وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 03-04-2009, 11:24 AM   #[16]
hatim ALi
:: كــاتب نشــط::
الصورة الرمزية hatim ALi
 
افتراضي

اقتباس:
المشاركة الأصلية كتبت بواسطة ام ومضة مشاهدة المشاركة
في اشارة لم سبق فان اغاني البنات في كونها مسرب سرى لما لايمكن ان يقال علنا تصبح احيان مسربا لما تتطلبه النظم الاجتماعية ولكنه لفرط وقاحته لايمكن التعبير عنه مباشرة مثالا لذلك طمانة العريس وكل المهتمين من الاهل بان العروس صاغ سليم وانها خالية من اى تجربة سابقة مثلا في الخمسينات كانت واحدة من اغنيات السباتا (لم اجد لها اسم )ترقص بيها العروس تقول
(الصيني الما اندقش عند تاجر ما انفرش)
والاشارة هنا واضحة جدا
كذلك في الستينات كانت اغنية عينيا من اهم اغنيات رقبص العروس وتحمل ذات الدلالات
عينيا يا عينبا عيني حلاتا بنية
يا خالاتا يا عماتا ما جابت حديث في حياتا
ما غلتت علي جاراتا
(يا عريسنا ما تتغفل اظبط الساعة قطرك صفر
جاك صيد الخلا البتجفل وجاك صالون قزازو مقفل)
الاخت ام ومضة

صراحة كنتا عايز اعمل
QUOTE
لمشاركتك لقيت انو لازم انقلها كاملة

واضح انو عندك رؤية جيدة و تبصر في امر غناء البنات

وسمح الكلام في خشم ستو طبعاً

يا ريت تضيفي المزيد

وانا في الانتظار لأنني استفيد من كل ما كتبت

بس حاولي
Press ctrl+B
عشان كتابتك تكون بخط اكبر تحياتي



hatim ALi غير متصل   رد مع اقتباس
قديم 03-04-2009, 11:35 AM   #[17]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة hatim ALi مشاهدة المشاركة
الاخ فيصل
شكلاً على مداخلتك الجميلة و ايرادك نماذج سماعية لغناء البنات الامر الذي احيا البوست بشدة

اختلف معك في تصنيف كلمة هابط دي
ما تنتقده في غناء البنات من هبوط
يعكس حالة الانفصام لجيلنا الحالي و انا منهم و لا ابرئ نفسي بالطبع
لايمكننا العودة بالمجتمع للوراء
بمعنى ان التغيرات الحاصلة في المجتمع الان تنسكب على الواقع الفكري و الثقافي و الاجتماعي و حتى الرياضة و الكورة و غناء البنات بالطبع
لا يمكننا ان نطالب الناس بالمستحيلات


تحياتي

عزيزنا حاتم ارجو ان تعيد قراءة مداخلتي مرة ثانية ، كما ارجو ان تفصل بين غناء البنات و الغناء الهابط حسب ما اوردت لكم سابقا، و ارجو ان لا تلصقوا كل الغناء الهابط بالبنات لانه كما ذكرت كثير منه الفه و غناه رجال، انا لا اختلف معك في اسباب وجوده و لكنني مختلف في تسميته "غناء البنات" و هي وجهات نظر في النهاية ..

مودتي و تقديري ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 03-04-2009, 11:44 AM   #[18]
hatim ALi
:: كــاتب نشــط::
الصورة الرمزية hatim ALi
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة

عزيزنا حاتم ارجو ان تعيد قراءة مداخلتي مرة ثانية ، كما ارجو ان تفصل بين غناء البنات و الغناء الهابط حسب ما اوردت لكم سابقا، و ارجو ان لا تلصقوا كل الغناء الهابط بالبنات لانه كما ذكرت كثير منه الفه و غناه رجال، انا لا اختلف معك في اسباب وجوده و لكنني مختلف في تسميته "غناء البنات" و هي وجهات نظر في النهاية ..

