التداخل - قصة - طارق اللبيب

[طارق اللبيب]

(1)

ياولد انا منتظرك من الصباح كرعي ديل يبسن من الوقاف انت بتسوي في شنو ؟.....)

..ياجماعة ده عمكم عبد الرحمن يكورك لولده حسن .. منتظره جنب العربية برة ..

حسن جا طالع قاليهو والله يا ابوي قدر مافتشت للمفتاح ده مالقيتو

قلبت اللحافات وفتشت فوق راس الدولاب وراس التلاجة ماخليت حتة ..

اوع يكون يا ابوي انت امبارح قفلتو في العربية ..

عبد الرحمن قال ليهو والله ماعارف كدي تعال تاوق بالقزاز ده شوف



..

حسن جا خت يديهو كدا ..

غطا بيهم الضو من بيهنا وبيهنا

ولصق جبهته على القزاز وبقى يعاين ..

وقال : الله .. يا ابوي ..

يهدا المفتاح مركب في السوتش ..

انت نسيتو يا ابوي امبارح ..

هسي نتصرف كيف ..؟

قال ليه جيب ليك سلكة قوية من جوة

وانا بعرف اعمل شنو اتحرك سريع ..

حسن دخل جوة يجيب السلكه..

طبعا عبدالرحمن شغال في السوق عنده دكان اثاثات زي معرض كدا وحسن اتخرج من الجامعة السنة الفاتت وفتش لشغل ومالقى شغل .

والشغل اللقاهو كلو ما بأكله عيش ..

ابوه طبعا قال ليهو سيب اللف بتاعك الفاضي ده وتعال اشتغل معاي ..

عندهم مخرطة خشب ومعرض المخرطة بعيدة من المعرض حسن ماسك المخرطة .

وابوه شغال في السوق في المعرض ..

حسن جاب السلكة وابوه راجل مسلط ومدردح ..

حشر السلكة في الباب وبقى يناتل لمن فتح التأمين بتاع الباب من جوة ..

وفتح الباب وركب ..

هههه حسن زول نكتة .حسن سايق ..

قال لابوه يا ابوي انت الحركة دي اتعلمتها وين؟ هههه

ابوه قال ليهو سيب المطاعنة وريني الشغل ماشي كيف؟

قال ليهو الشغل ماشي تمام ياجابر ثواني ..

قال ليهو جابر ثواني ده شنو؟

قال ليهو دي مسلسل زمان جابوها فيها واحد بفتح الخزنة في ثواني ..

حرامي كبير وقهقهقهقه... حسن بهظر مع ابوه ..

ابوه بعد ماكان زهجان وصاري وشو اتبسم وهزا راسو

وقال ليهو عمرك ماح تكون جادي ..

وماشين علي السوق واليوم ده كان يوم طبيعي والشغل ماشي زي الساعة

وحالتهم مستورة ..

حسن نزل ابوه في المعرض وساق العربية مشى على المخرطة ..

والمساء طبعا بخلص وبجي غاشي ابوهو يسوقه ويمشو البيت..

اها هم المساء طالعين في اليوم ده جا راجل كدا اتكلم مع عبد الرحمن .. وحسن منتظر بره ..

مابسمع في الكلام ..

حسن لاحظ انو الراجل بتكلم مع ابوه وببكي وعبد الرحمن بسكت في الراجل والراجل منقد بالجواعير والبكاء ..

ياربي الراجل ده مالو دي قصة غريبة ..

حسن .. هه

طبعا الشمار كاتلو عايز يجي ويسمع وشايفها تقيله

ماعنده حل الا ينتظر ابوه يسأله الراجل ده ببكي كدا مالو ..

المهم بعد مسافة الراجل قشقش دميعاتو وقام مشى ..

اها لما عبد الرحمن جاءحسن ساله ..

من قصة الراجل ده بجوعر ماله .؟

كدي بكرة نشوف القصة دي موديانه وين؟؟ا*

*

*

[اشرف السر]

الأستاذ طارق اللبيب...

حكي طاعم وقريب من الروح السودانية...
وبه من التشويق ما لا يخفى...

في انتظار البقية..