*** مصطلحات عامّية سودانية ***

[شبارقة]

المشاركة الأصلية كتبت بواسطة Babiker Mukhayer

هو حكاية مشابها لكربونات الصودا؟؟ بس ياهو ذاتو
وملاح الويكاب في البحر بيقولو ليهو ملاح لبن وطبعن ملاح لايوق بس سلسيون
وحكاية العملية الكميائية دي لذيذة
هو الويكاب دا إكتشفهو قبل ما يفتحو كلية غردون التذكارية ومعمل إستاك

المضافات والمعدلات لي ملاح الويكاب هو الكول (بالكاف عشان يكف العين)
والكول، لي للعلم يحوي على كريستيلات تساعد في خفض إرتفاع الدم،،، بس البيقدر يستعملو منو ما ريحتو بس قول خير (من المنفرات التي كانت تذخر بها مائدة الوالد وإظنه كان في بعض الأحيان يتعمدها، عشان وعلى قوله (ما تتناقرو قدامي قومو فزو --- وفزو دي يكون متاثر بي أصولوه الغرابية يعني أنصاري زول دواس وجاهز للفزة)

هلا بعمنا ود مخير يا الماك محير

وهلا بالصيدلة لما تنداح وتتخلط مع التراثيات ...ويا دكتور يخيل لي الكول كمان بيمر بعملية كيميائية بسيطة يا ريت تشرحها لينا .... وبالمناسبة الكول ده أنا كنت بسمع بيهو سمع بس لما كنت في السودان والغريبة ما شفتو إلا في بلاد المهجر لقيت الجماعة جايبنو ليك حُجار حُجار ...وقديماً قالوا تسمع بالمعيدي خيرُُ من أن تستنشقه

[شبارقة]

ود أبوعاقلة يا فردة ... لا شوفتن تبل الشوق ولا ردن يطمن؟ أين أنت يا حلم الصبا أين أنت يا أمل الشباب؟ إن شاء الله يكون الحاجبك خير..إشتقنا لإبتسامتك وقفشاتك المفاجئة... سوف أمتنع عن المشاركة في هذا البوست لحين حضورك أو تبرير غيابك

[فيصل سعد]

المشاركة الأصلية كتبت بواسطة شبارقة

ود أبوعاقلة يا فردة ... لا شوفتن تبل الشوق ولا ردن يطمن؟ أين أنت يا حلم الصبا أين أنت يا أمل الشباب؟ إن شاء الله يكون الحاجبك خير..إشتقنا لإبتسامتك وقفشاتك المفاجئة... سوف أمتنع عن المشاركة في هذا البوست لحين حضورك أو تبرير غيابك

سلام يا شبارقة و نسأل معك عن محمد و حلم الاماسي و بابكر و جميع الاحبة الغائبين ، رد الله غيابهم بس يا الحبيب بدون مقاطعة و انقطاع و كدة و لا شنو؟

[أشتر]

المشاركة الأصلية كتبت بواسطة شبارقة

سوف أمتنع عن المشاركة في هذا البوست لحين حضورك أو تبرير غيابك

لو كان طالبك (بتاع فصل او قروش) كان كسرتني ... لكن وين
اقسم بالله مشتاقين للطيش ...*

[أشتر]

المديدة حرقتني ...
أو
كلام الطير في الباقير
أو
المشتهي الحنيطير يطير

خشو لينا في الشوارع دي نشوفا بتودينا وين !!!!...

ويافيصل الزيفة حاصلة والكنكشة حاصلة والكرمشة حاصلة والبشتنة حاصلة ... تاني في شنو !!!!

[شبارقة]

المشاركة الأصلية كتبت بواسطة محمد أبوعاقلة

المديدة حرقتني ...
أو
كلام الطير في الباقير
أو
المشتهي الحنيطير يطير

خشو لينا في الشوارع دي نشوفا بتودينا وين !!!!...

ويافيصل الزيفة حاصلة والكنكشة حاصلة والكرمشة حاصلة والبشتنة حاصلة ... تاني في شنو !!!!

ود أبو عاقلة سلامات وعوداً حميداً الدار كانت فاقداك ...حتى الجكس ما زارنا لما علم بغيابك

الشوارع الجديدة دي ح تكون ممتعة زي نور بيتنا وشارع بيتنا بتاعت البلابل.....وزي في البيت في الشارع في المسرح بتاعة أبو عركي البخيت ... وزي شارع الحب يا أحلى طريق بتاعة منو داك ما عارف ...وزي الشارع سار وغضب الأمة إتفجر نار ملحمة ود اللمين وهلمجرا...وسلم لي على الأزقه والممرات...

المشتهي الحنيطير يطير والمشتهي لوبه عفن يندفن ...ده مثل قالوا واحد لا يحب اللوبيا (واللوبيا قد تكون بليلة وقد تكون ملاح كارب للعصيدة) والحنيطير هو نوع من أنواع اللوبه (اللوبيا) ورغم إنتشار هذا المثل إلا أنه مثل غير صحيح ولا يمثل إلا رأي صاحبه ... وصدقني يا فردة لو لقيت ليك لوبه كاربة في اليومين ديل ما ح تشعر بأي برد أو قِره .... وبصراحة أنا مشتهي الحنيطير سواءاً كان بليله أو ملاح لأنو اليومين ديل عندنا درجة الحرارة أقل من خمسة درجات

[أشتر]

المشاركة الأصلية كتبت بواسطة شبارقة

والمشتهي لوبه عفن يندفن ...[/color]

اول مرة اسمع بالمثل دا ...
وتاني حاجة ... كان اندفن انا عندي اخير ليهو من اللوبيا ...
الجريف واللوبيا ... اها دي برضو عفنة ....

تحياتنا والعود احمد ... عود الصندل القالو غالي ...
والغالي بى غلاتو يضوقك حلاتو ...

[أشتر]

المشاركة الأصلية كتبت بواسطة شبارقة

المشتهي الحنيطير يطير ...ده مثل قالوا واحد لا يحب اللوبيا (واللوبيا قد تكون بليلة وقد تكون ملاح كارب للعصيدة) والحنيطير هو نوع من أنواع اللوبه (اللوبيا) ورغم إنتشار هذا المثل إلا أنه مثل غير صحيح ولا يمثل إلا رأي صاحبه

اوفيت وكفيت ... ومفروض نعينك مرجع اول في المصطلحات السودانية يا زول يا غزير ...
دا الكلام ولا بلاش ...
مش زي ناس كدا ... يعرفو للعناوين واليافطات

[شبارقة]

المشاركة الأصلية كتبت بواسطة محمد أبوعاقلة

اول مرة اسمع بالمثل دا ...
وتاني حاجة ... كان اندفن انا عندي اخير ليهو من اللوبيا ...
الجريف واللوبيا ... اها دي برضو عفنة ....

ود أبو عاقلة ... سلامات

كونك أول مرة تسمع بيهو دي مشكلتك براك ...والمثل حتة واحدة : المشتهي الحنيطير يطير والمشتهي لوبه عفن يندفن ...لكن الناس بيقيفوا عند الجزء الأول فقط (ما عارف ليه) ولذلك إشتهر الجزء الأول ... وبعدين الجريف واللوبيا دي من أجمل ماغنى الجابري (بعد سيد الإسم) وأظن سيد الإسم ده مقصودة بيهو اللوبه ذاتا وبالله لو كانت عفنه كانوا تغنوا بيها؟ جربها وأحكم.

[أشتر]

المشاركة الأصلية كتبت بواسطة شبارقة

ود أبو عاقلة ... سلامات

وأظن سيد الإسم ده مقصودة بيهو اللوبه ذاتا :

اها دي عملتها زي حنيطيرك ... عيبك ما كمّلت البيت ... وسقفت على كدا
وعاوز تعرشو لينا لوبيا ...
الجاب محبوبي وكتين ابتسم للوبيا شنو ...

وبالشايقي ... اللوبي الصهيوني *

المشاركة الأصلية كتبت بواسطة شبارقة

.لكن الناس بيقيفوا عند الجزء الأول فقط (ما عارف ليه) ولذلك إشتهر سيد الاسم ...

[فيصل سعد]

المشاركة الأصلية كتبت بواسطة محمد أبوعاقلة

مش زي ناس كدا ... يعرفو للعناوين واليافطات

محمد بطل طعن و مطاعنة و خليك واضح و شفاف كما عهدناك و اعترافات مجانية و تبرع مافي، تعال طارح و جادع بهناك و جر معاك شبارقة و الزبائن الهنا كلهم جت بهناك.

[شبارقة]

المشاركة الأصلية كتبت بواسطة محمد أبوعاقلة

اها دي عملتها زي حنيطيرك ... عيبك ما كمّلت البيت ... وسقفت على كدا
وعاوز تعرشو لينا لوبيا ...
الجاب محبوبي وكتين ابتسم للوبيا شنو ...

وبالشايقي ... اللوبي الصهيوني *

[align=justify]ههههههههه وبالمناسبة شابف صاحب البوست ده عندو مقدرة في تنزيل الأغاني وإنت برضو ... يا ريت تتكرموا وتشوفوا لينا سيد الإسم دي (سمعتها وشفتها مرة في الفضائية السودانية وهي محدثة موسيقياً فكانت إحدى روائع المرحوم أحمد الجابري) [/align]

[همس الشوق]

المشاركة الأصلية كتبت بواسطة شبارقة

ود أبوعاقلة يا فردة ... لا شوفتن تبل الشوق ولا ردن يطمن؟ أين أنت يا حلم الصبا أين أنت يا أمل الشباب؟ إن شاء الله يكون الحاجبك خير..إشتقنا لإبتسامتك وقفشاتك المفاجئة... سوف أمتنع عن المشاركة في هذا البوست لحين حضورك أو تبرير غيابك

[align=center]شبارقة ازيك وكيفنك ............... وان شاء الله تسأل عنك العافية


انا موجوده بكثرة وجيت كمن مره لقيت التكل عدمان السريخ


يعني شنو سريخ ؟؟؟؟؟؟؟؟؟

كل سنه وانتوا بخير وسنه هجرية سعيده ان شاء الله [/align]

[فيصل سعد]

المشاركة الأصلية كتبت بواسطة حلم الاماسي

[align=center]شبارقة ازيك وكيفنك ............... وان شاء الله تسأل عنك العافية


انا موجوده بكثرة وجيت كمن مره لقيت التكل عدمان السريخ


يعني شنو سريخ ؟؟؟؟؟؟؟؟؟

كل سنه وانتوا بخير وسنه هجرية سعيده ان شاء الله [/align]

غالي و الطلب رخيص يا شبارقة كدي هاك دي في الاول ليك و لمحمد و لحلم ،و ادينا رايك، اها يا محمد ان شاء الله تكون انبسطت و الله يخليك لجنس دا :

[align=center][flash=http://www.youtube.com/v/eYcbXDPxrgk&autoplay=1]WIDTH=400 HEIGHT=350[/flash][/align]

[أشتر]

المشاركة الأصلية كتبت بواسطة فيصل سعد

غالية و الطلب رخيص يا بت عمك كدي هاك دي في الاول و ادينا رايك :

لكن حلم الأماسي ما طلبت حاجة يا فيصل ...

طلب منك شبارقة وفلسعتو ...
وللأسف سماعاتي بوظا لي ستيف وندر قبل شوية وحاليا جهازي طوبة ساي

لكن شبارقة طلب منك سيد الاسم فهل (باعتبار اني ما سامع حاجة)
هل ودالامين بغني في سيد الاسم ولا اغنية تانية ...

شبارقة ... لو لبست طرحه كان قبييييييل كبوها ليك هنا