: سمح، أعفي لي.

أوووه بابكر عباس ...
طبعاً يا بابكر ثقافة الأبالة دي أنا منها ما بعرف الا بنت لبون و قحبة و قحة الأدونا ليهم في المتوسطة ديلك.... في مقادير الذكاة ... يا خي الاريا دي نحن عاملين لينا منها بلك جماعي .... زمان و كنا صغار بحذورنا من حاجتين البحر و الأبالة, و البحر أرحم طبعاً لأن الناس بتلقي الجثة في النهاية و تدفنها, لكن الأبالة ديل براهم, في حكاية أنهم بخطفوا الشفع الصغار و بربوهم يبقوا رعاة .... لكن لحد هسي ما حصلت حادثة زي دا لا في حلتنا لا في حلة تانية.....
تشكر يا ملك علي التداخل و رأيك محل إعتبار

يا خي و ديني عجبتني البكرة الما إتمرحت دي ... أنا و الله عارف معني إتمرحت دا من الصياغ .... يعني الزول ممكن يستخدمه في شتيمة مفيدة من غير من اللايحة تشيله.....

[أبوبكر عباس]

المشاركة الأصلية كتبت بواسطة حافظ حسين

أوووه بابكر عباس ...
طبعاً يا بابكر ثقافة الأبالة دي أنا منها ما بعرف الا بنت لبون و قحبة و قحة الأدونا ليهم في المتوسطة ديلك.

يا اخي قحبة دي، دخلتها ساكت! القحبة هي المرأة الداعر، وما زالت الكلمة تستعمل في الخليج. وبعدين يا أخوي، قحبة دي يا ها الكتلت المتنبي على يد فاتك الأسدي لمان هجا ود أختو ضبة بن يزيد الاسدي:
وَما عَلَيكَ مِنَ العارِ
إِنَّ أُمَّـكَ قَـحـبَـة
وَما يَشُقُّ عَلى لكَلبِ
أَن يَـكونَ اِبنَ كَلبَة

[حافظ حسين]

المشاركة الأصلية كتبت بواسطة بابكر عباس

يا اخي قحبة دي، دخلتها ساكت! القحبة هي المرأة الداعر، وما زالت الكلمة تستعمل في الخليج. وبعدين يا أخوي، قحبة دي يا ها الكتلت المتنبي على يد فاتك الأسدي لمان هجا ود أختو ضبة بن يزيد الاسدي:
وَما عَلَيكَ مِنَ العارِ
إِنَّ أُمَّـكَ قَـحـبَـة
وَما يَشُقُّ عَلى لكَلبِ
أَن يَـكونَ اِبنَ كَلبَة

طيب مقتبسها مالك ما انا كان ممكن أعدلها فوق يا خي؟
قحبة و تعني متمرحة صح؟

[أبوبكر عباس]

المشاركة الأصلية كتبت بواسطة حافظ حسين

قحبة و تعني متمرحة صح؟

ابدا، الناقة ليست بقحبة، لأنها تُعاشر فحل واحد وتحمل منه، أما الكلبة ممكن نطلق عليها مجازا قحبة، فهي من الممكن أن تحمل من اكثر من كلب في نفس الوقت. ما شفت الكلاب في الشتاء بكونن ملمومات حول الكلبة المٌيسرة كيف؟!

[خال فاطنة]

يا عمك صباحاتك بهجة...
جميل الشغل دا ياخ..
يا ريت الزول كل ما يغيب ليه يومين يجي يلقا ليهو طبق زي دا، بكدى ممكن الليلة نجلي كبدة الإبل عادي

[حافظ حسين]

المشاركة الأصلية كتبت بواسطة خال فاطنة

يا عمك صباحاتك بهجة...
جميل الشغل دا ياخ..
يا ريت الزول كل ما يغيب ليه يومين يجي يلقا ليهو طبق زي دا، بكدى ممكن الليلة نجلي كبدة الإبل عادي

يا حبيب و الله موافق علي البرنامج دون اي تردد يلا ابل ابل ......
يا خي الزول يباري أولاد الأقاليم و علي قول تماضر (اولاد الحلة)’ يا خي الزول يباريهم يأكلوه جنس مصايب

[رأفت ميلاد]

المشاركة الأصلية كتبت بواسطة حافظ حسين
أها يا رأفت أتفقت لي مع بابكر عباس؟
يا خي دي كربة شنو دي؟
يا حبيب قرايتك مع تقدير و بالجد حأراجع النهاية و صدقني وقت قريتها بعد كلامكم حسيت ان فيها حاجة ما تمام, يعني في عترسة حاصلة....
شكراً يا حبيب

