شعر منداح تماماً

[imported_عماد الماحي]

شعر منداح تماماً
طبعاً زي ما عارفين زير السبيل بغطوهو لي شنو بنشوف ليه نحن بنكتب الشعر المنداح و هو لون شعري ابتكرته هسسسسسسسسسسسسسسسسسسسسسسع دي و من كل البحور يعني ما تقولوا الفراهيدي عمل سطاشر بحر و بعدوا جانا الأخفش ببحر سبعطاشراوي – على وزن البحر الأدبراوي – و سماهو المتدارك عشان ما يكون الحوار السبق شيخو وكدا .. أها زير السبيل بغطوهو عشان هو ما بقدر يتغطى براهو صاح ؟ .. نواصل و طبعاً اندياح الشعر لا يخرجه من كينونته من حيث إن كذلك الذي هو و هذا سنعود له في حينه باقي ألحنا مستعجلين تسعجل مبالغ فوقو آآآناس .. و أحب أن اضيف أن هناك ضرباً – ضرباً دي لذيذة حتى الشعر بقى ما بجي إلا بالضرب حكمتو بالغة – شعري اسمه أو اسميته – أبيات شعر فصيحة جنس فصوحية – و هذا لعمري إيغال – ايغال ليك كدي منو ؟ - ايغال في الفصحى لا مندوحة فيه تصب في الشعر و تأخذ منها و تلحنه بطريقة محببة للنفس ..
الشعر المنداح تماماً برضو خشم بيوت – يا حليل خشم البيوت زمان لمن تجي البت تدفق موية غسيل العدة – قال الشاعر ( أو تكشحي ماء الغسيل بجردلٍ .. يا أحلى جردلٍ شالته أحلى يدان) .. شفتو الكشح دا كيف مش زي العربي القديم ( وكشحاً قد جننت به جنونا) أنا لا افضل كشح على كشح بجامع الجمال في كل و الانسياب الجميل في كل لأن الكشح للماء مسبباً لانسيابه على أرض الشارع و قلب الحبيب و أما كشح المحبوب الجنن الشاعر العربي القديم هو ما كشح برضو مبالغة مستحيل رائع و الكشح قد يأتي في اللغة دالاً على السرعة قال عباس ود السارة – و الله اللمام كشح لينا المغرب في تلاتة دقايق بس – و الكشحة تعني العمل الذي يعمل لخلق الله و يوضع في كورة ولا كوز موية و يكشح في طريق المكشوح له مما يتسبب في مسه بشيء من الجن و الله أعلم وكدي النكشح ليكم الأبيات دي و قبل الكشحة أحب اقول ها هنا أن من أنواع الشعر المنداح مثلاً أن تقف في الطريق العام و تصف ما تراهو على السليقة و الفطرة – قطع أخدر بكلام أهلنا – نضرب مثال بصورة الناس شافتا كتير و نشعر فيها :
حاجة فيك تقطع نخرة خشم كراع عين ابو البعرفك
شوف الخلقة و الحلاة البت تقول مافيها ذرة شناة
ما منها من رقتا لبست ليها جزمة ما حقتا
عملت ليها بقاقة في نخرتا ..!!
و منه أيضاً :
الدنيا عقاب شهر
و أنا زي ماشي على الرصيف المكندك بالوجع
رجعت لي بيتي الهناك و معاي سلطة الدكوة الشتات
و شخرت قبل المسلسل ينتهي
لمن لقيت في الحلة ماف حبة ملاح
و الكسرة كملت و انتهت ..
و جانا ليك حرامي الوجع المعاي
لملم ملايات الوهن الفي سلك الغسيل
و بنطلوني الوحيد حق الشغل
مش ثقيل؟ بالغ ياخ كدي ما حلو
وأنا زي بعافرفي الحلم أصبح رحيق لفراشة
الحلم القبيل
صحيت من اندياح كراع الحرامي
في حيط الفريق و اتخذت الشوق زبادي

[بابكر مخير]

