فرصه جديده للسيد مبارك الفاضل

[فتحي مسعد حنفي]

نقطة نظام يا أحفاد بابكر بدري
الغريب في الموضوع انو خلافكم كلو مبني علي سوء تفاهم وسوء تفسير لمقصد كل واحد فيكم لما كتب الآخر0أولا أنا يمكن القول بأني أدري الناس بكما الاتنين وأعلم تماما محبة ومعزة كل واحد فيكم للتاني يعني الكلام البتكتبوهو لي بعض دا كلام زعل غير مبرر لا داعي له وان كان عندكم خلاف في الرأي فلديكم ايميلات اكتبوا فيها لبعض ردودكم0 وأنا عارف انو شوقي حيقول لأ لانو الموضوع موضوع رأي عام في قضية عامة0وأنا موافق لكن ابعدوا عن الردود الشخصية وأكتبوا زي ما عايزين في أصل الموضوع سبب الخلاف0
وأنت يابابكر أنا صباح اليوم التالي لردك الأول علي شوقي كنت قد تحدثت معك عبر المسنجر وقد شرحت لي ما جاء في ردك بأنك لا تقصد شوقي اطلاقا بالرد والمزعلك انو الكلام وصل شوقي من شخص ذكرت لي اسمه وانا لا اريد أن أذكره لأنك لم تذكره وأنه كان من الواجب أن يقوم شوقي بالتأكد من المعلومة من السيدة حرمك وشقيقك كوريا قبل أن يكتبها0ولكنك في نفس الوقت وفي ردك عليه هاجمت شوقي بحرقة الأنصاري المتعصب0
أما شوقي فقد اخطأ حينما جاراك في حرقتك ورد عليك بغضب مبالغ فيه بعض الشئ0يعني انتو الاتنين تركتو الموضوع الأساسي وحولتو النقاش الي ردود شخصية تبدو واضحة لكل من يتعمق فيها انكم تأخذون ما يمكن أن يكون جارحا وتردون عليه
لماذا كل هذا وعشان شنو يعني مبارك والصادق لخبطوا السودان وجايين يلخبطوا بينكم كمان0يتحرقوا الاتنين بي جاز انشالله وربنا يهديكم وسيبوا الزعل وما تقولوا لي لأ احنا ما زعلانين بمغالطة الرباطاب ونشاف راسهم0
دمتمتم كلاكما اخوة دائما ولكم مودتي

[بابكر مخير]

المشاركة الأصلية كتبت بواسطة فتحي مسعد حنفي

نقطة نظام يا أحفاد بابكر بدري

أحب الناس الي نفسي هموا أهل الخير، أحبة قول الخير، أصحاب عمل الخير، قاصدي الخير.
أحسنت في مداخلتك أخي الحبيب!! قولا وإيضاحا ولست لي إلا أن أشكرك علي المناصحة والنصح وليس لي إلا أن أجتر كل كلمة فيها لأصيغها فعلا وردا وتجاوبا
من خلالك وبمداخلتك هذه إسمع لي أن أستغفر أخي الأكبر وأستميحه كل العذرعلى أن ينسى أو يتناسى على أضعف الإيمان ما بدر مني من تطاول، لست رهبة خوف ولكن خوف ورهبة من غضبه.
لك وله ولأحبائي سودانيات كل العذر أن خرجت عن النص ، فهي هفوة
والله يغفر فما بالنا نحن أصعف خليقته

[شوقي بدري]

