ياشباب،الزول البدى صوتو مفروض يكون عندو آخر مشاركة قبل ٦ شهورمن الانتخابات!

[أبوبكر عباس]

المشاركة الأصلية كتبت بواسطة قيس الصديق شحاته

الوش الضاحك، بعد جُملة: قيس الشاعر، غالباً فيهو رسالة استهزاء رخيصة جَبُن أخونا الجيلي أن يقولها بعبارة صريحة، كعادته في اللجوء إلى الزقاقات كلما اكتشف أنّ المكان وسيع أكثر مما يُحب.

النصيحة يا قيس، دا، ضيق منك ساكت، شنو المشكلة لو سخر منك؟
لو بعد كباية الشاي الفاتت روقت وقررت تسحب المداخلة دي، أنا بسحبها ليك من الإقتباس جدعنة مني ساكت كدا!

[الجيلى أحمد]

المشاركة الأصلية كتبت بواسطة الجيلى أحمد

الأخ البديرى,
عاطر التحايا..

- الأعضاء فى هذا المنتدى, قدامى كانوا أم جدد لهم جميعآ حق متساوى فى التصويت
والاقتراع والترشيح والترشح.
- بعض الناس يأتى فقط للترشيح أو اعطاء صوت, وليس من احد له انتزاع ذلك الحق دون نص لائحى..
- الاعضاء المسجلين فى سودانيات يفوقون 1800 عضو وعضوة, المشاركين حتى هذه اللحظة فى الانتخابات لايبلغ عددهم 200 مشارك ومشاركة..
- الهدف من الانتخابات هو احقاق العملية والحق الديمقراطى وأيضآ أحد تلك الاهداف هو ان يدلو ال 1800 عضو وعضوة باصواتهم..
- لو قامت انتخابات نزيهة فى السودان الشقيق, وأتيت انا وعم فتحى, وعم رأفت, وعم شوقى بدرى, وحسن فرح ..الخ _أتينا_ لندلو بأصواتنا فهل هنالك من سيخرج
علينا بقول انه لايحق لنا التصويت لأننا (طولنا من البلد)؟؟؟
أم أن الصواب سيكون السعى الحثيث لضمان تصويتى , بل الاجتهاد بكل مايمكن لحثى على الاختيار والتصويت
- هذا ماافهمه من العملية الانتخابية
هو حث كل الأعضاء والعضوات على المشاركة الفاعلة,
والدعايا للانتخابات والترويج لها..

كن دومآ بخير ياعزيزى

تحياتى يالبديرى
أتمنى أ أرى ردك على بقية النقاط فى المداخلة ..

كن دومآ بخير

[قيس شحاتة]

المشاركة الأصلية كتبت بواسطة بابكر عباس

النصيحة يا قيس، دا، ضيق منك ساكت، شنو المشكلة لو سخر منك؟
لو بعد كباية الشاي الفاتت روقت وقررت تسحب المداخلة دي، أنا بسحبها ليك من الإقتباس جدعنة مني ساكت كدا!

الضيق حاصل يا بابكو، وما من شوية. الغمز واللمز والتخبي خلف إشارات غامضة، دا جبن وضعف وقلة حيلة. الواحد تلقا لسانو اترهل من البري والنقة في الفارغة، وكيانو قرب ينفجر من النفخة الكضابة، وفوق دا كلو بمارس التدسدس ورا الكلام تمام زي ما بسووا الحرامية.

ملحوظة: الكلام دا كلو بالإشارة إلى الجيلي.

----
كباية شاييك ما شربتها، إتا سويتا حامضة.

[البديري]

المشاركة الأصلية كتبت بواسطة الجيلى أحمد

تحياتى يالبديرى
أتمنى أ أرى ردك على بقية النقاط فى المداخلة ..

كن دومآ بخير

- الأعضاء فى هذا المنتدى, قدامى كانوا أم جدد لهم جميعآ حق متساوى فى التصويت
والاقتراع والترشيح والترشح.

اكيد،ولهم كامل الحقوق،إذا استوفوا شروط المشاركة فى المنتدى على فترة لاتقل عن ٦ اشهر على حسب اللوائح المنوط بها،فخلاف ذلك تسقط عنهم الاحقية فى كلمة المرور،فكيف لعضو يترشح ويرشح وهو اساساً يفترض بان يفقد كلملة المرور تلقأئياُ بعد غيابة ل ٦ شهور ادارياً!.

- بعض الناس يأتى فقط للترشيح أو اعطاء صوت, وليس من احد له انتزاع ذلك الحق دون نص لائحى..

2- 8 - يتم إيقاف كلمة المرور الخاصة بكل عضو متى ما إنقضت فترة سـتة أشهر دون أن تُنشر له مشاركة في المنبر ، ويمكنه إستعادة كلمة المرور بمراسلة المشرف الفني للمنبر.

- الاعضاء المسجلين فى سودانيات يفوقون 1800 عضو وعضوة, المشاركين حتى هذه اللحظة فى الانتخابات لايبلغ عددهم 200 مشارك ومشاركة

sowhat ،ان شاءالله نكون 5 اعضاء فقط! 2 اتنين يكونوا مجلس ادارة و3 يصوتوا ليهم!

- الهدف من الانتخابات هو احقاق العملية والحق الديمقراطى وأيضآ أحد تلك الاهداف هو ان يدلو ال 1800 عضو وعضوة باصواتهم..

اكيد،ولكن لكل انتخابات قوانين ولوائح وشروط ومدرجة تحت بند فى المواثيق والاعراف..اعتقد سودانيات مازريبة تطلع وتخش على كيفك فى مسألة حساسة كالانتخابات!
لايعقل يالجيلى انسان يغيب سنوات وياتى لكى يختار لى رئيس،وغيرة يومياً بستقطع من وقتة وراحتة ووقت اسرتة لاجل هذا الصرح! لا ياخوى الكلام دا شخصياً ماراكب لى فى راسى!

رجا ياحبيب
أقراء ردى وماترد على ..لاننا الاتنين رسينة حجر، وماحانقنع بعض!
ياخ اقول ليك حاجة عدها ""كريست باكيت""

مع مودتى الدائمة لك

[الجيلى أحمد]

اقتباس:
المشاركة الأصلية كتبت بواسطة قيس الصديق شحاته
الوش الضاحك، بعد جُملة: قيس الشاعر، غالباً فيهو رسالة استهزاء رخيصة جَبُن أخونا الجيلي أن يقولها بعبارة صريحة، كعادته في اللجوء إلى الزقاقات كلما اكتشف أنّ المكان وسيع أكثر مما يُحب.

العفو ياقيس لو احسست بان الاشارة فيها استهزاء..
اتقالت بى محبة زيها وزى اسامة (الشاكال)

لك العتبى ان طال الحديث سوء فهم..واعتذار كاش داون..
ليس فى القلب أو الخاطر مايستحق العداوة..

ياأخى الدنيا دى كمها