السماح يا فيصل سعد

[الرشيد اسماعيل محمود]

المشاركة الأصلية كتبت بواسطة كيشو

ما حقة ولا شي؛ دا كريم، خليهو يتمسح، ما اهو الناس بتتمسح بالسلطة، الحصل ليهم شنو؟
اتمسح يا ولد الحبة ما بتجيكانتا شوية؟ انتا من طيار لي طيارة ومن مؤتمر لي مؤتمر
الحاقدين الضارباهم الكتاحة ديل ما عليك منهم

أنا غايتو من يوم نصّبوك "فتي المنتدي"، عرفت دة بحصل!


التوقيع:
حاقد ضارباهو كتاحة

[جيجي]

المشاركة الأصلية كتبت بواسطة مهند الخطيب

انا مافتحتها لكن شفت شعرو يلمع زي تلاليش أهلنا في مقرات لمن يعصرو على الفازلين حين شتاء
أقول ليك قال لي الصبار بنفع الشعر تقول لي افتحا ؟؟ هسي كان طعنتني شوكة أقول يامنو ؟؟!!

شكلوا عايز يحول لشيخ الامين

[كيشو]

المشاركة الأصلية كتبت بواسطة جيجي

بس حافظ دا مابقدر احالفك فيه

(أحالفك- أخالفك)
شفت النقطة بتفرق كيف؟
حافظ مالو؟ ومالك ما بتحالفيني فيهو؟
أحسن ليك تسمعي كلامي
ما يغروك الناس التقال الفوق ديل؟ انا وحافظ قادرون عليهم
بعدين دي فرصة تصارعي مستويات ذي دي، السي في حقتك حتكون مقنعة جدا

[عكــود]

المشاركة الأصلية كتبت بواسطة كيشو

ما حقة ولا شي؛ دا كريم، خليهو يتمسح، ما اهو الناس بتتمسح بالسلطة، الحصل ليهم شنو؟
اتمسح يا ولد الحبة ما بتجيك
انتا شوية؟ انتا من طيار لي طيارة ومن مؤتمر لي مؤتمر
الحاقدين الضارباهم الكتاحة ديل ما عليك منهم

يا مولانا حتى في ركوبو الطيارات دي، كان متسق مع نفسو وكان بيكتب عنها بوستات من شاكلة "الكوارع التركية".
بعد ده إتوقّع يكتب بوستات من شاكلة "الأقحوانة الفنلندية".

للضمان كده، أدعو ليهو بعد صلاتك.

[عكــود]

المشاركة الأصلية كتبت بواسطة جيجي

شكلوا عايز يحول لشيخ الامين

[الجيلى أحمد]

بعد صلاتك ودعاك ياكيشو, الزول دا كان مااستعدل
الا نكتفو

[مهند الخطيب]

المشاركة الأصلية كتبت بواسطة عكــود

يا مولانا حتى في ركوبو الطيارات دي، كان متسق مع نفسو وكان بيكتب عنها بوستات من شاكلة "الكوارع التركية".
بعد ده إتوقّع يكتب بوستات من شاكلة "الأقحوانة الفنلندية".

للضمان كده، أدعو ليهو بعد صلاتك.

أو المسافة الكندية

لا وشوف كاتب شنو فوق بلا خجلة :

عذراً يا بازخ أن كنت جلفاً

نظام الود جلف كان وده شي طارئ يعني ...!!

من يوصل هذا البوست الى عموم أهالي "بنسو" ؟؟

[الجيلى أحمد]

الحاصل دا كلو من تحت راسك انت دا يامهند,

هسه فى زول ريفى زى دا بدخلوهو ساونا!!

[حافظ حسين]

كيشو امرق لي منهم*
عشان نديهم بربطة المعلم
و لا أقول الزول بباقي حساسيته دي ينتظر سارا
لانو اصلاً ما ممكن تكون واسطة خير علي عهدي بيها
فيما يخص قضاياي
المهم سارا تجي و بردمهم كلهم

يا خي دي كربة شنو بوست اعتذار الناس يحرفوا ليك....
فيصل سعد تعال قبال الانحراف دا يزيد أكتر من كدا
و انا في السابق كنت بحب الانحراف

----------------------
الحقوق محفوظة لبت المقدم ذات فاتحة

[حافظ حسين]

المشاركة الأصلية كتبت بواسطة طارق صديق كانديك

القصة دي والله أخوك لقاها حلوة، خلينا نعصرعليها في هذا المنحنى الخطير من تاريخ الشعب السوداني

شنو؟
تعصر علي منو؟!!!!
أم قصص...
يا كانديك لا قول لي سوي قول ريم بت الجيران
عليه حاول تستعدل

[حافظ حسين]

المشاركة الأصلية كتبت بواسطة الجيلى أحمد

حلاتو..

