اقتباس:
المشاركة الأصلية كتبت بواسطة بابكر مخير
هو إتا الحبيب بي جآي
وأنا بي هنآك أتفقدك
يا أخي الف، مليون ودشليون مبروك الأحفاد
إتا وأنا
وضقناهو وعقبال لي الباقيين
أمس، "مدون بتي" في التلفون سمعتني صوت الحفيدة "خديجة" وأنا كنتا مع مجموعة (والله يا مرآفي) من الأصدقاء "السودانين" بنلعب (وست)..
كنتا قبل المحادثة مهضلب وبعدها بقيت في منتهى النشوآ..
حسدوني فيها الثقلآ..
قاموا سنفكوني..
لكن ما هزت فيني شعرة...
أبقآ على الفرمالة ما تبقآ عليك..
محبة وتهاني
وقبلات في جبين الأحفاد.
|
( يا حبيبى أنا فرحان
فرحان بيك
يا ريت ادوم هنانا )
رحم الله الشاعر .. الجاغريو .. و هو يعبر عن الفرح .. فرحنا كلنا
بهذه البساطة .. و هذا الحمال .
منذ إنزال هذا البوست .. و أنا أتلفت بحثا عنك
و قرّبت أكورك
( أنا بى هنا
و الكريم يهونا )
حقيقى .. أنا سعيد بلقاك من جديد .. و سعيد بى كل أحفادنا .
ربنا يهنيك بى أصواتم و بكائهم و ضحكاتهم .
أخوك إلى الآن لم يسمع .. غير بكية بكيتين .. أو مقطعين من ( باخ أو بتهوفن )
شكرا .. أخى .. على كلامك الأنيس .. و تهانيك الخالصة
و ربنا يديم الأفراح على الجميع .
و على المحبة نلتقى .
