الأدلة القاطعة علي وجود الله ... لعناية هشام ادم ...

[الرشيد اسماعيل محمود]

المشاركة الأصلية كتبت بواسطة خالد غالي

ويابروف ويامجدي .. موضوع اساءة هشام للرسل ده بتحكمو اللائحة يعني لو خالف اللائحة وهو فعلا خالفها حقوا تشتكوهو للادارة زي مافي ناس اشتكتو وفعلا اتعاقب .. كمان بقيتو تاخدو حقكم بي يدكم ؟ في غابة نحن

سلامات يا غالي،،
الموضوع ليس أخذ حق باليد، بقدر ماهو محاولة للاعتراض علي اسلوب معين، كلام البروف واضح، قال هشام أساء، والبروف ردّ علي إساءتو للناس (باعتبار إنو البروف من ضمن الناس) بفتح البوست دة، ولاحظ يا غالي هنا انتفت صفة أخذ الحق باليد، لأنو البروف لم يرد علي الاساءة بإساءة ولا حتي وقف هشام عن الكتابة.
أنا ما شايف البوست دة مسئ بالنسبة لهشام آدم، لأنو هو الاساء لروحو حين سمح ليها بالانتحال والسرقة الصريحة بإعترافو الشخصي. الحقوق ذاتها حسب فهمي ليها، قسمين، عام وخاص، الحق العام بتوفروا اللائحة، وطريقة البروف دي اعتراض داخل في بند الخاص، مش علي كيفو؟، البروف شايف إنو دي طريقتو في رد إساءة هشام آدم، طيّب وين المشكلة؟، أنا أفهم إنك يا غالي سجّلت إعتراضك علي طريقة البروف في فتح البوست دة، لكن ما فاهم ليه النقطة الداير تصل ليها شنو؟، حقيقي ما فهمت، يعني هسع المطلوب من أمين شنو؟
بالمناسبة، أنا من ضمن الناس المعترضة علي البوست دة ابتداءً، قلت رأيي بشكل من الاشكال، والبروف شرح وجهة نظرو، هو أكيد محترم وجهة نظري وأنا برضو بنفس القدر. وسائل تناولنا للأشياء تختلف وفقاً لاختلاف زوايا النظر وتقديرنا للأمور، والصواب هنا حسب شوفي، إنو لزاماً علينا احترام وجهات نظر الآخرين، لأنه ليس المهم أن تقنعني بوجهة نظرك، بل الأهم أن تنجح في توصيلها، وأراهن أن الجميع هنا قد فعل.

تحياتي

التوقيع: متضامن مع البروف ضد الرومانسيين

[Magdy]

المشاركة الأصلية كتبت بواسطة خالد غالي

ويابروف ويامجدي .. موضوع اساءة هشام للرسل ده بتحكمو اللائحة يعني لو خالف اللائحة وهو فعلا خالفها حقوا تشتكوهو للادارة زي مافي ناس اشتكتو وفعلا اتعاقب .. كمان بقيتو تاخدو حقكم بي يدكم ؟ في غابة نحن

اسي في زول اخد حقو بي يدو

الادارة هي الفصلتو

والبوست دا كان عشان يشوف عوجه رقبتو(بالحق)

بدل مامركز علي رقاب الناس(بالباطل)

بالرغم من انو اي زول محايد(بدون خلفيات سابقة) يقرا الحوار بكل سهوله ممكن يقرر

انو الزول دا ما اتى لحوار (عارفك حاتقول لي ما اتى لحوار بي فهم منو)

ياولدنا الكمال لله عزوجل وطالما المسالة في النهاية حاتحسم بتقدير شخصي(بشري)

الناس ماحاتصل لي نهاية في الكلام دا وكل زول حايستفتي نفسو ويقول رايو

اليهود حسموا الموضوع دا بدري وجونا بمعاداه السامية

حقو احنا زاتو نعمل لينا قانون معاداة السودانية ونخلص من القصة دي(برضو حاتقول

لي سودان بي فهم منو بي تعدد الاديان والثقافات الحاصل دا )

وهكذا دلاليك وبناقز زاتو

عشان كدا هشام دا اعتبرو واحد من ضحايا عدم الكمال البشري وواقع المسلمين ك ناس

حساسين بغض النظر عن المفروض لانو ماحصل اتعامل مع الحاصل

بعدين قضية الاخلاق دي لي مامدينها قدرها رغم انها من صميم الدين(الاسلامي)

وانا عند يقين(99%) انو لو كان زول غير هشام دا الموضوع كان انتهى زمان

يعني الحساسية متبادلة

ودمت بخير

[أمير الأمين]

غايتو التضامن مع هشام أدم فى اى شئ
بقى مشكلة فى حد ذاتو...!!
دا حسب مجريات "البل" الحاصلة بى هناك

[أبو دعد]

المشاركة الأصلية كتبت بواسطة خالد غالي

يابروف قطعت لي كلامي من سياقو وجبتو كاني قلت ليك تاني ماتفتح بوستات الا تستأذن وده ماصحيح زي ماعارف يعني !!

ويابروف ويامجدي .. موضوع اساءة هشام للرسل ده بتحكمو اللائحة يعني لو خالف اللائحة وهو فعلا خالفها حقوا تشتكوهو للادارة زي مافي ناس اشتكتو وفعلا اتعاقب .. كمان بقيتو تاخدو حقكم بي يدكم ؟ في غابة نحن

طيب يا اخ خالد انت هنا تدافع عن هشام ادم و تمنع الدفاع عن الرسول و الإساة الى الرسل تدخل فى باب الكفر

[خالد غالي]

اها يا ايها القوم اللذين لم يقسم الله لكم مزعة من رومانسية
فكو هشام آدم واتلببوني انا !!

