عموم قبيلة الشايقيه

[عادل عسوم]

أسمح لي يادكتور أزهري أن أترحم على روح الأخ محمد طه محمد أحمد بين يدي هذا المتصفح...
لقد كان سبب (قتله) غيلة وغدرا أنه كتب في صحيفته الوفاق يوما مامعناه...
أقول للذين يطالبون بقسمة السلطة والثروة في هذا السودان:
بالفعل يجب على الحكومة أن تسعى الى قسمة الثروة والسلطة بالتساوي على كل بقاع هذا الوطن , لكن علينا أن نتساءل جميعا (ماذا قدمنا لهذا الوطن قبل أن نسأله ماذا قدم لنا)؟
وأضاف الراحل رحمه الله أكاد أجزم بأن المنطقة التي ولدت ونشأت فيها (وهي منطقة الشايقية) أكثر تخلفا من حديث التنمية دون أغلب مناطق السودان...
لكنهم-أي الشايقية-كانوا ولم يظلوا أكثر الناس عطاء دونما تكاسل أو خمول ودونكم مثلهم الذي يقول (الجنا ان نجح للعسكرية وان فشل للطورية)...
...

[AMAL]

المشاركة الأصلية كتبت بواسطة ماريل

مولانا ما قاصد الفهم العنصرى الوصل لينا كلنا من اول وهلة(متاكدة من كده)
بقدر ما قاصد يشير الى ان هناك عنصرية اخرى تمارس ايضا...

ياماريل العنصرية مابواجهها بالعنصرية
شوفي الثعبان اللقي ليه شق وجاي ينفث سمومو هنا


ماتحلم باني اناقشك او اوجه ليك كلام
{الكلام للثعبان}

علي مولانا ازهري ان يتبرأ من هذا
ان لم يرد ان يفجعنا فعلا

[عادل عسوم]

المشاركة الأصلية كتبت بواسطة AMAL

ياماريل العنصرية مابواجهها بالعنصرية
شوفي الثعبان اللقي ليه شق وجاي ينفث سمومو هنا


ماتحلم باني اناقشك او اوجه ليك كلام

علي مولانا ازهري ان يتبرأ من هذا
ان لم يرد ان يفجعنا فعلا

ماتحلم باني اناقشك او اوجه ليك كلام

عودي الى الوراء لتعلمي من الذي ابتدر النقاش أو الكلام
لكن لاعليك...
النقاش يكون عادة مع من يؤمن بالديمقراطية فعلا لاقولا ولا يعمد الى الاقصاء وسب الناس بأنهم ثعابين وجدوا (شقا)!
ازهري الذي تأمريه بأن هذا يحمل شهادة الدكتورة في القانون ويكبرك ويكبرني سنا
عذرا مولانا ازهري...

[أحمد طه]

سلام للجميع ، ربنا جل و علا خلق الناس شعوباً و قبائل ، و ما غريبة إنو الواحد فينا يعصر علي ناسو البتجمعوا بيهم أواصر أكتر من غيرم ، زي القبيلة ، المنطقة ،اللهجة ، العادات ...الخ
دا شي طبيعي ،
ياخي النفترض إنو مولانا أزهري دعا لتكوين كيان للشايقية عشان يخدموا قضايا البلد ، المشكلة شنو في الكلام دا ؟؟
انا شايف الناس بقت تتحسس أكتر من اللازم في المسائل دي ، و بعدين دا ما يعني إنو
البيدعو لي كدة زول عنصري لا سمح الله ، دا زول داير يخدم أهلو بس (والجنس للجنس رحمة)
و بعدين القبايل ال (الله ) خلقها دي كلها ، الله قال ليهم (اتعارفوا) و في الآخر قال (إن أكرمكم عند الله أتقاكم)

ماريل إنت قيدك اتحلّ متين

[عادل عسوم]

