عندمــا قوقـت القمــريّة وذكريــات في بلاد الرومــان

[عكــود]

أما (قمريتك) ياعكود فلا اخالها الا وقد أحزنها أنتفاء (رفيق) لك على شاكلة من حولك فأبت نفسها ألا أن تسوقك الى حيث الجمال الدي يعجبك...فما كان منها الا أن تقمصت حال صويحباتها القريريات ف(قوقت) ماشاء لها الله (القوقاي) وهي تحدجك بطرف خفي

[align=justify]سلام يا عادل عسّوم،
صاحب كل الأزمان.

كتير من الأشياء كانت تسوقني سوق للبلد . .
إن أنسى لا أنسى بائع القنقر (الذرة الشامي) المسلوق، كان يأتي عصر كل يوم بعجلته وفي السرج الخلفي قفّة كبيرة مليانة قنقر مسلوق ملفوف بعناية في كيس بلاستيكي (لزوم بوخو يظل لاوي). موقعه في الممر الرئيسي بين الداخليات. عادة ما يمر بهذا الشارع المئات من الطلبة والطالبات. ما كانت بضاعته هي فقط ما يجذب المشترين/ات، بل كانت تعليقاته، مشاغلاته وخفّة دمو تمثّل أكثر من 70% من خطّته التسويقية، خاصة مع الزبونات.
لك أن تتخيّل ما يمكن أن يشاغل به بنت جميلة وهي تتخيّر أحسن القناديل الحارّة! خاصّة بعد أن يوهّطو في ورقة، يرش عليهو ملح ويناولها في إيدا (دول عالم ما يستحوش).
الرجل كان لطيفاً، مبتسماً ويعرف كيف يعامل زبون/ته. كنّا من زبائنه الدائمين، يعرفنا بالإسم ويبادلنا المودّة، التعليقات وبعض من الطمسة. كنا نشتري منه دائماً، كاشاً كان أو ديْناً وبعض المرّات مجّاناً.
تلك الصورة كانت دائماً ما تذكّرني البلد، وذلك الرجل كان دائماً ما يذكّرني أهلنا هناك.

وفي اليوم الواحد والثلاثين أدا بي ب(سمراء) تمشي تجاهنا الهوينا ...ثم لم تتخير من خلق الله ألا العبد لله ...صدقني (بلعت ريقي عشر مرات)

يا زول ماك هنا قطعت كهرباء؟
فتّو الله لا يسئيك!

مودّتي الكاملة لك ولقريبي المعاك.[/align]

[عكــود]

المشاركة الأصلية كتبت بواسطة عكــود

[size=4][font=Simplified Arabic][color=#0000FF]ياتو مشوار في التلاتة الفوق ديل؟
أنا غايتو حافظ إتنين منّهِن بس
يا كيشو ما تجيب لينا الهوا

يا عكود أنا قلت إنت حنين ما قلت إنت بكاي، وهناك فرق
معليش تأخرت لأن الكورة بهناك دورت

سلام يا كيشو . .
أريتك كان خلّيتها بدون تفسير . .
كلامك ده جاب "القرطبي" بتفاسيرو.

ولا يُفتى والباش في المدينة.

[عكــود]

المشاركة الأصلية كتبت بواسطة كيشو

نعم هناك فرق

فرق مقدار

مقدار الدموع ...

الدوع النازلة

النازلة من العيون

العيون البتاوق

البتاوق للجمال ..

الجمال البسمعك

بسمعك القماري

قمارى الغربة ..

غربة عكود ..

عكود البكاي ..

سلام يا باش،

يعني دي ممكن تكون وصفة مُعتمدة،
وللا لازم تُعرض، لإجازتها، على الكونسلتو الفتحتو ليهو بوست داك؟

[عكــود]

(شتلة) صغيرة لا يتعدي طولها نصف المتر
وهي (شايلة) عدة سبايط
لم تقو على حملهن
وربما لم يسعفها طولها
فوضعتهن على الأرض

[align=justify]الزوول،
سلام . .
يا زول إنت ذاتك رسمت صورة بكلامك ده وفتحت أبواب للخيال . .
الشتلة دي كانت في تقنت جدول؟ مويتو جارية؟ مفتوحة في حيضان برسيم؟ سعدتو غزيرة وخددددددرا؟

ربنا يرحم نادية الداسوقي.
بس خلّيك من نادية، هسّع نحن ساعة ننزل البلد بنشوف الحاجات بمنظار تاني وأهلنا هناك قليل منّهم الجايب خبر.
عليه، نحن مطالبين بإعتذار علني، لا مواربة فيه، للمدعو خالد الحاج لما لحق به من إقصاء وتهميش إبان زياراته للبلد.

