أبو أماني

[فيصل سعد]

المشاركة الأصلية كتبت بواسطة عبد المنعم حضيري

والليلة هوي يا جنا
ود سعد من بُري جنبنا

الحبوب ود عمنا دا خلي يخلص جاكاته اول
بعدين نشوف الفلم دا آخره شنو، لكن كتصبيرة
للجميع،، قصة العربية و السواق و كمبوني دي
اكيد ما عندها عوجة تب، أما موضوع مارلين
و ترافولتا، بحيث أنه أكبر أولاد عمنا، و نحن
ما حضرنا جغمساته الباكرة في القرن الماضي،
إلا أن هذه الادعاءات تطعن و تقدح في شهادة
تسنينو 1/1/1955 الحايم بيها دي و احتمال
كبير يكون الفرق بينها و بين تاريخ ميلاده
عشرة سنين على الأقل أن ما زيادة

[عبد المنعم حضيري]

المشاركة الأصلية كتبت بواسطة فيصل سعد

الحبوب ود عمنا دا خلي يخلص جاكاته اول
بعدين نشوف الفلم دا آخره شنو، لكن كتصبيرة
للجميع،، قصة العربية و السواق و كمبوني دي
اكيد ما عندها عوجة تب، أما موضوع مارلين
و ترافولتا، بحيث أنه أكبر أولاد عمنا، و نحن
ما حضرنا جغمساته الباكرة في القرن الماضي،
إلا أن هذه الادعاءات تطعن و تقدح في شهادة
تسنينو 1/1/1955 الحايم بيها دي و احتمال
كبير يكون الفرق بينها و بين تاريخ ميلاده
عشرة سنين على الأقل أن ما زيادة

أها يا ابو أماني

تعال شوف لينا ناس الدرايسة ديل

جابت ليها جغمسات باكرة كمان

المديدة حرقتني ....

[أبو أماني]

المشاركة الأصلية كتبت بواسطة عبد المنعم حضيري

أها يا ابو أماني

تعال شوف لينا ناس الدرايسة ديل

جابت ليها جغمسات باكرة كمان

المديدة حرقتني ....

مايهمك يا منعم ناس الدرايسه كلهم من اندينا وفيصل من الرويال فميلي لاكين برضو بعمل حسابي ما اشطح .. مع العلم انه اي شطحه ناس بوكو ديل بصدقوها ..

[فيصل سعد]

المشاركة الأصلية كتبت بواسطة أبو أماني

مع العلم انه اي شطحه ناس
بوكو ديل بصدقوها ..

[فيصل سعد]

المشاركة الأصلية كتبت بواسطة أبو أماني

مايهمك يا منعم ناس الدرايسة كلهم من اندينا

شايف الدرايسة وقعت ليك في جرح
كويس ما قاليك ابو حشيش، كان فتح عليك
ابواب الذكريات و رجعك لايامك الخوالي..

[عكــود]

سلام للناس السمحين ..

بوست له عبق!

[عبد المنعم حضيري]

المشاركة الأصلية كتبت بواسطة أبو أماني

مايهمك يا منعم ناس الدرايسه كلهم من اندينا وفيصل من الرويال فميلي لاكين برضو بعمل حسابي ما اشطح .. مع العلم انه اي شطحه ناس بوكو ديل بصدقوها ..

المشاركة الأصلية كتبت بواسطة فيصل سعد

شايف الدرايسة وقعت ليك في جرح
كويس ما قاليك ابو حشيش، كان فتح عليك
ابواب الذكريات و رجعك لايامك الخوالي..

