سوق الله أكبر...الحساب ولد

[جيجي]

المشاركة الأصلية كتبت بواسطة الرشيد اسماعيل محمود

تعبير (ليه الناس هنا)، بيستلزم وجود تعبير (ليه الناس هناك) كمعادل ظرفي بالضرورة، قامت عليهو المقارنة، يبقي عشان ما نمشي ساي، بتبرّع وأقول إنو الـ (هناك) بتعني متلازمة لائحة/اخلاق إبّان فترة الانتخابات وحشدها، وانا من ضمن الناس الإتمسّكت وطالبت باللائحة كمرجعية وما زلت متمسِّك.
أقول ليك السبب
التوضيح:
النصوص اللائحية هي نصوص اخلاقية بالضرورة، لمّا نتكلم عن اللائحة، بدون شك بنتكلم عن الاخلاق، لأنو لمّا البنود تمنع الكذب، الإساءة، الابتزاز، التهديد، السب، التمييز.. إلخ، هي بالاساس بتمنع الممارسات اللا أخلاقية لا غير.
يبقي هنا يا جيجي لمّا نتكلم عن الاخلاق، يبقي الكلام بكون برضو عن اللائحة دي ذاتها.
في الانتخابات، كلُّ ما تمّ كان في إطار اللائحة "سارية المفعول" شئنا أم أبينا، وكانت مطالبتي بالإلتزام بيها، ما عشان أنا ما شايف غلط، بل عشان نحترم اللائحة "الموجودة" أوّلاً، وما نلتف عليها، حتي بعديها الناس تفكِّر في تعديلها وفقاً للمستجدّات.
النتيجة:
عدم الالتزام باللائحة هو عدم إلتزام بالأخلاق، لذلك، لو زول إتجاوز اللائحة وجيت أنا قلت ليهو حركتك دي ما أخلاقية، وجيتي قلتي لي :
مالك ومال الاخلاق هنا، اللائحة موجودة؟
طوالي بسألك: طيب الفرق هنا شنو بين اللائحة والاخلاق؟ (والسؤال مفتوح للإجابة)
لكن لمّا زول ما يتجاوز اللائحة هناك، وتجي جيجي تتكلم عن الاخلاق، بجي بقول ليك طيب مش في لائحة؟، خلينا نلتزم بيها الأوّل وبعد داك نشوف إمكانية استحداث وتضمين يُتفق عليهو.
يعني ما حتقدري تقولي لي الفرق شنو، لأنو الفرق حينها إنو أنا بتكلم عن نص موجود، وجيجي بتتكلم عن نص يجب أن يكون موجوداً.
بس، دا الفرق ما بين هنا و هناك

تحياتي

غايتو يارشيد دا درس في استغفال العقول
لا اكتر ولا اقل
بس نحن والله ماعندك معانا طريقة

[جيجي]

ستناهمس
التلطيف كان نتاج لمعرفتنا بالطرفين
حيث لم يصيبنا اي شك في اخلاقيات حافظ من كلام عمنا فتحي ومن هنا انطلقنا

[همس الشوق]

المشاركة الأصلية كتبت بواسطة جيجي

ستناهمس
التلطيف كان نتاج لمعرفتنا بالطرفين
حيث لم يصيبنا اي شك في اخلاقيات حافظ من كلام عمنا فتحي ومن هنا انطلقنا

دا بالنسبة ليك إنتي
لكن فكرتي مره في مشاعر حافظ وهو بقرا الكلام دا ؟
كدي حاولي ختي نفسك مكانو

صدقيني بتتألمي جداً لموضوع التلطيف دا

[عبدالحفيظ]

[justify]لا أعرف من هو حنفي ، ولا اعرف من هو حافظ ولكني اعرف الحق واقف بجانبه بدون تردد ، لا أريد ان أعرف الخلفية التي جعلت الاستاذ حنفي يطلق تهديداته غير المنطقية وغير الناضجة تجاه زميل سواء كان حافظاً أو غيره ، فإن أراد أن يفضح الاستاذ حافظ بقصد او غير قصد فهذا ليس مكانه ، وان كان يريد ان يستعمل ذلك ككرت ضغط على الاستاذ حافظ من أجل الحصول على ما يبتغيه فقد اختار المكان الخطأ ، نحن هنا يجب أن نحافظ على اخلاقيات السودانيين لأنها تراث ورثناها من قديم الزمان فلا يمكن أن نفرط فيها حتى ولو كان مزاحاً سخيفاً..
لذا تجدني أبصم بالعشرة على كل حرف كتب بواسطة الاستاذ الرشيد
[/justify]

[جيجي]

المشاركة الأصلية كتبت بواسطة همس الشوق

دا بالنسبة ليك إنتي
لكن فكرتي مره في مشاعر حافظ وهو بقرا الكلام دا ؟
كدي حاولي ختي نفسك مكانو