شِعرك الفوق دآ!!!
فيهو كلامن عن البلد
قوم شعر رأسي ويمكن تكون من يوم إتلاقينا.
متذكر،،
أنه رأسي ظاتهو خالي الشعر..
وخالي الوفاق،،، الودر البلد
قطع أواصلها..
وأوصال الرحمة بت عباس.
أزورها كل يوم أقول أطمئن علي صحتها ..
ما الصحة وزارة مغلوبة علي أمرها في السودان،،
الكااااااااااااان!!
مليون ميل وبقآ منهو؟؟
مسيرة مليونية بث..
ما مسيرة على الجبهة ملصوقآ
والجبهة ياها للكيزان،
إسم
لقب وتأريخ،،
حلييييييييييييييييلهو تأريخ بلدي، القال فيهو الشاعر..
كلام هنانا ما بتقال

[imported_عماد الماحي]

لاقيتا في محطة شندي
سمحات ثمارا بتندي
عرفتني ما عرفتني .. الله أعلم ..!!
**
أبيات شعر فصيحة جنس فصوحية :
مررت على المروءة و هي تبكي ...فقلت علام تنتحب الفتاة
فقالت : إنت الشمار ليك شنو ؟!
**

[imported_أبو دعد]

السمك كان شبع بطلع من الموية
ها ناس جاتكم امانا
نضيف توبى و اللا بعيدا مدنى

[imported_عماد الماحي]

بت الفريق الجات بي غادي ..
خلت قلبي زي الجمل البعرض في الشوك ..!!

[imported_عماد الماحي]

السمحات ناهدات من سود وحُبشّن
الحلوات الجنوا ما قال لهن أمشن
يا زول يا طبيب من غير مستشفن
يا زول يانت من غير كونكشكن

[imported_عماد الماحي]

يا مجنونة في داخل روح منهوكة
بتعب الأرض الداسا ترابا
و جوة البحر القطت مويتو
أنا أديتك حق الحصة
طنطنتي براك رميتي الفكة
يا مسنوحة من وين أديك تجيبي كمنجة
و أنا معزوف بي نص تون
و عازف إنك زولة بتقرأ؟؟!
**
زيت لقيمات الفكرة الممسحة بالسمن
زلق فكرة أجيك ..
لمن نخرة سفنجة الدهشة الهنا
اطقعت ..
ربطتها بي سلك
طعن ما بيني الاصبعين لفيتو بي دلق
أنا افكاري كلها في السلك
فكرة أجر ليك سلك ..
ضحكت كديستي المعاك
و ضحكت لمن قالت لي داير شاي لبن
كبرت كديستي من اللبن
بقت تشرب شاي أحمر ..
زي التقول عندها سباق هجن..!!
**
اتقريفت لي رنة ضحكتك
مسكلت ليك من دون رقم
مسجت ليك من غير رصيد
عملت بيك بوستين هناك مجنونة
و بدون ايقونة اعتمدت مشاركتك يا قلب
رغم الخيارات متنوعة و إنت ليه متلوعة
عرضت توقيعك للبحر
فعلت بيك كل الروابط للقلب
وقفت الابتسامة تضحك علي
أرفقت ليك ستين ملف
لفيت ليك الدنيا لف
حمتني ليك موضوع لقاك
أديتا كف
نوع تبليغا كان بدون اشتراك
يا حرة مين اشتراك ؟
قيمت موضوعي المعاك
اعتمدت موضوعي ومشيت
البوست كان جوة ارتفع
سنة يا ولد .. كل الخيارات الإضافية وقفن صف
تعاين ليك راجية منك جرة قلم
و برضو شعراتك طوال.

[imported_ميسون مطر]

المشاركة الأصلية كتبت بواسطة عماد الماحي

مش ثقيل؟ بالغ ياخ كدي ما حلو
وأنا زي بعافرفي الحلم أصبح رحيق لفراشة
الحلم القبيل
صحيت من اندياح كراع الحرامي
في حيط الفريق و اتخذت الشوق زبادي

ذكرتنى قصيدة عصماء كده بتشبه الشعر المنداح ده ..قطعها (من سفنجتو) اخوى الصغير (لمن كان سغير)...والمشكلة انو قطعها فينى انا دى..بقول

زى ميسون العسل ديك
ولاّ الجدادة يا ولد؟
يا ود مالك؟
ما شربته الشاى؟
يا ود واللاى..قاعد براى..
داير منك ..شعورى ليك
قلبى ناسيك من زمان!!


--
قصة الزبادى دى كيفتنى جنس كيف

[اشرف السر]

اقتباس:
المشاركة الأصلية كتبت بواسطة عماد الماحي
يا مجنونة في داخل روح منهوكة


سنة يا ولد .. كل الخيارات الإضافية وقفن صف
تعاين ليك راجية منك جرة قلم
و برضو شعراتك طوال.