والسماهو باذخ ....ما بخس الحقيقة وما تعدى

أنعم به وأكرم من باذخ

كسرة: الذكريات صادقة ونبيلة .... وبالذات لو كانت في المحس أو اللاماب ....كااااااااك

[أبو أماني]

دائما عليكم يا جماعة الخير تجرجروني وتخلوني أفك آخري ولا على كيفي .. تضربوا لي في الوتر الحساس بتاع ذكريات ناس زمان وأيام زمان وأنا الليطيقش أفور واتجلبق ومرات أندلق .. المهذبين الزييكم بيقولوا أنداح .. مناكفات ود سعد وتحريشات منعم وتحفيز السنجك أبو النسب الكلس خلتني أسرح مع زمن روح وزمن (ما)جاي وزمن لسع .. يقبع في بؤورة المخيخ ولن يبارحها .. لمن كان تشتري الفواكه للبيت أول الشهر من زنكي الخدار بالخرطوم ويدوك سبيطة موز مجاني فوق البيعة يعني..! لانه الموز كان أرخص فاكهة ! أتذكر مراتع طفولتي حيث مسقط الرأس بري المحس عندما كنا نلعب بلي (فيريد!) ثم تطورنا .. بقينا نلعب (بلي قزاز) وبتعريفة تشتري من دكان عمي إسماعيل الله يرحمه عشرة بليات قزاز يلمعن زي البلور ومعاهم (الضراب) أكبر حجما من البلي العادي،ويوم ننزل البحر ما نخلي كودوندار حائم في شدرة صمغ .. او سدر ..وبتذكر في المناطق ديك كان في حشرة كده قريبة من الصراصير في شكلها مرات نقول عليها أبو الدفان ومرات نسميها ود الحداد ..بتعمل ليها حفرة وسط الرمال صغيرة ونحن ندخل من الفتحة خيط وتدق بيدينا حوالين الحفرة ونغني ليها أبو الحداد أمرق جاي .. كرهناها العيشة في الخلاء وكان لشدر التمرهندي عذبناه عذاب الهدهد ونجي راجعين البيت محملين بالتراب والغبشة ما تديك الدرب وناخد مرات علقة عديل ومرات المزاج يكون رائق تسمع ليك كلام أحر من السياط تختمها بحمام كاااارب ..ثم ترتاح القيلولة وتنوم عشان تقوم بعد المغرب تمرق على (الربع!) تتلموا حيث عمود النور اللي كان أقصى مظهر حضاري في الحي ذاك الوقت وكل تقاطع شارع تلقى العيال متلمين من الجنسين أحيانا يلعبوا رمة وحراس ولا شدت ولا حرينا ولا هوووو لبلب أو.. كم في الخط ؟ بعد داك نمشي على الساحة الوراء الجامع حق المحس من الجهة الغربية حيث دكان ..ود الريف .. وعمي مرحوم أبو حسبو درة ملاعب بري أو أسد البراري وكان الإثنان يتنافسان في تقديم فول مصلح بالبهار تاكل صوابعك وراه..كان كباب قدرة بحق وحقيقي، مرت بخيالي هنا خاطرة لابد من ذكرها كان آخر اليوم كلا من مرحوم وعم ود الريف .. يكلفوا عمالهما بصب موية الفول في طشت كبير عشان يدوها البهائم حقت الحلة .. عجبي إذ صارت موية الفول وجبة رئيسية في عهد الإنقاذ القمئ..!! وتبا لزمن صار يتحكم فيه من يجلبون العار ويحكمهم الدينار ويستعبدهم ..عديييييل كده..ال.. د و لا ر .. لكم ولنا الحب والصبر والسلوان على هذا الهوان .. أرقدوا عافيه.. ولنا عودة بإذن الله وإن لم تعودوا ..سنعود .. ويلا .. تشششاااووو ..