المشاركة الأصلية كتبت بواسطة أحمد طه

سلام للجميع ، ربنا جل و علا خلق الناس شعوباً و قبائل ، و ما غريبة إنو الواحد فينا يعصر علي ناسو البتجمعوا بيهم أواصر أكتر من غيرم ، زي القبيلة ، المنطقة ،اللهجة ، العادات ...الخ
دا شي طبيعي ،
ياخي النفترض إنو مولانا أزهري دعا لتكوين كيان للشايقية عشان يخدموا قضايا البلد ، المشكلة شنو في الكلام دا ؟؟
انا شايف الناس بقت تتحسس أكتر من اللازم في المسائل دي ، و بعدين دا ما يعني إنو
البيدعو لي كدة زول عنصري لا سمح الله ، دا زول داير يخدم أهلو بس (والجنس للجنس رحمة)
و بعدين القبايل ال (الله ) خلقها دي كلها ، الله قال ليهم (اتعارفوا) و في الآخر قال (إن أكرمكم عند الله أتقاكم)

ماريل إنت قيدك اتحلّ متين

وبالأمارة الغنية ال(مصرية) الجايبا لينا لا فوق دي
بالمناسبة يا أحمد
بالجد عاجباني غنية لي صديق من تاليفك وقدر ما كُستها ما لقيتا...
ياريت لو عندك تسجيل ليها ترسلو لي في الخاص
تسلم مولانا أحمد
وليك هينين مودة

[رأفت ميلاد]

المشاركة الأصلية كتبت بواسطة أحمد طه

سلام للجميع ، ربنا جل و علا خلق الناس شعوباً و قبائل ، و ما غريبة إنو الواحد فينا يعصر علي ناسو البتجمعوا بيهم أواصر أكتر من غيرم ، زي القبيلة ، المنطقة ،اللهجة ، العادات ...الخ
دا شي طبيعي ،
ياخي النفترض إنو مولانا أزهري دعا لتكوين كيان للشايقية عشان يخدموا قضايا البلد ، المشكلة شنو في الكلام دا ؟؟
انا شايف الناس بقت تتحسس أكتر من اللازم في المسائل دي ، و بعدين دا ما يعني إنو
البيدعو لي كدة زول عنصري لا سمح الله ، دا زول داير يخدم أهلو بس (والجنس للجنس رحمة)
و بعدين القبايل ال (الله ) خلقها دي كلها ، الله قال ليهم (اتعارفوا) و في الآخر قال (إن أكرمكم عند الله أتقاكم)

ماريل إنت قيدك اتحلّ متين

جمعيات الدناقلة من أعرق الجمعيات التى عرفها السودان .. الإلتزام بها تام .. ومن لا يحضر لا يستطيع أو لا يريد ينوب عنه شخص آخر .. بها تكافل وفوائد عظيمة .. يقول القول المأثور فى كل المعتقدات (عندما تعطى لا شمالك بما أعطت يمينك) .. هذه الجمخيات وقرت هذا القول فعلاً .. دافع الأشتراكات يساهم فى كل الخير لأناس لم يلتقيهم ..

يا ليت كل الفئات والأعراق لها مثل هذه الجمعيات

[ماريل]

المشاركة الأصلية كتبت بواسطة عادل عسوم

...
بخصوص مداخلة الأخت ماريل:
اللوم فيما تقولين يجدر به أن يوجه الى ذاك الغير الذي (يجد) بأن الشايقي أو الجعلي أرقى منه عرقا أو أفضل منه...
!
...[/COLOR][/SIZE][/FONT]

سلامات
هو لا يجد انك افضل منه انت تأصل فى داخلك وفى داخله لهذه الفكرة
مدعيين العروبة ما زالو يمارسو استعلاء عرقى على حامليين الدم الحامى
وبى قانون الفعل ورد الفعل لازم يتولد احساس مضاد ...
مطلوب منك اول شئ مش تدعى ادعاءات جوفاء انك لا تمارس عليهم
نظرة فوقية مطلوب منك تقنع نفسك ان الافضلية لا تقاس بالنسب او العرق
بعد تقنع نفسك تلقائيا ده بنعكس على قبولك للاخر وتعاملك معاهو وده الشئ
الوحيد الممكن يزيل تراكمات الاسى والغبن الساهمنا نحن فى انو ننميها داخل
عقلهم...يا سيد زول انت قاعد تعاملو كمواطن من الدرجة (الطيش)ومرات ما مواطن
زاتو اها مطلوب منو شنو؟انو يحبك مثلا ....
ولسه فى انفجارات ح تحصل واول الغيث قطرة ....

