اقتباس:
المشاركة الأصلية كتبت بواسطة محمد عبد الرحمن
سلامات كتار لي ماجد وضيوفو
وواحد مخصوص مع شاي لي بكة
ماجد تاج: دايما ما يُوصم نسوان الشيوعية بالإنفلات الأخلاقي رأيك شنو؟ في المسألة دي؟
ما تجيب لي حاجة منقولة في الإجابة بسأل عن رايك الشخصي انا . . .
|
ـ
الله يسلمك يا محمد ياخ ..
امس حاولت تعديل العنوان ما قدرت ، رسلت رسالة للامين العام ومشكور عدّل كلمة نسوان الى كلمة نساء
تخفيفاً أو منعاً من التركيز عليها أو فهمها على أنها مقصود بيها التقليل من الشأن أو القيمة
بعد التعديل مباشرة لقيت
بوست تافه نازل في الصفحة الاولى فيه
كلام تافه للغاية
حمد الله سراً وجهراً على أن الامين العام ـ أو الادارة ما عارف ـ انتبهو ليه وقامو بحذفه
المهم يا محمد البوست دا كان بقصد مختلف خالص ، وما كان للقدح في نساء الحزب
كنت عايز أدوّر الشيوعيات بطريقة مختلفة
لكن مش قادحة ، أو مهينة ، أو مقللة من القيمة
وبسبب البوست إياه غيّرت رأيي
ـ
عن الشيوعيات :
للحق ما قاع أفرز بين سودانية وسودانية على الاطلاق استناداً على أي تصنيف
أنصار السنة ، الكوزات ، الاتحاديات .. الدياميات ، الغرابيات ، الشايقيات ... الخ
كله تضمه بوتقة واحدة (
المراءة السودانية )
ما بقدر أقول عنها أي حاجة غير أنها تاج فوق الراس ـ وأنها بألف راجل
عن الانفلات الاخلاقي : لو كنت مقيم في السودان حالياً اكيد بتكون شايف بلاوي
من ناس ما عندهم حتى مجرد انتماء للبلد خلي لجهة حزبية
الله يسلّم بس ..
تحياتي
ـ