[عبد المنعم حضيري]

أبو أماني

ما تاكلنا حنك بالله ,,, وتعوم لينا في الرحراح

دي ما الذكريات القاصدا الباذخ

خش على المحشي,,,,,,

[أبو أماني]

المشاركة الأصلية كتبت بواسطة عبد المنعم حضيري

أبو أماني

ما تاكلنا حنك بالله ,,, وتعوم لينا في الرحراح

دي ما الذكريات القاصدا الباذخ

خش على المحشي,,,,,,

هههههه أما إنك مفترى .. مالها المقبلات دي عيبها لي .. روق وأحلى يا حلو .. المحشي في الطريق بس يا دووووب دخل الفرن وكمان مايكرو ويف بعيد عنك كاااااااااااااك .. هوا أنا أقدر أخالف ليك أمر يا الحبيب؟

[فيصل سعد]

المشاركة الأصلية كتبت بواسطة أبو أماني

و بتذكر في المناطق ديك كان في حشرة كده قريبة من الصراصير في شكلها مرات نقول عليها أبو الدفان ومرات نسميها ود الحداد ..بتعمل ليها حفرة وسط الرمال صغيرة ونحن ندخل من الفتحة خيط وتدق بيدينا حوالين الحفرة ونغني ليها أبو الحداد أمرق جاي

يا حبيبنا و نور عيونا،، ارخي شوية يا اللخو،، حشرة الجن القريتها في ونسة شوقي و رأفت، يطلق عليها ود الحداد ناس أمدرمان فقط، عندنا في بحر بري اسمها ذباب الخيل، فما تجوبك لينا الشغلانة تجيب عمك الكومندان ود مخير يطالبك بتعويض و كدا و الرجل طبعا أصبح في كبار مصاف الرأسمالية الوطنية الغير مرتبطة بالاستعمار..

[فيصل سعد]

المشاركة الأصلية كتبت بواسطة أبو أماني

و بتذكر في المناطق ديك كان في حشرة كده قريبة من الصراصير في شكلها مرات نقول عليها أبو الدفان ومرات نسميها ود الحداد ..بتعمل ليها حفرة وسط الرمال صغيرة ونحن ندخل من الفتحة خيط وتدق بيدينا حوالين الحفرة ونغني ليها أبو الحداد أمرق جاي

يا منعم أخونا و حبيبنا العزيز قبال ما يخش ليك في المحشي و السواسيو، لازم تلكزوا في قصة ابو الحداد دي، لأنه انا بعتقد لولا انه متابع ونسة شوقي و رأفت بهناك ما كان عرف ود الحداد دي حشرة ولا قرية نائية ولا نوع سجارة جديدة و كان ثبت تداعياته الحميمة على ابو الدفان و كدا، و عشان ما تقول انا ببهت و بتبلى على أخوي الكبير و بناكفه ساي، افيدك علما بأن هذا الرجل في صباه الباكر كان برجوازي و ارستقراطي و غارقا في الفخامة نسكافيه و كاباتشينو و روثمان و ما كان زول بحر و قنص و تشريك و محاحاة طير و صيد سمك و سنارات و رمايات و كدا.. فممكن تخليوا انداح ليك عن كمبوني و اتني و فندق الواحة و بابا كوستا و الجي ام اتش و سانت جيمس و كدا.. و لازم يديك نجر و قطع اخدر طازج و مسبوك من فرن الجغمسة و الانكشاحات

أرقدوا عافية..

[عبد المنعم حضيري]

المشاركة الأصلية كتبت بواسطة أبو أماني

هههههه أما إنك مفترى .. مالها المقبلات دي عيبها لي .. روق وأحلى يا حلو .. المحشي في الطريق بس يا دووووب دخل الفرن وكمان مايكرو ويف بعيد عنك كاااااااااااااك .. هوا أنا أقدر أخالف ليك أمر يا الحبيب؟

والله مقبلات زي العسل .... ولكن الشمار كتلنا بعد تصريحات الباذخ وكمان لمن عرفنا إنو رويال فميلي الشمار زاد..