وطلبن مني مرافقتهم للبحر (النيل)
فوافقت مسروراً
فهنالك متعة (شريرة) في استكشاف جهل هؤلاء العاصميين

يا ربّي سرورك ده سببو ياهو الذكرتو ده وححححححدو؟ [/align]

[عكــود]

تتعاملوا معاهم وكأنهم جايين من المريخ علي الرغم من حقيقة علمية وهي أن البيئة عندما تعيش فيها لا تلاحظ بعض الأشياء بحكم العادة بينما تلفت نظر الغريب بشدة.

سلام يا ابن عمّي،
كما ويلفت الغريب نظرهم بشدّة!
رغماً عن أنّه بضعة منهم.

وده أعتقد البيثير فضول ناس البلد في الناس الجايين من "بلد بي فوق" كما يسمّونهم.

خرطومي كال له أبناء البلد الكثير من الغمزات وتعليقات ساخرة

بس يا خال، الغمزات والتعليقات كانت لأسباب أخرى أيضاً.

[عكــود]

فيصل سعد،

الله يريّح أعصابك . .
متل ما ريّحت البوست ده . .
وجيّهتو،
بصوت أسرار . .
و القمري العلى الغصون.

أغنية في الصميم تماماً.

[عكــود]

أبو قصي،

كيفك يا الحبيّب وكيف عيالك؟

ليك قصب السبق في بوستات القماري وقوقايا.

أمّا مداخلتك المليانة حنيّة وطرب ونقر ترابيز . .
بجيها صاد عشان أحدّثك عن تجربة مرّت بي هناك.
تثبت مقولة "الدم بيحِن".

[كيشو]

[QUOTE=الزوول;95831][size=5][color=#008000]السلام عليكم:
ويبدو انها كانت تملك حساً فنياً مشبع بالجمال
رأت وهي في غمرة استكشافها
(شتلة) صغيرة لا يتعدي طولها نصف المتر
وهي (شايلة) عدة سبايط
لم تقو على حملهن
وربما لم يسعفها طولها
فوضعتهن على الأرض
فما كان من ضيفتنا الا أن صاحت بأعلى صوتها
تعالوا تعالوا ...
جئنا ووقفنا حولها
ولم نر شيئاً ( لاحظ)
وإذا بها تعلق :
(عليكم الله شوفوا البراءة دي)انفجرنا ضاحكين من هذا التعليق الغريب
وأطلقنا عليها لقب (البراءة)

تعرف يا الزول وصفك انت للشتلة مدهش، خليتني أعاين في الشتلة والسبايط وما زلت، كلامك يدل على إنو الجمال دا فيك قديم ومنتشر ولا فكاك لك منه، يا خي قاسم دا ما أديتوهو معاكم منو ليييه


ورحم الله نادية

[كيشو]

هسه عليك الله يا عكود انت كلامك دا عايز تحريش مني أو من غيري؟
انت ياخ فتحت كل الأبواب، وثبت كاميراتك في كل الزوايا، يا خي انت السفنجة ما ريحتها، هسه يا جماعة بتعرفوا ليكم كاتب سوداني ولّلا غناي شايقي طِرا السفنجة دي
انا غايتو بقيت علي السفنجة وعاينت تحت
تاني بقول ليك خلي الناس ديل يفتشو ليهم امين عام، واطلع من السير الذاتية وخش في الحكاوي احسن ليك

[عادل عسوم]

كيشو
كدي عليك الله أنتظرني بس ألبس جلابيتي وألف العمة وألحقك
بالله مش حرام الحبر الباركر دة ينشف في قلمو الشيفر دة؟
التحية ليك وللعمدة ياغالي

[عكــود]

