توارد الخواطر وتداعي الأفكار بين الباش وشبارقة

[Hassan Farah]

توارد الخواطر وتداعي الأفكار بين الباش وشبارقة
فتح ولدنا الجيلى مفترعا تحت عنوان النشرة الجوية فى تمام الساعة
27-06-2015, 07:23 AM
تداخل معه الباش فى تمام الساعة 27-06-2015, 09:53 AM
تحدث الباش عن عينات الخريف بتفاصيل لا يمتلكها حتى بعض رجال الارصاد.....
فى تمام الساعة 27-06-2015, 10:38 AM
فتح شبارقة مفترعا تحت عنوان عـِيـَنْ الخريف يحمل نفس المضمون والتفاصيل....
شئ عجيب!!!...انتوا الناس ديل قاعدين مع بعض ام هى الظاهرة العجيبة التى لا نجد لها تفسيرا المسماة بتوارد الخواطر وتداعى الافكار

[الجيلى أحمد]

لجنة الانتخابات ياخbiggrin::

[معتصم الطاهر]

انا ود مزارعية ساكن

معلوماتي سليقة

شبارقة متبحّر ..

بعدين انت قايل العمدة اختارنا التلاتة ساى .. بالخبرة و الفطرة

[عكــود]

المشاركة الأصلية كتبت بواسطة معتصم الطاهر

بعدين انت قايل العمدة اختارنا التلاتة ساى .. بالخبرة و الفطرة

عارف الناس الـ إذا سقت أترعت.

الله يدَيكم ويدَي حسن العافية.

[شبارقة]

السلام عليكم ورحمة الله وبركاته

والله العظيم يا دكتور شفت بوست الأخ الجيلي وكنت عاوز أفتحوا وقبل ما أفتحوا هف ّ لي فجأة موضوع الخريف وموسمو هذه الأيام فقلت أفتح لي بوست بهذا الموضوع قبل ما أنسى الفكرة .. وفعلا توارد خواطر عجيب بيني وبين الباشمهندس معتصم .. ربما السبب الآخر هو موسم الخريف الذي تهل علينا تباشيره هذه الأيام.

شكراً يا دكتورنا ،،،

[فيصل سعد]

بوست يحاكي الطرفة في نص الخريف بكاي..

يديكم العافية..

[زول الله]

المشاركة الأصلية كتبت بواسطة شبارقة

ربما السبب الآخر هو موسم الخريف الذي تهل علينا تباشيره هذه الأيام.

تهل علينا تباشيره وين
الليامات دي انت بي هناك ولا شنو؟؟؟

شبارقة حبيبنا والله رمضانك كريم








اقول قولي هذا واستغفرالله لي.......................

[شبارقة]

المشاركة الأصلية كتبت بواسطة زول الله

تهل علينا تباشيره وين
الليامات دي انت بي هناك ولا شنو؟؟؟

شبارقة حبيبنا والله رمضانك كريم

سلامات حبيبنا ود الشيخ .. مبارك عليكم وعلينا الشهر الفضيل .. وكل عام وأنتم بخير .. والله قاعد في رياضنا دي .. لكن أهلنا بهناك قبل رمضان بيومين تلاتة جاتم ليك مطرتين تلاتة عملت ليهم إنجمامة كويسة من الحراية الشديدة ديك .. وتابعناهم لايف من خلال الواتس عشان كده قلنا تباشير الخريف ... يا زول نحن تاني رمضان ما بنقدر عليهو بهناك .. صومتا جزء منو في 2012 كان جرسة شديدة .. طلعت لي مشوار صغيروني .. ضربتني ليك عجاجة مع سـَموم خلت لساني طول ده

[زول الله]

المشاركة الأصلية كتبت بواسطة شبارقة

سلامات حبيبنا ود الشيخ .. مبارك عليكم وعلينا الشهر الفضيل .. وكل عام وأنتم بخير .. والله قاعد في رياضنا دي .. لكن أهلنا بهناك قبل رمضان بيومين تلاتة جاتم ليك مطرتين تلاتة عملت ليهم إنجمامة كويسة من الحراية الشديدة ديك .. وتابعناهم لايف من خلال الواتس عشان كده قلنا تباشير الخريف ... يا زول نحن تاني رمضان ما بنقدر عليهو بهناك .. صومتا جزء منو في 2012 كان جرسة شديدة .. طلعت لي مشوار صغيروني .. ضربتني ليك عجاجة مع سـَموم خلت لساني طول ده

كلنا والله بقينا مابنتحمل السموم ديك
البلد دي غيرت سوفت ويرنا خلتنا قاعدين في السهلة









اقول قولي هذا واستغفرالله لي........................