أبو أماني

[عبد المنعم حضيري]

المشاركة الأصلية كتبت بواسطة فيصل سعد

هسة بالله عليكم يا شباب واسع المدارك، بعد رسايلكم الخاصة الداخلية و الزمن الضيعتوا في التجسس و التخابر و النميمة ما طلعتوا إلا بعمود على التلب الثانوية، بئس حصادكم ايها المتشرزمان الجلاكين، طيب نصحح ليكم شوية و ننعش زهايمر ذاكرتيكما المنقرضتان،،، طبعا و بما انه العبد لله من جحافلة و فطاحلة الخرطوم الثانوية القديمة، فما في شي بوقفني نص النهار في على التلب، اللهم إلا يكون صاحبك دا صحى هانقوفر بحيرقان اندروس ما فكاو و رسلني اجيب ليو فول و قراصة نبق و دكوة من الخالة حاجة حليمة البتبيع جنب المدرسة،، بعدين الزول دا ما يلمح ليك بتقارب العمر و الغتاتة، لأنه في الغتاتة هو دفعة إبليس و ناس مسيلمة و السامري و كدا و في العمر بشهادة تسنينو أكبر مني بعشرة سنين، و في الحقيقة أكبر مني بتمنتاشر تسعتاشر مع الرأفة، و الدليل امي الله يديها العافية قالت هو اكتر زول شالني و انا في المهد و لفلف بي المحس و الدرايسة و اللاماب، و دليل آخر أشد توثيقا و انا طالب في المتوسطة كنت بمشي في الاجازة للوالد رحمه الله في الكويت، و ابن عمنا صاحبك دا كان السكرتير التنفيذي لمجلس إدارة بنك الكويت الوطني، و الوظيفة دي اغترابه الثاني بعد اغترابه الأول بالسعودية و تنقله في دهاليز الإدارة المركزية للكهرباء و المياه بمقرن الخرطوم.. غايتوا في احتمال كبير يكون دفعتك أو دفعة الكمندان بابكر، لأنه نديد و صديق المرحوم أحمد قنديل و على ابراهيم اللحو

كدي إستفزيت خيالي الأنا بفتكر إنو واسع ..... ياخ والله العظيم لا في رسايل داخلية لا غيرا ..... أنا زول قديم زي ود عمك دا والخرطوم دي لفيتا بكراع كلب .... فتخيلت ...مجرد خيال ورجماً بالغيب تخيلت إنك كنت مكسر في علي التلب ودي المدرسة الوحيدة البعرفا في بري .... ياخ أنا زاااااااتي كنت مكسر فيها. ...وبعدين شكلو إحساسي صدق بدليل الخالة حاجة حليمة.


يا يانكي هوووووووووووووووووووووووووي .... موية حامي ولا لعب قعونج ... عشان ما نقوم نحول لمدرسة الإتحاد كمان.