المرة التمام بتمسك الراجل الكعب

[imported_رأفت ميلاد]

المشاركة الأصلية كتبت بواسطة يحي عثمان عيسي

خميسكم شطه
ويسعد ايامكم

اسماعيل حسن عليه رحمة الله قال
معذورة امها كان دستا
دي ترباية حبوبتا
القمر بوبا عليك تقيل

هذه الحبوبة لعبت دورا خطيرا جدا في التربية بشكل عام كان في غالبه سالبا بصورة مريعة بخاصة على النساء امهات وحبوبات المستقبل واستمر هذا الدور السالب يلقي بظلاله والتي ربما بدات تخف قليلا .
رسلوا لي امي ...وتاتي الام وتباشر الابنه حتي الولادة وتباشر المولود بعد ذلك وتستمر دورة التخلف ...كما قلنا ربما الان بدأ هذا الدور المباشر يخف قليلا أعني دور الحبوبة لكن مازالت مخيلة المرأة تختزن الكثير من الامور السالبة التي اودعتها الحبوبة .
رافت لك الود والتحايا

سلامات يا يحيى

أنت كدة راكب معاى صااااح .. هلع وخوف ما مبرر

[imported_رأفت ميلاد]

المشاركة الأصلية كتبت بواسطة ناصر يوسف

يا حبوب الكواسة دي يعلم الله إتعلمناها وكتين شفناكم ولاقيناكم ،،، منكم تعلمنا الكتير
ربنا يحفظك ويقويك ويديك الفي مرادك يا رب

وبهذه المناسبة السعيييدة ،،، ناوي متين تدخل معانا في نادي المتزوجين ؟؟
ياخي عَجِل عليك الله وخلينا نفرح معاك

عارف يا عثمان ،،، يوم عرسك إنت والرشيد ود عمي سماعين وحافظ حسين و الولد القاعد في السعودية بنين ( وجدي الأسعد ) وقيل أيضاً البت نولا البندوله ،،، حأضبح لي عِجِل ياخ وهذا نذر بمشيئة الله أقدر أحققو

يعنى داير ليهو العرس عشان تثبت أنك أحياناً برضو شرير

[imported_رأفت ميلاد]

المشاركة الأصلية كتبت بواسطة البديري

حبيبنا رأفت وضيوفه الحلوين
السلام عليكم، ونهاركم سعيد إن شاءالله..
الله يسامحك يارأفتنا، العاوز تشوية سمعتى!
شوف يا ابوى..
شريكتى وتاج راسى، لديها موهبة ادبية فى كتابة القصص والروايات والخواطر، ولا تكتب إلا ماتحس بة! ومايخالج وجدانها، تَقِص وتكتب وتدوزن الكلمات كما مهندس معمارى فى التصميمات الفخمة والفارهة.. لدى حرمنا المصون حِس فنى مُتمثل فى حنجرتها كلبلبل المُغرد، وتجيد العزف على الة الكمان، لدرجة ان سمعتها وهى تصف اشجانة عبر الكمان لسقطتة دموعك واحدى تلو الآخرى انغامة ودندنة عبر الكمان تنفذ عبر الحجر فتجعلة مشدوها متاملاً لمايسمعة! فاين انا ( الكعب دا) من هذا الجمال المفرط؟! يشهدالله يا حبيبنا رأفت حاولتى وبشتى الطرق بان لا اجعلها ان تدفن مواهبة وقدراتها الجميلة فى زحمة الحياة، ووفرته لها كل المقومات لاجل ان لاتنسى ابداعة وفنها وبذات المجال الادبى والكتابة..
يابوى رأفت، لا اقدر ان اصف لك شعورى وهى تترقى فى سلمة الوظيفى واتمنيت لها ان تشغل منصب وزير فهى اهل له لانها كادر يتمتع بكل الحنكة والذكا والمؤهل الاكاديمى باضافة شخصيتة الفريدة وكارزميتها الحاضرة امام الجميع، فدائما ماشجعة لنيل الكورسات والدراسات فى مجال عملة لكى تترقى لى اعلا..حتى تصل باذن الله رئيسة وزراء وهذا فخر ابدى بنسبة لى.
ولكن..زحمة الحياة والالتزامات الاسرية والعوارض وسؤ الاحوال فى السودان لاتجعل الانسان ان يمارس ابداعة اياً نوع من الابداع!..

