الكيزان ونكران الإنتماء (الشينة منكورة) - الصفحة 12

خالد غالي · 07-05-2015, 07:05 PM

اقتباس:

المشاركة الأصلية كتبت بواسطة أسعد

لا يا حبيب كلامك دا بعيد عن كلامي
أنا كلامي بتكلم عن فعل الانتماء...
هل غلط كونو الواحد يكون كوز؟!
واذا كان غلط أذكر الأسباب

ايوة غلط!!
الاسباب هي:

اقتباس:

يا عمنا ما فعله البشير وعصبته في السودان يعتبر شيء فوق الوصف ويستحق رد الفعل...

انت فاكر عصبته ديل منو؟ ماياهم الكيزان!

خالد غالي · 07-05-2015, 07:07 PM

يا ود الخير

انت جادي في البوست بتاعك بتاع البشير كسح وماكسح داك ولا بتكاوي في الناسس ديل ساي؟!

مسألة انو الزول كوز او ماكوز دي بالنسبة لي حاجة جادة شديد ومافيها اي هظار

Hassan Farah · 07-05-2015, 07:21 PM

اقتباس:

المشاركة الأصلية كتبت بواسطة قرقاش

اسعد ياحبيب ..كل يوم تحتل فى عقلى مكان ...لك التحايا ولاحبه المنتدى
كلامك ..تمام التماااااااااااااااااااااااااام يارجل ..والله نفس ما اريد قوله وعبرت عنى باحسن مايكون
مايطلبه مولانا الجيلى ....رضى الله عنه ... هى المكارثيه بعينها ..يعنى الماكوز طالما انه راضى عن الحكومه فهو كوز او كما قال هو بنفسه ..
ولا ادرى ما الذى سيستفيد منه هو او اى حزب من تقسيم الناس الى كيزان وغير كيزان .. غير حرب وقانا الله شرها المستطير ..
ثم ناس حاكمين خمسه وعشرين سنه ... لهم محاسنهم واخطائهم ..هل ننكر محاسنهم ..عشان هم كيزان ..؟

----------------------------------------------------------
قرقاش صاحبى قلت عندهم محاسن
طيب هاتا.....عدها واحدة واحدة بس ماتبقى محاسن اسم عوين.....

أسعد · 07-05-2015, 08:15 PM

اقتباس:

المشاركة الأصلية كتبت بواسطة خالد غالي

ايوة غلط!!
الاسباب هي:

انت فاكر عصبته ديل منو؟ ماياهم الكيزان!

لا يا حبيب
عصبته ما الكيزان
عصبته هم افراد محددين تنفيذيين، تولوا زمام الأمور وفعلوا فعلتهم
وبطبيعة الحال هؤلاء الافراد لا يمكن تعميمهم على جماعة كااااملة...
تعرف يا خالد، مشكلتنا في السودان اننا دائما بنتعامل مع الحاجات بعمومياتها... ما قاعدين نخصص ونسمي الاشياء بمسمياتها... نحن بحاجة لكي نقول أنفسنا (يا ديجانقو أفرز)...
ينطبق علينا المثل القائل (عينا للفيل ونطعن في ضله)... ماذا لو قلنا:
الكيزان ديل حزب زيهم وزي بقية الأحزاب، فيهم الكويس وفيهم الكعب، ونحن أسي بنفتش في الكعب حقهم دا عشان نفش فيهم حرقة ربع قرن من الاحتقان الذاتي...
صدقني الناس في قولها لمن تخصص وتحدد الشريحة المستهدفة من الكيزان السيئيين... هذا الفعل سيزرع الخوف الحقيقي في نفوس هؤلاء العصابة... لكن لمن تتكلم بالعموم كدة بدون تخصيص، فهذا التعميم يخفف عن تلك العصابة الخوف، لأنهم حينها يعتقدون بأنه تم تصنيف آخرين معهم ... لأن التعميم يخفف عنهم احساس المسئولية الفردية المنوط بهم...
لذلك يا صديقي، الكيزان ما كعبين، الكعبين هم المخطئين والذين يستحقون السباب واللعان والتهديد والقتل والصلب والقطع من خلاف...

