لمه ما احلاها الان ناس سودانيات في بيت سودانيات

[الرشيد اسماعيل محمود]

غايتو البوست دا، أكبر دليل علي إنو ناصر يوسف لم يخذل سودانيات

اللقاها عكود في اسبوع، نحن خمسة سنوات في المنتدي دا ما لقيناها

[ناصر يوسف]

المشاركة الأصلية كتبت بواسطة يحي عثمان عيسي

ما تنسونا من صالح سودانيالت
مسعول يا ناصر من الخير
حافظ حسيبن
وابو جضوم
الناس دي ليه ما معاكم

حبيبنا الذي بالسعوديه بنين
مشتاقين ياخ

حافظ حسين كان في دارفور وصل يا دوبو امس عصريه كده وبقت عليه صعبه من سفر لسفر

ابو جضوم اولاده كان عندهم معاودة للدكتور حسب كلام عكود نسأل الله ليهم السلامه ...
ده غايتو لو بقي ابو جضوم البتعنيه ده ياهو الفهمتو

[ناصر يوسف]

المشاركة الأصلية كتبت بواسطة عبد المنعم حضيري

يا ناصر كتر خيرك

وزادك الله من فضله ونعيمه

وما بكضب عليك لو قلت ليك بقيت (تارجت) لأول إجازة قادمة بإذن الله ...حضر العشا بدون ورقة أسعد ...

والتحية للجميع

هههههه شايف ورقة اسعد دي عجبتك

ياخي دي ورقة زول حاسد ساي وقيل ايضا بغراااااان ... مش بكتبوها بالغين ؟
يا زول حبابك يود وبيتي ياهو بيت سودانيات
شرف عظيم لي يا حضيري انك تخصني بزيارة في بيتك بيت سودانيات وليك علي الم ليك كل الصحاب الهنا

[ناصر يوسف]

المشاركة الأصلية كتبت بواسطة الرشيد اسماعيل محمود

غايتو البوست دا، أكبر دليل علي إنو ناصر يوسف لم يخذل سودانيات

اللقاها عكود في اسبوع، نحن خمسة سنوات في المنتدي دا ما لقيناها

والله يا حبوب ..

كدي في الاول إزيك ياخ ونعلك طيب

تعرف ناس عكود وناصر البهدير وكل بورداب الخارج من الطيور المغتررررربه ومهاجره ديل
وكتين يجوا هني ... بتصلوا وبقولوا هوي هه .. نحن جينا وتجدونا في جوالاتنا الكائنة فوق إيدينا

أها شنوووو ... اقوم اتصل عليهم
نسوي مواعيد برغم رهق طاحونة السودان الشقيق ده ونتلاقي بمحبة وتواصل كما اوصانا بها بيتنا الكبير سودانيات الوااااحد ده ياخ .. المافي شنو علي قول الولد قيقراوي ربنا يرد غربته عن داره سودانيات ... يا رب

فكيف تستقيم الامور إذن يا بن سماعيييين وانت الذي بتلك الفيافي الجميلة دمازين الخير حبن تأتي إلي براحات كرش الفيل وتعود آيباون اتصال ..
ثكلتك المواعيد يا بن خرشويه أيا رشيدويه


ياخي مشاقين ليك بكوم والردوم والله

[زول الله]

ناس يوصفو ليهم غلط
وناس ينتظروهم في الزلط





اقول قولي هذا واستغفرالله لي.......................

[ناصر يوسف]

المشاركة الأصلية كتبت بواسطة زول الله

ناس يوصفو ليهم غلط
وناس ينتظروهم في الزلط





اقول قولي هذا واستغفرالله لي.......................

هع هع هع هع

شاحد ربي يعتر ليك فكي كاااااارب يعمل ليك حجاب محبة تزغلل ليك ابو حنانك ظاتو ياخ

ههههههههه

هو بالله انت فاضي لي من العدادات

هههه

اقسم بالله هسي دي في سيرتك

محمد علي اقترح بإنو اللمة دي تكون شهرية
و. يكون فيها غناء بالعود .... قلت ليه يا ريت زول الله يكون حاضر اللمه الجايه لكن هو في السعوديه بنين

مشتاقين يا زول

[عكــود]

ناصر يوسف رجل يشد أوتار طنابير المحبة متى ارتخت ..
فتعزف أشجى الألحان مع كل الإيقاعات.

عندما يقول عن داره "بيت سودانيات"، فهو يعني ما يقول،
فسودانيات تعني الكثير عن ناصر، والأعضاء هم الأخوان عنده.

ناصر حوش كبير رحِب، وكم نعمنا برفقته ورفقة الأحباب في داره (دار سودانيات).

