الأدلة القاطعة علي وجود الله ... لعناية هشام ادم ...

[أمين محمد سليمان]

المشاركة الأصلية كتبت بواسطة تماضر حمزة

حسدتو على شجاعتو، حتّى لو ماكانت خالصة النيّة.

أنا غايتو آمنت بي الله زيادة في البوست دا، ومن غير سف كمان

والله يا ستهم العملو هشام ده شجاعة عجيبة جدا و ده المخليني محسن الظن في نيتو ...
و بالله ياخي ما "تكظبي" لينا في السقط ده : المعلومة العندي إنو "حقتك" علبة نيفيا لبنيه تسع لنصف طن من العماري الجيد

[أمين محمد سليمان]

سلام يا مجدنا

المشاركة الأصلية كتبت بواسطة مجدي محمد عبدالله

متوقعة رده فعل زي دي

حتى التوبة الناس متوقعاها مسروقة

ربنا اهديه

متابع بوست هشام بهناك و لو كنت لسه بكتب بهناك كان بليت ليه الناس اللسه واقفين ليه في حلقو ديل

المشاركة الأصلية كتبت بواسطة مجدي محمد عبدالله

يابروف البوست دا زي الخوارزمية لما وقفت وعاينت ليو من فوق ماف طريقة تتطلع منو

شايفك يا مجدنا إنمليت ثقافة لمن بقيت تشبه البوستات بالنظريات الحسابية

[أمين محمد سليمان]

المشاركة الأصلية كتبت بواسطة فتحي مسعد حنفي

أنا بعرف واحدة بتسف وبتلف وبتلعب حريق وطالبة في الجامعة كمان..انت قايل المساواة دي لعبة؟؟؟؟؟؟

قبلها وحدها صحبتك دي
بعدين مساواة شنو يا عم فتحي ؟ الحاجات دي معظم الشباب البعرفهم ما بعملوها، إلا كان قصدك يساونا بيهم ...

[أمين محمد سليمان]

المشاركة الأصلية كتبت بواسطة الرشيد اسماعيل محمود

سلامات يا بروف،،
سؤالك عن إيقاف هشام آدم منطقي، ومعاك بنتساءل عن سبب الايقاف، ويا ريت الامانة العامّة تنوّرنا

يا رش ... ده رد عمك كانديك ( سفيرنا في دمشق ) عن موضوع إيقاف هشام، من بوست حافظ :

المشاركة الأصلية كتبت بواسطة طارق صديق كانديك

مرحبتين ياحافظ .

هذا افتئات كبير على الحقيقة.


افترع هشام آدم بوست (البحث عن الله) بتاريخ 15/12/2012 واستمر البوست حتى وصل الصفحة 19 بعدد مداخلات بلغ 277 مداخلة. حين كتب ماكتب عما يعتقده أياً كان اعتقاده موافقا أم متقاطعاً مع ادارة المنبر-آنذاك- فقد رأت أن من حق العضو هشام آدم أن يتحاور فيمايشاء من المعتقدات، اذ يظل هذا الأمر مهما تحدث به أمراً شخصياً يتعلق ببحثه عن سلامه الروحي مع الخالق أو مع مايعتقده هو من مذهب. وله حق أن يحاور فيه الناس. وظل يكتب في هذا المنبر حتى تاريخ 28/12/1012. فعن أي حملة اسلامية تتحدث؟

أوقف العضو هشام آدم ككثيرين غيره من الأعضاء والعضوات حين تعدى حديثه وقفز حواره من طرح فكرته الى الاساءة بيقينة لايحسد عليها في ثلاثة مداخلات عرضية في بوستات مختلفة وليس بسبب بوسته البحث عن الله . ولم يكن ايقافه نتيجة حملة قادها من أسميتهم حراس الدين ، ناقشت الأمانة العامة آنذاك ثلاثة اساءات محددة تم حذفها ومراسلته ومن ثم اتخذت فيها الأمانة العامة قرارها بايقافه عن الكتابة.

