البحث عن البوي فريند الشرعي

[فتحي مسعد حنفي]

المشاركة الأصلية كتبت بواسطة بابكر مخير

هل تثبت الواقعة لو سجلت فيديو ولا المحاكم ما بتقبلها
وهل يبطل حامل قربة من الفساء الوضوء
أسئلة حائرة راجيآ بن لادن ليفتي فيها
ليفت ما من شمال لكن من لف وكدآ...

والله أم التيمان أرحم
عليك الله يابوب تحكي لينا حكاية الذئب الحرسوهو الغنم..
بتي دي كانت في أمان الله لامن سوها مشرفة قامت انضمت للخوارج وخلت الواحد فينا يخاف يخرمج..عموما بالجنبة كدا كان الأربعة لسة ما تمو أحجز لي مكان معاهم عشان أنا جني فرجة

[مرافي]

المشاركة الأصلية كتبت بواسطة فتحي مسعد حنفي

عليك الله يابوب تحكي لينا حكاية الذئب الحرسوهو الغنم..
عموما أنا جني فرجة

والله الفرجة دي الله يدينا خيرا يا كبارنا

الفرجة دي باتت تنبيء بالخطر...

مش لما يكون الفلم يستحق المشاهدة..!!!!

[مرافي]

المشاركة الأصلية كتبت بواسطة ام التيمان

الزنا مشروعة للرجل
فقط محرمة للمرأة لان المرأة نفسها يملكها الرجل
و تعرف الزنا عند المرأة اما عن طريق الكشف الطبى
او عن طريق الحمل اذا كانت غير متزوجة ..!!!...

الاخت ام التيمان
حرم الزنا على الجنسين بس
عند المرأة بيكون خطروا اكبر
خوفاً من اختلاط الانساب
يعني المرأة لو حلل ليها الزنا وقامت حملت
كيف يحدد ويعرف نسب الجنين
يعني تختلط الانساب والاخ يعرس اختو والاب يعرس بنتو
وكفى مأساة اطفال المايقوما والذين بلا هوية او نسب
وليس لهم ذنب سوى ان امهاتهم زنن وحملن سفاحاً
وصاروا مجهولي النسب لقطاء
لذا هذبت الاديان السلوك البشري
لكي جم ودي

[بدر الدين اسحاق احمد]

المشاركة الأصلية كتبت بواسطة ام التيمان

الزنا مشروعة للرجل
فقط محرمة للمرأة لان المرأة نفسها يملكها الرجل
و تعرف الزنا عند المرأة اما عن طريق الكشف الطبى
او عن طريق الحمل اذا كانت غير متزوجة ..!!!...

اســئلــة مفتاحيــة :

* لماذا ( الزنــا ) غير مشروع عند اهل الاديان / اللادينيين / فى كل الثقافات والمجتمعات ؟


ام التيمان .. السؤال المفتاحــى لفتح مسارات وافاق للاحاطة بالموضوع من مختلف الجوانــب

البوســت بيتطرق الى قضايا من الاهمية بمكان :

* قضية التشريع ( من له الحق فى التشريع للبشر ) ؟
* قضية الحرية داخل المنتمين للاديان .
* مفهوم الحلال والحرام ( ما قضايا اجتهادية كما تفضلت انت )
* ملكية الرجل للمراة ( تحديد مفهوم الملكية ) ..
* التشريعات البشرية وتحقيقها وتوفيرها للامان والرفاهية للبشر ..


_____________

انت غاضبــة لشــئ مــا .. ( توضــئ وضوءك للصلاة / او غيرى مجلسك *) ثم عودى الينــا لتحدثينــا عــن مفهوم التشريع / مكانة المراة فى القران ..









ترمــة :

* توجيه الحبيب محمد عليه السلام لازالى الغضب ..

[أمين عام سودانيات]

بسم الله الرحمن الرحيم

بعد الإطلاع على البوست

وما نزال عند رأينا الذى نعتقد أنه يجد القبول لدى الكافة
والذى يعتمد فى جوهره على توسيع مساحات الحوار وتقليل الظل الرقابى
وكنا نأمل أن يقابل ذلك سلامة فى اللغة وينتج إرتفاعاً فى الوعى ..
ولا نخشى الأسئلة مهما كانت حادة , فالإيمان استقر فى النفوس واطمأنت له القلوب
حينما أثيرت ممن يطلبون بها العلم والهداية ..