اتخيل ياحبيب، فى اوقات فراغة بتمشى السوق الشعبى عشان تجيب خدار اسبوعين بجملة!
ياحبيب نحن ماكعبين لكن الظروف هى المكعبانا. ومحبطانا.

تحياتى لكم ونهاركم ابداع ان شاءالله.
سلام.

وصلت ليك يا حبيبنا البديرى بعد خمة نفس
غايتو مداخلتك دى أجمل مافيها خالية من مراجع الشيوخ

ياخوى أنت والله ما كعب وأجمل الظلاميين زى ما قال ليك حفوظى بنريدك بى صلعتك دى

ربنا يهنيكم ويهدى سركم .. ومرتك تمام الماسكاك دى

مداخلة فريدة أشكرك ببرنا بيها

[imported_رأفت ميلاد]

المشاركة الأصلية كتبت بواسطة ماريل

عارف ده نوع من انواع اضطهاد المرأة يعنى مستحيل فى وضع السودان الحالى ينعكس المثل (الراجل التمام يمسك المرة الكعبة)

المثل ده زمان وقت المرأة ما كان عندها وزن وغير ذات كينونة وغير فاعلة اقتصادية وسياسية كان قاعد يتمرر عادى على قول ندى القلعة

(لوكى القرضة وامسكى فى)الاسباب الوقت داك يمكن تجبر الواحدة تلوك القرضة وتمسك فى راجلا لكن الان الظروف اتغيرت

زمان ما عندها مصدر معيشة غير زوجها فكانت مجبورة على لواكة القرضة والان احيانا مرتب الزوجة اعلى من مرتب الزوج مما

يجعلها قادرة على الانفاق على نفسها وابناءها بدون اى (قرض) ..المهم يا سيدى ده موضوع جميل جدا ح نستمتع بى المتابعة والمشاركة

ماريل سلامات

تعرفى أنتى شفقانة وجارية على الجندرة وكلامك ده لا منطقى ولا حاجة .. يعنى شنو يعنى معناه .. الما عندها معاش تلوك القرضة والعندها تفرنب .. هو زواج ولّ شكلة .. ممكن تكون زوجة وربة منزل متفرغة وشريكة .. ومعاشا أكبر من راجلا وشريكة ..

بنتكلم عن حاجة تانية خالس يا ستى

[imported_فتحي مسعد حنفي]

المشاركة الأصلية كتبت بواسطة رأفت ميلاد

سلامات يا أمهم وطلتك تعجب

يا أميرة القصة دى ما بقت من الأحوال العادية .. الخيار بقى كبير وممكن الطلاق بقى من خيارات المرأة أحياناً .. المصيبة البتدفن نفسها بنفسها كخيار مصيرى

انت ما كان تسألا وانتي بعد ما اتزوجتي وبقيتي حبوبة وريني واحدة عندها حرية أكتر منك..وابداعاتك مالا ما ماتت..

[imported_ماريل]

المشاركة الأصلية كتبت بواسطة رأفت ميلاد

ماريل سلامات

تعرفى أنتى شفقانة وجارية على الجندرة وكلامك ده لا منطقى ولا حاجة .. يعنى شنو يعنى معناه .. الما عندها معاش تلوك القرضة والعندها تفرنب .. هو زواج ولّ شكلة .. ممكن تكون زوجة وربة منزل متفرغة وشريكة .. ومعاشا أكبر من راجلا وشريكة ..

