ليس دفاعاً عن الخمر

[حافظ حسين]

الجيلي يا صاحب خليك قريب و شوف الانتفاضة و الخمر و معزوم حفلة زار و لا اقول ليك معزوم عرس أخوي و في رواية أخري عرسي أنا ذاتي .... و الله نظبط ليكم عسلية و مريسة لمن تأمنوا بلا جبهة اسلامية بلا إسلام جديد

[حافظ حسين]

اقتباس:

المشاركة الأصلية كتبت بواسطة مبر محمود
تحياتي يا الجيلي وحافظ
في إنتخابات الديمقراطية الأولى كان هنالك نشيد شهير لجماهير الحزب الوطني الإتحادي .. يقول :
بالجنيه ما بننكري
نشربها بيرة وشري
وندي صوتنا للإمام الأزهري

تحياتي لك ايها الانسان الجميل و في صحتك و صحة ابو أهل الختمية كلهم .... يا خي دا أجمل هتاف الواحد يسمعوا .... إنت عارف يا مبر الاسلام هو الإسلام لكن في نسخة سودانية تفلعلت مع الواقع المحلي و أنتجت الإسلام الصوفي القديم و للأسف لم يستطع صموداً مع الإسلام الجديد

تشكر يا حبيب أنك هنا و شكلتنا قايمة لكن انا بحدد ميدان المعركة هههههههههههههه

[عباس الشريف]

اقتباس:
المشاركة الأصلية كتبت بواسطة الجيلى أحمد
ركس وحافظ

دى البيرة أم جمل البغنو ليها

البيرة أم جمل والشراب سكوب
كب ياعلى بى كبابى الشب


متابعين صعود هذا السلفى الصالح الى سماء الكلمة والجمال


البوست دا عندنا فيهو كترة كلام ...

الله يطراك بالخير ياشليل
بالجد الواحد فاقدك,
يااخى جهجهة المواقع دى مابنقدر عليها



شوف فن الدعاية للبيره دي كيف:

[youtube]http://www.youtube.com/watch?v=sR2j5d0TkIU[/youtube]

[الجيلى أحمد]

المشاركة الأصلية كتبت بواسطة حافظ حسين

تشكر يا حبيب أنك هنا و شكلتنا قايمة لكن انا بحدد ميدان المعركة هههههههههههههه

مبر وحافظ,

الشكلة القديمة ديك؟
ولَا عملتو ليكم واحدة جديدة..؟؟

اعملو لينا أبديت يااخى,
وخلونا نشوفكم بعدين..

يامبر أمبارح الخط كعب,
ونص كلامك مافهمتو..

[حافظ حسين]

اقتباس:
المشاركة الأصلية كتبت بواسطة الجيلى أحمد

مبر وحافظ,

الشكلة القديمة ديك؟
ولَا عملتو ليكم واحدة جديدة..؟؟

اعملو لينا أبديت يااخى,
وخلونا نشوفكم بعدين..

يامبر أمبارح الخط كعب,
ونص كلامك مافهمتو..



و الله يا الجيلي اي الشكلة القديمة لكن حصل فيها مستجدات بس حنجي نكبها هنا و ليشهد نقاشنا طائفة من المؤمنين ..... قلت لي امبارح الخط كعب و الكلام نصو ما فاهمو .... كويس فمهت نص الكأس الملئ و بعدين حاول تاني ما تتصل باليل و خاصة في ايام الخميس و كمان الجمع التي تحولت بقدرة قادر الي الخميس

يا عباس دعايتك مبالغة ذكرتني دعاية ناس العراق زمان ( عرق المختار أشرب و لا تحتار)

في صحتكم كلكم دون فرز الا من أبي
-----------------------\
و الله يا أخوانا في إتنين فاقدهم في البوست انشاء الله المانع خير

[حافظ حسين]

