حكاوي كانت بين!! أمي وأبويا - الصفحة 4

قمر دورين · 06-06-2009, 07:56 AM

[align=center]سلام طيب جميل لك عم بابكر ولكل آل بدري

طيب هسع دي ما حكايات من ألف ليلة وليلة....

شكراً لإشراكنا متعة قراءة هذا السرد الشيّق [/align]

بابكر مخير · 06-06-2009, 01:47 PM

اقتباس:

المشاركة الأصلية كتبت بواسطة قمر دورين

[align=center]سلام طيب جميل لك عم بابكر ولكل آل بدري

طيب هسع دي ما حكايات من ألف ليلة وليلة....

شكراً لإشراكنا متعة قراءة هذا السرد الشيّق [/align]

شكرن ليك يما،،
تعرفي زمان أم قاسم، تقعد تتونس وبي أخوانها،،،
أحمد أخويا، يوسف أخويا،،
المهم الوالد، لمن خلاص يشعر بأنها قاصدة مطاعنة،، يقول:
هي مالها مخلوعة كدي،،
ما الناس كلها عندها أخوان،،
كانو فرد بيناتهم، ونسة والله البيقعد معاهم ما يمل،،،
أسألو عمكم فتحي، جرب مجالستهم وعمكم شوقي كان مدمن زيارتهم

ميرغني الشريف سليمان · 06-06-2009, 03:24 PM

اقتباس:

المشاركة الأصلية كتبت بواسطة بابكر مخير

الشريف الحبيب
يا زول إتا ما لساتك ما وصلت البيقينا فيهو خبرة، مخضرمين لمن بقى لينا حرفة،،
شيتن ثقيل راكز في الكتوف، مدافرة مع الملايكة الراجين دورهم، يهيصو بينا بعدين،،
غايتو ظنيتهم بيسجلو ساكت ومرة مرة كدي يلكزوهو ويقولو ليهو،،
ما تنسى لينا ديك وما تنسى القلتو بي لسانك والعملتو إيديك،،،

يا الشايل من الأسامي الجميل،،
أكان حقك والجآي من أسيادي الأشراف، أكان الشرف والشرافة المن نبي الله، البمثل عظمة الإنسان لمن طوع حبوش الجان!! سيدنا سليمان،،،،
(آها شفتا جنس دآ،، حسي الحبوش الدخلهم شنو؟؟؟ وأنا قصدي جيوش)

يابا النسيان والخرف والكبر،،
تنسيك إسمك كمان
وياها كدي، تجيك مرة، مرة،،
ذي الشعرة (يوصف بيها فترات الصرع التي تصيب الإنسان) مرة تروح ومرة تييقِّي (يعني تجي؛ بس بالمصري الحلواني)
ونبقى ننزلها مرة، مرة،،
كل ما تجينا شعرة.....

شكرن ليك يابا
وإتا الشريف!!
شرفتنا

سلام

يا ود مخير ملائكتك ما تشيل همهم أنته بتسوى فى (علم ينتفع به ) كان رضوا الجماعه ولا أبو وأنشاء الله(شعرتك ) ما تنقطع وأنت ما ياكا المالى المنتدى وأنت كان ما مخير دا كلام بتسوى ،شكرن ليك

أبو أماني · 07-06-2009, 06:51 PM

اقتباس:
المشاركة الأصلية كتبت بواسطة أبو أماني
ومن زمرة (الديناصورات) ..

الحبيب
دآ نعله أنا؟؟؟؟
ديناصور مرة واحدة،،،
ماشة يا زول يا الولدك موظف،،
يا نونو

شكرن ليك على الكلمات الحلوة وأريتني لو منها عندي صفر على الشمال،،
شوفتي يا نونا العزيزة الغالية (هو منو غيريك يا نور)
إتي تقولي؛ نفك طارية "شهادة الوفاة" وناس الدفعة ديل البيتنكرو، لي البيهم،،، يوصفونا إحنا بالديناص،،، المهم القالها دي

آها يا أبو أماني
شهد شاهد من أهلي،،
إن إحنا ما حسي!!
أقله؟؟؟
كناها
تقول ليا دناص... بتاعتك دي[/QUOTE]

شايفك اتحسست بلحيل من كلمة ديناصورات دي .. وما بلومك هي فعلا تخينة شوية في لفظها وفي وقعها .. لكين والله يا الحبيب تكعيب .. معناها عميق وشفاف .. وزييك انا مرات بتحسس من كلمات عيال الزمن ده .. زي حكاية الجلكين .. ويا عمممممك؟ لما يدور يناديك .. لاكين كان جيت للحق! بفتخر لو قالوا علينا ديناصورات .. مالون ؟؟ عيبن لي!! ماهم كانوا ملء السمع والبصر ..ونحن برضو زييهم ملء السمع والبصر في زمنا ..وماكانوا قوة ضاربة ونحن كنا في زمن شبابنا قوة تتحدى الصعاب ..وما جيل الديناصورات هو نفس الجيل الما بتكرر تاني ونحن نسخة فريدة ما بتتكرر تاني ..أسع دي في ظمتك دي كان ما نحن وهن ..وواقعنا الكان زي العسل داك ..كت بترفع نخيرتك دي وتتملي فخر وبكل كبرياء وتكلمنا عن ناسن يسدوا عين الشمس ويتصدروا صفحات التاريخ وعن علماء في مجال العلم والتعلم والتعليم جيلا (بدري) ومن (بدري) يا .. بابكر.. رفع يراع العلم ولوح الأردواز!.. رحم الله الحاجة مدينة .. التي خلفت وراءها تركة..تذخر وتثرى وتفخر بها الأوطان ولك خالص حبي ياكبير الديناصورات..!