[ماريل]

المشاركة الأصلية كتبت بواسطة AMAL

ياماريل العنصرية مابواجهها بالعنصرية شوفي الثعبان اللقي ليه شق وجاي ينفث سمومو هنا ماتحلم باني اناقشك او اوجه ليك كلام {الكلام للثعبان} علي مولانا ازهري ان يتبرأ من هذا ان لم يرد ان يفجعنا فعلا

بتفق معاك انو العنصرية ما بواجهوها بالعنصرية ده (سيورى)
اها فعليا مفروض يحصل شنو؟؟
غايتو قاعدين ننتج كمية من المصطلحات البتاصل تانى
لى فكرة تكبير الهوة الانسانية بيناتنا لاحظى الاتى:
عنصرية يمارسها العرب على الزنوج
عنصرية مضادة يمارس الزنوج على العرب
عنصرية جديدة يدعو لها العرب ضد عنصرية الزنوج
وهكذا ندور فى هذه الحلقة القميئة...
التغيير يبدأ بالفرد متى ما كان فى ايمان بحق المساواة بيناتنا على
اساس انسانى ده بنعكس هلى تصرفاتنا تجاه ذواتنا وتجاه الغير
ومن هنا يبدأ الحل....
تحياتى يا صاحبة

[ماريل]

المشاركة الأصلية كتبت بواسطة أحمد طه

سلام للجميع ،


مرحب يا افوكاتو

ربنا جل و علا خلق الناس شعوباً و قبائل ، و ما غريبة إنو الواحد فينا يعصر علي ناسو البتجمعوا بيهم أواصر أكتر من غيرم ، زي القبيلة ، المنطقة ،اللهجة ، العادات ...الخ


ما غريبة اعصر ياخ بس ما لى درجة خلق هوة بينك وبين الاخر
الما بتجمعك بيهو ثقافة او لهجة او نسب صعبة دى....


دا شي طبيعي ، ياخي النفترض إنو مولانا أزهري دعا لتكوين كيان للشايقية عشان يخدموا قضايا البلد ، المشكلة شنو في الكلام دا ؟؟


مافى مشكلة بس افضل لو دعا لى كيان يخدم مشاكل عموم اهل السودان
لانو بى طريقة او باخرى كلنا فى الهم سوا والاحوج للمساعدة ببقى هو الاولى
بيها يعنى عندك اخوك بيفطر بى فول وجارك ما لاقى يبفطر بتخيل لى بدل
تستبدل وجبة اخوك بى سمك امشى فطر التانى الما لاقى يفطر اصلا
يعنى المساعدة تنبى على الحوجة وليست تحسين الوضع...
غايتو هسه انا لو خيرونى اعمل فى كيان يخدم الشمال او يخدم دارفور
طوالى بختار دارفور لانهم الاكثر حوجة لمد يد العون....



انا شايف الناس بقت تتحسس أكتر من اللازم في المسائل دي ، و بعدين دا ما يعني إنو البيدعو لي كدة زول عنصري لا سمح الله ، دا زول داير يخدم أهلو بس (والجنس للجنس رحمة) و بعدين القبايل ال (الله ) خلقها دي كلها ، الله قال ليهم (اتعارفوا) و في الآخر قال (إن أكرمكم عند الله أتقاكم)


اها كان الناس بتعصر على الاية دى مافى مشكلة لكنى اجزم انها شايلنها
وحايميين بيها ساكت بلا تطبيق(احمد انا فاهماك ولا اعنيك بكلامى ده كويس)

ماريل إنت قيدك اتحلّ متين

بس قالو كدى فكونى وانا اتفكيت فيكم عجبك وله لع؟؟

[ازهري الحاج شرشاب]