لذا فليستمر النقاش فى هذا البوست , واذكر بالآتى
أن من ضمن ميثاق هذا الموقع احترام الذات الإلهيّة و الرُسُل والأنبياء و كريم المعتقدات والمقدّسَات..
نعم ,, لكل الأسئلة الصعبة وستجد بالتأكيد من بين الأعضاء من يقدم الإجابات الشافية ..
لا ,, لتلك الأسئلة التى تحمل بين سطورها مشاعر الإستهزاء والسخرية تجاه أياً كان ..

رسالتى لمن أعتقد أن فى مداخلتهم ( شطحاً ) يحتاج الى توضيح سأرسلها عبر البريد الداخلى ..

وتفضلوا بقبول التحية


النور يوسف محمد ....

[كيشو]

[align=justify]أخي بابكر
أرجو أن تسمح لي بتذكير الإخوة الأخوات عبر هذا البوست بأن على المرء أن يتقي الله فيما يكتب وفيما يدعو الناس إلى النقاش فيه، فقد يؤدي فتح البوست إلى ما لا تحمد عقباه، ويحمّل صاحبه وزر دعوة إلى ضلال[/align]

[أمين عام سودانيات]

بسم الله الرحمن الرحيم

السادة المتداخلين ..
سيتم دمج بوست ( العزيزة أم التيمان ) لمفترعته الأخت سمراء لهذا البوست
حيث أن موضوعه رد على ما جاء فى هذا البوست ..

[سمراء]

الاعزاء زول الله
عمو فتحى
عمو مخير
مرافى
بدر الدين

وافر الاحترام والتقدير على المرور .......


تخريمة :
عمو فتحى و مخير ....حقو شوقى بدرى يضيفكم للمحن السودانية

[فتحي مسعد حنفي]

المشاركة الأصلية كتبت بواسطة سمراء

الاعزاء زول الله
عمو فتحى
عمو مخير
مرافى
بدر الدين

وافر الاحترام والتقدير على المرور .......


تخريمة :
عمو فتحى و مخير ....حقو شوقى بدرى يضيفكم للمحن السودانية

عيييييك شوقي بدري ضافنا من زمان..واحنا نمشي وين من المحن المافي ألذ منها..
حقو الواحد يدور فيكي يخليكي تلعني أبو اليوم العملوك فيهو مشرفة

[سمراء]

المشاركة الأصلية كتبت بواسطة فتحي مسعد حنفي

عيييييك شوقي بدري ضافنا من زمان..واحنا نمشي وين من المحن المافي ألذ منها..
حقو الواحد يدور فيكي يخليكي تلعني أبو اليوم العملوك فيهو مشرفة

عارف ياعم فتحى ، حاجه محيرانى لحد يوم الليلة !! بالجد بدون اى فخر
من كنت فى المدرسة وانا على فكرة قريت الابتدائى فى 4 مدارس والثانوى 2 ! اى مدرسة بعينونى الالفة ! بالجد مع انو بكون مشاغبة جدا ، واى منتدى بكون فيهو مشرفة !
واى مكان امشى ليهو سبحان الله مع كرهى للفت الانتباه وانى اكون مثار انظار ..الا انى بكون مميزة جدا والله الحق وبدون فهم ....مع انى بكون صامة خشمى على وقاعدة !!
بسم بقول اذا احب الله عبدا حبب فيه خلقو ...
والحمدلله على نعمة القبول ....
وقوم لف ياعم فتحى

[كيشو]

المشاركة الأصلية كتبت بواسطة طارق الحسن محمد

؟
القصة حلها صعب والله
؟ ؟ ؟ ؟ ؟
لانه ما يسمى بزواج المسيار
والذى تفتقت عنه عقلية شيوخ
السلفية هو نسخة طبق الاصل
من زواج المتعة لدى الشيعة