مودتي و تقديري ..
استاذ فيصل

انا قرأت مشاركتك

واعرف انك قد صنفته الى نوعين

هابط و طالع

لكنني انا هنا ادافع حتى عن الهابط نفسه هذا

وارجع الى مداخلتي

عن اغنية راجل المراة حلو حلا

لها كل الحق المراة تشكر راجل المرا و تختفوا كمان لانو دا نموزج الراجل القداما

اما ابشرا و الضرا و دق الباب و جانا و و غيره و ما داير افصل عشان ما

تتهموني بالهبوط بالمنتدى لووووولز

دي ظواهر اجتماعية معروفة منتشرة في السودان الان

العلاقة الحميمة خارج اطار المؤسسة الزوجية موجودة و الناس انكروها بشدة لحدي ما كشفت زيف الواقع دا دار المايقوما لرعاية الاطفال مجهولي النسب


بالتالي هذا الغناء - الهابط - يصف بدقة حالة الهبوط بالمجتمع السوداني

فهل نحاكم الغناء ام الظواهر السلبية في المجتمع ؟
====================

دا عنوان البوست و الهدف الاساسي من الموضوع

تسلم استاذي

واختلاف الاراء هو ما يمنح للبوست قيمة

ومشاركتك فيه

براها دليل عافية له

مودتي و تحياتي



hatim ALi غير متصل   رد مع اقتباس
قديم 03-04-2009, 03:26 PM   #[19]
عمر كبير
:: كــاتب نشــط::
الصورة الرمزية عمر كبير
 
افتراضي

الاخ حاتم
تحية طيبة
وبما انني قد كنت كتبت من قبل ذلك حول هذا الامر في احدي المنتديات او قل قرات ذلك عليه انقل لك هنا هذه المداخلة علها تضيف شئا مفيدا للحوار مع كل التقدير:
غناء البنات من (الجنزير التقيل ) ل ( راجل المرا) هبوط اضطراري...
_______________________________________
دعونا نتناول اليوم شأن اصبح ظاهرة تدعوا للحوار والنقاش والتعجب.
اغاني البنات التي كانت تدل وبشكل عميق جدا علي قيمنا الجميلة من شجاعة ورجولة وكرم وحماس وكانت تثير فينا الحماس والدعوة لما هو اصيل وجميل في هذا المجتمع حتي لنري اكثر الناس قربا للسقوط يفكر اولا فيما يمكن ان تقوله عنه البنات في اغانيهم وسمرهم وحفلاتهم وخاصة الهدايات والحكامات ( في غرب السودان ) والبقية من النساء الشاعرات المغنيات اللائي كن يغنين للبطولة والشجاعة والكرم ونجدة الضعيف والمرأة.
ونسمع عند الفخر ( يسمعن بنات ...)
وكن يغنين للرجال في حفلاتهن :
الجنزير التقيل البقلة ياتو..
والجنزير في النجوم زي الهيكل المنضوم ما بخاف في المحاصة هجوم..
والكان داك سيد الاراكا
ولما العيش بقي بالبقبض ديوان النعيم ولا بنسد..
وانا ليهم بجر كلام دخلوها وصغيرا حام...
وكذلك قديما مهيرة ::
يا الباشا الغشيم قول لي جدادك كر..
كن كذلك دوما يغنين للشجاعة والفروسية ويشتمن من يخون الجار ومن يفر في ساحات الحرب ومن لا يكرم ضيفه..
لهذا كان غنا البنات سابقا هو لتكريث تلك القيم ولكن ولتدهور كثر من القيم واولها قيم الغناء والاخلاق في مجتمعاتنا نري ان غناء البنات اصبح هو :
تكل العجلة بره..
وحمادة جننا
وراجل المرة حلو حلاة
وكذلك ظهور نوع اخر اكثر اسفافا وسقوطا وهو ما اصطلح علي تسميته بغنا الغرز .. وغرزة في غرزة لما كتلو المسكين الغناء..
هي دعوة اخري للقراءة والتقييم وسأرجع للموضوع بعديد من النمازج في قديم غناء البنات وجديده المسخ المشوه الذي يدل علي تغير كثير من قيمنا للاسوأ ؟؟
والهمر جاية امسكوا الخشب



التعديل الأخير تم بواسطة عمر كبير ; 05-04-2009 الساعة 07:20 PM.
عمر كبير غير متصل   رد مع اقتباس
قديم 03-04-2009, 04:30 PM   #[20]
hatim ALi
:: كــاتب نشــط::
الصورة الرمزية hatim ALi
 
افتراضي

ابو المجتبى سلام

راجيين الهمر لوووووولز



hatim ALi غير متصل   رد مع اقتباس
قديم 03-04-2009, 05:38 PM   #[21]
الغبيشة
:: كــاتب نشــط::
الصورة الرمزية الغبيشة
 