لا لا ياخ .. ما تشيل النهاية وتخت غيرا .. شيلا وواصل الرؤيا الى ما لا نهاية

نسيت أقول ليك .. بابكر شنو البتفق معاهو .. هو كلام زى بخش راسو .. والله يطرشق .. ده لا فيه ناقة ولا جمل

[اشرف السر]

ازيك يا حافظ


"دموع الرصاص" واحد من اتنين

قصة لبستها توب القصة القصيرة

او فصل من رواية - ممكن تقول رواية قائمة بذاتها


اجملت كتير من التفاصيل وخليتنا مشحتفين - لما اكتفيت لالاشارة وما وضحت لينا دا شنو.. مثلا
- ما هي "قبيلة التيتان"؟ وأين تعيش وتفاصيل حياتهم الاخرى.

- شخصية "العاقب" كشخصية محورية.. من ابوه وتفاصيل عن امه وجده
- عادة القبيلة التي تعتمد على النظام الامومي لا الابوي في عاداتها.
- تفاصيل عن التراتيل والتعاويذ التي القاها رجال الدين.. من هم رجال الدين وصفهم لينا ياخ
- جبل اب ريكه والمغارة التي فيه وسر ارتباط المفارة بستي ساق سلد
- تفاصيل عن تجار البلد والشرتاي ورجل البوليس في النقطة


ياخي دي عجينة رواية ما خمرتها بس

[رأفت ميلاد]

المشاركة الأصلية كتبت بواسطة اشرف السر
ازيك يا حافظ


"دموع الرصاص" واحد من اتنين

قصة لبستها توب القصة القصيرة

او فصل من رواية - ممكن تقول رواية قائمة بذاتها


اجملت كتير من التفاصيل وخليتنا مشحتفين - لما اكتفيت لالاشارة وما وضحت لينا دا شنو.. مثلا
- ما هي "قبيلة التيتان"؟ وأين تعيش وتفاصيل حياتهم الاخرى.

- شخصية "العاقب" كشخصية محورية.. من ابوه وتفاصيل عن امه وجده
- عادة القبيلة التي تعتمد على النظام الامومي لا الابوي في عاداتها.
- تفاصيل عن التراتيل والتعاويذ التي القاها رجال الدين.. من هم رجال الدين وصفهم لينا ياخ
- جبل اب ريكه والمغارة التي فيه وسر ارتباط المفارة بستي ساق سلد
- تفاصيل عن تجار البلد والشرتاي ورجل البوليس في النقطة


ياخي دي عجينة رواية ما خمرتها بس

أهو أشرف قال الغلبنى أقولو

[طيبان]

يا حافظ ياخي دا حكي مجنون وغني ويشبهك بس . لا حول ياخي .

[طارق صديق كانديك]

الاستعجال الكبير في الوصول لكلمة ( انتهينا) ما بحلك يا حافظ .

أتفق مع قراءة أشرف السر في أن هذا النص ( الذي قرأته مرات عديدة)، بدأ لي كأنه مدخل لرواية تعددت مواطن الحديث فيها غير أن الراوي سكت.

الكتابة باستصحاب الاساطير أو ما يشبهها كتابة ممتعة تستأثر بتركيز القارئ.

يقيني أن رغبة المواصلة في نفس البوست من الصعوبة بمكان، لذلك أتمنى أن تضع الملاحظات التي اثارها الجميع ثم تترك لنفسك التأمل، حتماً سيقودك الى فعل الكثير في هذا النص.

تحياتي

[حافظ حسين]

المشاركة الأصلية كتبت بواسطة رأفت ميلاد

لا لا ياخ .. ما تشيل النهاية وتخت غيرا .. شيلا وواصل الرؤيا الى ما لا نهاية

نسيت أقول ليك .. بابكر شنو البتفق معاهو .. هو كلام زى بخش راسو .. والله يطرشق .. ده لا فيه ناقة ولا جمل

كويس مش أختلفت مع بابكر كدا أنا بتفق معاي مية المية يا رأفت .... برضو المداخلة دي فيه نكتة يا رأفت متروكة لخيال القارئي ....

[أسعد]

الرمزية العالية جمالها اتفوق علي جمال السرد والحكي







يجب ان نقوقل القصة
حدسي يحدثني انو حافظ سرق القصة
سااااي بس بهتنا بدر الدين ^____^