بنتكلم عن حاجة تانية خالس يا ستى

صباح الخير يا سيدى
كلامى يدور حول عنوان البوست فقط ولسه ما جيتك لى لب الموضوع ما قصدته انا كله منصب حول المرة الكويسة تمسك الراجل الكعب

هو الراجل وقت سجمان ورمدان وكعب انا الكواسة لى شنو والجابرنى شنو زمان نوع الكلام ده بقولو لى حبوباتنا وامهاتنا لكن هسه ما بقسم

زمان الوحدة تمشى لى بيت ابوها مقنجرة ومكسورة جناح يرجعوها مكسورة عين ويقولو ليها ما عندك حل غير بيتك وراجلك ولادك ديل البعيشم

ليك منو؟؟وقع ليك كلامى ولا ازيدك؟؟ لمان يشجعو المراة او يجبروها انها تستحمل الراجل الكعب ده ببقى تمييز وله ما تمييز وليه ما بشجعوا

الراجل انو يستحمل المرة الكعبة؟؟كان غيرت عنوان البوست بنكون ملزميين نجى لابداع المراة البموت بعد الزواج لكن العنوان المستفزنى

ده لازم اقزقز بيهو معاك شويتتن نظام تسخينة وكده حتى اجيك للعب جوه مقصدك،

كلامى ده كوووووووووولو حول العنوان فقط يا سيدى

[imported_حافظ حسين]

المشاركة الأصلية كتبت بواسطة رأفت ميلاد

سلامات يا حفوظى

كلامك ده ماهو فرضيات بل فى قلب الصميم .. بس ما بلغى نظرية أبو جعفر فى تاريخ تكوين (المرأة) السودانية وليس (النساء) السودانيات

فرضية المرأة السودانية هنا للمرأة التى تكونت ثقافياً يعكس صورة متكاملة عن المرأة عامة يعنى ما مصود (النوع) ..(ما تقيف هنا ومخك يودى ويجيب وتتحمرش واصل معاى باقى الكلام)

هذه المرأة ممكن تكون حلفاوية أو دارفورية أو من الكمبو .. حظيت على تعليمها وخرجت للحياة .. كادحة أو مترفهة أو زوجة متفرغة .. ممكن تكون فى نيالا أو أمدرمان .. تكون عرفت طريق تسميح رجلينا .. وزى ما قال ليك زول الله نسوان أمدرمان كتيرات منهن جن من كوستى وأم روابة والكلاكلات

كلهن بتوارثن ويتبادلن النظرية من البيئة المستقرين فيها .. فيصبحن شريحة واحدة .. هذا التكوين بالطبع لا يخضع للنوع فهو تكوين مجتمع .. كل التناقضات التى ذكرتها تساهم فى تكوين هذا المجتمع

قبال يومين قابلت أرترية حليوة كدة تتكلم معاى بلكنة سورية أو لبنانية لذيذة كده .. سألتها أن كانت عايشة فى بلاد الشام .. قالت لى (أنا جاية من السودان وأتعلمت العربى هناك .. هنا مقفولة مع التلفزيون والمسلسلات التركية المدبلجة)