مما يحمد لشاعرنا المنداح تماما الى آخر الشارع والشارع السياسي هو المامه القانص بكل مواجيد الأحرف العربية خصائصها الصوتية- اللحنية
وهو قد فنجط في قصيدته بين ثلاثة بحور وترعتين رئيسيتين وجنابية
مما يؤهل القصيدة لتعلق جوار لستك شرامة الفريق والفريق أول..
--

تعرف يا ولدنا اكتر حاجة كيفتني هو كيفية اغلاقك لاندياح القصيدة وقفلك ليها بقولك:

و برضو شعراتك طوال

احييك بإندياح تام..

[محمد الجزولي]

تحياتي ياعمدةَّ وإعجاب منقطع النخرين أقصد النظير {هو االنظير ده شنو؟}



يأخي إنداح وأدوحنا معاك .. مافي شيتاً أصبح مُذاق لا في اللسان ولا الإحساس الاثنين غِشاهم اليباس وإتشقق مِرْق روحهم .. وفي إندياحاتك أشوف اللسان غشاهو الريق وإحساسي القبيل يبسان أتمطى ومرق من الديوان ..


وأدي قعدَّة .. ومزتنا معانا ..


ــــــ
وتسلم ياعماد الماحي لتحويل الحروف بهجة يازول يالذيذ ومانا راجين إشعار اَخر ..


عظيم تحياتي

[imported_elle]

كنت عايزة اتفتفت من الضحك:-


هبشتا رصيدي لقيتو ملان

مابكفي تمن مس كول ونسة

زي الاوقات دي بجيني شعور

العايز يسجر وما خرمان

أو عايز ينطط وخايف

يقطع شبطو ويحوم حفيان

جنيت وبقيت زي المنقا

حامضة وصفرا

وماليها امان

تتزاوغ زي بت الجيران

الشادة بلوزة وحارقاها

ما جاتك مني رسالة امس؟

أو أول أمس؟

عاين

ما قادرة اتم باقي القصة

اشتري عنوان من الدكان






حبيت اخرمج معاكون ياخ

[imported_عماد الماحي]

ميسون و سفنجة الجن الجديدقصيدة لذيييييييييييييييذة لي الغالية ميسون
المكونات :
كربونات الكيبورتات المهدرجة
سودانيات الصوديوم المخففة
خطيرة جيرة و أهل
وضع الفأرة – دقس – على إرسال رد
عمل نسخ للنص الجاني منك
يوضع في ورقة (ويرد) فاضية بالبيست
يترك حتى يحنبك لي
تلم في النص تقطعوا كلمتين كلمتين
تخلي كل سطر بادي بكلمة أو كلمتين حسب الرغبة
يحفظ في سطح مكتب جااااايط
بعد داك بتلقى أول كلمة في بيت شعرك جااااااهزة
ضع قليل من الاندياح وربك يسهل
يقدم في المستشفيات و مراكز التأهيل النفسي
يفضل من له سابق خبرة
المرجو اصطحاب الأطفال
أعمل مقدمة لي ميسون معاك
يرج النص جيداً قبل الاستعمال
و بالهناء .. و الشفاء ضربوه زمااااااااان يا مان

مقدمة :
إلى صاحبة سفنجة الشعر الجميل
علي كل حال
شبطك جميل زي جزمتك ..!
**
ذكرتنى قصيدة ... يا وجع عصبي المعاي
عصماء كده ... أو كانديك .و ما كان ليك
بتشبه الشعر ...المدهن بالحنين
المنداح ده .. ... من أنفاس غناك
قطعها (من سفنجتو) ... زي بيتزة فرح
اخوى الصغير ... بكتوا بي حرارتا
(لمن كان سغير) ... أصلو ما خاف شطتا
والمشكلة انو ... الحمار لون الشفق
قطعها فينى ... بسكين ميتة
( انا دى.. بقول .. أجمل هديل
زى ميسون .. أكيد حالي و جميل
العسل ديك .. متذكرين يا ناس
ولاّ الجدادة .. فرمطت ريسنكم كمان
يا ولد ؟ .. ماشفت الفتنة كيف بتسير
يا ود مالك ؟ .. كاشح العصير
ما شربته الشاى ؟ عديل حردان
يا ود واللهِ .. زيها ماف
قاعد براى.. أتهجأ في عينيها ديك
داير منك .. قنطار حنين
شعورى ليك ... جاييك سيول
قلبى ناسيك ... كضاب بكون
من زمان!! ... دايرك تكون لي حبيب.