Post غنا البنات يختلف عن ما يمكن تسميته بالاعلام الشعبي

يجب برأى المتواضع ان نفرق بين نوعين من الغنا ء الاول غناء غالبا مايؤلفه ويغنيه شخص يكون معروف لدي الناس مثل اعاني الشكر الني تنتشر في كل انحاء السودان وهي في الغالب تكون في مدح شخصيات بعينها وغنا الحكامات جزء من هذا النوع كذلك اغاني الجود وحميرا في منطقة كبوشية وكل المناحات التي تغني بها الفنانين والغناء هنا في الغالب ياتي مؤكدا للقيم الجيدة ومناهضا للقيم السالبة ويلعب المغني هنا دور الاعلام الشعبي بالكامل مثلا
ماضبح الرماية وما دردمن لمة
ياولادة الصحاح الما بتلدك الغمة
المغنية هنا تؤكد علي الكرم كقيمة موجبة وتشير الي نوع من البخل المغلف لمن يذبح الرماية وهي الضعيف من الذبائح وتساوى بينه وبين من يجمع الماشية ويبخل بها علي ضيوفه
اما النوع الاخر فلا يعرف له قائل ويمكن ان يؤديه اى شخص ويعبر عن القيم السائدة سالبة وموجبة وهو ما يمكن تسميته باغاني البنات والنوع ا لاول رغم ان تاديته بواسطة النساء غالبا الا ان بعض الرجال يؤدونه ايضا



الغبيشة غير متصل   رد مع اقتباس
قديم 04-04-2009, 12:34 AM   #[22]
hatim ALi
:: كــاتب نشــط::
الصورة الرمزية hatim ALi
 
افتراضي



شكراً على دقة التعريف لغناء البنات ام ومضة

انتظر منك المزيد

تحياتي



hatim ALi غير متصل   رد مع اقتباس
قديم 05-04-2009, 12:10 PM   #[23]
فيصل علي
:: كــاتب نشــط::
 
افتراضي

الاخ او احتمال الابن حاتم علي والاخوة والاخوات المتداخلون
طابت اوقاتكم
موضوع البوست كبير ومتشعب وقد تم طرحه باشكال مختلفة من بعض الزملاء علي سبيل المثال بوست الاخ عادل عسوم الذي يناقش سبل الارتقاء بالوجدان وقد تساءلت انا في بوست قديم عن ظاهرة المديح واسباب انتشاره واختلاف تقنياته وادواته ومدي انسجام الذين يؤدونه مع مضامينه وما اثر مجارة الالحان للاغاني ..واسئلة كتيرة ومحيرة
وحسب ما اري ان موضوعك هذا لايختلف كثيرا عن فكرة ما اثارته هذه البوستات من نقاش اما فيما يتعلق بسؤوالك بشكله الذي طُرِح به يحتمل صحة كل الردود التي اوردها الاخوة والاخوات وذلك ناتج في تقديري للتعريفات المختلفة والمتداخلة للفنون
كنت اود ان اناقش كل اطروحات الاخوة بالتفصيل لكن الزمن وقف عائقا عموما سوف احاول ان اختصر فكرتي في انه اذا اعتبرنا الفن يجب ان يكون له رسالة سمامية ويسهم في تهذيب النفس والروح يجب ان نعتبر مداخلات الاخوة الذي ذهبوا مذهب الادانة الواضحة للغناء الذي يسمي بالهابط مثل مداخلة الاخ فيصل سعد اما اذا اعتمدنا تعريف الفنون الذي يقول بانها انعكاس للواقع ويجب تعديل الواقع لنستمتع بفن رفيع المستوي يكون ايضا ما خلصت اليه انت والاخت ام ومضة والدكتور بابكر ايضا صحيح
ورأي السخصي حتي لا ندخل في دوامة الدجاجة من البيضة ولا البيضة من الدجاجة فان المسالة حلقاهتا مترابطة ويجب ان تكون الفنون واحدة من ادوات التشخيص الهامة بمعني ان نعترف بالفنون الهابطة كمؤشر عن حالنا الثقافي والاقتصادي وغيرو بحيث يكون المسعي في الاصلاح المتوازي علي كل الصعد
الجوع قطع قلبنا ....الدوا انتهي قبل نصف ساعة
ولكم مودتي