إن بوست (البحث عن الله) الذي ناقش فيه العضو هشام ادم بحرية تامة دون تدخل من أحد لازال مستقراً بإطئمنان على صفحات هذا المنبر، ولم تتم مصادرته فإن لم يكن ذلك كله التزاما بالدفاع عن حقه كانسان وكعضو في هذا المنبر فماذا يكون؟؟

إن طرح هشام ادم الالحادي يجعل من انكاره وعدم ايمانه بمقدسات المسلمين أو المسيحين أمراً بديهياً يتطلب منا احترام وجهة نظره، كما يتطلب منه هو ايضا احترام هذه المقدسات بعدم الاساءة اليها، إذ له أن ينكرها ويأتي بفرضياته وأدلته التي تناقضها وتقول بغيرها ، دون أن يستهزئ بها، وهو ما حاول أن يلتزم به في البوست أحايين كثيرة وفشل في ذلك حين تداخل في غيره.

ثم إنه ليس من شِرعة حقوق الانسان أن تتوفر لشخص ما حرية تجعله يطأ فيها بقدميه على مقدسات الآخرين لينال حريته هو. الجميع سواء فيما يعتقدون وسواء كذلك في احترام هذه المعتقدات وعدم التجني عليها والاستهزاء بها مؤمنة كانت أم الحادية.

[أمين محمد سليمان]

ديدي يا حبيبنا ...

المشاركة الأصلية كتبت بواسطة هشام ديدي

دي من حركه العدل والمساواه.........

لو عندها عرقي..من التحرير ولا مؤتمر وطني..حا تموت شهيده للعرقي...هي لله

كلامك ده مي ياهو ...

[أمين محمد سليمان]

يا همسنا ... سلام يا أختاه

المشاركة الأصلية كتبت بواسطة همس الشوق

صباحاتو يا بروف
والله انا زاتي حساسة ومسكينة ودموعي ساكنه معاي ما قريبة
بس الواحد كان محبط من الشي الحاصل بخصوص هشام
من يوم جاء وكتب ونحن بننادي بإيقافه لسبه لرسول الله صلى الله عليه وسلم ولله سبحانه وتعالى وحتى الرسل والانبياء القبل
والناس جارية وراء الإنتخابات وما جابية خبر
كان الادارة ولا كان الأعضاء الا القله القليلة



أما بخصوص الجكس البسف
سارة

إيقاف هشام موافق للائحة ، السؤال :
- لماذا تم تاخير في الايقاف ؟
- لماذا لم يتم عمل تنوير للاعضاء مثلما حدث للاخت التي اوقفت ؟


----------
بعدين ياخي أرجو انك ما تنشري الاشاعات : سارة خلت الصعود ليها قريب سنة و التائب عن الذنب كمن لا ذنب له

[خالد غالي]

المشاركة الأصلية كتبت بواسطة أمين محمد سليمان

الغالي خالد

المحبة و الأحترام ديل ما ممكن يتغيرو لإختلاف وجهات النظر ... طالما مبرراتي ما اقنعتك مافي مشكلة لكن تأكد إنو أنا كنت و ما زالت صادق فيها .
الحاجة الوحيدة الوقفتني في مداخلتك دي انك ما ناقشت كلامي، بس جيت قلت إنو ما مبرر ليك و طبعا دي ما مشكلة، لكن شايفك مصر علي قصة إنو البوست ده إعادة للبوست الفي س. أونلاين رغم إنو أنا كررت إنو البوست ده كان مفروض يكون فيهو زيادة خير
هشام يا خالد ما ناقش و قش خشمو ، هشام ناقش و أساء في حتت ما بتستحمل الأساءة (علي الأقل بالنسبة لي ) ، الحوار و النقاش حبابو الف ما كلام ساي حقيقة واقعة من يوم بقيت اكتب في اسافير الله الواسعة دي، اساءة و قلة أدب ما معانا ... الزول الداير الناس تحترمو بحترم الناس عشان ما نبقي في جنس الكلام ده ..
و كويس جدا يا خالد انك منتبه لمسألة المثالية العالية دي لانو نفسي الأمارة بالبل دي لو كانت فوتت لهشام كلامو ده كنت ح اتحير حيرة شديدة جدا !!
محبات و إحترامات لا ليها أول لا ليها آخر ..