الود الحساس دا ماعرفتو
انتو حبوب الحساسية دى بتلمو فيها وين؟

ياأخى والله أنا بقيت شايل هم لبابكر عباس,
ماممكن تبقى عليهو انت وناصر

و الله يا الجيلي ما حساسية انا غلطت علي فيصل و أتحمل غلطي
و بعدين حد الحساسية بعد شوية بترفع و برجع ليكم بالونسة البتفتف منها ناصر و بتودي أمال و سارا العناية و علي أجمل الفروض الحوادث ....
الغريبة المداخلة دي كتبتها بالنهار و الشمس فوق
قلت نبدأ بفيصل سعد عشان الأمور كل ما ليها بتسخن و أهدافي كانت واضحة و محددة ....
يا خي طارق كانديك دا كان و الله الا يعمل عمايل ناصر*

------------------------
* زميلتنا في المكتب من محبي سودانيات و حكمة ربنا بتحب بابكر عباس شفت الحب المدلوق دا كيف؟.... المهم البت دي قرأت تفاف ناصر و سألتني مستغربة شوية قالت لي ناصر يوسف دا ماله بتفتف؟
قلت ليها الشهر التالت
جرت خلت لي المكتب

[حافظ حسين]

المشاركة الأصلية كتبت بواسطة عكــود

علبة شنو؟
والله ما فضل ليهو إلا "البراونيز".

ههههههههههههههههههههههه
انا هين لكن والله خال فاطنة لدور سنته دي ما يعرف البراونيز دي شنو؟
يا خي يركب العمارة بالبرشوت, أحسن منه ابوي و الله*
يشرب حليب الجرتق
و عمل للبيتزا شنو يا مهند
عكود حاول ما تتعارك مع الخنازير دي مجرد نصيحة
------------------------------------------------
* أبوي جاء من الحج و بحكي للضيوف عن تطور السعودية
كلمة اصانصير دي طارت ليها و بالتأكيد ما عندها اي مرادف محلي
بدأ يشرح للضيوف قال ليهم يا خي بتخش ليك اوضة صغيرة كدا
بدوس الغماس بوديك الدور الانت دايره انشاء ال 12
المهم لإكمال دهشة الضيوف حاول يجتهد يتذكر الأسم, عاين لأخوي الصغير و أخوي دا خريج يحمد ربنا لكن طوالي خت ان اخوي دا اصلاً ما ممكن يعرف الاصانصير قال ليه (أمشي نادي حافظ)
جاني قال لي يا حافظ ابوي مزنوق في اصانصير عليك الله ما توريه لانه أستعفني و خاتي اني ما بعرف الاصانصير
المهم عجبتني المؤامرة و مشيت ... اترمي السؤال
قلع عيوني علامة هبالة عدم المعرفة و الدهشة من تطور السعودية و قلت ليه ما عارفها....
رد للحضور المستني جيت الاصانصير ... ما قلت ليكم السعودية دي اتطورت شديد جنس الأوضة دي حافظ مشي لفرنسا ما لقاها

[سارة]

هعهعهعهعهعهعهعهعهعهعههههههههههههههاى
والله كلام يا عوض دكام
والله يا الد اعدقائى حافظ زاتها بقت مالايقة عليك
فيا حفوظى قلت لى اعتذار شديد اللهجة اللهم لا تمحننا لا تبلينا
كدى اشرب لى شاى واجى اشوف الطعمية دى
وبالمناسبة مولانا دا ما تصدقوا شديد
الايام دى بعد بقى فتى المنتدى ممكن فجعتن ينقلب عليك
بس امسك فى العرجونة قوى قال بقيت جلف قال
وانت كنت شنو يا اللخو
فيصل سعد وحاتك الخوة ما تقبل منو كلو كلو
اها النشوف اخرتها
والله ليهو حق عمى حسين يستعفنك برضو

[فيصل سعد]

السلام و التحايا للجميع ..
و ما شاء الله و عيني باردة ..

اولا يا سلفي تاكد بانه مافي زعل و مافي اي ضيق و ماك محتاج اعتذار تب و الله على ما اقول شهيد و حق الخوة و المودة .. داير تواصل في الشفافية تعال هناك في البوست الاصلي ..

بقية الشباب انا لو عارف السالفة دي بتجمعكم و تلمكم بهذه المحبة و الحراك و التداعي مستعد اسوق نفسي شخص غير محترم بالنسبة ليو و بالنسبة ليكم و من واقعنا بل من اكتر

و قوموا لفوا و كدا
يرحمكم الله ..

[سارة]

المشاركة الأصلية كتبت بواسطة فيصل سعد

السلام و التحايا للجميع ..
و ما شاء الله و عيني باردة ..

اولا يا سلفي تاكد بانه مافي زعل و مافي اي ضيق و ماك محتاج اعتذار تب و الله على ما اقول شهيد و حق الخوة و المودة .. داير تواصل في الشفافية تعال هناك في البوست الاصلي ..

بقية الشباب انا لو عارف السالفة دي بتجمعكم و تلمكم بهذه المحبة و الحراك و التداعي مستعد اسوق نفسي شخص غير محترم بالنسبة ليو و بالنسبة ليكم و من واقعنا بل من اكتر

و قوموا لفوا و كدا
يرحمكم الله ..

أحبطنى

ياخ دى فرصة كايس ليها عكود ما لقاها