اقتباس:
المشاركة الأصلية كتبت بواسطة الجيلى أحمد
صباح الخير جميعآ
, حمد الله على السلامة ياخالد
ياخالد انت ورأفت دا الظاهر ماقاعدين تركزوا فى الانتخابات المدورة فى أوروبا دى,
مافى ياخالد حاجة اسمها عملية دعائية ضد أو مع منتخب أثناء (التصويت),,
طبعآ عارفكم الاتنين مسحلبين وزمنكم مجلى,
ورأفت دا أمبارح جلى منى بى بونط (والله ياخالد كان لميت فيهو كنتا بستفتو ليك بستفة لووووول  ) 
ياشباب ,
مافى شفافية بتسمح بالتأثير على الناخب أثناء عملية الاقتراع,
بطلو غلاط وأمشو راجعو كويس...
قال مامنو قال,
أقعد بارى لى المسحلبين ديل لمن تحصلهم  |
بسم الله الرحمن الرحيم
جيلينا ..
ياخى لا مشتاقين ولا حاجة ..
سمعتو ولاّه جابو ليك .. ولاّه ياهو صرف النظر داك ..
أنا غايتو مع احترامى ( للإنتخابات المدورة فى أوربا )
وأهمية معاييرها كمرجعية . لكنى أميل الى ما تفضل به رأفت وخالد ..
ولا أعتقد فى تأثير ما يمكن أن تحدثه كلمة هنا أو هناك ..
أعتمد كثيراً على الوعى الممتد ..
وحتى كلمة بدور التى حذفت بواسطة الريس , لا أرى أنها تمثل خرقاً لأسس ..
يا صديقى الجميل ..
تنزيل لوائح الإنتخابات المعمول بها فى هذه الدنيا على ما يدور فى الفضاء
أمرٌ يجب أن نتوقف عنده .. فما يصلح هناك ليس بالضرورة أن يصلح هنا ..
للفضاء مساحاته وخصوصيته وإن كانت الإنتخابات هى الإنتخابات ..
كل ما من شأنه أن يزيد من مساحات الشفافية , يجب أن نقابله بالأحضان
ونلغى له ما تعارفنا عليه ..
وبرضو رأيك محل تقدير وله أسبابه .. فلنجعلها دعوة للنقاش