[align=justify]أخ طارق
السلام عليكم وعوداً مباركاً بإذن الله
زواج المسيار يختلف عن زواج المتعة
فزواج المتعة حرام باتفاق علماء المسلمين ولكنه مباح عند الشيعة، وهو كما تعلم أن يتمتع الرجل بالمرأة لمدة محددة مقابل مبلغ محدد
أما زواج المسيار فهو زواج صحيح وشرعي، غير أن الزوجة تراعي ظروف الزوج فيما يتعلق بالإنفاق والمبيت وتحلله من ذلك، وغير ذلك فهو زواج شرعي تام ولا غبار عليه، فالرجل يتزوج المرأة من وليها بعقد شرعي رسمي ويأتي إليها كزوج وليس خليلاً
أما قولك إنه تفتقت عنه عقلية شيوخ السلفية فهو ليس صحيحاً على إطلاقه، وأذكر أنني حضرت سنة 1998م نقاشاً فقهياً حول زواج المسيار بين الشيخ القرضاوي والشيخ محمد بدير وهو سلفي ويعارض زواج المسيار ويرفضه بينما الشيخ القرضاوي هو من كان يؤيد ذلك النوع من الزواج وكان لكل واحد منهما حججه.
وعموماً فإن الشيوخ الذين تحدثوا عن زواج المسيار إنما تحدثوا عنه في إطار الفتوى حول إعفاء الزوج من الإنفاق والمبيت لظروف الزوج والزوجة (وهو بالمناسبة موجود من زمن قديم لم تتفتق عنه عقلية الشيوخ، وما حكيته لك عما دار سنة 1998م كان عن زواج موجود وليس أمراً مستحدثاً)[/align]

[كيشو]

المشاركة الأصلية كتبت بواسطة سمراء

والحمدلله على نعمة القبول ....
وقوم لف ياعم فتحى

[align=justify]يقوم يلف وين؟
زولك دا بعد يوم 24 يونيو حيكون بدأ العد التنازلي
آلاء ربنا يسعدها كانت بتعمل ليهو تنشيط ذاكرة ومعيشاهو في عهد الشباب
بعد دا فضلنا ليهو نحنا ناس المنتدى دا
والله يقوم يلف تاني ما يقيف [/align]

[سمراء]

المشاركة الأصلية كتبت بواسطة كيشو

[align=justify]يقوم يلف وين؟
زولك دا بعد يوم 24 يونيو حيكون بدأ العد التنازلي
آلاء ربنا يسعدها كانت بتعمل ليهو تنشيط ذاكرة ومعيشاهو في عهد الشباب
بعد دا فضلنا ليهو نحنا ناس المنتدى دا
والله يقوم يلف تاني ما يقيف [/align]

ماهو عشان كده ياكيشو قلنا ليهو اتصلح مع بناتك التانيات ديل
عارفنو حايتقطع ويفتش للبقراء ليهو بدل الصواطة دى

[جانيت]

المشاركة الأصلية كتبت بواسطة سمراء

ماهو عشان كده ياكيشو قلنا ليهو اتصلح مع بناتك التانيات ديل
عارفنو حايتقطع ويفتش للبقراء ليهو بدل الصواطة دى

اخخخخخخخخخخخخخ شفت البوست ده متاخر

سمورة النبي ده ما تسحبوهو عشان عندي فيه فهم

وراقدة لي فوق راي
اها بتخلوهو امشي
ولا بتشيلوهو وتفوتو علي الفرصة اخير النفوت الترحيل واقعد ليك في البوست ده

واخليهو يسيل دما في فم الشنو ديك زاتها

[سمراء]

المشاركة الأصلية كتبت بواسطة جانيت

اخخخخخخخخخخخخخ شفت البوست ده متاخر

سمورة النبي ده ما تسحبوهو عشان عندي فيه فهم

وراقدة لي فوق راي
اها بتخلوهو امشي
ولا بتشيلوهو وتفوتو علي الفرصة اخير النفوت الترحيل واقعد ليك في البوست ده

واخليهو يسيل دما في فم الشنو ديك زاتها

ياحليلك يا النايمة شماعه ...هو ما اتسحب وجاء ياااااسجم
اها عوسى عواستك لانو بعد ده انا سبلتو ...باقى شركة فيهو انا والرويعى
وانا اتنازلة عن حقى فىالميراث ليهو