شخصيات من حلتنا....

[سفيان ابوقصيصة]

المشاركة الأصلية كتبت بواسطة خالد الحاج

أبوساندرا
غايتو يا زول من حكاويك الكاتبة دي إنت زول قديم خلاص عيييييك. بنات طلب ياتن يا زول يشهد الله أنا لا قدرك ولا بعرفك
بمناسبة بنات طلب ديل عندنا زول صديقنا الله يطراه بالخير أظنك بتعرفو إسمو محمد زكريا عبد الله "دفعتك" بيتهم جنب "حوش البقر" مواجه للباب الخلفي لبيت ناس صلاح حاج سعيد كان محمد زكريا يحكي عن بنات طلب وكمان (بنات الله )
وبنات الله ديل حسب كلامو كانوا ساكنين غرب النادي أو ميدان عبد المنعم الكان زمااااااان ساحة مولد وبيتهم أسه عملوه كفتريا حسب ما سمعت أن صاحبها حمدي القوصي "القمر الروسي"


يا أبو ساندرا يا أخوي كلامك ده إلا في المسنجر وبعدين يا أخي شوف ليك زول قدرك قالوا السن بتضاحك نديدها هههههههههههههههههه

يا خال... كيفنك
اتابع (بحنين) تصويرك وسردك عن الخرطوم تلاته وشخصياتها...
التحيه لك كما للعزيز ابوساندرا وانتم توقعون حركة هذا الحي...
اما بنات طلب فكانوا يسكنون بجوار النادي الاهلي جنوب الكبانيه
وبنات الله في العمارات ش واحد وكانن توصلهم امهم لمدرسة الام بعربيتها السيمكا