*** مصطلحات عامّية سودانية ***

[فيصل سعد]

[align=center]ما اديناك احتمال علاقة الملة بالسرير صهينت مننا و كبيت الزوغة

بتعرف السحلبة ؟؟ يقول ليك فلان دا مسحلب
و بتعرف الكتاوت و الضفيرة و الدفرنش ؟؟ [/align]

[شبارقة]

بتعرف السحلبة ؟؟ يقول ليك فلان دا مسحلب

[align=justify]السحلب نبات يا فيصل(أنظر الصورة أدناه ) ويستخلص منه مشروب سميك محلى بالسكر يعرف بمشروب السحلب (مشروب جيلاتيني - هلامي) بالذات في مصر وتركيا والمنطقة الغربية بالمملكة العربية السعودية
والمادة الفعالة في السحلب هي مادة هلاميـة ويمكن ده سبب تسميتنا لبعض الأشخاص الهلاميين بالمسحلبين [/align]

و بتعرف الكتاوت و الضفيرة و الدفرنش ؟؟

[align=justify]سلملي على ميكانيكيي السيارات [/align]

[شبارقة]

المشاركة الأصلية كتبت بواسطة شبارقة

[align=justify]1- المُله 2- الكركابه 3- الفلكابه 4- التقابه 5- التقا (التقه) [/align]

[align=justify]1- المله : المل هو الرماد الساخن (كلمة عربية فصحى) ونحن بنقول الملاله ..وكانو أمهاتنا يداعونا بـ : الملاله التحرقك ! أما المله فهي قطعة حديدية تستعمل لتقليبب الجمر تحت الدوكة أو الصاج (تعمل عمل الماشه في الفحم) ... وهناك أيضاً ملة السرير وهي قطعاً معروفة لديكم .

2- الفلكابه : هي القنايه

3- التقابة : هي مجلس قراءة القرآن الكريم في ساحات الخلاوي وتستخدم فيها نار الحطب للإضاءة

4- التقا (التقه) : هي مساحة تترك خالية في الأماكن الزراعية ليوضع فيها المحصول [/align]

[أشتر]

المشاركة الأصلية كتبت بواسطة شبارقة

[align=justify]1- المله : المل هو الرماد الساخن (كلمة عربية فصحى) ونحن بنقول الملاله ..وكانو حبوباتنا يداعونا بـ : الملاله التحرقك ! [/align]

كان بقولو الملاله الجمرها حي ... كلامك صاح يا شبارقة
لكن انت عملت ضمة في الميم وكان مفروض تكون فتحة ...

[شبارقة]

لكن انت عملت ضمة في الميم وكان مفروض تكون فتحة .

[align=justify]الملة بضم الميم هو إسم للقطعة الحديدية التي تعمل عمل الماشة بتحريك جمر الحطب تحت الرماد أما المل والملاله فهي بفتح الميم يا فردة وشكراً لك .[/align]

[شبارقة]

[align=justify]هاكم إلى أن ألقاكم (وبدون تشكيل لمزيد من الإنشطاحة والإنشكاحة والإنبراش والفرشخه):

1- يخب 2- اللهيج 3- الدرت 4- عنقالي 5- مركوز


6- مختر (تشديد التاء) 7- مدروع 8- القيساب 9- السايحه والمتراوحه



10- الحركرك 11- الرحيح 12- طفر (تشديد الفاء)[/align]

[فيصل سعد]

المشاركة الأصلية كتبت بواسطة شبارقة

[align=justify]هاكم إلى أن ألقاكم (وبدون تشكيل لمزيد من الإنشطاحة والإنشكاحة والإنبراش والفرشخه):
1- يخب 2- اللهيج 3- الدرت 4- عنقالي 5- مركوز
6- مختر 7- مدروع 7- القيساب 8- السايحه والمتراوحه 8- الحركرك
9- الرحيح 10- طفر (تشديد الفاء)[/align]

نمرة 8 المدبلها دا زي اخونا ود ابو عاقلة قاعد على الحركرك و على الهبشة و متلقي حجج. و كل ما تعصروا يقول ليك لسة في الفرن . اما السايحة و المتراوحة اعتقد المطرة و لا زولة بتساسق كتير و انت الظاهر داير تجيب لينا مشاكل يا مركوز

نمرة 7 برضو مدبلها واحدة فيهم زي البوست دا مدروع في رقبتك و التانية يطرشني و يعميني الا اطفر بالحيطة و استعين بصديق .

نمرة 2 دي ما دايرة شرح اسمع الاغنية و بتفهمها و هي طايرة

تحياتي يا مندوب الاتحاد الافريقي ..

[شبارقة]

المشاركة الأصلية كتبت بواسطة فيصل سعد

نمرة 2 دي ما دايرة شرح اسمع الاغنية و بتفهمها و هي طايرة

..

أولاً : يا ريت تنزل لينا الأغنية وتبقى أول أغنية في البوست ده على ما أعتقد ... عشان الجماعة يعرفو اللهيج السكر والكلام اللادن

ثانياً : للمساعدة :

1- يخب : أحمد وراء التيران يخب أسيان يفكر منغلب مابين بكاء الساقية الهناك ومابين طفوله بتنتحب (من كلام المرحوم/ عمر الطيب الدوش).