يا ناصر الله يديك العافية ويحفظك،
وقولة شكراً "لا تفي".

[ود الخير]

المشاركة الأصلية كتبت بواسطة عكــود

ناصر يوسف رجل يشد أوتار طنابير المحبة متى ارتخت ..
فتعزف أشجى الألحان مع كل الإيقاعات.

عندما يقول عن داره "بيت سودانيات"، فهو يعني ما يقول،
فسودانيات تعني الكثير عن ناصر، والأعضاء هم الأخوان عنده.

ناصر حوش كبير رحِب، وكم نعمنا برفقته ورفقة الأحباب في داره (دار سودانيات).

يا ناصر الله يديك العافية ويحفظك،
وقولة شكراً "لا تفي".

سلامة الوالدة أخ عكود ،،، وعليك الله إقلد لينا أخونا ناصر دا قلدة قوية كدا نيابة عن الطيور المهاجرة ،، وانشاء الله نسمع عنكم كل خير وهنيئاً ليكم هذه الجلسة الحلوة

[ناصر يوسف]

المشاركة الأصلية كتبت بواسطة عكــود

ناصر يوسف رجل يشد أوتار طنابير المحبة متى ارتخت ..
فتعزف أشجى الألحان مع كل الإيقاعات.

عندما يقول عن داره "بيت سودانيات"، فهو يعني ما يقول،
فسودانيات تعني الكثير عن ناصر، والأعضاء هم الأخوان عنده.

ناصر حوش كبير رحِب، وكم نعمنا برفقته ورفقة الأحباب في داره (دار سودانيات).

يا ناصر الله يديك العافية ويحفظك،
وقولة شكراً "لا تفي".

لكم سعدت بكم يا جمل الشيل

والمحبة دي ترانا راضعنها منكم كللللللكم اهل سودانيا جت عليكم

تسلم يا زول يا سمح يا حبوب
والببت تراهو بيتك وضراك

[ناصر يوسف]

المشاركة الأصلية كتبت بواسطة ود الخير

سلامة الوالدة أخ عكود ،،، وعليك الله إقلد لينا أخونا ناصر دا قلدة قوية كدا نيابة عن الطيور المهاجرة ،، وانشاء الله نسمع عنكم كل خير وهنيئاً ليكم هذه الجلسة الحلوة

ود الخير يا ود الدروشاب

مشتاقين يا رجل
والقلدة دي مرسله ليك عبر الاثير

ياخي والله عندي فكرة اني اجي علي اوروبا دي تاني ومعاي الكاميرا

كدي نشوف البحصل شنو
غايتو ربنا يسهلها

[نبراس السيد الدمرداش]

المشاركة الأصلية كتبت بواسطة عكــود

ناصر يوسف رجل يشد أوتار طنابير المحبة متى ارتخت ..
فتعزف أشجى الألحان مع كل الإيقاعات.

عندما يقول عن داره "بيت سودانيات"، فهو يعني ما يقول،
فسودانيات تعني الكثير عن ناصر، والأعضاء هم الأخوان عنده.

ناصر حوش كبير رحِب، وكم نعمنا برفقته ورفقة الأحباب في داره (دار سودانيات).

يا ناصر الله يديك العافية ويحفظك،
وقولة شكراً "لا تفي".

يا عمده خليني من ناصر اسي
انا حقي برااااا والا وحاة عوض الجيد اخرخر ليكم خرخره

دايما عامر يا ابو رحيق

[البديري]

سلامة الوالدة .. عكود

[معتصم الطاهر]

المشاركة الأصلية كتبت بواسطة زول الله

ناس يوصفو ليهم غلط
وناس ينتظروهم في الزلط





اقول قولي هذا واستغفرالله لي.......................

شرحو

[شبارقة]

ملمومين في الخير إن شاء الله .. تشكر يا ناصر.

[هيثم علي الشفيع]

هي ذااااااتا ...لمتكم ولاااااااااااااااااا سمحة

ولا الناس الفيهم ذااااااااااااتم سمحين

وأنا ولاااااااااااااااا عزموني ليها

ولاااااااااااااااااااااا ظروفي المطينة حمتني أمشي...

وكان ما خايف ربنا يستجيب -باقي عااااارف روحي زول مبروك-
كان قلت ليكم (إن شالله ما تنفعكم)













لكن

دايماً ملمومين في الخير وعلى الخير
وربنا يديم بيناتنا وبيناتكم وبينات الجميع التواصل والمحبة

وإن شاااااااااااااااااله يا ناصر يا ود عمي يوسف -الله يحسن اليه-
يوم شكرك ما يجي