يا خالد ياخ لو رجعت لجوهر الاخوان المسلمين أو الجبهة الاسلامية أو الكيزان، ح تلقى أن تنظيمهم يقوم على قيم اخلاقية جميلة ويسعى لتحقيق أهداف عظيمة... لكن عند التنفيذ تحدث أشياء مختلفة عن النظريات الموفورة في دستور ايدولوجيتهم...
ودا حال كل الايدولوجيات السياسية والعرقية والدينية والاجتماعية...
زمان لمن قام ستالين بعمليات القتل الجماعي والتشريد والتعذيب ... هل معنى ذلك أن هذه الجرائم مسئولية الحزب الشيوعي؟!
ستالين انا اعتبره أعظم ديكتاتور عرفه التاريخ... الناس شالت حس هلتر سااااي والسبب لأنه هتلر قتل اليهود... وستالين قتل الاجناس الاخرى غير اليهودية، وصادف انه حارب هتلر...
بالتالي هل الجرائم التي فعلها ستالين ونظامه تتحسب على التنظيم الشيوعي أم على أفراد محددين من الحزب الشيوعي؟!

يا خالد نحن بحاجة لقليل من المسئولية في تسميتنا للأشياء بمسمياتها
أتهام الكيزان ومحاربتهم يعتبر نوع من تمييع القضية... ويعتبر نوع من الفتنة لأننا نصنع عدوا من لاشيء قبل أن نحارب...
لذلك فأني أرى التالي:
ليس عيبا أن تكون كوز
ولكن العيب أن تخطيء بحق غيرك
وهذا الخطأ يترتب عليه عقوبة بحسب القانون

أسعد · 07-05-2015, 08:37 PM

هاك يا خالد
عاوز تشوف قصة عمر البشير بالرواية السوفيتية؟!
هاك احضر الفيلم الوثائقي دا

ياخي حاجة تحيرك...
تكاد تحلف تقول أنو الفيلم دا عيشتو في السودان
تشابه وقع الحافر على الدبر عديل كدة

خالد غالي · 07-05-2015, 09:16 PM

48 دقيقة؟
انت قايلني في شهر العسل

انا فاهم كلامك تماما، وقادر اتلمس وجاهتو، لكن ماشايفو واقعي او تقدر تقول انو امثل من اللازم، رومانسي ؟! المهم كلامك ده بيدرجك بامتياز في شلة الرومانسيين والعصافير مع ناس طارق كانديك

الجيلى أحمد · 07-05-2015, 09:48 PM

وجدى سلام،
لسه مالاقى زمن أكتب فيه..
لحدى ماألم فيه
يااخى اتمنى بالجد ان تكلف نفسك عناء مطالعة البوست الذى تكتب فيه ومادته ومطالعة مارددت عليك به أيضا..

مادخل جوزيف استالين وكريشنا مورتى بمادة البوست؟
أحيانا يخيل لى أنك تكتب حتى تتمكن من اضافة فيديو أو مادة لكريشنا فقط

ياريت لو تقدر تصبر على حتى نهار السبت لأتناول مداخلاتك السابقة بالرد..
شاكر لك وللجميع اثراء النقاش

ود الخير · 07-05-2015, 09:49 PM

اقتباس:

المشاركة الأصلية كتبت بواسطة خالد غالي

يا ود الخير

انت جادي في البوست بتاعك بتاع البشير كسح وماكسح داك ولا بتكاوي في الناسس ديل ساي؟!

مسألة انو الزول كوز او ماكوز دي بالنسبة لي حاجة جادة شديد ومافيها اي هظار

الحبيب خالد عليك الله الدنيا دي كمها ؟

عشان انا ابحث فيها عن رئيس يدخل السعادة والرفاهية في نفسي ؟ المتوفر الان في السلطة البشير ،، مرحب حبابو نفرح بي فرحو ونزعل بي زعلو ،، حكم الصادق المهدي ايضاً كنا بنشجع اللعبة الحلوة ،، ويجي ماري الميرغني نقول عاش ابو هاشم ،، نميري ؟! نحن كنا طلائع مايو ! وما عارفنو شيوعي واللا اخوان،،، فرحنا وغنينا لمايو ! ثورة مايو اشتراكية ،،، وطربنا واتهنينا بالموجود ! الان بقى فيها تصنيف وتهديد ووعيد ! اها لو توقف فرحنا واحتفالنا في عهد البشير ،، يبقى يا خالد دا الخوف راسو عديل ! نفرح ونحتفل مع الجيد النضيف النزيه من الانقاذ ،، ونعمل ما شايفين الشين من الانقاذيين السئيين ! دي كل القصة

