** دفتر غياب منتـــــــــدى الحـــــوار بســودانيــــــات **

[فيصل سعد]

المشاركة الأصلية كتبت بواسطة شبارقة

[align=justify]أصلو اليومين ديل كاتل حيلو وأنا خايفو يكون بتلـبـّد لينا زي حرامي البيض [/align]

لا كاتل حيلى لا لابد ليكم ،، موجود بكثرة و بنخم في الرماد مع ابو مناهل و الجيلي و محمد ابوعاقلة بهناك و صحن البوش ما اديك الدرب و بنمزمز ب 10 كيلو صير و دستة علب طحنية حرة و شاي و نعناع و تنباك و سجائر و شيشا و دبلكولا و حرية و بزيانوس و لويزو ادونا غشوة و كان ما لقيتونا تعالوا في كولزيوم لوج الدور التاني ..

[بابكر مخير]

المشاركة الأصلية كتبت بواسطة فيصل سعد

لا كاتل حيلى لا لابد ليكم ،، موجود بكثرة و بنخم في الرماد مع ابو مناهل و الجيلي و محمد ابوعاقلة بهناك و صحن البوش ما اديك الدرب و بنمزمز ب 10 كيلو صير و دستة علب طحنية حرة و شاي و نعناع و تنباك و سجائر و شيشا و دبلكولا و حرية و بزيانوس و لويزو ادونا غشوة و كان ما لقيتونا تعالوا في كولزيوم لوج الدور التاني ..

بهناك مالقيناك وفي كلوزيوم ما شفناك
بس قلنا نمشي الجرف القصاد البلدية
ونشوف بياعين السمسية
لأنو توحة قال: خلاك هناك جم الحواتية
وقطع شك لساتك قاعد هناك مدغمس، 100 X المية
0000
تقول الدور التاني،،، هي كلزيوم قفلوها من زمااااااااااااااااااااااااااان أو حتى أضعف الإيمان بيكونو بشتنوها

[عادل عسوم]

والله فيكي الخير ياأمولة
كانت اجازة (جميلة) مابين ديار الشايقية والخرطوم وكسلا
التحية ليكي مع صادق المودة ياغالية...وهي كذلك لكل الأحباب في سودانيات

[AMAL]

المشاركة الأصلية كتبت بواسطة adilassoom

والله فيكي الخير ياأمولة
كانت اجازة (جميلة) مابين ديار الشايقية والخرطوم وكسلا
التحية ليكي مع صادق المودة ياغالية...وهي كذلك لكل الأحباب في سودانيات

مثلك يا وضئ لايمكن تجاوز غيابه
فلك هنا وهناك وفي فجج كتيرة مساحات ود
كدا نحنا موعودين بي بوستات فخيمة عن الاجازة
واهم حاجة الديم وشارع زلط والساحة الشعبية وو

[ناصر يوسف]

الأحباب هُنا سلام وكل عام وأنتم بألف خير

رمضان كريم علينا وعليكم وإنشاء الله تصوموا وتفطروا علي خير ..

أأسف جداً لغيابي عنكم هُنا وعن سائر المنتديات وذلك لزحمة في العمل المتواصل ليل نهار والذي سيستمر حتي بعد عيد الفطر ..


لكم العُتبي وأنا أسجل غيابي عنكم

[فيصل سعد]

مسجلين غياب او بعض غياب و اختفاء و عدم ظهور

الرباطابي ، مهند بشير
شبارقة ، كيشو
لنا جعفر ، امال عبد الرحمن
اشراقة مصطفى ، تماضر حمزة
نعمات حمود ، نهى احمد
فتحي مسعد ، شوقى بدري
معتصم الطاهر ، عكود
قوت القلوب ، ممكونة
سارة النرويج ، حلم الاماسي
رأفت ميلاد ، شليل 07
خالد الحاج ، حسن فرح
رزاز معتصم ، منال
مجدي مسعد ، عبد الاله زمراوي
اسامة الكاشف ، سفيان ابو قصيصة
ابو ريم ، ابو قصي
عبد الرحيم ابراهيم العبيد ، زول الله
طارق الحسن محمد ، ميادة نبيل

[بابكر مخير]

المشاركة الأصلية كتبت بواسطة فيصل سعد

[U]مسجلين غياب او بعض غياب و اختفاء و عدم ظهور
................... و...... و..