طبعاً ما أقنعتك .. لكن عرفت أنا شايت وين

نظرية ابو جعفر يا رأفت في مصطلح المرأة السودانية
المصطلح النجرنهن يساريات و يساريو الستينات و سار عليه
دون ان يرف لهم جفن التساؤل يمينيات و يمنيو التسعينات
انا بقول ما في حاجة إسمها مرأة سودانية لانو ما في حاجة اسمها
شعب سوداني بل شعوب السودان ... عليه لكل شعب من شعوب السودان إمرأته
و رحم الله جون قرنق كان واعي جداً لمثل هذه الأمور
أما بالنسبة لتكون المرأة الثقافي صدقني متفق معاك و بالخصوص دا
رديت رد مطول علي زول الله حول امراة الجزيرة ال أنا خاتيها نموزج
لكن لعن الله النت الكعب و المداخلة سربعت
عشان كدا يا رافت فيما يختص بالشطارة بقول ليك الشطارة بتختلف من مرأة سودانية ذات مكون ثقافي محددة من إمرأة أخري .... أديك مثال
عندي صحبي من ناس القيقر بحكي ان احد أعيان المدينة زول فاضل بالقوانين المحلية
مسلم زي الليل و ما بفوت صلاة التجار
كريم حد ما الكرم يقيف
متزوج اربعة نسوان و الحمد لله
مجتهد في تلييف كبده زي حلاتي كدا
بمشي بيوت الدعارة
و في الفترة ديك جات زولة قنبلة زي المهرة الطشمت معاكم و شالت شرف ابوها دم احمر و شرف زوجها مرمقت بيه التراب .... أها القنبلة اي زول داير يتفجر بيها.....
اها عمك شكله اتفجر مرات عددا
مرة راقد مع زوجته و جاه ابو كباس بدأ يقول:
أديلة فكي التكا .... أديلة فكي التكا اول
مرته صحته ليك قالت ليه ( يا فلان أوعي تجيب اسم شراميتك دي في بيتي)
و انقلبت بالاتجاه التاني و نامت
يلا قارن الحاجة دي بالنساء المدرجات في نسخة الحداثة و رد فعلهن كيف؟
أكثرهن قهراً ممكن تبك و تمشي تشتكي لأمها (بخوني يا ماما)
و لو الام حريفة تقول ليها (الخانك تخونيه)
و أكثرهن تمكناً اجارك الله
نمشي أكتر لنساء السودان ال أبو جعفر ختاهن نسخة واحدة و سماها المرأة السودانية... في كثير من مناطق دارفور الزولة لو بكت في انو زوجها اتزوج عليها او طلقها دا عيب ما بعده عيب .... قارن دي يا رأفت بمناطق تانية
كل الكلام دا يا كافر ما لانو نساء البقعة اكس كويسات و البقعة واي كعبات , لكن بوريك ان نساء البقعة اكس مختلفات عن نساء البقعة واي عشان ما بستحمل نسميهم المرأة السودانية

[imported_كيشو]

تحية واحترام للجميع
لم أقرأ المداخلات، والجابني العنوان
أنا ضد إنو المرة ندخلا في تجربة تقويم الراجل الكعب، الفكرة دي تصيبني بالغضب
الاستثناء الوحيد هو أن يكون اﻷمر برغبة المرأة
ياخ المرأة ليست إصلاحية
أكيد في زول سبقني على الراي دا
يجب علينا محاربة هذا المفهوم

[imported_ماريل]

المشاركة الأصلية كتبت بواسطة كيشو

تحية واحترام للجميع
لم أقرأ المداخلات، والجابني العنوان
أنا ضد إنو المرة ندخلا في تجربة تقويم الراجل الكعب، الفكرة دي تصيبني بالغضب
الاستثناء الوحيد هو أن يكون اﻷمر برغبة المرأة
ياخ المرأة ليست إصلاحية
أكيد في زول سبقني على الراي دا
يجب علينا محاربة هذا المفهوم

عبرت عنِى ياخى
انا ذاتى جابنى العنوان وعمو رافت قال لى كلامك بعيد خالس خالس هو ما شايف انو العنوان هو البعيد خالس خالس

[imported_رأفت ميلاد]

المشاركة الأصلية كتبت بواسطة ماريل

صباح الخير يا سيدى
كلامى يدور حول عنوان البوست فقط ولسه ما جيتك لى لب الموضوع ما قصدته انا كله منصب حول المرة الكويسة تمسك الراجل الكعب

هو الراجل وقت سجمان ورمدان وكعب انا الكواسة لى شنو والجابرنى شنو زمان نوع الكلام ده بقولو لى حبوباتنا وامهاتنا لكن هسه ما بقسم