مش صحيح البشير كسح في الانتخابات وفاز على منافسيه ؟ طيب انا البمنعني افرح شنو؟؟؟

انا زول داير ازرع في السودان ،، لو كرهت البشير والكيزان شوية شوية حا اكره السودان زاتو وبي سبب شنو بي سبب كراهيتي للكيزان !! السياسة عندها اهلها يا خالد ولو فرحتي لفوز البشير اثرت على معنويات الثوار اها حملتك بي من بكرة اربط ليك وش لاي دقن تجي مارقة بي هنا

خالد غالي · 07-05-2015, 10:57 PM

سلامات يا ود الخير

انت رجل لطيف، بوستك بتاع البطاطس لسة قاعد في ذاكرتي

مافي زول قال ليك ماتفرح دي حريتك الشخصية وخياراتك، كل العايز اقولو انو فرحتك مع كسحة البشير فيها عدم حساسية، اوريك كيف
البشير الكسح ده شرد كميات هائلة من السودانيين وفصلهم من وظائفهم وخلاهم لافين في دول العالم، البشير ابتدع حاجة اسمها بيوت الاشباح يتم فيها اعتقال الالاف يوميا وتعذيبهم بطرق وحشية وصلت لدرجة القتل لعدة مرات لو عايز نماذج نجيب ليك مثلا في طبيب اسمو علي فضل تم اعتقالو وتعذيبو في بيوت الاشباح وفي النهاية جابو مسمار دقوهو ليهو في راسو بالشاكوش لمن مات!! وغيرو كتير
البشير يوميا بتتحرك طائراتو وتضرب الناس المساكين العايزين يزرعو زيك كده في قراهم في دارفور، لاحظ الناس ديل عايشين في الهامش خالص لاعندهم كهربا لا موية لامدارس لا عايزين من الحكومة اي حاجة بس بينتظرو المطرة تصب ويزرعو عشان ياكلو وخلاص
اها يلا لمن انت تجي بكل بساطة تتوطا علي جراح الناس الذكرتهم ليك فوق ديل كلهم وببساطة تفرح مع البشير فرحتك دي فيها عدم احساس بجراحات القطاعات الكبيرة من السودانيين الاتعرضو للظلم الواضح جدا الحاصل ده، من حقك طبعا مايهمك اي زول وماتشتغل باي زول طالما الظلم ده ماهبشك شخصيا، لكن من حق المظلومين ديل يكرهو عدم حساسيتك ده وموقفك الغير متعاطف مع قضيتهم
عموما الدنيا دي سداية ورضاية، وقد يجي اليوم التنعرض فيها للظلم والتنكيل، وحايجو الناس المظلومين اسي ديل يضحكو ويرقصو ويتصورو مع الزول القاعد يحرق ليك في مزرعة بطاطسك، وحينها اتمنى انك تحتفظ بنفس الروح الرياضية دي وتقول ببساطة هي الدنيا دي كمها وتبتسم

ابقى عافية

أسعد · 08-05-2015, 11:40 AM

تحياتي يا الجيلي وجمعة مباركة

اقتباس:

المشاركة الأصلية كتبت بواسطة الجيلى أحمد

يااخى اتمنى بالجد ان تكلف نفسك عناء مطالعة البوست الذى تكتب فيه ومادته ومطالعة مارددت عليك به أيضا..

يا الجيلي البوست بلف حول فكرة ان الكيزان يتنكرون لانتمائهم
الفكرة دي في عضمها تعتبر فعل مكارثي
الرجل الأبيض يتحدث بنفس الفكرة دي عن لماذا يتنكر المسلمون لانتمائهم في بلادهم بعد فعائل المتطرفين الاسلاميين؟!
والألمان تناولوا نفس الفكرة عن لماذا يتنكر اليهود عن انتمائهم بعد هجمة هتلر عليهم؟!
ونفس الفكرة كانت عند المجتمع السوداني حول تنكر الشيوعيين لانتمائهم بعد أن قلب النميري لهم ظهر المجن؟!
والشيعي في بلاد السنة، والسني في بلاد الشيعة والكثير الكثير من الايدلوجيات التي تبنت هذه الفكرة لمحاربة الايدولوجيات التي تختلف عنها...
عشان كدة يا الجيلي انا جيت اتداخل معاك لكي اناقشك في عضم بوستك والذي يتمثل في هذه الفكرة التي وبطبيعة الحال ستصنع المزيد من الخوف في الكوز والكراهية للانسان المعارض لهذا الكوز...