المشاركة الأصلية كتبت بواسطة abu qusai

أباذر
سلامات
قرأتك بمتعة شديدة ، أضحكتني من أعماقي بعض التعليقات التي أرادت توريطك وانت تتزاوغ وتتدرق ، رحلت بعيدا مع بعض فقراتك ودون وعي كنت أردد في خاطري :
قصدتي هلاكنا يا الواردة العصير
ونحن بلاك حالفين ما بنحب غير
ورحت مع قوقاي القماري وتعليقات بعض الاخوة ، ولكن والله يا عكود أصدقك القول دون أن أدري وجدت نفسي أنقر في تربيزة المكتب وأنا أغني :
خرباني أم بنايا قش فراقة الحبايب
ماله الدنيا دار الغش تكتر في النصايب
كت عايش مع محبوبتي مبسوط خاتري طايب
جاتني الدنيا قالبي وشيها ورتني العجايب
أها باقي ليك ده كله من شنو ؟؟؟؟؟
ما تبخل علينا بالحكي السمح ..
أبو قصي

[align=justify]سلام تاني يا ود كتّي،
يبدو أن القمرية قد قصدت هلاكي خاصة وأنها قد قوقت عصير . .
أمّا عن حالتك وتساؤلك :

أها باقي ليك ده كله من شنو ؟؟؟؟؟

فيبدو، والله أعلم، أنّه من البلد السكنت جوّه الجوّه . .
خاصة وقد عشت، يا أبا قصي، تفاصيلها وميلاد أغنياتها الخالدات لحظة بلحظة
كنت جزءأً من اللوحة التّي صبغ ألوانها السر عثمان ومحمد سعيد
ليضعونها في عهدة النعام، ود كرم الله، ود جبارة وعثمان سليمان.

حسب وعدي هاك قصّتي مع البنيّة أم دمّاً حنيّن:

في واحدة من إجازات الصيف يا أبا قصي – كنّا نقضي أغلبها هناك والسبب ما يحتاج شرح – حصلت على تذكرة مجانية لقضاء 12 يوم في إحدى المنتجعات الجبلية الخلاّبة، تلك كانت منحة من إتّحاد الشبيبة الرومان توزّع بواسطة الجامعة لإتّحادات الطلاّب المختلفة وذلك حسب عدد الطلاّب من كل جنسية. كانت تُجرى القرعة بين الطلاّب والمحظوظ من يفوز بتذكرة، لأنّها شاملة تذكرة القطار – ذهاب و إياب - + السكن + الوجبات التلاتة.
أخذت تذكرتي وشدّيت الرحال نحو منتجع "سنايا" الجبلي . . الخضرة خلاّبة وكأنّها قد رُسمت، الجو يميل إلى البرودة الخفيفة رغم شمس يوليو، الأكواخ الجميلة المتناثرة في قمّة الجبل غاية في الأناقة، تغريك بعدم مفارقتها إذا لجأت لدفئها. أمّا إذا نظرت لسفح الجبل والطريق المؤدي إليه، لسبّحت الخالق لقدرته ولأحنيت قبّعتك إحتراماً لقوّة إرادة الإنسان الروماني. مواشي من أبقار وخراف ترعى و تقدِل فتهز الأجراس الصغيرة المعلّقة على رقابها وكأنّي بها تقول (شوف الشحم ده . . آأيّا . . اللحم ده)، لا تشكي شي سوى غياب سكّين "ود الكلس". هناك أيضاً خيول ترعى تتبعها فلواتها . . تتلامع أعرافها وأكفالها مع انعكاس الشمس (تحلف تقول طابقة البوخة وقايمة من الحفرة هسسسع ده). جداول الموية الجارية بفعل الطبيعة وتوجيه إبن آدم، لا تحتاج أن "تفشّق" لتعبرها إلى الجهة الأخرى، عليها جسور صغيرة (شويّة أكبر من سرج العمدة)، صوت خريرها وهي تتلوّى كراقصة غجريّة بين منحدرات الجبال، عالٍ ولكنّه غير مزعج، يذكّرني قول السر:
أنين الساقي لمّا تنوح . .
حسيس البربخ المفتوح.
المهم يا سيدي، وأنا وسط هذه الأجواء كنت أقضي اليوم وسط مرح مع الصحاب متنقلّين بين "التلفريك" لبلوغ القمم العالية والسباحة و "البلقعة" ظهراً والجلوس عصراً على المقاهي (الراصّة ترابيزا على طرف الشارع).
ونحن جالسين في مقهى "التراندفير"، والذي يعني إسمه "زهرة الياسمين"، كنت أعاقر الونسة على نكهة القهوة ومذاق الآيسكريم مع شلّتي من الشباب الرومان. ونحن بين ضحكة وقفشة ومزاح برئ، جات البنيّة ذات الـ 4 سنوات والشعر الأسود المتطايرة خصلاته لتلاعب وجهاً طفولياً شديد الإشراق، يحاكي لونه قهوةً فلتت يد معدّها فسكب عليها كمية من الحليب أكثر، قليلاً، ممّا يجب. لم تجئ ماشيةً خجلى، بل كانت وكأنّها تسابق الزمن لتصل إلى حيث أجلس، كانت تجري وتطقش كرسي وتدفر طاولة إلى أن ارتمت في أحضاني وطبعت على خدّي قُبلة عميقة. بادلتها حضناً بحضن و قُبلة بأخريات على الخد والعينين.


