اقتباس:
المشاركة الأصلية كتبت بواسطة سجمان
ورجعت زي ما جيتنا..
ما اتحتحت شراك..
ولا غيرت سحناتك
ولسه غباشك الجيتبو
كانك راجع المغرب
لبينتك جوة مخلاتك..
وما غراك شعور بره
ولا اثر علي ذاتك
ولاقيتك..
ملامح جوة فيك زادت
مساكن شوق وحنية..
بياض الجوة والنية..
زادن شوق ملاقاتك..
|
زي ماانت القلب البدفق كل السمرة
قصيدة علي الواح الزول الزوق
لا خيل الكلمة ارتاحت من فرسانك مرة
ولا من ليلك غابت سيرة البت
الشالت منك تعب الدنيا
وفجأة انشرت بين احلامك
ورقص الموية مع القمرة
واندلقت منك فكرة انك
ترسم كل الدنيا الفي جواك عروس للنيل
وانشرت فيك قضايا العشق الفاضح
وسهر الليل
الضد الصمت البمنع وجع الدمعة
اذا ما رجعت خيل الكلمة من التذكار
الفجأء يرجع فينا قضية البت السر
من اول يوم والمطرة رزاز
والنيل والقمرة وضحكك وريحة الطين
والليل مقسوم
مابين العاشق الهجر النيل
والبت الراجية الموج والليل
والخطوة رحيل
اندست فيك حكاية المرقة من الاحزان
ايام الوقفة وليل الذكري
وفضلت فيك البت القدلة ووجع الريدة
وزى ماانت