اقتباس:

المشاركة الأصلية كتبت بواسطة الجيلى أحمد

مادخل جوزيف استالين وكريشنا مورتى بمادة البوست؟

كريشنامورتي انا جبتو عشان استدل بيهو حقيقة أن فعل الانتماء بغض النظر عن جهته يعتبر فعل استبدادي يجعل الانسان الحر عبدا لايدولوجيات حزبه... وكاستدلال بأن كل الأحزاب والأديان والأعراق والمجتمعات كلهن عيال مطبخ واحد ولا يحق لحزب ان يسخر من غيره ولا دين من غيره ...

أما فيما يخص استالين، انا جلبته في ردي على خالد غالي والذي اجابني بأن فعائل النظام الحاكم في السودان هو سبب كافي لنكران الانتماء... بالتالي انا استدليت بفعائل نظام استالين والتي تشبه فعائل نظام البشير لحد التطابق... ولكن على الرغم من ذلك لم تكن فعائل استالين سببا في تنكر الشيوعيين لانتمائهم... طبعا لو كان في انقلاب على النظام الشيوعي واستولى زمام الحكم ايدولوجيا أخرى ، كان حينها سيقوم الشيوعيين بالتنكر لانتمائهم.... بس أنت يا الجيلي متحسس ساااااي من الواحد يجيب سيرة الشيوعية

أما فيما يخص كتاباتي والتي تراها تقوم على اتخاذها وسيلة لايراد مقطع فيديو كريشنامورتي... عاد دا الشيء العاجبني ... زي ما كل الناس بتجيب في حاجاتها البتعجبها...

الجيلى أحمد · 08-05-2015, 02:07 PM

انا لله
معاط ياخ

ياناس السعودية الزول دا قاعد فى خلا؟
شوف ليك برنامج عرس أو فقاعة خش فيها، تهدى ليك شوية

أصبر ياخ خلى الواحد يجى يناضمك فى كلامك،
بدل (ابوى ابوى أبوى) دى

يضحك نهارك

الجيلى أحمد · 25-05-2015, 02:50 AM

سلامات ياوجدى,
ومعليش على تأخر الرد

تقول:

اقتباس:

يا حبيب العلاقة بين بوستك والمكارثية يكمن في التعاطي مع أفراد بلغة العموم.

وكتبت أيضا:

اقتباس:

تحياتي ود الخير
من ناحية انت كوز، انت كوز ونص

وتكتب بعدها مباشرة:

اقتباس:

ليس بالضرورة أن يكون الكوز عضوا في الحزب الوطني أو صاحب منصب في الحكومة

إن كان من ثمة مكارثية محومة, فأنت من يقوم عليها وبها

الجيلى أحمد · 25-05-2015, 02:59 AM

كتبت:

اقتباس:

والسني مع الشيعي، اليميني مع اليساري، المريخابي مع الهلالابي والخ الخ
كل هذه الحالات تندرج تحت اطار المكارثية

يبدو إنو الاختلاف بيعنى مكارثية عند وجدى

07-05-2015, 07:07 PM	#[167]
خالد غالي :: كــاتب نشــط::	يا ود الخير انت جادي في البوست بتاعك بتاع البشير كسح وماكسح داك ولا بتكاوي في الناسس ديل ساي؟! مسألة انو الزول كوز او ماكوز دي بالنسبة لي حاجة جادة شديد ومافيها اي هظار
خالد غالي :: كــاتب نشــط::

07-05-2015, 08:37 PM	#[170]
أسعد :: كــاتب نشــط::	هاك يا خالد عاوز تشوف قصة عمر البشير بالرواية السوفيتية؟! هاك احضر الفيلم الوثائقي دا YouTube ياخي حاجة تحيرك... تكاد تحلف تقول أنو الفيلم دا عيشتو في السودان تشابه وقع الحافر على الدبر عديل كدة
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