التحية للجميع ودون شخصة الموضوع والتجريح ودون الخوض فى تفاصيل كثر ترديدها .
هل هناك مايمنع قبيلتى من تكوين كيان يتحدث باسمها ويدافع عن حقوقها ويتصدى بالرد على مايواجهها من اهانات وهضم حقوق ؟؟ وهل اذا قام هذا الكيان يعتبر عنصريا ؟؟ ولماذا لا نسمى تلك الكيانات المذكوره اعلاه وغيرها بأنها عنصريه ؟؟ وهل مطلوب منا دائما ان ندير خدنا الايسر ...؟

[عادل عسوم]

المشاركة الأصلية كتبت بواسطة ماريل

سلامات
هو لا يجد انك افضل منه انت تأصل فى داخلك وفى داخله لهذه الفكرة
مدعيين العروبة ما زالو يمارسو استعلاء عرقى على حامليين الدم الحامى
وبى قانون الفعل ورد الفعل لازم يتولد احساس مضاد ...
مطلوب منك اول شئ مش تدعى ادعاءات جوفاء انك لا تمارس عليهم
نظرة فوقية مطلوب منك تقنع نفسك ان الافضلية لا تقاس بالنسب او العرق
بعد تقنع نفسك تلقائيا ده بنعكس على قبولك للاخر وتعاملك معاهو وده الشئ
الوحيد الممكن يزيل تراكمات الاسى والغبن الساهمنا نحن فى انو ننميها داخل
عقلهم...يا سيد زول انت قاعد تعاملو كمواطن من الدرجة (الطيش)ومرات ما مواطن
زاتو اها مطلوب منو شنو؟انو يحبك مثلا ....
ولسه فى انفجارات ح تحصل واول الغيث قطرة ....

ياماريل لماذا تتحدثين عن هذا الآخر بكل هذا الازجاء؟!
هل هو من المهانة والضعف والاستلاب لهذه الدرجة؟!
ولا بأس من أن القبول-مجازا-طالما جعلتيني مقابلا له أن ارد واقول:
لماذا لا يبحث ذاك الآخر في تاريخه ليجد ما يقويه تجاهي؟!
اقلها أنه ينتمي لهذا الوطن (أصالة) بينما انتمائي لاحق...
أما العروبة والاسلام فهناك مايمكنه الاعتماد عليه من النصوص بأن العروبة هي عروبة اللسان وأن (سلمان منا أهل البيت)!
أنا لم ولن أطالب الآخر بأن يحبني...انما أسعى الى الاحترام المتبادل...
فان حباني الله بما يجعلني افخر به فمن حقه أن يفخر بما لديه دون أن أغمط له حقا أو يغمط لي حقا...
فنحن كمسلمين ينبغي أن نستصحب (ان أكرمكم عند الله اتقاكم) دون خلق آخرين يقتنعون جازمين بأنهم شعب الله النختار أو هم صفوة الخلق وياتي في آخر قائمتهم اليهود والعرب!
ولعلك قد نسيت بأن التأريخ يقول بأن شايق الاب قد تزوج من بلاد الفور فأنجب ابناءه...القول الآخر يفيد بأن تزوج امرأة من البجة...
بل هناك قول مسنود بأن اصل الشايقية من النوبة...
وأن السلطان علي دينار كانت أمه وزوجه شايقية...
كل ذلك أحسبه يدلل بأن (أولئك) الذين تنعتينهم بالتعالي وغمط الآخر كانوا ولم يفتأوا متصالحين مع ذواتهم ومع الآخر تعاملا وتصاهرا.
مودتي

[عادل عسوم]

يا سيد زول انت قاعد تعاملو كمواطن من الدرجة (الطيش)ومرات ما مواطن
زاتو اها مطلوب منو شنو؟انو يحبك مثلا ....

