عبد الرحيم حمدى :زيادة السكر والمحروقات (ثمن الانفصال )

[بابكر مخير]

اقتباس:
المشاركة الأصلية كتبت بواسطة عباس الشريف
سموره اصبري شوية غايتو خوافه خوف انتي خايفه بيكو ارسل ليك انصاري في بيتك سويتيها كمان بالاحمر سرعه سرعه تتخارجي
بيكو مسخن زي ابوي خلي اهل ابو الاتحادين وشبك مع الانصار اهل امو تجيبي سيرة سيدي الصادق كان بخير كان بي شر كوز المويه احصلك في وشك كان انت كان اختك الجمبك ما بفرز



لو بنرسل ليها أنصاري، ما بكون إلا بالباب وعلي شرع الله، ما البنية سمحة وبتشرفنا..
إلا إتا يابا
أبوك ما مشى بعيد، الشريف الهندي ماهو أنصاري وكل سوداني يابا حارب الترك (كمستعمر) والإنجليز أنصاري..
قالوا: سألوا الشهيد حسين الهندي، إتا ما ود أنصار الودآك بقيت إتحادي شنهو..
قال ليهم: حزب الأمة كله "فراودآ" ناس الشنقيطي وعبد الرحمن علي طه و (عدد ناس كتير من الرعيل الأول لحزب الأمة)...
لو لاحظتا أني قلتا: "قالوا"..
أمانة في النقل..
(ما لوح كسير تلج ما معروف سيدهو منهو)

[رأفت ميلاد]

المشاركة الأصلية كتبت بواسطة سمراء
ذكر عبد الرحيم حمدى فى حواره :

لا استبعد ان تتحرك القوى السياسية فى تحريك الشارع ....ولكن استبعد ان ينجحو .

عبد الرحيم حمدى ده لسة ما مات الناس دى ما بتتعظ بى غيرا كلو كلو .. ما هو لازم يعمل ليها صدقة جارية .. ويبقى المرحوم الله لا عز فيه بركة ..


قولى ليه (فالك فى سروالك .. يا إنتهازى)

[سمراء]

المشاركة الأصلية كتبت بواسطة عباس الشريف

اقتباس:
سموره اصبري شوية غايتو خوافه خوف انتي خايفه بيكو ارسل ليك انصاري في بيتك سويتيها كمان بالاحمر سرعه سرعه تتخارجي
بيكو مسخن زي ابوي خلي اهل ابو الاتحادين وشبك مع الانصار اهل امو تجيبي سيرة سيدي الصادق كان بخير كان بي شر كوز المويه احصلك في وشك كان انت كان اختك الجمبك ما بفرز

والله ديل ياعباس حرابهم راااااقده وسيوفهم
خليها ساى
برى

[عباس الشريف]

اقتباس:
المشاركة الأصلية كتبت بواسطة بابكر مخير
اقتباس:
المشاركة الأصلية كتبت بواسطة سمراء
لينا الله والله
وده شكلو الشى الحاصل ....

كنت اتمنى ان تهدى الحكومة للشعب المحزون من الانفصال ده
عزاء يبرد بطنو ....بس للاسف
توالت الضربات



الحبيبة العزيزة
إتي كما عهدي بيك
متأسف الرد المعنون ليك، المقصود بيهو عباس الشريف
أنا أمتنع عن الرد عليهو، فخوفي أنه بيسرح كتير وما عندي ليهو إلا المحبة والمناصحة..
خلينا يابا في الهم الواحد..
"سودان صابه الجزآم"



حاشا والله انت ماك الزول البسرحو معاهو كشح بي كوزك ساكت (( بس ما تكشحني بي بدرالدين)) وكلامي بلعتو يا دكتور

[سمراء]

المشاركة الأصلية كتبت بواسطة كيشو

[justify]بقراءة التصريحين يكون الحكومة عايزة تستفيد من الانفصال، والحكاية ما تناقض بين الاثنين لأنو وزير المالية قبل أسبوع قال في قناة الشروق نفس كلام محافظ بنك السودان، وأمس كان بيقول في تلفزيون السودان قريب من كلامو في قناة الشروق رغم مقاطعة مقدم البرنامج وبياختو
يعني الناس ديل بيحبوا الدربكة (الدربكة دي من النور يوسف)[/justify]

كيشو العزيز تحايا وريفة وفقدان

الدربكة دى ياكيشو الله بعلم طششو بيها عيونا واضنينا !!
ولحد الان ماتقدر تمسك ليك زول (تحلف ) بيو وبى كلامو !!
يعنى الحقيقه غااااايبة
بس الحقيقة الوحيدة الفارضة روحه ...

