اقتباس:
المشاركة الأصلية كتبت بواسطة أبوبكر عباس
كنت داير أقول في المداخلة قبل الأخيرة: انو وصلنا طرف حلة مرزوق بعد عشرين دقيقة من فراق المرة لينا، دخلنا مع أبو نعمات لصالون ضهر تور وقدامو مفرشات تلاتة فرشات بلاستيك وبرشين وتلاتة أباريق، شوية والمغرب دخل. عمر وإتنين من المداحيبن شالوا الأباريق وأختفوا خلف شدر الكتر، وأنا كزول من مدني؛ إنتظرتها تضلم شوية.
قبل العشاء جانا العشا، قدحين متروسات لحم، وجردل أم رقيقة، وجردل حليب، طبق كسرى وطبق فطير وشافع مُطهر شايل ليهو رتينة. بلمحة بيطرية سريعة للقداحة على ضوء الرتينة عرفت انو المرة ضبحت التلاتة جدادات والسخل، وبسري لُمت عمر المساعد على شيلو حق ركوبن للوري من المرة وقلت ليهو (بسري برضو): فعلا تستحق النار تتشتشك يا علماني.
|
غايتو لو دي طرقيتك يا كاتبي المفضل ..
ظنيتو رشيدويه حيسبقك برواية أمشانق ياخ
غايتو حذررررررتك