فيصل علي غير متصل   رد مع اقتباس
قديم 05-04-2009, 03:20 PM   #[24]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة فيصل علي مشاهدة المشاركة
الجوع قطع قلبنا ....الدوا انتهي قبل نصف ساعة
ولكم مودتي
الحبيب فيصل
تحايا
تعرف عمك فتحي وعمك علي عبد الرحيم (دي قطع شك ما بتاعت إحتمال ذي حقتك لي حاتم) متخصصين في لغتي العربية احد علق على "همش شوق وهو طبعن الأصل، همس شوق) آها التاني علق على نون بابكر (مثلن بكتب جدن بقصد جداً)
طيب الحبيب وإتا بتكتب عن الغنا الهابط والصاعد،،
قولت الوا إنتهي وبفتكر قصدك الوآم إنتهي، هبطت بمستوى روح العمل والشغل والإجتهاد وبقتو مادة تحضيرية كميائين وفي نفس الوكت صعدت بمعنى كلمة الدوآم وسمت به الي مرتبة المواد المنقذة للحياة وأهميتو الدوآم للحياة تشبيهن كما هو الدوا (الدواء)
لك التحايا وبالله خلي بالك من حروفك بعدين تترصا بي هنانا...



التوقيع:
بابكر مخير غير متصل   رد مع اقتباس
قديم 05-04-2009, 04:06 PM   #[25]
فيصل علي
:: كــاتب نشــط::
 
افتراضي

اقتباس:
المشاركة الأصلية كتبت بواسطة بابكر مخير مشاهدة المشاركة
الحبيب فيصل
تحايا
تعرف عمك فتحي وعمك علي عبد الرحيم (دي قطع شك ما بتاعت إحتمال ذي حقتك لي حاتم) متخصصين في لغتي العربية احد علق على "همش شوق وهو طبعن الأصل، همس شوق) آها التاني علق على نون بابكر (مثلن بكتب جدن بقصد جداً)
طيب الحبيب وإتا بتكتب عن الغنا الهابط والصاعد،،
قولت الوا إنتهي وبفتكر قصدك الوآم إنتهي، هبطت بمستوى روح العمل والشغل والإجتهاد وبقتو مادة تحضيرية كميائين وفي نفس الوكت صعدت بمعنى كلمة الدوآم وسمت به الي مرتبة المواد المنقذة للحياة وأهميتو الدوآم للحياة تشبيهن كما هو الدوا (الدواء)
لك التحايا وبالله خلي بالك من حروفك بعدين تترصا بي هنانا...
الاخ دالدكتزر ود مخير
الف تحية لك
بالمناسبة راجعت ما كتبته بعد مداخلتك لقيتو ليك اعد عديل كدة اخطاء في املائية واخطاء في صياغة الفكرة نفسها برضو كانت مختزلة لدرجة الاخلال بس الحكاية متروكة لفطنتكم اظنكم عرفتو القاصدو انا .
في غلطات تانية كتيرة غير الدوام الحمدلله عينك ما وقعت عليها .ودة عندو علاقة بي موضوعنا الجوع كافر مع الجوع لا يمكن ان تطالب زول باللالتزام بالقيم والاخلاق ..اذا كان واحد فينا جوعة بتاعت دقايق فقدتو عقلو لازم يكون في غناء هابط وكلام فارغ كتير
ولك سلامي مرة تانية



فيصل علي غير متصل   رد مع اقتباس
قديم 06-04-2009, 08:31 PM   #[26]
يحي عثمان عيسي
:: كــاتب نشــط::
الصورة الرمزية يحي عثمان عيسي
 
افتراضي

[align=justify]كنا جلوسا على " برش " سعف تآكلت اجزاؤه في خلوة الفكي العوض عليه رحمة الله بام درمان وكعادته جلس الشيخ الوقور على مايشبه الكرسي بقفطانه الرمادي وبيمناه الخيزرانه المشهورة والتي كم نالت من اجسادنا الصغيره واصبحت ذات هيبة نعمل لها الف حساب .
كان اسلوب الفكي العوض في التسميع ان يختار هو ثم يبدأ المختار من حيث انتهي رفيقه وبالسرعة التي عودنا عليها الشيخ تفاديا ان تنالنا الخيزرانه. سمعت اسمي وبسرعة بدأت في التسميع ( وواعدنا موسي اربعين ليلة واتممناها ....) توقفت ... ابتسم الشيخ .... تلعثمت... فضحك وبصوت ساخر تشوبه الدعابه أهــا ياود الانصاري حتمها بي شنـــــــــــو بي سجم رمادك عيناي كانتا مسمرتان على الخيزرانه فاعلم انها ستنزل لا بردا ولا سلاما ولكنه وبصوت لازال يجلجل في دواخلي بدأ يرتل ( وواعدنا موسي ثلاثين ليلة واتممناها بعشر فتم ميقات ربه اربعين ليلة )

