نقل مباشر لافتتاح فعاليات منتدى سودانيات الثقافى من نادى الشاطئ بامدرمان..

[الجيلى أحمد]

نحن معكم الآن وعلي الهواء مباشرةً لكي ننقل لكم فعاليات الليلة الأولي لمنتدي سودانيات الثقافي

كونوا معنا حضوراً

وجودكم هنا والآآآآآآآن يعني وجودكم داخل الحدث

[Amin Bushari]

حضور باذن الله يا الجيلي
بالتوفيق دوما والى الامام
شكراً مراسلنا قناة المدينة

[خالد الحاج]

بالتوفيق يا صاحب
حاسدك عديل يا جيلي
أكتبوا لينا أرقام تلفونات هنا بالله خلونا نتصل للتحية
أكتر من تلفون عشان نتحاشي مسألة انشغال الخط

[الجيلى أحمد]

في إنتظار الحضور

[الجيلى أحمد]

الأحباب

الأمين البشاري

خالد الحاج

تحايا بحجم الوطن يا صحاب

بكم نكون

بكم يكون منتدي سودانيات الثقافي

واقعاً ملموساً





أسرة المنتدي

[سارة]

يا سلام عليكم يا احلى ناس

مزيد من المحبة والتواصل

معكم وبكم نكون عالم من التواصل والمحبة

[المليجي]

الجيلي
يسعد مساك
وبختكم بكل هذا الجمال
تحاياي لكل الحضور
بتمنى ليكم امسيه جميلة

[طارق صديق كانديك]

الجيلي أحمد

مساك الله بالنور والجمال

مراسلنا من ساحة المعرفة والمحبة والتواصل .. بالتوفيق ياصديقي الجميل .. كم تمنيت أن أكون بين الحاضرين ،،،

الليلة السهرة معاكم صباحي ..

بالتوفيق

[جيجي]

ابو العروس
من هسه
حاجزين قدااااام

[فتحي مسعد حنفي]

الغيرة كاتلاني يالجيلي..يعني أنا أقعد شهر وأحضر الجلسة الاتقرر فيها اقامة الحفل وتجي انت وأنا مسافر تقوم تقش البهاريز كلها..
غايتو بتمني ليكم سهرة ممتعة وانشالله تكون بداية خير وازدهار لسودانيات..
سلم علي الجميع نيابة عني..

[حافظ حسين]

ناس بلاد العم و كل احبابنا في الشتات .... من نادي الشاطي شخصياً امامي سمراء بأجمل توب .... ناصر مشغول بالكهرباء .... ابو مناهل علي شمالي.... الجيلي و دكتور أحمد طاشين في مهمة خارقة .... عمي جعفر تاج رأسنا و درة سودانيات منهمك منهك في إستقبال الضيوف .... و أنا كوجه غير تلفزيوني ختوني في أوضة مضلمة عشان انقل ليكم الحدث بالصورة و الصوت .... كونوا معنا و بكم قوتنا يا أحبتنا

[همس الشوق]

معاكم بقلوبنا وكل ما نملك
تمنياتنا بأمسية جميلة

[النور يوسف محمد]

بسم الله الرحمن الرحيم

ماشاء الله تبارك الله ..
وسودانيات فى ثوب أنيق ..
كالعهد بها وكالعهد بكم أحبابنا بالخرطوم ..
ربنا يخضر ضراعكم ..... شرفتونا والله .........

[سارة]

بدل تقوم تزازى بيك غزالة احسن تقعد فى الضلمة


حافظ دى امانة توصلها لكل الطاقم حتى القاعدين فى الضلمة

[خالد الصائغ]

اقتباس:
المشاركة الأصلية كتبت بواسطة الجيلى أحمد
نحن معكم الآن وعلي الهواء مباشرةً لكي ننقل لكم فعاليات الليلة الأولي لمنتدي سودانيات الثقافي

كونوا معنا حضوراً

وجودكم هنا والآآآآآآآن يعني وجودكم داخل الحدث




و نحن معاكم علي ذات الهواء و الهوي و الشوق يا جيلي

ممنونين حقيقي علي الجهد المقدر

متابعين يا حبيب و في إنتظار لحظة الإقلاع