عندما تكون التفاصيل حاضرة.. قليلٌ من الملح لايضير

[سارة]

مررت اكثر من مرة
غصت فى نخاع هذى الحروف المشبعة بطعم الملح
واحيانا تشعر بلسعات نارية وكانها بعض الشطوط
ومن بين السطور وجدت متكأ وملاذا الى حين
فيا ايها القوم من كان منكم مريضا اوعلى سفر
فلا تقربوا ملحا قدلا تحمد عقباه
ساووا صفوفكم وتراصوا كالبنيان
اقول قولى هذااواستغرب لماذاانا هنا من اصلو

[الرشيد اسماعيل محمود]

المشاركة الأصلية كتبت بواسطة جانيت

والله ما اروعك انت يا النور
شكلوا المنتدى حيقلب عرس الزين وبما انك الامين العام ممكن تترشح مأذون
فليك بيهم الجماعه ديل

إعتمدتي علي شنو في كلامك ده..؟؟!!
وجاء في التفاصيل..
تقدم الشاب لخطبة بنت عمه..
فسأله العم..اها جاهز..
اجابه ايوة جاهز من كلو ياعم..
أها بيتك جهزتو..
لا والله لسع..لكن جاهز...
طيب قروش العرس ومستلزماتو..جهزتها..
لسع والله ياعم لكن الباقي جاهز..
طيب هسع في جيبك معاك قروش مقدم الصداق..؟؟
لا والله ياعمي في جيبي ماعندي ولا جنيه..لكن جاهز
وحينها انفعل العم..
إتا ياجنا قايل الجهوزية دي طهورة ولا شنو..؟؟
فإن كان ذلك كذلك..
فيا أميري تعال ومعك آخرون
لقد فرجت والحمدلله..
ملحوظة..
جانيت (وش خجلان)
بس انتي مرات كدة بتخششي نفسك في زقاقات.
والزقاقات تحلو فيها كورة الشرًاب.

[أبوبكر عباس]

المشاركة الأصلية كتبت بواسطة أميرى

يااا نجس اقعد لعنة الله عليك:

يا أخي ناس مدني العاملين فيها متحضرين ديل، لحدي التسعينات دي، كانوا بيقضوا حاجتهم شمال الاستاد بين المخازن و السكة حديد، و الناس المسطحين في القطر، كانوا بشاغلوا الجماعة ديل: قوم يا كلب...
مش عليك الله أحسن انت قالوا ليك أقعد
ريتشارد هيل قال سنة 1830 المدينة كلها كانت بتطلع تسوي القصة دي جنب البحر بالليل
يعني ما كان في واحد فاضي يقول ليهم أقعدوا و لا قوموا!!!

[عادل عسوم]

الرشيد
ياوسيم القسمات و...التفاصيل
...
ابنتي وئام اعتادت خلال (حبوها) أن تهتم بالأشياء الصغيرة جدا دون الكبيرة
تنتقي حبات الرمال دون الحصى...
ودبابيس شعر أختها الكبرى دون الفيونكات والبنس
قلت لأمها:
وئام دي حتبقى شاطرة
...
هي الآن -بفضل الله-دائمة التفوق في المرحلة المتوسطة
...
ختمة:
ألا ترى الكلاب متانة في حوائطنا تستحق أن تفرد لها قوائمها الأمامية دون الخلفية؟

[الرشيد اسماعيل محمود]

المشاركة الأصلية كتبت بواسطة فتحي مسعد حنفي

يا جني كدي قي الأول أضمني ليك عريس وبعدين تعالي لموضوع المأذون وصدقيني أنا خايف عليك من فوات قطر كريمة ولما حاولت أتبرع لحل مشكلتك رفضتيني وقلتي علي عجوز وقفلتي الباب في وشي ومن اليوم داك جاني اكتئاب وبطلت الخرمجة وهسة بمر بي فترة نقاهة الله اعلم تنتهي متين وأرجع تاني خرمنجي زي الأول..وأسوأ حاجة انو السمسمية بقت كلها بيش اليومين ديل وبقت تعمل اكتئاب بدل ما تعدل المزاج والشافني مشيت أفغانستان ما كضب

ياعم فتحي براك جبت التايهة..
براك قلت اتبرعت..
عاد ده كلام..
اما بلغك ان التايواني ليس كالياباني..
الخرمجة ولا قفلت الباب في وشك..
اذن..
قوموا الي خرمجتكم..يرحمكم الله.