اهــا الجماعة البيغنو اسع ديل حيتموها بي شنو بي سجم رمادم
إن كان ما يغني الآن هو مرْاة فالمرْاة قد عكست واقع سجم الرماد الذي نعيشه....
وان كان ما يغني الآن هو نتاج طبيعي للواقع الاقتصادي فهو نتاج السجم والرماد الذي كال حماد ودفق .
وان كان تعبيرا لواقع المرأة الاجتماعي فهو تعبيرا لكل السجم والرماد الذي غطاها من رأسها الى اخمص قدميها وانتهي بها الى المسيار والمتعة وغيره من الحضيض الذي جرت اليه قسرا
وان كان كغيره من أضرب الفن له رسالة فهي رسالة تقرأ من عنوانها الذي كتب بالسجم والرماد .
اذا دعوهم يغنوا نساء واخواتهم من الرجال فهم لا يملكون ادوات التغيير الفعليه لا حول لهم ولا قوة .
اذا فلا وجهه للمقارنة بينهم وبين مهيره وبنونه والحكامة وعشه الفلاتية ومني الخير وحوة الطقطاقة ...

نبخس السيف حقه ان قلنا انه امضي من العصا
شكرا لادارة سودانيات ان جعلتني سعيدا بينكم عسي ان اضيف شيئا [/align]



يحي عثمان عيسي غير متصل   رد مع اقتباس
قديم 15-04-2009, 07:05 AM   #[27]
فيصل سعد
:: كــاتب نشــط::
الصورة الرمزية فيصل سعد
 
افتراضي

اقتباس:
المشاركة الأصلية كتبت بواسطة يحي عثمان عيسي مشاهدة المشاركة
[align=justify]كنا جلوسا على " برش " سعف تآكلت اجزاؤه في خلوة الفكي العوض عليه رحمة الله بام درمان وكعادته جلس الشيخ الوقور على مايشبه الكرسي بقفطانه الرمادي وبيمناه الخيزرانه المشهورة والتي كم نالت من اجسادنا الصغيره واصبحت ذات هيبة نعمل لها الف حساب .
كان اسلوب الفكي العوض في التسميع ان يختار هو ثم يبدأ المختار من حيث انتهي رفيقه وبالسرعة التي عودنا عليها الشيخ تفاديا ان تنالنا الخيزرانه. سمعت اسمي وبسرعة بدأت في التسميع ( وواعدنا موسي اربعين ليلة واتممناها ....) توقفت ... ابتسم الشيخ .... تلعثمت... فضحك وبصوت ساخر تشوبه الدعابه أهــا ياود الانصاري حتمها بي شنـــــــــــو بي سجم رمادك عيناي كانتا مسمرتان على الخيزرانه فاعلم انها ستنزل لا بردا ولا سلاما ولكنه وبصوت لازال يجلجل في دواخلي بدأ يرتل ( وواعدنا موسي ثلاثين ليلة واتممناها بعشر فتم ميقات ربه اربعين ليلة )

اهــا الجماعة البيغنو اسع ديل حيتموها بي شنو بي سجم رمادم
إن كان ما يغني الآن هو مرْاة فالمرْاة قد عكست واقع سجم الرماد الذي نعيشه....
وان كان ما يغني الآن هو نتاج طبيعي للواقع الاقتصادي فهو نتاج السجم والرماد الذي كال حماد ودفق .
وان كان تعبيرا لواقع المرأة الاجتماعي فهو تعبيرا لكل السجم والرماد الذي غطاها من رأسها الى اخمص قدميها وانتهي بها الى المسيار والمتعة وغيره من الحضيض الذي جرت اليه قسرا
وان كان كغيره من أضرب الفن له رسالة فهي رسالة تقرأ من عنوانها الذي كتب بالسجم والرماد .
اذا دعوهم يغنوا نساء واخواتهم من الرجال فهم لا يملكون ادوات التغيير الفعليه لا حول لهم ولا قوة .
اذا فلا وجهه للمقارنة بينهم وبين مهيره وبنونه والحكامة وعشه الفلاتية ومني الخير وحوة الطقطاقة ...