و دوماً تبدأ أمي قصة الكشة ب:
(والله كنت قاعدة كويسة اها عندي حبة المريسة قمت صفيتها .... كبت بلاستيك مودياهو لبت عبدالرحمن النفساء .... اها قبل ما نلبس توبي اشوف ليك امامة الظلم (امامة الظلم تطلق علي البوليس و دائما في حالة اللا امن لا تذكر الاشياء التي تهدد امن الإنسان باسمائها .... فمثلاً عندما تحكي جدتي عن الثعبان تقول ليك (طرينا ما نادينا), و عند الحديث عن الجن يقول ليك باسم الله او دا زول عندو بسم الله) .... كانت حبوبة في الليالي القمرية و اعتدال مزاجها تحكي لنا عن الجن, الغول و بعض الالغاز التي تطالبنا بحلها و اذكر من تلكم الفزورات (ديك شرارة في حلة فزارة القلوب خافنها و الكلاب نبحنها ..... و كانت تقصد البوليس او العسكري بشكل عام يعني العسكري دوماً هنا مرتبط بالخوف)
نواصل حكاية امي مع الكشة حين تردف قائلة..... اها اشوف ليك ناس امامة الظلم جارين علي البيت .... ثابتة ثابتة ما تتحركي ... قلبوا البيت دا قلب و في الاخر لقوا ليك المريسة في جردل البلاستيك المودايهو لبت عبدالرحمن النفساء .... جدعو ليك العدة .... شوف عيني واحد من امامة الظلم فتح الزير و لقاه موية زرقاء ... اها قوم بقعر بندقيتك يا ود المره اكسر الزير.....
النساء مندمجات اكثر ما يستوجب ... بعدين لو في واحدة فاتتها حاجة امي ما عندها اي مشكلة ممكن ترجع و تعيد القصة تاني ما اصلها الفورا الف .... المهم ما كان في داعي للاندماج دا كلوا .... لكن ما علينا
و تواصل امي في السرد: أول ما وصلنا ... جابوا دفتر كبير ... بسجل فيهو:
اسمك
اسم راجلك
اسم شيخ الحلة و اسم الحلة زاتها...
الصباح بدري جاء الشيخ و طلعونا كلنا قال ليهو ديل كلهم شياختك....
قال ليهو نعم ديل نسوانا
المهم القالهو ما قالوا .... طلعونا لكن ما جلدونا لا اي حاجة .... ادونا كتب دين (مصحف) و قالوا لينا دي اول مره ... المره الجاية في جلد و غرامة .... كتاب الدين جبنا معانا و داكو جوا ....
يا بت عليك الله جيب كتاب ناس امامة الظلم داك من جوا ... هكذا تنادي امي علي اختي حتي تأتي بالمصحف ليرينه تلكم النسوة.... لحد هسي انا ما عارف ممكن يشوفوا في المصحف دا شنو و مختلف عن باقي المصاحف التانية شنو ... لكن الذي اعرفه من هنا بدأ الدجل الاعظم...
اجمل ما في قصة الكشة عندما ترويها امي حكاية بت ناميس ... بت ناميس امرأة ابسط ما يمكن بسيطة لدرجة السذاجة .... بت ناميس كانت تجادل العساكر طول مسافة السكة .... تجادل علي انها لم تفعل شيء قائلة ( والله انا ما سويت شيئ غير المريسة المره دي يا عيالي والله ما سويت حاجة).... ببساطة بت ناميس لم يدر بخلدها ان المريسة ممكن تكون جريمة يعاقب عليها القانون.....
قعدات التضامن دي عملت rehabilitation لكل ناس البيت .... يعني خففت جزء كبير من الاسئلة الوجودية التي تعلقت بكشة امي.
هدأت الاحوال بعد الكشة و تعهدات شيخ الحلة و لكن المريسة و العسلية لم تقفان فقط تغيرت اجراءات الامن و السلامة التي تختص بالصنع و التوزيع .... و انا في رأي فكرة بيت التصبينة دي ظهرت مع قوانين شريعة نميري .... اها كل الشباب بعرف بيت التصبينة و لا في حد داير شرح ؟

[طارق الحسن محمد]

اقتباس:
المشاركة الأصلية كتبت بواسطة الجيلى أحمد
كتابة دقيقة,
ملتصقة بعصب الحياة ونبض الأشياء..
كتابة حية ,
تسعى وتمشى على أرجل وتتنفس

..








انها طزاجة الكتابة
صدق الحدث
ودقة التقاطه
وذكاء جدل السرد
لك الله
ياصديق
وعلينا لعنة اصابتنا
من حشاشين
هذا الزمان

اكمل ياصديق
فانا اقراء
بعيونى واذانى
وبقية حواس

[عباس الشريف]

اقتباس:
المشاركة الأصلية كتبت بواسطة طارق الحسن محمد
اقتباس:
اقتباس:
المشاركة الأصلية كتبت بواسطة الجيلى أحمد
كتابة دقيقة,
ملتصقة بعصب الحياة ونبض الأشياء..
كتابة حية ,
تسعى وتمشى على أرجل وتتنفس..