9- الرحيح : واحدة زعلانة من راجيلا قالت ليهو : شاحدة الله تقع تراااح ... قام قال ليها: تَرِحي رحيح تامزينو ديك الما عادت

أها قصرنا معاكم ؟ يلا خشو على الباقيات بلا مساعدة بلا قونقليز

[منال]

المشاركة الأصلية كتبت بواسطة شبارقة

أولاً : يا ريت تنزل لينا الأغنية وتبقى أول أغنية في البوست ده على ما أعتقد ... عشان الجماعة يعرفو اللهيج السكر والكلام اللادن
الشاعر قال القوام اللادن و الحشا المبروم و الصدير الطامح زى خليج الروم
ما تجغمس غنا الحقيبة يا بتاع التراث الزغت منو داك ... معاك نزل الاغنتين يا فيصل للبكائين حصريا ثانياً : للمساعدة :

1- يخب : أحمد وراء التيران يخب أسيان يفكر منغلب مابين بكاء الساقية الهناك ومابين طفوله بتنتحب (من كلام المرحوم/ عمر الطيب الدوش).
يا سلام يا شبارقة
9- الرحيح : واحدة زعلانة من راجيلا قالت ليهو : شاحدة الله تقع تراااح ... قام قال ليها: تَرِحي رحيح تامزينو ديك الما عادت

تامزينو يقال انها كانت سكرانة لط تترحح اله يجازى محنك يا جنى

طفر :دى نط وقع تلب (شكلهاعندك)
السايحه والمتراوحه : ضرب مثل يقال عندما تفقد جزؤ كبير من الشى يبقى فى ايدك القليل يقولولك اديتو السايحه والمتراوحه
دى اجتهاد بنص القيمة

[شبارقة]

المشاركة الأصلية كتبت بواسطة منال

السايحه والمتراوحه : ضرب مثل يقال عندما تفقد جزؤ كبير من الشى يبقى فى ايدك القليل يقولولك اديتو السايحه والمتراوحه
دى اجتهاد بنص القيمة

[align=justify]الإجتهاد مطلوب يا بت أخوي ... لكن فسرتي الماء بعد الإجتهاد بالماء [/align]

[فيصل سعد]

المشاركة الأصلية كتبت بواسطة شبارقة

[color=#0000FF][size=5][align=justify]

[align=justify]سلملي على ميكانيكيي السيارات [/align]

طبعا اكيد انت قاصد الكهربجي و ليس الميكانيكي
اها ، بتعرف القيزان و الحارة و الرحمتات.. و السلوكة و الازمة و الكرك ..
و الحسكنيت و الرماي و الصارقيل ؟؟؟

[شبارقة]

قال كيشو:

يا دكتور
قراصة النبق عندنا اسمها (التابون)، وهذه المعلومة معنونة عبرك للأخ شبارقة

ورد عليه طارق:

عارف يا كيشو الـ(التابون)
اسم في المغرب لي حاجة بطالة خلاص

قال شبارقة:

شكراً يا كيشو ... فكرنا ننزلها بهناك .. لكن تعريف أخونا طارق المغربي خوّفَنا بالحيل

ورد عليه كيشو:

يا خوي تابون المغاربة خليه هناك، لن نترك حياتنا وثقافتنا لأحد
أنا جيت الدوحة وعملي معظمه مع الإخوة القطريين واحد قال لي: قلط واشرب معانا شاي
قلط بتشديد اللام، واقلط معناها اجلس، والمقلط هو المجلس (يللا قلطوا كلكم ) دي عكود ما يحذفها من هنا

[align=justify]المداخلات أعلاه كانت ما بين كيشو وطارق جبريل وشخصي الضعيف في بوست نوال الزغبي وقراصة النبق ..وبدون تعليق[/align]

[أشتر]

اتا زاااااتي غير بدون تعليق ما عندي حاجة اقولا ...
يعلقوك من عصبتك : .. انت وعُصبتك D

[شبارقة]

المشاركة الأصلية كتبت بواسطة فيصل سعد

اها ، بتعرف القيزان و الحارة و الرحمتات.. و السلوكة و الازمة و الكرك ..
و الحسكنيت و الرماي و الصارقيل ؟؟؟

[align=justify]القيزان دي يشرحا لينا ود أبو عاقلة لأنو سأل عنها قبل فترة قصيرة
الحارة : الحارّات كتيرات !! ياتو حارة قاصد؟
الرحمتات: في يوم 27 رمضان تقوم النسوان بعمل كرامة للأطفال ... تعبيراً عن زكاة أو كفارة أو صدقة .. وكده
السلوكه : ذكرت من قبل
الأزمة : بيسموها أم رأسين وتستخدم في الحفر عموماً[/align]

[أشتر]

المشاركة الأصلية كتبت بواسطة فيصل سعد

طبعا اكيد انت قاصد الكهربجي و ليس الميكانيكي
اها ، بتعرف القيزان و الحارة و الرحمتات.. و السلوكة و الازمة و الكرك ..
و الحسكنيت و الرماي و الصارقيل ؟؟؟

فيصل ... الرد ما بيابا الزيادة ... كان ناقص على ما اظن ....
السلوكة ... اداة زراعة
الأزمة ... (ازمة السلطة وهي بت عم الحفّارة لكن دي بى راس وديك راسين ...
الكرك ... في حاجة اسمها شاي كرك ... ولو قاصد كرنك دا حاجة تانية ...
الحسكنيت ... وتسمى ايضا بالضريسة ... واعتقد الحسكنيت والضريسة شبه بعض لكن الضريسة سنّة خشنة والحسكنيت سنّة ناعمة ... الله يكفينا شر الزول الحسكنيت ...
الرماي ... قلناهو لكن مجموعة من السنارات في خيط واحد لصيد السمك ...
الصارقيل ... الدودة الشهية للكثير من الاسماك ... خصوصا اسماك جبل اولياء حيث المراكب والدبش ...
اها الدبش يعني شنو ...

*
الود دا ود اليابا والتابا ... برضو يعني شنو يا شبارقة