الرشيد والله انت ياهو الحقو يكتبوا في بروفايلو عضو خشبي

[رأفت ميلاد]

المشاركة الأصلية كتبت بواسطة أبو دعد

طيب يا اخ خالد انت هنا تدافع عن هشام ادم و تمنع الدفاع عن الرسول و الإساة الى الرسل تدخل فى باب الكفر

أها هسة كلام أبو دعد بعيد من كلام هشام آدم

[فتحي مسعد حنفي]

المشاركة الأصلية كتبت بواسطة أبو دعد

طيب يا اخ خالد انت هنا تدافع عن هشام ادم و تمنع الدفاع عن الرسول و الإساة الى الرسل تدخل فى باب الكفر

باب شنو ياراجل ياطيب ياخ هو هشام داسي ولا ناكر كفرو هو الفلم دا كلو عشان هو داير يقنعنا انو ما غلطان عشان كفر لكن احنا ما هامينا كان كفر ولا كورة شراب وكل الدايرنو هو احترام مشاعر الغير..
بالمناسبة الناس البتدافع عن هشام ما بدافعوا عن معتقداتو لكن بدافعوا عن حرية طرح الرأي وما عايزين كل زول يجيب سكينتو ويقطع حتة من لحم هشام.. عشان كدا أنا شايف ان البوست دا استوفي حقه وكفاية لغاية كدا علي الأقل بالنسبة لي أنا..

[Magdy]

vicious circle

[فتحي مسعد حنفي]

المشاركة الأصلية كتبت بواسطة مجدي محمد عبدالله

vicious circle

استعمال هذا التعبير في منتهي الذكاء فهو من ناحية يعني حلقة مفرغة ومن ناحية تانيا اذا أخدنا كلمة vicious لوحدها لوجدناها تعني بذيئ أو غير مهذب وممكن تكون سافل..أها انت دايرا كاملة ولا داير النص ولو النص الأول ولا التاني وكان الأول قاصد بيهو منو؟؟؟؟؟؟شفت كيف يامجدي كلمتين بدخلونا كيف في vicious circle

[Magdy]

المشاركة الأصلية كتبت بواسطة فتحي مسعد حنفي

استعمال هذا التعبير في منتهي الذكاء فهو من ناحية يعني حلقو مفرغة ومن ناحية تانيا اذا أخدنا كلمة vicious لوحدها لوجدناها تعني بذيئ أو غير مهذب وممكن تكون سافل..أها انت دايرا كاملة ولا داير النص ولو النص الأول ولا التاني وكان الأول قاصد بيهو منو؟؟؟؟؟؟شفت كيف يامجدي كلمتين بدخلونا كيف في vicious circle

عاوزين واحد يستحدث لينا اليه لتوصيل النوايا الاسفيرية

ياعمنا فتحي خلينا نطلع من الاولى بعدين جيب التانية ديgap

[أبو دعد]

المشاركة الأصلية كتبت بواسطة رأفت ميلاد

أها هسة كلام أبو دعد بعيد من كلام هشام آدم

رأفت كل سنة وانت طيب
اذ هشام و من يقف معه يإساءتهم يعصون الله فنحن بدفاعنا نطيع الله

[ابو ابراهيم]

المشاركة الأصلية كتبت بواسطة أبو دعد

طيب يا اخ خالد انت هنا تدافع عن هشام ادم و تمنع الدفاع عن الرسول و الإساة الى الرسل تدخل فى باب الكفر

كفر
بالله عليكم شوف الكلمة دى الناس عندهم حساسية معها قدر شنو
شوفو الكبار جو جارين جمبلغ لفحوها كيف

المشاركة الأصلية كتبت بواسطة خالد غالي

اها يا ايها القوم اللذين لم يقسم الله لكم مزعة من رومانسية
فكو هشام آدم واتلببوني انا !!

gap
انا بجيك بعد شوية
بس اوع تعمل لى فيها رومانسى
اركز بس

............
تحياتى
وخاصة لعم فتحى ورأفت ميلاد

[خالد غالي]

لا كدي دقيقة الرومانسية خلوها

انا اتعرضت للتكفير في هذا البوست ولا شنو ؟

[ابو ابراهيم]

المشاركة الأصلية كتبت بواسطة خالد غالي

لا كدي دقيقة الرومانسية خلوها

انا اتعرضت للتكفير في هذا البوست ولا شنو ؟

هشام قضيتوا خلصة براهو
شايف الناس بهناك
بنكتو فى الخطوط النايمة
ههههههه

[ام التيمان]

المشاركة الأصلية كتبت بواسطة خالد غالي

لا كدي دقيقة الرومانسية خلوها

انا اتعرضت للتكفير في هذا البوست ولا شنو ؟

يا خالد البدخلك فى الفرنغاغة دى شنو
الاسلام دا زى الفريك ما بدور شريك
و دا السبب المخلى العالم الاسلامى يعج بالحروبات القتل و التشريد و انهيار الاقتصاد
و التفرقة العنصرية و الدينية و اقصاء الاخر
و عدم المساوة و السلام و الامن
و مصادرة الحريات و حالة هشام نموزج للحاصل
و الكتبو هشام فى بوست البحث عن الله كل حقيقى
و مضمن فى الكتب و الاحاديث و السيرة
و المعارضين ديل هم ذاتم عارفين كدا
لكن منو البقدر اقول البغلة فى الابريق

كل عام و انت بخير