انها طزاجة الكتابة
صدق الحدث
ودقة التقاطه
وذكاء جدل السرد
لك الله
ياصديق
وعلينا لعنة اصابتنا
من حشاشين
هذا الزمان

اكمل ياصديق
فانا اقراء
بعيونى واذانى
وبقية حواس



سيدا .....جاك يا حافظ البتفتش ليهوا

[حافظ حسين]

طارق سلام يا حبيب .... الغريب كنت متوقع أبدر من كدا هههههههههههههه.... أها بقي الزول التاني الفي رأسي و الله يستر ما يخذلني

يلا خليك قريب شوف الانتفاضة و الخمر

[طارق الحسن محمد]

اقتباس:

المشاركة الأصلية كتبت بواسطة طارق الحسن محمد
اقتباس:
اقتباس:
المشاركة الأصلية كتبت بواسطة الجيلى أحمد
كتابة دقيقة,
ملتصقة بعصب الحياة ونبض الأشياء..
كتابة حية ,
تسعى وتمشى على أرجل وتتنفس..








انها طزاجة الكتابة
صدق الحدث
ودقة التقاطه
وذكاء جدل السرد
لك الله
ياصديق
وعلينا لعنة اصابتنا
من حشاشين
هذا الزمان

اكمل ياصديق
فانا اقراء
بعيونى واذانى
وبقية حواس



سيدا .....جاك يا حافظ البتفتش ليهوا





حافظ حبيبى
ومنتهى .............

[حافظ حسين]

يا عباس الزول دا ما خذلني شديد لكن خاذلني و مطلع ميتين أهلي الساكن أمريكا .... لكن بيني و بينك الفضايح ما بتندار و الخجول ربي عياله و ام عياله.... يلا خليك قريب يا حبيب
--------------------------------
الانتفاضة و الخمر
الحياة في القرية إستانفت المسير و لكن بحذر عالي وسط اجراءات الامن و السلامة الجديدة ... لم تتوقف صناعة كافة الخمور كما ذكرت لكن قللت الكمية و اختلفت وسائل التوزيع و التخزين ... استمرت هذه الحالة الي ان جاءت الانتفاضة و تنفس الناس بعض الشئ و لكن للامانة الانتفاضة يمكن ان تكون اتت بما هو اسوأ من مايو ... فهنا كانت الجبهة الاسلامية ... هنا الارهاب الفكري ... هنا الكل يدافع عن ذاته ضد جرائم اخلاقية مفتعلة من قبلهذه الجبهة ... تراجعت مساحة الحريات الفردية أكثر من السابق , تراجع الانسان كقيمة وسط زعيق الجبهة و تبعها اليسار المائل بشكل تبريري ... بمناسبة الجبهة الاسلامية و الانتخابات في طرفة ليس لها علاقة هنا بالمريسة أو العسلية... بعد نميري اختفي بواسطة الانتفاضة ... صدحت البنات في السباتة باغنيات مثل
(طلعنا فوق الجبل و سكرنا اخر سكر ... و سكرنا اخر سكر يا نميري حكم فشل)...
ايضاً هنالك هتافات او اقوال لكن ما داير اقول مأثورة عشان نحنا ما دايرين مشاكل اقول كنا بنرددها مثل
(الشريعة تدق و نحن نبق)
(ما في شريعة بدون زريعة)
المهم نرجع لقصة الانتخابات و الجبهة الاسلامية ... ما اظن اكون براي في الدنيا دي لكن علي ما اعتقد معظم العقوبات التي نلتها في حياتي كانت بسبب معاكستي للكبار و كل تلكم العقوبات كانت بدنية ...
الله !!!دا مش العنف ضد الاطفال ؟
مره قاعد في امان الله و حفظه جاني ليك ابوي الما يغباني ...قال لي شوف الليله في عربات بجن بمكروفونات تشتروهم؟
الله!! ابوي دا جن و لا شنو؟
امس انا ما اتجلدت لاني شترت عربي راكب جمل؟

[حافظ حسين]