طيب يابروف اسي الدنيا ليل والناس يامروسة يامافيشة يعني خلينا نتناقش بي راحتنا ون تو وخلينا نحسم القصة دي

كل سنة وانت طيب ياخي وان شاء الله سنة سعيدة علينا اجمعين

الموضوع كالتالي بالنسبة لي ... اولا انا اختلف مع هشام اكتر منك انت ذاتك في كل حاجاتو .. وللامانة حتى اعتذارو ده انا مامصدقو فيهو
دفاعي عنو مادفاع عنو هو شخصيا انما دفاع عن حاجات انا بتمنى ماتروح من الناس وبطالب بيها الناس البشوفها المفروض تكون فيهم وانت واحد منهم وده ماشكر
يا امين انت دوافعك الزمان خلتك تكوس ورا هشام كانت دوافع شخصية بحتة دوافع انتقام لي نفسك وانت قلت الكلام ده عديييييل انو لو ماكان غلط عليك ماكنت فتشت وراهو صاح ؟
واسي في فتحك للموضوع ده تاني بتدي ايحاء كانو ياهشام تفتح خشمك بجيب ليك سرقاتك وماضيك كلو هنا .. اسلوب فيهو ابتزاز يا امين واول مايوحي للزول بانو ضعف حجة وعدم قدرة على النقاش ... اسي دخل كلامو عن الرسول وعن ربنا الكان بيقول فيهو بي السرقات دي شنو ؟؟ وتاني حا اقول ليك دخل اسم بوستك دلائل وجود الله بي سرقات هشام شنو ؟؟
المهم يا امين ليتك جبت لي هشام دلائل وجود الله اول شي وبعد داك بليتو .. وان كان افحامك ليهو في النقاش بيكون احسن من تمسكو من يدو الموجعاهو كل مرة كده
من ناحية تانية خالص السبب الاساسي الخلاني اقيف في الموضوع ده من البداية هو نفس السبب الخلاك تخاف وتقعد تقول ليهو تعال اكد لي انك ماحاتعمل في نفسك حاجة واظن الموضوع ده واضح شديد من زماااان بالتالي اصلو ماكان في داعي تسكو كده

عليك الله اسي كان صحي عمل في نفسو حاجة انت كان تودي وشك وين من ضميرك

[سارة]

المشاركة الأصلية كتبت بواسطة أمين محمد سليمان

يا همسنا ... سلام يا أختاه إيقاف هشام موافق للائحة ، السؤال :
- لماذا تم تاخير في الايقاف ؟
- لماذا لم يتم عمل تنوير للاعضاء مثلما حدث للاخت التي اوقفت ؟


----------
بعدين ياخي أرجو انك ما تنشري الاشاعات : سارة خلت الصعود ليها قريب سنة و التائب عن الذنب كمن لا ذنب له

يعنى لازم تضربو برستيجنا اكتر من ما هو مضروب
يا جماعة موضوع تطير مننا الانتخابات دا بلعناهو لكن موضوع
الجكس دا عليكم الله ما تمرقونا منو ساكت
ياخ انعل ابو كشف الحال ياخgapgap

[أمين محمد سليمان]

شليل الشفيف يا بتاع الملوحة .... سلام يا رجل ...