زمان الوحدة تمشى لى بيت ابوها مقنجرة ومكسورة جناح يرجعوها مكسورة عين ويقولو ليها ما عندك حل غير بيتك وراجلك ولادك ديل البعيشم

ليك منو؟؟وقع ليك كلامى ولا ازيدك؟؟ لمان يشجعو المراة او يجبروها انها تستحمل الراجل الكعب ده ببقى تمييز وله ما تمييز وليه ما بشجعوا

الراجل انو يستحمل المرة الكعبة؟؟كان غيرت عنوان البوست بنكون ملزميين نجى لابداع المراة البموت بعد الزواج لكن العنوان المستفزنى

ده لازم اقزقز بيهو معاك شويتتن نظام تسخينة وكده حتى اجيك للعب جوه مقصدك،

كلامى ده كوووووووووولو حول العنوان فقط يا سيدى

المشاركة الأصلية كتبت بواسطة كيشو

تحية واحترام للجميع
لم أقرأ المداخلات، والجابني العنوان
أنا ضد إنو المرة ندخلا في تجربة تقويم الراجل الكعب، الفكرة دي تصيبني بالغضب
الاستثناء الوحيد هو أن يكون اﻷمر برغبة المرأة
ياخ المرأة ليست إصلاحية
أكيد في زول سبقني على الراي دا
يجب علينا محاربة هذا المفهوم

المشاركة الأصلية كتبت بواسطة ماريل

عبرت عنِى ياخى
انا ذاتى جابنى العنوان وعمو رافت قال لى كلامك بعيد خالس خالس هو ما شايف انو العنوان هو البعيد خالس خالس

يا جماعة ما فطيت زى بابكر عباس وراجع لكلامكم المفيد .. لاحت لى فرصة ألبع ماريل وكيشو ديل .. وفرصة زى دى ما بتتعوض ..

مولانا ماشى أديه مع الرأفة عشان أتملص بعدم قراية الموضوع .. لكن ماريل بالحتة الفيها الحديدة

العنوان مهم جداً يا ستى عشان يكون جاذب ويجيب ناس متسكعين زى مولانا ده ثم العنوان (مثل سودانى أنثوى) .. ما ذكورى المنشأ .. وبعدين مقدمة البوست أستهليتا بالعنوان فى ونسة دردقة للموضوع .. حقوا تقروا قبال ما تدبوا ساكت

كسرة زى ما بقول الفاتح جبرة

تحليل كيشو للعنوان جه على مزاجى شديد .. وكتير من أمثلة النسوان بتجعل من الرجال زى الجهال وعليهن تربيتهم وتقويمهم .. فى مثل بقول (أبنك زى ما بتربيه وراجلك زى ما تعوديه)

كيشو أداكى بالشومة يا داقسة

[imported_فتحي مسعد حنفي]

المشاركة الأصلية كتبت بواسطة رأفت ميلاد

يا جماعة ما فطيت زى بابكر عباس وراجع لكلامكم المفيد .. لاحت لى فرصة ألبع ماريل وكيشو ديل .. وفرصة زى دى ما بتتعوض ..

مولانا ماشى أديه مع الرأفة عشان أتملص بعدم قراية الموضوع .. لكن ماريل بالحتة الفيها الحديدة

العنوان مهم جداً يا ستى عشان يكون جاذب ويجيب ناس متسكعين زى مولانا ده ثم العنوان (مثل سودانى أنثوى) .. ما ذكورى المنشأ .. وبعدين مقدمة البوست أستهليتا بالعنوان فى ونسة دردقة للموضوع .. حقوا تقروا قبال ما تدبوا ساكت