بابكر مخير · 07-06-2009, 10:07 PM

يا الشريف إسم ونسب
وزولي أبو أماني

أمشو جاملوني كدي وكبرو ليا رأسي
وأنا أنبهل في الهترشة

شكرن ليكم
ولو لا إحنا يانا ناس السودان الجميل
كان ما بيين لينا جمال
ما حلاة الوردة وسط الورود
ريحتها براها ما بتنشم
إلا لمن تفح نسمة من وسط خميلة تكون متوسطاها

ليكم محبة خالصة

أبو أماني · 09-06-2009, 05:24 PM

اقتباس:

المشاركة الأصلية كتبت بواسطة بابكر مخير

يا الشريف إسم ونسب
وزولي أبو أماني

أمشو جاملوني كدي وكبرو ليا رأسي
وأنا أنبهل في الهترشة

شكرن ليكم
ولو لا إحنا يانا ناس السودان الجميل
كان ما بيين لينا جمال
ما حلاة الوردة وسط الورود
ريحتها براها ما بتنشم
إلا لمن تفح نسمة من وسط خميلة تكون متوسطاها

ليكم محبة خالصة

رجاء لا تقطع عنا هذا المورد العذب والسلسبيل الذي نحسبه يأتي لنا من الكوثر .. ولن تقنع بواقع حالك في بلد الضباب.. حيث لا مياه تقطع.. ولا مواطنا للصالح العام! يخلع! وحيث لا كهرباء تمد اللسان في سخرية بمروي للخزان .. واصل يا مبدع .. وجد علينا بالروائع مادمت أنت حفيدها ...

عكــود · 04-04-2025, 03:58 PM

يرفع لعناية
القمندان
الدكتور
حبيب الكل

بابكر مخير
يجده في أسعد الأوقات

رحم الله والديك

06-06-2009, 07:56 AM	#[46]
قمر دورين :: كــاتب نشــط::	[align=center]سلام طيب جميل لك عم بابكر ولكل آل بدري طيب هسع دي ما حكايات من ألف ليلة وليلة.... شكراً لإشراكنا متعة قراءة هذا السرد الشيّق [/align]
قمر دورين :: كــاتب نشــط::

07-06-2009, 06:51 PM	#[49]
أبو أماني :: كــاتب نشــط::	أكان ترضى كان تابا .. يانا ديناصورات.. اقتباس: المشاركة الأصلية كتبت بواسطة أبو أماني ومن زمرة (الديناصورات) .. الحبيب دآ نعله أنا؟؟؟؟ ديناصور مرة واحدة،،، ماشة يا زول يا الولدك موظف،، يا نونو شكرن ليك على الكلمات الحلوة وأريتني لو منها عندي صفر على الشمال،، شوفتي يا نونا العزيزة الغالية (هو منو غيريك يا نور) إتي تقولي؛ نفك طارية "شهادة الوفاة" وناس الدفعة ديل البيتنكرو، لي البيهم،،، يوصفونا إحنا بالديناص،،، المهم القالها دي آها يا أبو أماني شهد شاهد من أهلي،، إن إحنا ما حسي!! أقله؟؟؟ كناها تقول ليا دناص... بتاعتك دي[/QUOTE] شايفك اتحسست بلحيل من كلمة ديناصورات دي .. وما بلومك هي فعلا تخينة شوية في لفظها وفي وقعها .. لكين والله يا الحبيب تكعيب .. معناها عميق وشفاف .. وزييك انا مرات بتحسس من كلمات عيال الزمن ده .. زي حكاية الجلكين .. ويا عمممممك؟ لما يدور يناديك .. لاكين كان جيت للحق! بفتخر لو قالوا علينا ديناصورات .. مالون ؟؟ عيبن لي!! ماهم كانوا ملء السمع والبصر ..ونحن برضو زييهم ملء السمع والبصر في زمنا ..وماكانوا قوة ضاربة ونحن كنا في زمن شبابنا قوة تتحدى الصعاب ..وما جيل الديناصورات هو نفس الجيل الما بتكرر تاني ونحن نسخة فريدة ما بتتكرر تاني ..أسع دي في ظمتك دي كان ما نحن وهن ..وواقعنا الكان زي العسل داك ..كت بترفع نخيرتك دي وتتملي فخر وبكل كبرياء وتكلمنا عن ناسن يسدوا عين الشمس ويتصدروا صفحات التاريخ وعن علماء في مجال العلم والتعلم والتعليم جيلا (بدري) ومن (بدري) يا .. بابكر.. رفع يراع العلم ولوح الأردواز!.. رحم الله الحاجة مدينة .. التي خلفت وراءها تركة..تذخر وتثرى وتفخر بها الأوطان ولك خالص حبي ياكبير الديناصورات..!
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

07-06-2009, 10:07 PM	#[50]
بابكر مخير :: كــاتب نشــط::	يا الشريف إسم ونسب وزولي أبو أماني أمشو جاملوني كدي وكبرو ليا رأسي وأنا أنبهل في الهترشة شكرن ليكم ولو لا إحنا يانا ناس السودان الجميل كان ما بيين لينا جمال ما حلاة الوردة وسط الورود ريحتها براها ما بتنشم إلا لمن تفح نسمة من وسط خميلة تكون متوسطاها ليكم محبة خالصة
بابكر مخير :: كــاتب نشــط::	التوقيع:

04-04-2025, 03:58 PM	#[52]
عكــود Administrator	يرفع لعناية القمندان الدكتور حبيب الكل بابكر مخير يجده في أسعد الأوقات رحم الله والديك
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.