يا أخي الكُبر دآ حاجة ثقيلة بشكل

[بابكر مخير]

المشاركة الأصلية كتبت بواسطة عبدالله الشقليني

حبيبنا دكتور بابكر
بقيت لي إنت فقير وفقيه وراجل تقي
كل كتابتك توبة وآيات
خلاص نسيتنا

يابا
إتا نسيت أنهو إمعانن في (تصغير) الكبير في السودان بيقولوا شنهو؟؟
ساكت ترفع عينك تعاينها وهي قدامك تتمواج ذي النسمة في هجير النهارية ومن بعد تتنسم الهمبريب البيهب بعد ما مطر الخريف يكون صابي هناك بعيد ويقوم زول يظبطك ويقول ليك!!
الفي عمرك دآ مفروض تكون سبحتهو طولهو وتبروقتهو إنطبعت فيها أثار ركبتهو..
هو شوف التوبة. بنطلبها من صاحب القدرة..
وقولتن لي الآيات؟
مرة في البوست دآ ذكرتها، أنهو مع الكُبر القبل شوية بنمحي ويفضل حق زمان..
فدحن ياهو الحفظ للقرآن بتاع الكتاب شوية من عم وبعدآك حق الإبتدائي.. بدآ حسي يظهر على السطح بعد غرقان فوق الخمسين أو ستين سنة..

المشاركة الأصلية كتبت بواسطة عبدالله الشقليني

خلاص نسيتنا

[youtube]https://www.youtube.com/watch?v=ilmnAvW6B_0[/youtube]