اقتباس:
|
كنت داير أقول في المداخلة قبل الأخيرة
|
بعد ترسنا بطونا بلحم السخل والجداد، قالوا لي صلي بينا العشاء، قلت ليهم: صلوا أنا المغرب ما صليتو وناوي أجمع بالليل خالص.
أثناء ما الجماعة بصلوا، ناديت ود الطهور قعدتو جنبي في العنقريب وعلى ضوء الفانوس عصرتا ليهو قروش كتيرة، وبديت أتونس معاهو، عرفت منو أنو أبوهو في السعودية، ونعمات خالتو ومتزوجة في الكاهلي، وهو قعد يبكي لمان خالتو ضبحت الجداد والسخل الجابتم ليهو هدية، وهي أصلاً واعداهو بيهن من زمان... حسيت بالذنب وقمت فتحت شنطتي وأديتو الرادي السوني بتاعي.
بعد الصلاة، المداحين رصّوا البروش والعناقريب في شكل دائرة وشالوا الطارات حمسوها.