تحياتي يا جميل

[عبد المنعم حضيري]

المشاركة الأصلية كتبت بواسطة فيصل سعد

يا حبيبنا و نور عيونا،، ارخي شوية يا اللخو،، حشرة الجن القريتها في ونسة شوقي و رأفت، يطلق عليها ود الحداد ناس أمدرمان فقط، عندنا في بحر بري اسمها ذباب الخيل، فما تجوبك لينا الشغلانة تجيب عمك الكومندان ود مخير يطالبك بتعويض و كدا و الرجل طبعا أصبح في كبار مصاف الرأسمالية الوطنية الغير مرتبطة بالاستعمار..

المشاركة الأصلية كتبت بواسطة فيصل سعد

يا منعم أخونا و حبيبنا العزيز قبال ما يخش ليك في المحشي و السواسيو، لازم تلكزوا في قصة ابو الحداد دي، لأنه انا بعتقد لولا انه متابع ونسة شوقي و رأفت بهناك ما كان عرف ود الحداد دي حشرة ولا قرية نائية ولا نوع سجارة جديدة و كان ثبت تداعياته الحميمة على ابو الدفان و كدا، و عشان ما تقول انا ببهت و بتبلى على أخوي الكبير و بناكفه ساي، افيدك علما بأن هذا الرجل في صباه الباكر كان برجوازي و ارستقراطي و غارقا في الفخامة نسكافيه و كاباتشينو و روثمان و ما كان زول بحر و قنص و تشريك و محاحاة طير و صيد سمك و سنارات و رمايات و كدا.. فممكن تخليوا انداح ليك عن كمبوني و اتني و فندق الواحة و بابا كوستا و الجي ام اتش و سانت جيمس و كدا.. و لازم يديك نجر و قطع اخدر طازج و مسبوك من فرن الجغمسة و الانكشاحات

أرقدوا عافية..

ما هو يا باذخ زي ما إنتو ناس بري سميتوها ذباب الخيل كمان بتاع كمبوني دا خليهو ياخ ... ينداح زي ما عاوز .... ويسمي علي كيفو .... دا قرا كمبوني كمان زي وال زيك .....

تحياتي وأمنياتي الطيبة لك وله

[أبو أماني]

غايتو يا ود العم ما بسألك..! هههه.. ذكرتني قصة الشاب النجار نجر ماركة أبو أماني الأصلي قاعد في بيت البكاء ومنفرد بالجماعة بقصة جده السابع اللي بنى ليو عمارة من سبعة طوابق في الخرطوم .. وفجاءة جاء ود عمه الما بديه أي فرصة للنجر وواقف ليو في حلقه .. بعد سلم وقعد الجماعة قالوا ليو كمل لينا القصة قام قال ليهم الحقيقة بس أبوي عمل الأبواب سوغااااار والشبابيك سوغاااار وكل شقه تجي زي 30 متر كده .. قام واحد قال ليو .. لاكين جدك مضيقها كده ليه؟ فطلع من آخره وقال ليو جدي والله مامضيقها المضييقها ود عمي ده .. بس أنا بختلف شوية من زولكم ده .. وما بنكر إني لما إتكلمت عن (ود الحداد) قلت بندق ليه حول الحفرة ونقول ليو ود الحداد " أمرق جاي" وأمرق جاي كانت نجرة بت دين حجر ولما قريت كلام العميد شوقي عرفت إنه كنا بنقول ليو ود الحداد بديك مرواد .. وبيني وبينك يا حضيري .. حاولت أعدلها بس خجلت!.. ما عافي منك يا منعم يا أخوي كان ما زريتو لي في قصة (ذبابة الخيل) دي.. دحين الله بسعلك يا أخوي إت سمعت بيها؟ أنا ده غايتو يطرشني ما سمعت بيها عيلا من ود سعد .. بعدين ما يفكها فيني ويقول ليك برجوازي وبتاع .. أخوك في طفولته بحمد الله كان شماسي عديييل وما في كوشة في بري ما زرتها تقول لي شنو تقول لي منو ؟؟ كاااااك .. ود سعد والللللليلا..الحضري جااااااااك