[الرشيد اسماعيل محمود]

المشاركة الأصلية كتبت بواسطة بابكر عباس

عمر ولدي، أربعة سنوات بقرا في كي جي ون،
بجيبو كل يوم من المدرسة و مسافتنا من المدرسة بعيدة و نحن ساكنين في البر،
كل يوم قبل نطلع من المدرسة بسألو: ندخل الحمام؟
يقول لي: ما شئ..
في نص المسافة يقول داير يبول... أقول ليهو: وين؟ يقول لي: الرملة
أطلع علي الجنب و ينزل يبول، لكن يصر يكتب بي بولو الرقم ثمانية بالإنجليزي
أقول ليهو انت ما تكتب ون
يقول لي ون نو حلوة...!!!

المشاركة الأصلية كتبت بواسطة أميرى

مش اتا ابوهو

وتييييييب

ــــــــ
المنتشة حين يتوارثها الابناء

وأنا اثني يا اميري..
ثم..
بابكر..
ولي العهد عمر (حفظه الله) معه حق في ذلك..
لأنه اذا اكتفي بكتابة الرقم واحد فهذا يعني انه ليس مزنوقا بما يكفي..
مجرد خط رأسي والسلام..
اما الرقم تمانية بالانجليزي..معقد بما يكفي ليستمتع بالكتابة.
ثم..
عمر ده خطو كيف في الكتابة

[الرشيد اسماعيل محمود]

المشاركة الأصلية كتبت بواسطة سارة

مررت اكثر من مرة
غصت فى نخاع هذى الحروف المشبعة بطعم الملح
واحيانا تشعر بلسعات نارية وكانها بعض الشطوط
ومن بين السطور وجدت متكأ وملاذا الى حين
فيا ايها القوم من كان منكم مريضا اوعلى سفر
فلا تقربوا ملحا قدلا تحمد عقباه
ساووا صفوفكم وتراصوا كالبنيان
اقول قولى هذااواستغرب لماذاانا هنا من اصلو

سارة العزيزة..
جميلة كانت قراءتك للنص الداخلي..
وذلك ماكنا نبغ..
اذن فالنرتد علي آثارنا قصصا..
والتفاصيل جاء فيها..
كنا في الابتدائي...(كل مراحلي التعليمية كانت مختلطة)..
في الصف الثالث تماما..
احببت إحداهن وربما هي من فعلت..كانت بيننا اشارات ولحظات بريئة..
جميلة كانت كما يشتهي الجمال..وكنت (وربما مازلت) انيقا اهتم بالتفاصيل الصغيرة..
العوازل لم يعجبهم ذلك الود..فكتبوا اليها خطابا غراميا وزيلوه بتوقيعي..
الخطاب وصل الي اميرتي..ولم تشك في انني ربما لست المرسل..
فالعوازل كانوا بارعين حتي في محاكاة خطي..
مرت الايام..
وتم اكتشاف امر الخطاب بواسطة اخواتها اللاتي يكبرنها.. واجهوها به..فقالت:
نعم..انه من الرشيد وانه بسم الحب..
ثم جاءن الي المدرسة..لمواجهتي بأمر الخطاب..
تفاجأت ..بيد انني قلت لهم ما معناه ( حتي وان انا انكرت فصدقت وانا من الكاذبين..)
وانتهت المشكلة بوصايا علي شاكلة ( انتو لسع صغار علي الحاجات دي)
ومرت الايام..وانتهي العام الدراسي..
أول ايام العام الدراسي الجديد وانا أهم بالخروج الي المدرسة
فاجأتني امي وهي تقدم لي كباية الشاي:
تاني كدي امشي اكتب ليك جواب لبت..هو الواحد عمرو ماتم التلتاشر سنة بمشي بعمل حاجات زي دي؟؟؟
واسقط في يدي..خجلت من امي جدن..( وش خجلان)
ولم اعد ذاك اليوم الي المنزل الا بعد حلول الظلام..
وكان ذلك اليوم كألف سنة مما أعد..
وبعدها علمت ان اخوات أميرتي ذهبن الي امي و(فتو ليها الشمار).
ثم..
فهل كان ملحا لا تحمد عقباه..؟؟
وهل حينها كنت مريضا ام كنت علي سفر..؟؟
ملحوظة:
لا أعلم اين هي الان اميرتي تلك..الشيء الوحيد الذي اذكره
هو عطرها الغريب ..نعم..مازلت محتفظا في ذاكرتي بالرائحة.
سارة..اعجبتني قراءتك العميقة..
وانا اضيف أن كل الحكاية:
انني كنت استمع الي لحن ما..
واحيانا حينما تفعل ذلك يستيقظ توحدك وحنينك الطاغي الي
مأوي دافيء وامرأة صافية كالمطر..
كان حلما..نعم ..مجرد حلم.