يابابكر مخير و فتحي مسعد حنفي والآخرين
أظن اكتر حاجة زعلت بابكر هي كلمة دبيب وهي خطأ مطبعي والمقصود ذبيب
وحتي كلمة ذبيب مداعبة .
المهم بابكر كان زعل ولا ما زعل ياهو حقي .
دكتور المعز مالك ابن أختي حزب امة ويبجل السيد الصادق بصورة مبالغة فيها كان يجد في منزلنا الهجوم والتحرش من الجميع وبابكر يعرف هذه النقاشات .
مبارك الفاضل حرامي وأي فرد يقول بغير هذا مكابر. آل بدري لا يشاركون في حكومات ولا يتعاملون مع السلطة لكن هم أنصار ويدعمون حزب الأمة مما يجعل الصادق ومبارك والآخرين يستغلون هذا الدعم لإيهام الناس أن آلا بدري من دكاترة وبرفيسرات ومتعلمات يقفون معنا وهم متجردون في العادة ودايما مفلسين زي بابكر . وكلامي هذا شهادة للشرف والأمانة في أهل بيتي الذين همي أهلي.
وسأعود لأقول لي بابكر كلام يحرق . الساسة سياسة والشخصي شخصي. بابكر بالنسية لي عزيز وإبن عزيز وأخو عزيزة لكنه يدافع عن حرامي قال في آل بدري وفي العميد يوسف بدري كلاما سمعته من عدة أشخاص لماذا يدافع بابكر عنه ؟
السياسة السودانية عجيبة كما ذكرت أن ابن عمتنا التجاني محمد التجاني كان نائب محافظ في أيام نميري عميل للسي أي أيه بشهادته وصديق للنائب الأول الأسبق عمر محمد الطيب ومؤلف كتاب الخيار الصعب
هذا الرجل يوظفه الشنقيطي بدري الشيوعي في مكتبنا لان عمه وعم زوجته محمد صالح عبد اللطيف زوج اختنا والذي كان ولا يزال بمثابة الأخ والوالد . هذا هو حال السودان العجيب بابكر لا يستطيع أن يزعل لسببين أنا لم أتطرق له وهو يعرف احترامي ومحبتي له وثانيا أنا أخوه الكبير حا يمش وين وقد أقول أسوأ من هذا الحديث برضو زولي.
فتحي مسعد "الحلبي" أخطأت في حقه في 68 في براغ أرسل لي قطعة شكلاتة مع الجرسونة ونحن نجلس في مقهى صيفي خارج المدينة الجامعية وكان لفتحي مشكلة مع صديقي "الحلبي" الآخر محمود إسماعيل رحمة الله عليه وقلت ليه : ترسل لي حلاوة ليه أنا مرتك ( منتهي الغباء مني) فشب لي" الحلبي" (القعلي) وأصر علي المضاربة ووقتها كنت أنا أزيد عليه بي 25 أو 30 كيلو جرام و500 معركة دموية في العباسية وحتى بعد تراجعي أصر علي الضرب الي ان اعتذرت له . وقال لي الناس كلها قاعدة تشرب بيرة لان البيرة وقتها كانت بقرش ومليمتين وانت ما قاعد تشرب لانه الكوفولا معدومة والكوفولا مشروب شيكي اشبه بالكوكا كولا وكوفولا كان اسم بابكر مخير في براتسلافا والذي يناديه به الفتيات السلوفاكيات .
صارت تربطني يفتحي صداقة لم تنقطع لليوم وان كنت قد ندمت في بعض الأحيان فلقد صار أحيانا بعد قضاء سهرة أو حفلة في داخليتنا مع أصحابه يجي يصحيني من النوم ويشيل المخدة ويدبل معاي في السرير : زح رجلينك خلينا نرقد (حلبي حقار) . أنا ما عندي معركة مع بابكر مخير لانه زولي وحقي وعندما كان في السودان السنة الماضية طلب منه الكثيرون أن ينصح شوقي بدري لأنه لن يسمع كلام أي إنسان آخر . لكن مبارك الفاضل حرامي.

التحية شوقي

[فتحي مسعد حنفي]

تعرف ياشوقي الليلة أنا اتكيفت من روحي لسببين الأول اني عرفت أرجع المياه الي مجاريها ولو انها كانت راجعة راجعة بي وبلاي0 السبب التاني اني عرفت قدر معزتكم لي بنسيان كل شئ دون نقاش0 الله يديكم العافية وفي حاجة ختوها حلقة في أضانكم انت وبابكر0 جدكم بابكر بدري لما بني الصرح الثقافي أسماه الأحفاد ولم يسميه الأانجال ولا الأولاد يعني العملو كلو كان ليكم انتو وثقتو فيكم كانت أكبر من ثقتو في أبنائه وبناته0رحمه الله فقد كان رجلا عظيما بعيد النظر فلا تحيدو عن الطريق الذي رسمه لكم0
دمتم لبعض ولي

[omrashid]

والله يا بابكر عجبتني شديد

شكرا ليك يا فتحي

حقو يسلموك ملف دارفور

لكم محبتي