السودانيون وعقلية الاقنان والعبيد

[ماهر حسن محمد بيك]

المشاركة الأصلية كتبت بواسطة شوقي بدري

العزيز ماهر لك التحية . حبنا لامدرمان لانها ما عندها سيد بتقبل اي زول وانحنا اهلنا مهاجرين . ومافي سوداني ماعنده حبيب ولا قريب في امدرمان . النميري كان معقول في الاول بيمشي الحامع بي رجلينه وبيمشي بدون حرس . وبيسلم علي الناس . لموا فيه الما ناس امدرمان ونفخوه وفصلوه من ناس امدرمان . وحتي اعضاء مجلس قيادة الثورة الكلهم من امدرمان بقوا ما بيقدروا يقابلوه .
طبقت سياسة الاستعباد والركوب علي رقاب العباد .

سلام أستاذنا
قصدت هنا التعالي لدي كثيرين من أهالي أمدرمان و لعل ما قاله المرحوم عبدالله محمد زين ( شاعر أغنية أنا أمدرمان التي لحنها الفرجوني و غناها كثيرون .... و الزميل في سودانير) ... الما من أمدرمان ما يقول أنا سوداني ... و ال ما من حي العرب ما يتكلم اصلا ..... هذا ما قاله و سمعته منه مباشرة و ليس عنعنة .
ما لونته بالأحمر من مداخلتك يبين مدى إتفاقك معي حول نميري .... بدأ مخلصا منتميا للسودان كله الى أن دخل الإنتهازيون معه .... و الإنتهازيون هؤلاء دخلوا بعد المصالحة الوطنية ..... نميري تنقسم مرحلته الى جزئين ... 1969-1976 .... 1976-1985 .... الأولى كان أغلب الشعب معه .... و الثانية أغلب الشعب ضده ... أول تخفيض رسمي لقيمة الجنيه السوداني كان 1978.... من واحد جنيه = 3.01 دولار الى واحد جنيه = 2 دولار ... اي بعد المصالحة الوطنية