[سارة]

الرشيد وصحبه الكرام
ما يلفت النظر فى هذا المتصفح هو طعم الملح
وان كان بعضكم يزيدعليه فوم وعدس وبصل
لتصبح مائدة مستساق اكلها تسر الناظرين
اعجبتنى اميرتك وما يلفت النظر هو بقايا وسامة واناقة فيك الى يومنا هذا

فقط تذكر يا صديقى قول وهاد(( أن بعض العشق يؤذى))

[وهاد ابراهيم محمد]

المشاركة الأصلية كتبت بواسطة سارة

فقط تذكر يا صديقى قول وهاد(( أن بعض العشق يؤذى))

في زول بناديني...


الرشيد فيهم....
سلامٌ عليك في مدينة الملح... !!


هناك حيث الوادي يشطرها الى اثنين...
كان بــ (نيالا)... تبلدية عظيمة إلتصقت بسور منزلنا من الخارج
كانت معلماً للحي.. وللمنزل.. ولكثيرين كانت تربطهم بها أواصر
الإلفة والتوادد... وحصص تعليمية مجانية تُلقيها أغصانها عظيمة البنية...
كنت انا أحد متلقيها...
وكانت ترتادها يومياً حاجة تأتي من سوق (ام دفسو) القريب حيث يلزمها فقط قطع شارع
ومربوع من المنازل لتصلها... وتقضي تحت جذعها الضخم حاجتها...
تضع ثوبها على وجهها فتغطيه...
ثم تكشف عن مؤخرتها الكبيرة وتجلس...
وعندما يسألونها لماذا تغطي وجهها..؟
كانت تجيب بأن لا أحد سيتعرف على عجيزتها الضخمة...
لكن وجهها سيُعرف..!!

السؤال الذي أبحث عن إجابته الآن...
كم عدد الثياب اللازمة لتغطية وجوه ذوي المؤخرات المكشوفة..؟

تنويه:
ستتم مراعاة إختلاف الأذواق...
هناك ثياب سويسرية.. يابانية.. هندية.. باكستانية.. وثياب النالة...

[بابكر مخير]

بالله يا رشو كلابكم دي مالها كُّتر
يا أخي البنشوفهو تخصصهم لساتك العربيات وعواميد الكهرباء

سوق أم دفسهو ذكرني بحجر قدو
يكون القداهو شنهو
كلبن ماااااااااااااكن من البمارسهو عملية هد الحيط
قام قدآ الحجر

[محمد عبد الرحمن]

الرشيد فينا

التفاصيل الصغيرة
تغري البعض دوما بالأستكشاف
فيدمن أستقصائها
تستغرقه التفاصيل تماما
يعيش الحياة مغامرة للأستكشاف
تتجدد داخله كل لحظة


ثم أن كل لحظة نعيشها في الحياة تهبنا دفقا هائلا من التفاصيل, بعض اللحظات تحتاج النبش العميق لأستدراك تفاصيلها, و بعضها تبرز تفاصيلها مغوية بالتأمل.

هناك حيث الوادي يشطرها الى اثنين...
كان بــ (نيالا)... تبلدية عظيمة إلتصقت بسور منزلنا من الخارج
كانت معلماً للحي.. وللمنزل.. ولكثيرين كانت تربطهم بها أواصر
الإلفة والتوادد... وحصص تعليمية مجانية تُلقيها أغصانها عظيمة البنية...
كنت انا أحد متلقيها...

(دونك غواية الاستكشاف في نص قتاة العشق لذيذ الايذاء لطيفه)



و. .
بعض الناس تجده مهموما بتفصيل معين فتجده كما الترزي, يحفظ مقياس تفصيله عن ظهر قماش.
يحمل متر فكرته, باحثا عن أبرة تفصيله بين قماش الحياة القش.



و . .
بعض الناس يمر به قطار العمر دونما توقف في محطة تفصيل كبير ولا حتي متاوقة الصغير منها عبر نافذة التأمل.


و . .
للحديث بقية


آن الخروج من تفاصيلك, للدخول في تفاصيل الصباح (حقوق الدخول و الخروج محفوظة).