07-05-2015, 09:16 PM	#[171]
خالد غالي :: كــاتب نشــط::	48 دقيقة؟ انت قايلني في شهر العسل انا فاهم كلامك تماما، وقادر اتلمس وجاهتو، لكن ماشايفو واقعي او تقدر تقول انو امثل من اللازم، رومانسي ؟! المهم كلامك ده بيدرجك بامتياز في شلة الرومانسيين والعصافير مع ناس طارق كانديك
خالد غالي :: كــاتب نشــط::

07-05-2015, 09:48 PM	#[172]
الجيلى أحمد :: كــاتب نشــط::	وجدى سلام، لسه مالاقى زمن أكتب فيه.. لحدى ماألم فيه يااخى اتمنى بالجد ان تكلف نفسك عناء مطالعة البوست الذى تكتب فيه ومادته ومطالعة مارددت عليك به أيضا.. مادخل جوزيف استالين وكريشنا مورتى بمادة البوست؟ أحيانا يخيل لى أنك تكتب حتى تتمكن من اضافة فيديو أو مادة لكريشنا فقط ياريت لو تقدر تصبر على حتى نهار السبت لأتناول مداخلاتك السابقة بالرد.. شاكر لك وللجميع اثراء النقاش
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

07-05-2015, 10:57 PM	#[174]
خالد غالي :: كــاتب نشــط::	سلامات يا ود الخير انت رجل لطيف، بوستك بتاع البطاطس لسة قاعد في ذاكرتي مافي زول قال ليك ماتفرح دي حريتك الشخصية وخياراتك، كل العايز اقولو انو فرحتك مع كسحة البشير فيها عدم حساسية، اوريك كيف البشير الكسح ده شرد كميات هائلة من السودانيين وفصلهم من وظائفهم وخلاهم لافين في دول العالم، البشير ابتدع حاجة اسمها بيوت الاشباح يتم فيها اعتقال الالاف يوميا وتعذيبهم بطرق وحشية وصلت لدرجة القتل لعدة مرات لو عايز نماذج نجيب ليك مثلا في طبيب اسمو علي فضل تم اعتقالو وتعذيبو في بيوت الاشباح وفي النهاية جابو مسمار دقوهو ليهو في راسو بالشاكوش لمن مات!! وغيرو كتير البشير يوميا بتتحرك طائراتو وتضرب الناس المساكين العايزين يزرعو زيك كده في قراهم في دارفور، لاحظ الناس ديل عايشين في الهامش خالص لاعندهم كهربا لا موية لامدارس لا عايزين من الحكومة اي حاجة بس بينتظرو المطرة تصب ويزرعو عشان ياكلو وخلاص اها يلا لمن انت تجي بكل بساطة تتوطا علي جراح الناس الذكرتهم ليك فوق ديل كلهم وببساطة تفرح مع البشير فرحتك دي فيها عدم احساس بجراحات القطاعات الكبيرة من السودانيين الاتعرضو للظلم الواضح جدا الحاصل ده، من حقك طبعا مايهمك اي زول وماتشتغل باي زول طالما الظلم ده ماهبشك شخصيا، لكن من حق المظلومين ديل يكرهو عدم حساسيتك ده وموقفك الغير متعاطف مع قضيتهم عموما الدنيا دي سداية ورضاية، وقد يجي اليوم التنعرض فيها للظلم والتنكيل، وحايجو الناس المظلومين اسي ديل يضحكو ويرقصو ويتصورو مع الزول القاعد يحرق ليك في مزرعة بطاطسك، وحينها اتمنى انك تحتفظ بنفس الروح الرياضية دي وتقول ببساطة هي الدنيا دي كمها وتبتسم ابقى عافية
خالد غالي :: كــاتب نشــط::

08-05-2015, 02:07 PM	#[176]
الجيلى أحمد :: كــاتب نشــط::	انا لله معاط ياخ ياناس السعودية الزول دا قاعد فى خلا؟ شوف ليك برنامج عرس أو فقاعة خش فيها، تهدى ليك شوية أصبر ياخ خلى الواحد يجى يناضمك فى كلامك، بدل (ابوى ابوى أبوى) دى يضحك نهارك
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs