اقتباس:
المشاركة الأصلية كتبت بواسطة أبو جعفر
سلام حافظ وعساك بخير 3
أولاً أنا شاهد عيان على إفساد الإنجليز للمجتمع وإنشاء بؤر فساد وسط المدن وأطراف القرى محمية بالقانون(1) .. هذه البؤر - بغض النظر عن وجودها السابق من عدمه - واجهها المجتمع بنموذج لإمرأة مثالية في كل شيء .. ولا يمكن الوصول لمحيطها إلا بالزواج .. وأذكر أن الشاعر الهادي آدم نقل لمدرستنا من أمدرمان الثانوية فكنا ننظر إليه نظرة القادم من الجنة.. ولو لم تكن المرأة بهذه الكيفية السيوبر لما فكر أحد من الزواج منها.. فالمنافسة من قاع المدينة شديدة وشرسة .... وتخيل خريج ثانوية مرتبه 30 جنيه .. 15 جنيه تكفي البيت حتى هدوم العيد وتفيض .. باقي 15 جنيه .. تقدر الزوجة ما تكون سيوبر .. ما بيطير منها (2).
المهم هاهنا مظلومية تسبب فيها الإستعمار وسكان بؤر الفساد.. لبنات ونساء الأسر في الخمسينات والستينات ... فكيف تجمع الضحية مع الجاني .. بخلق مظلومية لنساء بؤر الفساد .. وهن قد أخترن الطريق السيئ وحياة الفرفشة وعدم المسئولية ... وهنا اختلافي معك .. فأنت تخلق مظلوميات اجتماعية وهمية .. كما فعلت من قبل مع المشاريع السياسية فذكرتك بها.
(3)
داخل النص:
يا رأفت تتذكر
ود البدوي زورنا مرة
ود البدوي عيرنا نظرة
وبعد ما شفطوهو ودخل السجن
بنات الكلب غنو ليه
ود البدوي غادي غادي
ود البدوي السجن بعادي (4)
|
سلام ابو جعفر
معليش رقمت مداخلتك المقتبسة فوق دي عشان أقدر أرد عليك نقطة نقطة
(1)كونك شاهد عيان دي أصلاً ما القضية .... ففي كثير من شهود العيان لعصر محدد لكن لإفتقارهم لعقلية نقدية و تحليلية أصلاً ما ممكن يكونوا مرجع الناس ترجع ليه .... لكن ممكن يكونوا مادة خام لدراسة و الباحث يشيل منهم كلامهم زي ما هم قالوه و بعدين يعمل فيه أدواته للنقد و التحليل .... عشان كدا برجع أقول ليك تاني قصة ان بيوت الدعارة جات مع الانجليز الكلام دا مردود عليك .... لان الدعارة قبل الانجليز تاجر و أشتغل بيها رجال الأسر ديل ... و بنو بيها مجدهم و مجد ابنائهم الراهن وقع ليك؟ .... عليه حاول تنسي قصة الانجليز دي و عاين للصورة اشمل
(2) هسي علاقة الهادي أدم الجابوه ليكم من مدرسة أم درمان و دايرين تطيروا من الفرح, هسي العلاقة شنو هنا بالموضوع؟
(3) و هنا البحر يحاكم سمكة بامتياز .... قلت لي هن أختارن حياة الفرفشة و ما دخل بنات الأسر؟
أنت جادي؟
إختاروا حياة الفرفشة و معاهم طلعن من الجبال و الكراكير و قالن دايرين لينا أسياد لاننا ما بنقدر نعيش بدونهم؟
ختوا القيد في كرعيين و جابن الكرباج و قالن نمشي نخدم الأسياد؟
يا خي إختارن شنو عليك الله
يا خي حاول اخجل شوية و قبلها فكر
ما في امراة ممكن تختار حياة الدعارة و الكلام دا مثبت ... لكن المجتمع هو البجبرها علي الكلام دا وقع لي؟
بجبرها بكل قوانينه, بجبرها بالاستغلال الطبقي, النوعي, الاثني و الخ من انواع الاستغلال
(4) و الله ما داير اشتم لكن لو في كلب هو ود البدوي و أحفاده البمجدوا ذاكم التاريخ البشع
كسرة:
شايفك جبت ليك اقتباس بتاع الخال و العم الكتلوا بتهم لانها حملت بالحرام
أوعي تكون جبته للمفاخرة بغسل الشرف بالدم؟
رأفت سوري فتلنا البوست لكن ممكن ما تشتغل بالمداخلات دي واصل في بوستك عادي