كسرة زى ما بقول الفاتح جبرة

تحليل كيشو للعنوان جه على مزاجى شديد .. وكتير من أمثلة النسوان بتجعل من الرجال زى الجهال وعليهن تربيتهم وتقويمهم .. فى مثل بقول (أبنك زى ما بتربيه وراجلك زى ما تعوديه)

كيشو أداكى بالشومة يا داقسة

غايتو ياخواجة أنا اتزوجت تلاتة مرات وفي كل مرة كنت بعد الزواج بتغير في أخلاقي وتصرفاتي بصورة مختلفة ..الاتنين الأولانيات كانن خواجيات أخوك بوظ أخلاقن الاتنين أما التالتة ما قدرت عليها قلبت حياتي رأسا علي عقب وخلتني أنا ذاتي ما مصدق ان دا أنا فتحي بتاع زمان..غايتو في الآخراكتشفت ان الواقع علي عكس ما يعتقد الكثيرين وهو ان شخصية المرأة السودانية أقوي من شخصية الخواجية مع انها بتبدو علي عكس كدا تماما...يمكن عشان السودانية الاتزوجتها كانت شغالة مدرسة

[imported_ماريل]

المشاركة الأصلية كتبت بواسطة رأفت ميلاد

يا جماعة ما فطيت زى بابكر عباس وراجع لكلامكم المفيد .. لاحت لى فرصة ألبع ماريل وكيشو ديل .. وفرصة زى دى ما بتتعوض ..

مولانا ماشى أديه مع الرأفة عشان أتملص بعدم قراية الموضوع .. لكن ماريل بالحتة الفيها الحديدة

العنوان مهم جداً يا ستى عشان يكون جاذب ويجيب ناس متسكعين زى مولانا ده

يعنى بقيت زى احمد البلال الطيب (العنوان فى بلد والموضوع فى بلد)أحبطنى يا عمو رأفت ...
مرة فى جريدة الدار جايبيين بونت عريض(طالبة تجهض طفلا فى الداخلية)فتشت ليك الجريدة صفحة صفحة

فى الاخر لقيت موضوع مؤلف من زى 10 سطور قال بنتيين فى الداخلية اتشاكلو واحدة فيهن كانت

متزوجة وحامل التانية رفستها فتسببت ليها فى اجهاض ومن اليوم داك قاطعت جريدة الدار نوهائيا

غايتو هسه قدر ما تدينى بالحتة الفيها الحديدة مااااا بقاطع بوستيك ده نوهائيا الا غايتو كان تمرق منو

المرأة

[imported_جيجي]

نحن غايتوا الثيوري بتاعنا دا ماظنوا مفيد هنا يا نتيمو
بس اكتر شيء كان مكيفني واحدة صاحبة حبوبتي
دايما تلقاها بتتونس وتحكي ليها عن حاجة في حياتها السابقة وتتحسر على حياتها وفي نص كل قصه تقوم قايلة
المرحوم ما كان فقري ياتتا اختي

[ود المامون]

..


...



.... في الراجل الكعب ده ... كتبت احلام مستغـانمـــي في روايتها .. ( الاسود يليق بك ) ...


... ( .. ثمة رجال يبثّون ذبذبات سلبية غصباً عنهم .. يأتونك بكآبتهم وهمومهم وعقدهم ... وعليك أن تنتشليهم بالحب من وحل أنفسهم ... وهؤلاء لا أمل منهم .. تمدّين لهم يد النجدة على أمل أن تكسبي رجلاً .. فإذا بالرجل يتشبّث بتلابيبك .. حدّ إغراقك معه في بركة مياهه الآسنة .... ) ..



.. كل الحب ..

[imported_حافظ حسين]

المشاركة الأصلية كتبت بواسطة أبو جعفر

سلام حافظ ... وعساك بألف خير
وحقيقي أنت حجاج لا يشق لفرسه غبار .. ولكن بداخلك مشروع طاغية يجيد الخلط بين المشاريع السياسية .. فيجعل من المشروع السلفي مشروع عروبي إسلامي .. ومن العلمانية مشروع مناهض للدين ... والأمر في الحالين ليس كذلك البتة ..