[imported_عماد الماحي]

إلى إيلي و الشعر دا أليلي ..
إيلي .. جبت القصيدة حقتك المنداحة .. ختيتا و بقيت أفط سكر - شفتي آخرتا ؟؟ - المهم بقت قصيدك فاطة سطر و كدا .. فقمت جيت خاشي بي سطر تحت كل سطر- هييييييع - إن شاء الله يوم سطرك ما يجي .. أها بقت قصيدة .. و هاك ليها تاني .. تحت شعار واحدة مني و التانية منو ..
**
كنت عايزة اتفتفت من الضحكخفت اصحي الجيران
هبشتا رصيدي لقيتو ملانكملت بصلتين مليت خشمي لبان
مابكفي تمن مس كول ونسةو إنت الكنت زمان شحمان
زي الاوقات دي بجيني شعورإنو الخال لسع عيان
العايز يسجر وما خرمانيخش الغابة يكون طرزان
أو عايز ينطط وخايفتجيه في البيت علبة بمبان
يقطع شبطو ويحوم حفيانأو يدخل حفلة نانسي مع زيدان
جنيت وبقيت زي المنقافرشت الضحكة معاك كيمان
حامضة وصفراو زي ماجنتا مع السيان
وماليها امانخوة أشتر لي سجمان
تتزاوغ زي بت الجيرانقميصا الفيه كلباً سعران
الشادة بلوزة وحارقاهاأخير من كباية و جركان
ما جاتك مني رسالة امس؟عارفو رصيدك تعبان
أو أول أمس؟يوم جيت و معاك الضيفان
عاينكوم الرجالة و كوم النسوان
ما قادرة اتم باقي القصةجنب الزير شايف الكيزان
اشتري عنوان من الدكانالعيش دا بجيب سلطان
حبيت اخرمج معاكون ياخ أحبك أحبك يا زول من السودان .

[imported_ميسون مطر]

(1)
الشعر المنداح
مخرج أول

فى نسيج الشعر المنداح
لا ليل لا صباح ما برتاح
جنى وجن الشفع الفصاح ..اللداح
البيقرضو الكسرة..سااااكت كده..ويخلو الملاح
كمان لمن الاذان اذن حي على الفلاح
ابوبة الغاز طقت ..تاااااااااااااح


(2)
مالك؟
مخرج حريق


ياخ...تلفونك مالو مقفول؟؟
اوع تكون اتعشيت فول؟؟
الاسلوب ده..بالمناسبة ما مقبول..
ولااا بسمع اعذارك..مهما تقول..
ياااخ معقول؟؟


(3)
الحب البلاعى
مخرج ...ولم يعد

اواااه
ليتنى..املك سفنجةً ..خضراء اللون
صينية الصنع ..وجديييدة لنج
لكنتُ..شحطتك بيها جنس شحيييط
يا زول ..لا بعرف زيت لا معيط

[imported_عماد الماحي]

(1)
(الشعر البباح)
مدخل : لا برة ..

يا شاردة خليتي المراح
يا شافعة بالغتي بصراح
البارح فجر العصر مع النباح
قرضت لي كباية شاي بي ملاح
و شربت تورتة دايت من الأملاح
وعييييييييييييييييييييييييييييييييييييك
.... و الله للصباح .. !!


( 2)
شنو؟
مدخل : ضيّق
بترني لي مالك بنغم خجول ؟
أووووووووووووع تقولي دا ما مسكول؟
و الله لو قريتي بيطرة في ود المقبول..
و قدمتي عديل بمكتب القبول
ياخي أنا ماشي ... هناي ..اسمو شنو
أجيب قهوة لي واحد مسطول.


(3)
هووووي ها
مدخل : لقيتو مقفول

وراروووووووووك ثم عوووووووك
شفتا ولا سمعوك ؟
ليت لي يا ميسو عراقي لون بياض الطير
وليت لي يا السمحة سفنجة لونا خطير
لو قدر البشير وحدنا أو يفصلنا سلفاكير
أنا في عشيشك راك و الله تب ما أطير