جموح السوق والغلاء الفات حدو ....

الشى ا

[سمراء]

المشاركة الأصلية كتبت بواسطة رأفت ميلاد

عبد الرحيم حمدى ده لسة ما مات الناس دى ما بتتعظ بى غيرا كلو كلو .. ما هو لازم يعمل ليها صدقة جارية .. ويبقى المرحوم الله لا عز فيه بركة ..

قولى ليه (فالك فى سروالك .. يا إنتهازى)

السواها عبد الرحيم حمدى فى الاقتصاد السودانى ، لى يوم الدين ماحاتمرق!!
بس حكاية الفال الفى السروال دى والله ماوقعت لى ؟؟؟

[عباس الشريف]

اقتباس:
المشاركة الأصلية كتبت بواسطة سمراء
السواها عبد الرحيم حمدى فى الاقتصاد السودانى ، لى يوم الدين ماحاتمرق!!
بس حكاية الفال الفى السروال دى والله ماوقعت لى ؟؟؟



ابو الجندي ما بتعرفي كان خشي لي زول في اضانو بسوي ليهوا شنو

[علي حاج علي]

إنها النهايات ...


اقتباس:

أخبروا السلطان،
أن البرق لا يحبس في عود ذره
للأغاني منطق الشمس ،و تاريخ الجداول
و لها طبع الزلازل
و الأغاني كجذور الشجرة
فإذا ماتت بأرض،
أزهرت في كل أرض
كانت الأغنية الزرقاء فكره
حاول السلطان أن يطمسها
فغدت ميلاد جمره!
كانت الأغنية الحمراء جمره
حاول السلطان أن يحبسها
فإذا بالنار ثوره!
كان صوت الدم مغموسا بلون العاصفة
و حصى الميدان أفواه جروح راعفه
و أنا أضحك مفتونا بميلاد الرياح
عندما قاومني السلطان
أمسكت بمفتاح الصباح
و تلمست طريقي بقناديل الجراح
آه كم كنت مصيبا
عندما كرست قلبي
لنداء العاصفة
فلتهبّ العاصفة!

و لتهبّ العاصفة!

[عابد عقيد]

اقتباس:
المشاركة الأصلية كتبت بواسطة سمراء
زمان الناس لمن نميرى زاد رطل السكر ، ما انتظروهو يرجع
وشالوهو برة ..!!

اسع الخوف معشعش فى قلوب الناس من اى اشاعه بتات مسيرة ...
يعنى الناس بقت تقول مامشين الليلة الشغل ولا اولادنا بنخليهم يمشو المدارس
عشان احتمال تحصل مشكلة !!!
سمح البمرق منو ؟؟؟



الغالية سمراء / تحياتي

المسألة مسألة يأس اكثر منها مسألة خوف وهذا في اعتقادي ..... الشعب السوداني طيلة تاريخه النضالي يقدم التضحيات واثري الساحة السودانية بباقة من شهداء الديمقراطية ..... ورغم ما يقدمه تأتي الوجوه المألوفة للتتلاعب بمقدّراته وقضياه التي قدم الارواح من اجلها وهذه الوجوه القديمة لازالت تجلس علي قمة القبائل السياسية المتواجدة في الساحة الان .... اذن لماذا يخرج المواطن حتي يلدغ من الجحر عدة مرات ؟؟؟؟؟؟ فاذا كانت هذه القيادات جادة في تغيير مسارها القديم فلا بد ان تؤكد لجماهير شعبنا عمليا انها جديرة بأن تجلس علي كراسي الحكم .... يجب علي القيادات السياسية ان تتقدم الصفوف الان لتقف في جه الصلف الكهنوتي كي تفدي هذا الشعب ولو مرة طيلة تاريخها .... الم تتبجح هذه القيادات لخدمة هذا الشعب ؟؟؟؟ فلماذا تضع يدها في الماء البارد و المواطن المسكين يكتوي بنيران الانقاذ ؟؟؟؟ ولان العمل السياسي ليست شرشحة ولا قشرة ... فالعمل السياسي تضحية .... فاذا لم تخرج تلك القيادات لقيادة الشعب السوداني في الحارة فهي ليست جديرة بأن تقوده وهي في كراسي الحكم ..... وإلاّ ستكون المقولة المشهورة صادقة ... بأن الشعب السوداني شعب عملاق يتقدمه الاقزام .....
لست ادري الي اي قبلة سيصلّي هولاء صلاة الوطن ؟؟؟؟؟؟؟؟؟؟؟؟؟؟؟؟
ولكن الله في ياعزيزتي

سلامي لك ولضيوفك

[محمد الجزولي]

الصديق عابد
تحياتي



اقتباس:

وإلاّ ستكون المقولة المشهورة صادقة ... بأن الشعب السوداني شعب عملاق يتقدمه الاقزام .....