رشيدي و أميري


ما زلتم تمتهون غواية مزز أفكاري!!!
[bdr][/bdr]

انا من تـــــــــــــــراب و مـــــــــــــــــــــــاء

[الرشيد اسماعيل محمود]

المشاركة الأصلية كتبت بواسطة بابكر عباس

يا أخي ناس مدني العاملين فيها متحضرين ديل، لحدي التسعينات دي، كانوا بيقضوا حاجتهم شمال الاستاد بين المخازن و السكة حديد، و الناس المسطحين في القطر، كانوا بشاغلوا الجماعة ديل: قوم يا كلب...
مش عليك الله أحسن انت قالوا ليك أقعدريتشارد هيل قال سنة 1830 المدينة كلها كانت بتطلع تسوي القصة دي جنب البحر بالليل
يعني ما كان في واحد فاضي يقول ليهم أقعدوا و لا قوموا!!!

وتلك ربما ثقافة مجتمعية ضاربة في جذورها
فاضافة الي المتعة المتوهمة للفعل تتكامل مسببات اخري عديدة
حيث لا اماكن عامة لذلك..وان وجدت فعليك ان تدفع وإلا ف (إتصرف ياخ)
لذلك عليك وانت خارج صباحا من المنزل ان تضع في الاعتبار
انه ربما عليك عدم الاسراف في شرب الماء .
وذلك حدس..
وربما يحدث( مايحدس)
ثم..
بابكر والتفاصيل قد ورد فيها..
ان احد المخمورين (واقف لمبة) في حفلة ما
والناس في اوج الهجيج والجبجبة..اراد التبول
فخرج خارج الخيمة المنصوبة للفرح
ولانه كان في منتصف اللاوعي
قام فقط بحل الحزام وفعلها في نفسه وهو يظن بأنه تصرف كما ينبغي
كان الناتج انه تبول علي نفسه.. وامتلأ حذائه بما اخرجه للتو
حتي اصبحت رجليه تغوصان في مستنقع آسن قوامه نصف لتر
مما جادت به مثانته..
اعاد ربط حزامه وقفل راجعا الي اصحابه في الداخل..
واثناء دخوله انتبه الجميع الي ايقاع الارجل المتوحلة
في بركة البول المسورة بالحذاء قج قج قج
فلما انتبه لدهشتهم لذلك الصوت اجابهم علي الفور:
والله برا في مطر تقيل خلاص..

[النور يوسف محمد]

المشاركة الأصلية كتبت بواسطة جانيت

والله ما اروعك انت يا النور
شكلوا المنتدى حيقلب عرس الزين
وبما انك الامين العام ممكن تترشح مأذون
فليك بيهم الجماعه ديل

بسم الله الرحمن الرحيم
جانيت ..

تصدقى كل ما تباكى الناس هنا على ذهاب بعضهم ..
تحضرنى هذه الأسماء .. وتلك التى لم أسميها
وهكذا دوماً لا نحس بجمال ما بأيدينا ..
كتابات بنكهة الذوق .. و( حكى ) بطعم النسيم ..
هل تذوقتى النسيم فجراً ؟؟؟؟؟


وعلى الخميلة ..
مأذون بس يعنى !!
جميل ( عشانك ) طالما سوف نرى ضحكات ترتسم

[بابكر مخير]

المشاركة الأصلية كتبت بواسطة الرشيد اسماعيل محمود

ان احد المخمورين (واقف لمبة) في حفلة ما
والناس في اوج الهجيج والجبجبة..اراد التبول
فخرج خارج الخيمة المنصوبة للفرح
ولانه كان في منتصف اللاوعي
قام فقط بحل الحزام وفعلها في نفسه وهو يظن بأنه تصرف كما ينبغي
كان الناتج انه تبول علي نفسه.. وامتلأ حذائه بما اخرجه للتو
حتي اصبحت رجليه تغوصان في مستنقع آسن قوامه نصف لتر
مما جادت به مثانته..
اعاد ربط حزامه وقفل راجعا الي اصحابه في الداخل..
واثناء دخوله انتبه الجميع الي ايقاع الارجل المتوحلة
في بركة البول المسورة بالحذاء قج قج قج
فلما انتبه لدهشتهم لذلك الصوت اجابهم علي الفور:
والله برا في مطر تقيل خلاص..

ودآك
لمن عملها والناس في الصيوان
جاطوا وهاجوا وماجوا وقالوا:
دآ منهو البيفلع بالحصآ

[بابكر مخير]

المشاركة الأصلية كتبت بواسطة النور يوسف محمد

و( حكى ) بطعم النسيم ..
هل تذوقتى النسيم فجراً ؟؟؟؟؟

لكن يا الحبيب ما بالغتا
حسي كلام رشو دآ ممكن يكون معاهو نسيم
دآ السموم ريحتهو أعبق
وعطره أحلى