لعلك تتفقين معي ياماريل بأن (الشايقية) هم من أكثر القبائل في هذا السودان استهدافا بالنكات الغامطة والمزجية...
البخل (جلود)...
الغتاتة...
وغير ذلك من الصفات السالبة...
لكن لنأتي ونحلل واقع هؤلاء الناس:
الشايقية جُبِلوا على الشعر...اذ لا يكاد بيت من بيوتهم الاّ ومنه شاعر!
هذا الشِّعر الذي يقرضون كيف هو وما اغراضه وسياقاته ومراداته؟
انه وبالمقارنة باشعار الآخرين أكثر حنية وحميمية وارتباطا بالارض واحتفاء بالأم...وتلك لعمري مشاعر تنم عن صفات موجبة ووضيئة...
والشعر عادة يعتبر ترجمة لما يحويه الوجدان وتحتقبه الدواخل والطوايا...
هنا ينبري سؤال مهم:
هل يستقيم عقلا وضميرا أن تكون الوجدان والدواخل التي تحمل مثل هذه المشاعر والأحاسيس الموجبة تحمل (معا) تلك الصفات السالبة؟!
يقول الله جل في علاه: ماجعل الله لامرء من قلبين في جوفيه
احتراماتي

[نغم]

المشاركة الأصلية كتبت بواسطة أحمد طه

سلام للجميع ، ربنا جل و علا خلق الناس شعوباً و قبائل ، و ما غريبة إنو الواحد فينا يعصر علي ناسو البتجمعوا بيهم أواصر أكتر من غيرم ، زي القبيلة ، المنطقة ،اللهجة ، العادات ...الخ
دا شي طبيعي ،
ياخي النفترض إنو مولانا أزهري دعا لتكوين كيان للشايقية عشان يخدموا قضايا البلد ، المشكلة شنو في الكلام دا ؟؟
انا شايف الناس بقت تتحسس أكتر من اللازم في المسائل دي ، و بعدين دا ما يعني إنو
البيدعو لي كدة زول عنصري لا سمح الله ، دا زول داير يخدم أهلو بس (والجنس للجنس رحمة)
و بعدين القبايل ال (الله ) خلقها دي كلها ، الله قال ليهم (اتعارفوا) و في الآخر قال (إن أكرمكم عند الله أتقاكم)

ود طه اقول ليك حاجه ما عرفت مولانا ازهرى
جاب اللسته الفوق وبعدها داير يثبت شنو

لكن جيت اسالك دحين نحن فى منطقتتا موش فى نفس التسلسل ده
تبدأ من ال عبدالله مثال وتكبر لى اسرة على محجوب و تتوسع لجمعية العلياب و النافعاب و تكبر تانى لتجمع اسر اكثر تسمى العلبوباب وتكبر رابطة ابناء قنتى ودحاج وتتوسع رابطة مروى والتانى كريمه

افتكر ده النسيج الاجتماعى فى السودان كله ودى علاقاته تبدا كده
والتجمعات دى اجتماعيه و خدميه للمنطقة وقاطنيها
وفى السودان المترامى مولودة باسنانها و قدمت الكثير
وده العملوا ابناء دارفور

وبتفق معاك فى تكوين كيان الشايقيه المطروح كان كيان الشمال وهو الاكبر قطاعيا
لكن الشايقيه بكون كيان بخدم اهالى و مناطق تحتاج الى تنمية شاملة و حقيقى محتاجين الان ان نقالع حقنا فى الموازنه و نصيبنا من الثروة مع مطالبتنا بالتنمية المتوازنه و العدالة الاجتماعية فى كل السودان

التساؤل
لماذا يصنف التجمعات دى كاثنيات؟
والهدف واضح اجتماعى و خدمى

و العالم كله فى حالة تنظيم فى جماعات و اتحادات عبارة للقارات

[ماريل]

المشاركة الأصلية كتبت بواسطة عادل عسوم

ياماريل لماذا تتحدثين عن هذا الآخر بكل هذا الازجاء؟!
هل هو من المهانة والضعف والاستلاب لهذه الدرجة؟!