وبالفعل هي تنبؤ صادق من الأستاذ محمود محمد طه قبل عقود من الزمان .. وأنظر مااَلت له البلاد ! ونعم للنظام الحاكم بشقَّيه مسئولية عُليا في ذلك ولكن لا نغفر لمتقدميننا مسؤليتهم الجسيمة ايضاً ، فماأل له الإنفصال {إذا حدث!} والتمزق الفعلي الموجود ، عمل عليه متقديمننا رداحاً من الزمان ، يسلمهم الشعب الحكم بعد نزيف فيرتعون في خلافاتهم وتكبير أكومهم والنبيح في مامضى وزبح الشعب في نفقات كذابة ، حتى إذا ما أتتهم السانحة اَبان تقدمهم صفوف معارضة النظام وهي بالاصح سانحات لقطم رقبة النظام أهدروها في الجدالات الفضفاضة ومنهم من باع الجدية بحفنة بنكنوت .. فهم بمجملهم كده {سوري للكلمة } أقزام لا مفر من ذلك ..

(فالرحمة وقبس النور لأستاذنا محمود محمد طه)

فالجنوب رأى لا خيراً في هذا ولذاك .. والله يستر ليهم من متقدمينهم ! ..

ام شعبنا ده فسروا باتع على ماأظن ..

[عابد عقيد]

اقتباس:
المشاركة الأصلية كتبت بواسطة محمد الجزولي
الصديق عابد
تحياتي



اقتباس:

وإلاّ ستكون المقولة المشهورة صادقة ... بأن الشعب السوداني شعب عملاق يتقدمه الاقزام .....





وبالفعل هي تنبؤ صادق من الأستاذ محمود محمد طه قبل عقود من الزمان .. وأنظر مااَلت له البلاد ! ونعم للنظام الحاكم بشقَّيه مسئولية عُليا في ذلك ولكن لا نغفر لمتقدميننا مسؤليتهم الجسيمة ايضاً ، فماأل له الإنفصال {إذا حدث!} والتمزق الفعلي الموجود ، عمل عليه متقديمننا رداحاً من الزمان ، يسلمهم الشعب الحكم بعد نزيف فيرتعون في خلافاتهم وتكبير أكومهم والنبيح في مامضى وزبح الشعب في نفقات كذابة ، حتى إذا ما أتتهم السانحة اَبان تقدمهم صفوف معارضة النظام وهي بالاصح سانحات لقطم رقبة النظام أهدروها في الجدالات الفضفاضة ومنهم من باع الجدية بحفنة بنكنوت .. فهم بمجملهم كده {سوري للكلمة } أقزام لا مفر من ذلك ..

(فالرحمة وقبس النور لأستاذنا محمود محمد طه)

فالجنوب رأى لا خيراً في هذا ولذاك .. والله يستر ليهم من متقدمينهم ! ..

ام شعبنا ده فسروا باتع على ماأظن ..



الزول السمح ود الجزولي كل سنة طيب يا شفيف .... والتحية للاستاذ الشهيد
الشعب السوداني معلم الشعوب الان يعيش تحت رحاية الطحين والهياكل تتفرج علي ماساته فاذا كانت هذه القيادات جادة فلديها الفرصة الان لتثبت للشعب السوداني جديتها تجاه قضياه .... فلا بد لهم تقدم الصفوف ....
ولكأنّي اري الشعب السوداني يرفض المواجهة بالانابة مرة اخري ...

سلامي لك والمعاك هناك

[رأفت ميلاد]

المشاركة الأصلية كتبت بواسطة سمراء
السواها عبد الرحيم حمدى فى الاقتصاد السودانى ، لى يوم الدين ماحاتمرق!!
بس حكاية الفال الفى السروال دى والله ماوقعت لى ؟؟؟

والله أنا ذاتى ماعارفا .. لكن حبوبتى كانت بتقوله كده .. للزول البتكهن بى حاجة ما بتعجبا .. ما عندكم حاجة جارا مخاوا .. تسأليها ..