المشاركة الأصلية كتبت بواسطة شليل

صباح الخير يا بروف.. كيف أحوالك
- معليش يابنج.. إلا حنكك ما سنين في إنو مافي مشكلة إنو عنوان البوست ما يطابق الموضوع ؟ هسع لو كتبت بوست أعلنت فيهو سقوط حكومة المؤتمر الوطني وموضوعي كان سقوط الثلج في الجاده رقم 48 بمدينة شنب النمله بتعفوا لي مابتعفوا لي ولا حاجه.. الواحد بيخش المنبر ده والمزًه - بفتح الميم - جمبو ، بالطريقة دي حتشرعوا لينا نلفها والله.
- عفوا إذا ما قدرت أوضَح نقطتي رقم 2 : قصدت يا بروف إنو الناس الفي الحله دي ما معنيين بالصراعات الفي الحله الغادي لأنو ما عندنا فكره عن منشأ الصراع ده ، هل كان فيهو مقصًات وللا خالي مقصًات ، إلخ
- معليش.. قريت ردك لمبر وخالد غالي وما إلتقطت حجه قويه.
- بتسائل معاك عن سبب توقيف هشام آدم ، وبرجو من الإداره إذا وقفت زول تشير للماده إللي تم تجاوزها عشان الناس تعرف الحاصل شنو

---
نعم صورة البروفايل تخص الزول الجميل الإسمو عماد الأمين ، الله يرحمو ويحسن إليه

يا زول والله حنكي سنين سنة ... إنت براك مابيه !!
- لو كتبت بوست أعلنت فيهو سقوط حكومة المؤتمر الوطني وموضوعك كان سقوط الثلج في الجاده رقم 48 بمدينة شنب النمله ما بنعفي ليك، لكن لو كتبت بوست عنوانو نقاش نظرية فيثاغورس و موضوعو بيناقش سقوط الثلج في الجاده رقم 48 بمدينة شنب النمله ما بنشتغل بيك شغلة ... لانو فرق كبير بين العنوان يكون خبر لحدث و بين إنو دعوة لنقاش موضوع معين ... و إنت سيد العارفين ...
- كلامك سليم يا بنج ... الناس الفي الحله دي ما معنيين بالصراعات الفي الحله الغادي لأنو ما عندكم فكره عن منشأ الصراع ... لكن البوست ده ما اتفتح بخلفية الصراع الهناك ...و هشام قبل أي زول عارف الكلام ده ... و لحدي ما هشام بدأ اسآتو ما جاء في خاطري أصلا أفتح ليه بوست ولا ادخل معاهو في أي نوع حوارات ... و بالمناسبة أنا مفرق تماما بين هنا و هناك و ما اتكلمت بحرف كان خير كان شر عن بهناك... بالنسبة لي ديل بلدين مخلتفين تماما ... تاكد إنو البوست ده ما اتفتح باي سبب جايبو من هناك .
- في ردي الأول لخالد و لمبر وضحت سبب فتح البوست ده و ببساطة شديدة ... فتح البوست ده ما عندو علاقة بمشكلة شخصية مع هشام ولا بالحادو ، عندو علاقة بقلة أدبو و اساءتو للناس ..دي القصدتو ليك بمداخلة خالد و مبر ...

أرقد عافيه و ما تتقل في الملوحة ..

[أبوبكر عباس]

يا غالي،
خف على البروف شوية، وخليهو يطلع من خانة اليك، يعني الراجل، كلما يقول خلاص نسانا الموضوع الأساسي، انت تجي راجع تقول ليهو: فعلا كرة القدم الأمريكية حلوة، لكن نرجع للموضوع الاساسي!
مشي يا أخ وخليك آليصتا...

[خالد غالي]

المشاركة الأصلية كتبت بواسطة بابكر عباس

يا غالي،
خف على البروف شوية، وخليهو يطلع من خانة اليك، يعني الراجل، كلما يقول خلاص نسانا الموضوع الأساسي، انت تجي راجع تقول ليهو: فعلا كرة القدم الأمريكية حلوة، لكن نرجع للموضوع الاساسي!
مشي يا أخ وخليك آليصتا...

يعني نخليو ؟

غايتو الحاجة الانا متاكد منها انو تاني لو هشام جا قلب هوبة هنا في المنتدى ده البروف اصلو مابيقول ليهو تلت التلاتة كم

[أمين محمد سليمان]

و إنت طيب يا حبيبنا ... و ربنا يحقق أماني الجميع ...