صدقيني بتتألمي جداً لموضوع التلطيف دا

الدنيا دي ياهمس ملئية بالهزائم
الواحد فقط بستعين عليهابثقته ووقوف الناس الايجابي معاه
دا فهمي انا للموضع
والايجابيه عمرها ماكانت في تاجيج الخلاف ولاتكبيره ولا العقاب في حد زاته كان معالج ايجابي
وتلطيفنا القصدناه ما كان من اجل عم فتحي بقدر ماكان من اجل حافظ ومناداة داخلية بان لا عليك ياصاحب وان ياعم فتحي هناك خطا ما يجب ان تنتبه اليه اذ ليس من واجبنا معاقبة عم فتحي اواي احد على ماياتي
اما عن نفسي ياختي الكريمة والله انا من النوع ال لو شفت حد بيسرق قد اغالط عيني قبل ان اعطي نفسي حق التوكيد

[الرشيد اسماعيل محمود]

المشاركة الأصلية كتبت بواسطة جيجي

غايتو يارشيد دا درس في استغفال العقول
لا اكتر ولا اقل
بس نحن والله ماعندك معانا طريقة

إنتو منو؟
والعندي معاهم طريقة برضو منو؟
يا جيجي:
بتقبّل منّك جدّاً توريني الاستغفال الفي وجهة نظري القلتها في المداخلة، وممكن أتراجع عنها لو حسيت إنو كلامك منطقي ومعتدل، لكن فكرة تقتبسي المداخلة بكاملها وتكتبي إنو دا استغفال، الحركة دي ما عادلة بالنسبة لي.
كان الأوفق إنك تشرحي لي وجهة نظرك بوضوح، يمكن أكون أنا ذاتي مغفل وما جايب خبر.

المشاركة الأصلية كتبت بواسطة جيجي

بس نحن والله ماعندك معانا طريقة

أنا أصلاً ما كايس لطريقة معاكم، بل كايس لطريقة تخليني ما أنسي إنو إحترام الذات هو السبيل الوحيد لاحترام الآخرين.

تحيّاتي

[الرشيد اسماعيل محمود]

المشاركة الأصلية كتبت بواسطة همس الشوق

وحتى لو كان حافظ يلبس كل علات العالم ... نحن يكفينا حافظ أسفيرياً ... يكفينا أنه رجل متعلم وفاهم وله حوبات كثيره هنا في سودانيات ..
فعيب علينا أن نتخذ من خصوصيات الناس سهام نهابي بها في كل محك

شكراً يا همس علي التلخيص المميّز


تحياتي

[النور يوسف محمد]

بسم الله الرحمن الرحيم

رشيد جيجى ،،
وكل المتداخلين ،،

مازلت عندى رأيى بأن تدوير هذا الحدث كالمشى على الأجساد ،،
فقط دعوا لنا فرصة لمعالجات أقل ضجيجاً ،،،

لا وجود فى الحياة لمشاكل عصية على الإختراق ،،،،،،،

تحياتى

[رأفت ميلاد]

المشاركة الأصلية كتبت بواسطة جيجي

لا والله يا ناس الحارة
ياخ اتكلموا عن نفسكم ودافعوا عن حافظ مافي زول بيسالكم
لكن
كل زول عنده طريقته ووجهة نظره واسلوبه ونظرته وثقافته البعالج بيها الحاجة حاف ظ مازول صغير عشان الناس تقيف ليه على حيلها فقط بنحاول نهديء الوضع كل على طريقته ثم ا نه ا اللوائح دي مش كلو شيء
وهي البتحكم الناس بعيدا عن كل شيء لي الناس هنا جرت تفتش عن الاخلاق

المشاركة الأصلية كتبت بواسطة AMAL

قاصدة منو تحديدا بالمخاطبة دي
فترنا من الطواقي



الكلام دا تم استهلاكو لما بقي باهت
بس مافي مانع نناقشك فيه اذا بقيتي واضحة اكتر
ورينا ياتو مداخلة الزعلتك ووين اتكلمنا عن لوائح واخلاق
ولعلمك زول بدافع عن حافظ مافي
لانو لا متهم ولا محتاج محامي
بندافع عن حقنا في اننا نعيش في حتة نضيفة
لا مكان فيها للمبتزين ومنتهكي الخصوصية والبرمو الكلام علي عواهنه
اتخيل لي معانا في دا مش؟

تعرفى يا آمال كلام جيجى ده لا فيه همز ولا لمز ولا طواقى .. أوضح من الشمس .. وجهة نظر أنا (شخصياً) أقنعتنى .. شخصياً دى بين قوسين زى ما قالت جيجى (كل زول عنده طريقته ووجهة نظره واسلوبه ونظرته وثقافته البعالج بيها الحاجة) .. يعنى لامن تقولى أنتى وسارة وأميرى (حافظ كان مشى نحن بنمشى) والله على كيفكم .. لا مفروض تملوا بيه راى ولا الراى المخالف بيملى عليكم حاجة .. يفضل النقاش والراى بدون ضغوط

بالنسبة لكلامك الأخير تركيبو يكون عملى لا أنفعالى وضاغت .. وصفك الرغبة فى أنك تعييشى فى حتة (نظيفة) ترجميها بطريقة عملية فى تركيبة اللوائح ونقدها .. والقوانين البتنبع من (سوابق) ما شئ جديد ولا سابقة

الموضوع محتاج صراحة مرنة تؤخذ فيها كل الآراء ونخرج من دائرة التهديد والوعيد والحردان