طيب أنا ما لي أكتر من 12 ساعة غياب
ولا دي ما كفاية عشان أكون في قائمة الأحباب
أضم صوتي، صارخا
ووووووووووووووووووووينكم يا ديل

[مواطن]

Babiker Mukhayer:

طيب أنا ما لي أكتر من 12 ساعة غياب
ولا دي ما كفاية عشان أكون في قائمة الأحباب

يا خـوي إنـت فاتـح ليــك بوســت أمـن قـومي ، غيـاب شــنو البـتسـجلـو ؟ إنـت تبلـغ هنا كل 48 ساعـة لحـد ما تنـتهي قضيـتك دي

[AMAL]

المشاركة الأصلية كتبت بواسطة فيصل سعد

مسجلين غياب او بعض غياب و اختفاء و عدم ظهور

الرباطابي ، مهند بشير
شبارقة ، كيشو
لنا جعفر ،ش
اشراقة مصطفى ، تماضر حمزة
نعمات حمود ، نهى احمد
فتحي مسعد ، شوقى بدري
معتصم الطاهر ، عكود
قوت القلوب ، ممكونة
سارة النرويج ، حلم الاماسي
رأفت ميلاد ، شليل 07
خالد الحاج ، حسن فرح
رزاز معتصم ، منال
مجدي مسعد ، عبد الاله زمراوي
اسامة الكاشف ، سفيان ابو قصيصة
ابو ريم ، ابو قصي
عبد الرحيم ابراهيم العبيد ، زول الله
طارق الحسن محمد ، ميادة نبيل

شكرا يا فوفو ان شالله ما تفقد غالي رمضان كريم

[بابكر مخير]

المشاركة الأصلية كتبت بواسطة Nasir Yousif

الأحباب هُنا سلام وكل عام وأنتم بألف خير

رمضان كريم علينا وعليكم وإنشاء الله تصوموا وتفطروا علي خير ..

أأسف جداً لغيابي عنكم هُنا وعن سائر المنتديات وذلك لزحمة في العمل المتواصل ليل نهار والذي سيستمر حتي بعد عيد الفطر ..


لكم العُتبي وأنا أسجل غيابي عنكم

[align=center]مستنييييييييييييييييييييييييييين[/align]

فيصل
ازيك
مشتاقين
نحن قاعدين ومتابعين
بس المزاج شوية عكران
.....يمكن يروق
ان شاء الله

[بابكر مخير]

المشاركة الأصلية كتبت بواسطة هاشم طـه

Babiker Mukhayer:



يا خـوي إنـت فاتـح ليــك بوســت أمـن قـومي ، غيـاب شــنو البـتسـجلـو ؟ إنـت تبلـغ هنا كل 48 ساعـة لحـد ما تنـتهي قضيـتك دي

أيها الأحباب والعزيزات
الزول دا بالمناسبة خاشيييييييكم
صورتو دي قبل 10 سنين حسب قولو
يعني مجمرك ليهو يكون كدا بالميت 5
ما هو من ناس واحد، واحد 1900 وحاجة بسيطة
وهشانا حسابو كلو 48 وما فوق

[مواطن]

الكاتب الدكتور صيدلي / ركن Babiker Mukhayer

أيها الأحباب والعزيزات
الزول دا بالمناسبة خاشيييييييكم
صورتو دي قبل 10 سنين حسب قولو
يعني مجمرك ليهو يكون كدا بالميت 5
ما هو من ناس واحد، واحد 1900 وحاجة بسيطة
وهشانا حسابو كلو 48 وما فوق

حـسع يا مهيـب الجقلبـة العليك شــنو ؟ في زول سألك من سيد الصورة؟
سويت حكاية أنا و أخوي الكاشف بذاتـا.
أنا عديل كدي ما ناكر العمر ، الكلام البكتبو كلوا من أكتوبر ولى جاي .. الكعب ناس أكتوبر وغادي

[لنا جعفر]

سلام يااحباب
رمضان كريم وتصومو وتفطرو على خير

تحايا خاصة لي فيصل وود مخير وهاشم
وربنا يعيد الايام بالصحة والصفاء والسكينة والسلام
علينا وعلى الوطن والاهل والاولاد

فيصل ........
حكاية الالفة دي جننتنا جدا لكن شكلها أتت اكلها
عموما نحن هنا
وشكرا للافتقاد والعشم
وحانتلاقى في رمضان كتير
تحايا خاصة لي ناصر يوسف المجليني
وتقعدو عافية ياشباب

[فيصل سعد]

المشاركة الأصلية كتبت بواسطة ابوريم

فيصل
ازيك
مشتاقين
نحن قاعدين ومتابعين
بس المزاج شوية عكران
.....يمكن يروق
ان شاء الله

اديها موية تديك طراوة ..
و لوك الصبر .. رمضان كريم
و تحية لك و لعموم الاهل الكرام ..