المشاركة الأصلية كتبت بواسطة خالد غالي

طيب يابروف اسي الدنيا ليل والناس يامروسة يامافيشة يعني خلينا نتناقش بي راحتنا ون تو وخلينا نحسم القصة دي

كل سنة وانت طيب ياخي وان شاء الله سنة سعيدة علينا اجمعين

الموضوع كالتالي بالنسبة لي ... اولا انا اختلف مع هشام اكتر منك انت ذاتك في كل حاجاتو .. وللامانة حتى اعتذارو ده انا مامصدقو فيهو
دفاعي عنو مادفاع عنو هو شخصيا انما دفاع عن حاجات انا بتمنى ماتروح من الناس وبطالب بيها الناس البشوفها المفروض تكون فيهم وانت واحد منهم وده ماشكر
يا امين انت دوافعك الزمان خلتك تكوس ورا هشام كانت دوافع شخصية بحتة دوافع انتقام لي نفسك وانت قلت الكلام ده عديييييل انو لو ماكان غلط عليك ماكنت فتشت وراهو صاح ؟
واسي في فتحك للموضوع ده تاني بتدي ايحاء كانو ياهشام تفتح خشمك بجيب ليك سرقاتك وماضيك كلو هنا .. اسلوب فيهو ابتزاز يا امين واول مايوحي للزول بانو ضعف حجة وعدم قدرة على النقاش ... اسي دخل كلامو عن الرسول وعن ربنا الكان بيقول فيهو بي السرقات دي شنو ؟؟ وتاني حا اقول ليك دخل اسم بوستك دلائل وجود الله بي سرقات هشام شنو ؟؟
المهم يا امين ليتك جبت لي هشام دلائل وجود الله اول شي وبعد داك بليتو .. وان كان افحامك ليهو في النقاش بيكون احسن من تمسكو من يدو الموجعاهو كل مرة كده
من ناحية تانية خالص السبب الاساسي الخلاني اقيف في الموضوع ده من البداية هو نفس السبب الخلاك تخاف وتقعد تقول ليهو تعال اكد لي انك ماحاتعمل في نفسك حاجة واظن الموضوع ده واضح شديد من زماااان بالتالي اصلو ماكان في داعي تسكو كده

عليك الله اسي كان صحي عمل في نفسو حاجة انت كان تودي وشك وين من ضميرك

يا زول كيف الكلام ده ... الساعة عندي 5:25 العصر ... و بكتب و أنا شغال ... يعني اشتغل شوية و اكتب شوية ... مشكلتي الوحيدة إنو شايف اننا لافين في حلقة مفرغة .. و أنا بكتب كلام يا خالد و تاني إنت بتجي تسالني منو ... أقوم أرد ليك نفس الرد و هكذا ...
يا سيدي، البوست الأول في س. أونلاين أنا كتبت فيهو اني فاتحو لاسباب شخصية جدا لانو :
1- هشام شتمني .
2- لمن قلت ليه إنت حرامي بتاع سرقات أدبية ...قال لي ( أبقي راجل و أثبت الكلام ده ) !!
قعدت قريب شهرين - كل يوم ساعة علي الأقل - أنبش في كتابات هشام لحدي ما أثبت السرقة الأدبية ....
لمن أفتح بوست لسبب شخصي و إنتقام شخصي عشان نفسي الأمارة بالسوء دي تنبسط بقولها عديل و كتبتها في أول مداخلة في بوست س. أونلاين ... و لمن أقول ليك البوست ده ما اتفتح بغبينة شخصية من هشام و لا بسبب الحادو ... أرجوك صدقني
أنا ما قلت لهشام " تفتح خشمك بجيب ليك سرقاتك وماضيك كلو هنا " ... أنا جبت ليه سرقاتو و ماضي كلو هنا قبل ما أقول ليه ذاتو ... إنت شايفو إبتزاز ... حبابك ... لكن الأبتزاز البعرفو أنا فيهو تهديد ... أنا ما هددتو .... جبت ليه القديم و كنت جايب ليه الجديد قام جابو براه ...
يا عم خالد ، أنا ما عندي أي مشكلة اننا نكون مختلفين في الرأي و ما شرط تقنعني ولا اقنعك ... دايما في نقاشاتي مع أي زول بهمني جدا الزول يفهم كلامي كويس، بعداك يقتنع بيهو ولا لا أبداً ما مشكلة، قصة البوست ده حسب وجهة نظري بسيطة جدا جدا، استفزتني اساءات هشام للرسول تحديدا ، نكت ليه القديم و كنت جايب ليه الجديد ... إنت تشوفو إبتزاز ... قلة أدب ... صعلقة ... أي حاجة.... ما مشكلة .
ما بجيب دلايل وجود الله لهشام يا خالد لانو هشام - في نظري - ما زول جاي يناقش ... يفيد و يستفيد ... يقنع و يقتنع ... هشام مارق دعوة للالحاد زي ما ناس جماعة البلاغ الكانو في شروني ديك بطلعو دعوة لله .... و يا ريت لو كان بدعو بأدب ... بدعو باساءة و استفزاز وصلتنا للكلام ده ...
الوضع الان مختلف ...هشام لو بيدي ربنا يهديه الليلة، و قلقت جدا لمن سيطرت علي فكرة إنو عايز ينتحر لكن لو كان فعلا إنتحر بدبرس لانو في زول بعرفو انتهي نهاية مأساوية... لكن ما ممكن أحس بتانيب ضمير و لو للحظة إنو أنا السبب ..

