حلقو لي في العربي!!

[جيجي]

تبدأ بالتخلي عن قبعتك، ثم تتخلى عن معطفك، ثم قميصك، ثم جلدك، ثم في النهاية روحك. - شارل ديغول

[علاءالدين عبدالله الاحمر]

الحلقو ليهم ديل جبانين ما اكتر ، غايتو لو الواحد أتذكر أنو راجل بكون أحسن لأنك بدون كرامتك ماليك لازمة يستاهلو لانو لو كان في مرة بت ماشة في ميدان جاكسون مرت جنب عربية الشرطة فالأفراد الكانو فيها شاغلوها وقفت وشتمتم شديد والناس اتجمعت ولما حاول واحد يضربة كف سبتت يدو وقالت ليه إبقي راجل حاول تاني المتجمهرين ثارو في اللحظة ديك فاجبروهم علي مغادرة المكان بعربتهم تلحقهم الشتائم

[جيجي]

نعم كما قيل
الشجاعة تحمل في داخلها العبقرية والقوة والسحر

[خالد غالي]

تمكّنت قوات الشعب المسلحة من القبض على بعض الشباب وحلاقة شعورهم في الخرطوم
في حين هرب آخرون

[Hassan Farah]

[AMAL]

المشاركة الأصلية كتبت بواسطة د اسامه

الحمد لله نحن ناس صلع ساااااااكت
اول مرة احس بي فائدة الصلع الوراثي

شي عجيب كلو كلو
كلو مانتحير يحيرونا ذيادة


امضاء
جمعية اصحاب الصلع والجلحات الصغيرة

يادكتور ماتطمئن
بعد شوية ممكن يكون فيها جز فروة
او الحكومة تري رؤؤسكم قد اينعت وحان قطافها

[AMAL]

المشاركة الأصلية كتبت بواسطة سارة

ابيييييييييييييت

نحمد الله هسى يقولوا فتلنا البوستgap

افتلي ساي كان تلقي شي بعد الحلاقة دي

[AMAL]

المشاركة الأصلية كتبت بواسطة مهند الخطيب

تقنية الدفاع بالشعر*

_ _ _ _ _ _ _ _ _ _ _ _ _ _

* بعد أن اثبتت شقيقتها الكبرى الدفاع بالنظر نجاحها

الممسوخ عماد عن الفيسبوك

[احمد سيداحمد]

رسم الفنان عماد عبدالله

[AMAL]

المشاركة الأصلية كتبت بواسطة أمين محمد سليمان

يا دوك ... و هل تخفى الصلع !!
ياخي أنا ما عندي أي مانع لحلاقة الديش دي ... كان لقو حاجة حلال عليهم !!

حلاقة الديش ام ايدز
بالجد ياخوانا
تفتكرو الناس ديل بكونوا راعوا لصحة الشباب ديل
واهتموا بمسألة انتقال العدوي
ولا القصة بقت ميتة وخراب ديار
حلاقة وايدز

[نبراس السيد الدمرداش]

بت ابوي
حال يمحن والله
غايتو سرقت ليك دي من صفحة عماد عبدالله

شايلين حس الديش ساكت
الليلة عيد ميلاد العقيد عبدالرحمن الصادق .. مساعد الرئيس .. صاح ؟؟
و عيد الميلاد في القصر الجمهوري - امبارح كان للعوايل .. الليلة كان للعوام -
طيب قصرنا الجمهوري ده هملة كده يخشوهو الناس بالشعر المبشتن و منفش ؟؟
قوم يا الديش و من باب مكابرة منتسبهم سعادة العقيد عبدو .. اشتغلوا فيكم ظعط .
كتر خيرهم و للا ما كتر خيرهم ؟؟
شعب جاحد و مقمل و لديح ..
يعيش الديش .. لونق لايف كولونيل عبدو .

دلوكة علوية أم دورين :
( مجروسة جات كاشه
يا بدور موسى
شايلة دياشه
يا بدور موسى
حبيبي خشّ الديش
يا بدور موسى
شان يبقى عكاشه**
نادوا لي موسى ) .

...........
** عكاشة : أشهر و أحرف حلاق كيري في عشش فلاتة 1962 - 1984م
و كان حين يفرغ من حلاقة آخر فسفوفه في الراس ( القطعية ) يديها كوراكه :
ونن زاكا قضارف تششششش

[IMG][/IMG]

[مرافي]

ياخ ما يحلقوا للشباب كان حلقوا
هم زاتن مربين شعرن لييه..؟؟؟
يا يدفعوا عليهو ضريبة يا يجزوهم جز البهايم في سوق الله اكبر...
مع العلم انو الحلاقة بقت مكلفة في السودان
مش امكن ما قادرين يدفعوا حق الحلاقه
قاموا ريحوهم وكردوا عدييل!!!!!
آمال كلو سيان جلدت حواء السودان عيانا بياناً
فالدور على الشباب ليتجرعوا بعضاً امتهان الكرامة
ياخ السودان دا الناس فاتتوا من سااي..!!!!
وآخرتا معاكم ياناس الانقاص
تراكم مسختوها ترى...

[معتصم الطاهر]

[الرشيد اسماعيل محمود]

[د اسامه]

المشاركة الأصلية كتبت بواسطة أمين محمد سليمان

يا دوك ... و هل تخفى الصلع !!
ياخي أنا ما عندي أي مانع لحلاقة الديش دي ... كان لقو حاجة حلال عليهم !!

اووووو البروف شخصيا
مرحبا بيك امينة عاما للجمعية سالفة الذكر

مالك بقيت تغيب قدر دا
ما تحرمنا من طلتك ياخ