ارجوك ما تسقط على اقوال لم اقولها لكن على العموم
وقت الكلام جاءالنحدثك كان للمهانة مافى اهون من انك تبيد
قرى باكملها تحت دعاوى التطهير العرقى
تانى عايز مهانة اكتر من انك تسلب انسان
من حقو فى الحياة لمجرد رايك انو زنجى


ولا بأس من أن القبول-مجازا-طالما جعلتيني مقابلا له أن ارد واقول:
لماذا لا يبحث ذاك الآخر في تاريخه ليجد ما يقويه تجاهي؟!

ياتو تاريخ هل التاريخ هو من يصنع الكرامة
اهى دى امريكا لا تاريخ لا يحزنون وياها سيدة
العالم بلا منازع ما اعتمدت على اى تاريخ بل
اعتمدت على ذاتا وعلى فكرة محددة (من هنا وللامام)
ولم تنظر للخلف وياك انت ده كنموذج لى بلد ذو تاريخ
عريق مافى اهون واضعف منك حتى ما قادر تثبت للعالم
انك صاحب حضارة نهنبها منك الجيران ونسبوها لهم...
بالله اذا سمحت ما تعتمد
لى على التاريخ اوكى....


أنا لم ولن أطالب الآخر بأن يحبني...انما أسعى الى الاحترام المتبادل...

الاحترام ده هو كلام ام تعامل والله كان كلام ماكم محترمين الاخر
كان تعامل ماكم محترمينهم برضو نقطة سطر قديم...

فان حباني الله بما يجعلني افخر به فمن حقه أن يفخر بما لديه دون أن أغمط له حقا أو يغمط لي حقا...


هسه كدى ورينى انت عايز تفخر عليهو بى شنو؟؟
عليك الله يا عادل ما تقول لى شعر وغناء عشان ما
تحبطنى اكتر من كده

فنحن كمسلمين ينبغي أن نستصحب (ان أكرمكم عند الله اتقاكم)


بعدين قصة التقوى دى هسه انت ضامن لى منو فيكم اتقى من الاخر
هذا لا تستطيع ان تجزم به انت ولا انا فذاك ما وقر فى القلوب
والتى لايعلم بواطنها الا الله...
واهو الايام قاعدة تثبت لينا كل مرة ان اكثر من يدعى التقوى
هم اكثر الناس فحشا وبغيا وظلما...


كل ذلك أحسبه يدلل بأن (أولئك) الذين تنعتينهم بالتعالي وغمط الآخر كانوا ولم يفتأوا متصالحين مع ذواتهم ومع الآخر تعاملا وتصاهرا.


متاكد يا استاذ؟؟
عشان انا متاكدة من عكس كلامك ده!!!

غايتو نشوف اخرك شنو!!!!

[ماريل]

المشاركة الأصلية كتبت بواسطة عادل عسوم

لعلك تتفقين معي ياماريل بأن (الشايقية) هم من أكثر القبائل في هذا السودان استهدافا بالنكات الغامطة والمزجية...
البخل (جلود)...
الغتاتة...
وغير ذلك من الصفات السالبة...
لكن لنأتي ونحلل واقع هؤلاء الناس:
الشايقية جُبِلوا على الشعر...اذ لا يكاد بيت من بيوتهم الاّ ومنه شاعر!
هذا الشِّعر الذي يقرضون كيف هو وما اغراضه وسياقاته ومراداته؟
انه وبالمقارنة باشعار الآخرين أكثر حنية وحميمية وارتباطا بالارض واحتفاء بالأم...وتلك لعمري مشاعر تنم عن صفات موجبة ووضيئة...
والشعر عادة يعتبر ترجمة لما يحويه الوجدان وتحتقبه الدواخل والطوايا...
هنا ينبري سؤال مهم:
هل يستقيم عقلا وضميرا أن تكون الوجدان والدواخل التي تحمل مثل هذه المشاعر والأحاسيس الموجبة تحمل (معا) تلك الصفات السالبة؟!
يقول الله جل في علاه: ماجعل الله لامرء من قلبين في جوفيه
احتراماتي

كدى يا شباب واحد يجيب الكورة دى!!!!!
انا حزينة جدا للفهم ده