المهم خليت ليك موضوع الجن دا لحد ما انتهي من المهمة الابوية دي ...يا سلااااااااااام ابوك يقول ليك شتر دا خبر بمليون جنية لكن بالقديم ....حاولت ان احدث تغيير نوعي في ادوات الحصب فبدل الطوب و الحجارة التقليدية فكرت في وسيلتين الاولي كانت القزاز و الثانية البيض الفاسد..و بتلصص سرقت 3 كبابي من دولاب امي و انا علي يقين حتي كتابة هذه السطور هي ما عارفة وين الكبابي دا فاتت... لانو ممكن تتساهل في كل شي الا العدة و كمان عدة الصيني و كبابي الموية و الله دي فيها قطع من خلاف.... سرقت الكبابي التلاتة و كسرتها .... وضعت كل الزخيرة في القنانة و بدأت رحلة البحث عن البيض الفاسد ....
لحظات و صوت الميكرفون يشق السماء ... والله كانوا بقولوا شنو ما في واحد من الاطفال الجنود كان عارف ... بعدين ما قلت ليكم لقيت لك كل اولاد الحلة في سني معباؤون من قبل ابائهم .... المهم شعرت بنوع من الارتياح باعتبار ان جن الاباء هذا جماعي و لا يخص ابي وحده ... جات العربات مليانة بنات مربطات من الرأس حتي اخمص القدمين و يزعقن بعبارات لم تكن مفهومة لدينا ... و بدأت الحرب و ما هي الا دقائق و العربات بما تحمل خارج القرية....

---------------
علي فكرة الزول التاي المتوقعه طلع ما ساكن أمريكا و إنما استراليا

[حافظ حسين]

القيمكان جميل جداً و في الصبح استعد كل الاطفال لحصب اي عربة بميكرفون باعتبار ان الكود هو المايكروفون .... عملنا خطة عسكرية سريعة .... المجموعة تقسمت الي 3 اقسام .... مجموعة اولي تكون عند مدخل القرية و هذه مهمتها حصب عربة المؤخرة ... المجموع الثانية و كنت واحد منها و هي وسط القرية باعتبار ان العربة اسرع من الطفل و لذا علي مجموعة الوسط ان تحصب العربات التي فلتت من المجموعة الاولي اما المجموعة الاخيرة فكانت مهمتها ملاحقة العربات و هي خارجة .... خطة محكمة صح؟
المره دي كانت لواري لكن الميكرفون موجود ....كنا في مجموعة الوسط متحفزين لوصول تلكم العربات و فجأة دوي زغاريد طغي علي هتاف الميكرفونات ... التفت الي الوراء و اذا بأمي و خالتي حمره يزغردن بكل ما اوتين من قوه .... زول من الحلة لابس ليهو جلابية مرقعة .... المهم المنظر كان غير مطمئن علي الاطلاق و لكن المجموعة الاولي بدأت الحصب .... دقايق و عينك ما تشوف الا النور .... يعني اي زول من الحلة بلقاك بجلدك ..... الحلة طلعت انصار و دي قصة تانية....
تساؤولات لازمتنا لفترة ليست بالقصيرة مثل:
لماذا اذن لنا ان نحصب عربات امس و اليوم لا ؟
ما الفرق بين عربات الامس و اليوم فكلها تزعق بميكرفونات؟
المهم اسئلة كتيرة .... لكن السؤال ال حتي الان لم اصل فيهو لنتيجة قاطعة ...
هل الاهالي كانوا يدرون ان الجبهة هي أس البلاوي؟
و هل يدرون ان الشريعة التي نكلت بهم هي من بنات افكار الجبهة؟
اما ان القرية قرية انصار و يمنع الاقتراب و التصوير من قبل الاخرين؟

[طارق الحسن محمد]

اقتباس:
المشاركة الأصلية كتبت بواسطة حافظ حسين

فتكم بعافية و بجي صادي اواصل لو طلع الموضوع سالك و ما بيتنافي مع القيم السودانية او يخدش الحياء السوداني !!!!!!!

المريسة جزء اصيل من التراث السودانى

شاء من شاء
وابا من ايا

[طارق الحسن محمد]

ومهيرة:
بائعة المريسة،
أول سلطة للغيب تمتهن الغناء المستغيث دعارةً،
وتمارس التعريص في الليل البهيم،