سأواصل يا أبا قصي . . . [/align]

[عكــود]

المشاركة الأصلية كتبت بواسطة كيشو

هسه عليك الله يا عكود انت كلامك دا عايز تحريش مني أو من غيري؟
انت ياخ فتحت كل الأبواب، وثبت كاميراتك في كل الزوايا، يا خي انت السفنجة ما ريحتها، هسه يا جماعة بتعرفوا ليكم كاتب سوداني ولّلا غناي شايقي طِرا السفنجة دي
انا غايتو بقيت علي السفنجة وعاينت تحت
تاني بقول ليك خلي الناس ديل يفتشو ليهم امين عام، واطلع من السير الذاتية وخش في الحكاوي احسن ليك

كيشو
كدي عليك الله أنتظرني بس ألبس جلابيتي وألف العمة وألحقك
بالله مش حرام الحبر الباركر دة ينشف في قلمو الشيفر دة؟
التحية ليك وللعمدة ياغالي

الأحباب كيشو / عادل عسّوم،

ألف شكر على المتابعة والمجاملة اللطيفة،
أنا غايتو قرّبت أصدّق وبديت أنزّل في دفاتر الذكريات القديمة.
بس برضو ما خِتيت السيرة والتجارب الشخصيّة.

ده على مسؤوليتكما.

والله يستر.

ألف تحيّة.

[الزوول]

السلام عليكم
كيشو الظريف
قرأت لك ضمن الكثير الذي أقرأه لك
كلاماً يحكي معناه
أن ( تطير عيشتنا) الدايمن مطالبين باعتذارات
بالأعتذار للجنوبيين كشماليين
بالأعتذار للأديان الأخرى كمسلمين
بالأعتذار لأهل الهامش كجلابة
....... الخ
أها
هاك عليك الله ضيف الخال للقائمة بالمرة

المشاركة الأصلية كتبت بواسطة عكــود

[align=justify]عليه، نحن مطالبين بإعتذار علني، لا مواربة فيه، للمدعو خالد الحاج لما لحق به من إقصاء وتهميش إبان زياراته للبلد.
[/align]

..........
تخريمة :
نادية الداسوقي (البراءة) رحمها الله المذكورة بأعلى الموضوع
هي أخت سعد الداسوقي المقيم بالدنمارك
يا خالد الحاج وشوقي بدري
ومن لف لفهم

[عكــود]

أها
هاك عليك الله ضيف الخال للقائمة بالمرة

الزوول،
نهارك سعيد.

يا زوول الإعتذار ده لا علاقة له البتّه بالمظالم التاريخيّة،
وما تجيب لنا الهوا مع الخال.

[شبارقة]

المشاركة الأصلية كتبت بواسطة كيشو

يا خي انت السفنجة ما ريحتها، هسه يا جماعة بتعرفوا ليكم كاتب سوداني ولّلا غناي شايقي طِرا السفنجة دي
انا غايتو بقيت علي السفنجة وعاينت تحت

[align=justify]سلامات يا عصام ويجازي مِحَنَك ...أنا غايتو بعرف ناس الورنيش (ولشئ في نفوسهم )هم الوحيدين البعاينو للكرعين تحت [/align] [align=justify]وتحايانا موصولة لعزيزنا عكود وبقول ليهو فنانكم قال : الرسول ياناس شوفو حالا والساق مليان لي نعالا ... وده برضو كان بتاع ورنيش؟! مع الإعتذار لصديق أحمد ووردي كمان[/align]