المشاركة الأصلية كتبت بواسطة خالد غالي

غايتو الحاجة الانا متاكد منها انو تاني لو هشام جا قلب هوبة هنا في المنتدى ده البروف اصلو مابيقول ليهو تلت التلاتة كم

كان كده إنت ما عارف حاجة ساي !!!
قصة سرقاتو دي بالنسبة لي خلاص موضوع منتهي ... زول إعترف بالتفاصيل ... بالعكس ... أنا حاسي - أكتر من أي زول تاني - إنو الراجل ده محتاج مساعدة و إنو الناس تقيف معاو و تثمن الحاجة العملها دي ... من جهه تانيه هشام لازم يتعلم إحترام معتقدات الناس .... يجي يناقش في وجود الله ... في إنو الأنبياء ديل ما مرسلين من الله ... داير يعبد كلب زي ما قال حافظ حسين حبابو ... لكن اساءة لمعتقدات الناس ما حبابها ...
باختصار مخل يا عم خالد : ياخي محترم كلامك و كلام عمك شليل و حافظ حسين و كل الناس الشايفني غلطان في البوست ده، ما طالب تقتنعو برأيي ده ... بس إحترمو لي زي ما أنا محترم ليكم رأيكم ده !!

كل سنة و إنت طيب تاني !!

[أمين محمد سليمان]

المشاركة الأصلية كتبت بواسطة سارة

يعنى لازم تضربو برستيجنا اكتر من ما هو مضروب

إنت أنا كلمتك كم مره ما تسفي قدام الناس ؟!

[سارة]

المشاركة الأصلية كتبت بواسطة أمين محمد سليمان

إنت أنا كلمتك كم مره ما تسفي قدام الناس ؟!

كل سنة وانت ومن حولك بالف خير
انا فنجرة منى ساكت الليلة ما دايرة شكل
والصعوط زاتو خليتو
بس ياها المدردمة دى اخر واحدة

انا شخصيا اعتبرت البوست دا دليل على وجود الله
مش البوست دا اظهر الحقيقة وثبت انه هشام
سارق باعترافه يبقى دايرين دليل على وجود الله
اكتر من دا
السطور الاخيرات ديل ما تهبشن يا عمو امين ديل
للعزيز خالد غالى والحبيب بكة مع امنيات بسنة سعيدة

[أمين محمد سليمان]

المشاركة الأصلية كتبت بواسطة بابكر عباس

يا غالي،
خف على البروف شوية، وخليهو يطلع من خانة اليك، يعني الراجل، كلما يقول خلاص نسانا الموضوع الأساسي، انت تجي راجع تقول ليهو: فعلا كرة القدم الأمريكية حلوة، لكن نرجع للموضوع الاساسي!
مشي يا أخ وخليك آليصتا...

غايتو يا بكة، البوست ده مافيو حاجة آليصتا غيرك !!