وها أنت اليوم تخلط بين طرفي المعادلة الاجتماعية التي أوجدها الاستعمار في السودان .. فبالقانون سمح الإستعمار بالخمر والزنا والميسر .. الشيء الذي أنشأ مجتمعين هما: مجتمع قاع المدينة بأختلافاته العرقية والدينية والطبقية .. ومجتمع الأسر بأختلافاته العرقية والدينية والطبقية ..

المهم إن المجتمعين - قاع المدينة والأسر - تأثرا بالطفرة الإقتصادية التي سببها ارتفاع أسعار القطن في الخمسينات ... وبالنسبة لمجتمع الأسر وهو ما قصد إليه رأفت ... ظهرت فئات بنات الريف (جمال ولون) ولكن معروف عنهن ما بيستحملن الدردرة والتدبيل بسبب المستوى الحضاري .. وظهرت أحياء الفلاتة في القرى والمدن .. وأيضاً هؤلاء صعب التعامل معهن بشدة ... بسبب خوف الكتابة الدجلية .. المهم بقي الخيار الوحيد أمام الرجل السوداني المعروف بطبعه المتسلط في الخمسينات والستينات .. هو المرأة البتستحمل الرجل الكعب.. وليس المرأة المشترطة المساواة .. أو البتكتب الراجل...

وأديك مثل على صعوبة الرجل السوداني زمان:

.. وضع الأنجليز في القانون مادة تجيز تزويج الفتاة نفسها بغير ولي - كما هو الحال في مصر - وفعلاً حدثت زيجات خارج رضا الأسر .. فهب المجتمع ثائراً ... وكانت النتيجة حوادث قتل لبعض هذه الزيجات .. مما حدا بالحكومة وقتها إلى تغيير القانون وأشتراط الولي في العقد.. يعني فرض القانون بحد السكين .. فنطاق المرأة كان حساس شديد في السودان.

دمت بخير ..

سلام ابو جعفر و عساك طيب 2
أولاً: بالله قلت لي مشروع طاغية ... كويس الامر لسا مشروع يعني ممكن يفشل كما كثير من المشاريع الفاشلة ... بعدين حكاية الخلط بين السفي و جلعه عروبي إسلامي أو مناهضة العلمانية للدين أو لا ... دا اتخيل ما مكانه في النقاش هنا... انا تحديداً هنا اتطرقت لمصلحتك بتسميات كل نساء السودان بالمرأة السودانية, المصطلح دا في رأي مضلل و ما يخدم غير مصلحة سياسيين مهرجين , عشان كدا مفروض ننتبه, يعني الأمر ما فيه اي خلط .... أما مسالة العلمانية و العروبة و الاسلاموية دا نقاش بجي في مكانه.....(بس حاول تحاور الزول دون التصنيفات دي, لو أمكن, و الا مفروض تجيب كلامك البدعم الخلاصة الوصلت ليها دي , عشان الامر ما يكون كلام ساي)

ثانياً: غايتو زي ما قال منصور خالد فصة نرمي كل مشاكلنا و خيباتنا التاريخية في الاستعمار دي زريعة بلهاء.... قبل الاستعمار كان في الخمر و الدعارة و كل الحاجات دي, و قوادها الأسياد.... يعني السيد البتكون عنده كم خادم مملوكة و بشغلها دعارة.... و من أهاتها, و أناتها بني مجده و مجد ابنائه و الآن أحفاده, وقت داك الاستعمار ما فكر يغزو السودان العظيم دا أصلاً....

ثالثاً: الأسر المحمرة دي غايتو بالغت فيها, أها و ناس قاع المدينة ديل يا ربي نزلوا مع المطر؟
غايتو اللهم لا نسألك رد القضاء لكن نسألك اللطف فيه