نبخس السيف حقه ان قلنا انه امضي من العصا
شكرا لادارة سودانيات ان جعلتني سعيدا بينكم عسي ان اضيف شيئا [/align]
مرحب بيك يا يحي و حبابك الف ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 15-04-2009, 09:15 AM   #[28]
بسمله
:: كــاتب ::
 
افتراضي

اقتباس:
المشاركة الأصلية كتبت بواسطة فيصل سعد مشاهدة المشاركة
سلام لصاحب البوست و المشاركين و المشاركات
الكرام الافاضل و عساكم بخير و طيبين :

اولا و بالتبادي غناء البنات خشم بيوت :D:D و هو غناء حنين عفوي و بسيط و ملان بهجة و ريدة و مودة و رقة و تطريب و شكر و تراث و تصوير جيد للمجتمع ، انا استمتع برزينه و خفيفه و هادئه تمتم و عشرة بلدي و سيرة و بديكم نماذج :

المهيرة عقد الجلاد وين يا عروسنا عريسك غلبه الثبات..
الليل ليل العروس بت السرور العظمة ..
الله لي الليمون سقايته علي يا زول انا..
الليلة مسافر انا انا و ما جبر الخاطر كم سنة..
يا قلبي لا تهوى تاني لقيت في الغرام ذلي و هواني..
هجروني و هجروني الليلة ما ذنبي..
الناس اتغيروا الزول دا كان زولي قرار اتخذته لازم يتم ريدي..
انا يا ليالي انا تعود الليالي بالهناء..
فريع البان انتنى و الله يعلم جننتنا..
انا غيرك ما حبيت يا حبيبي و لو مت ذنبي عيك ..
عزاز علينا شالو نوم عينينا فراقهم جبري لا لا ما بايدينا ..
تسافر كيف تخلينا لشوقنا و ذكرى ماضينا كيف بعدك يكون الحال كيف تصبح ليالينا.
تقوم بينا العربية تودينا للسادة..
بلالي وين نادوا لي و الريد قسم يا عيني..
الاقي وين انا الفي العصر مروره..
انا يا ناس الله لي الليلة..
ما ردالي تحية دموعي سالت و المنام ابى لي العجب حبيبي..
عزيز علي البكاء ما بجيبه لي انا وينه عيني..
عزيز و عزيز غنانا يا ليل و دا العكر صفانا يا ليل..

[align=center][rams]http://sudaniyat.net/up/uploading/Faisal)NY09.ram[/rams][/align]

اما الغناء الهابط فدا براو و هو غناء مبتذل و سخيف يفتقد الحس و الذوق السليم و تصاويره مخستكة و مجلية ، بعدين حقوا ما نبهت بيو غناء البنات ساي و ندرعو فيه و بغنوه اولاد برضو و كدا :D:D و نماذجه يا حاجة ما تقولي كاروشة، و ناس فلان و فلانة مع سيد العدة، و سمح الدش و ادونا منقتكم، و وائل قفل الموبايل، و بابا علا البوابة، و راجل المرا حلو حلا، و الشمار كتير، بالضراء بالضراء يا ابشرا ان شاء الله راجل مرا، و هكذا خستكات و شحاوير و قرف:D:D فما يتخلط و و يختلط و يتشابه عليكم الغناء، و افرزوا، لانه الفرز هنا واجب وطني و مطلب شعبي :D:D

ختاما لا ننسى بان حب الناس مذاهب، و الشاهد في الموضوع و الحاصل
انه في ناس بحبوا الغناء الهابط دا و بستمتعوا بيه و هم احرار و مخيرين ..

مجدد التحايا و وافر الود والتقدير ..
هجرونى ما ذنى هى هابطه طلعت
looool

يا فيصل سعد و الله انت قديم هسه وين من
قنبله و قالو احتمال تنفجر
و بقيف معاك انا ما بجر
:p

و لا التانيه ديك بتاعه
الطالبه الجامعيه ... و ساكنه فى الداخليه
looool

و اصلو ما مضمون بيقرا فى مامون
:D

و لا
ادمنت ريدك عشقت ريد غيرى
انشاء الله ما تتهنى
دعوه خالصه فى ضميرى


غايتو جنس شى

يا حليل نحنا و ياحليلو زمان صافى لملمنا



بسمله غير متصل   رد مع اقتباس
قديم 15-04-2009, 09:19 AM   #[29]
فيصل سعد
:: كــاتب نشــط::
الصورة الرمزية فيصل سعد
 
افتراضي

بسملة مرحب بعودتك
و تواصلك و مودتك ..
خليك قريبة ، و
كوني بخير ..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 13-06-2009, 09:21 AM   #[30]
فيصل سعد
:: كــاتب نشــط::
الصورة الرمزية فيصل سعد
 
افتراضي

التحايا للجميع
و اخباركم شنو ؟؟
و وين وصلتوا ؟؟



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
إضافة رد

الكلمات الدلالية (Tags)
غناء البنات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:58 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.