وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 26-12-2010, 03:06 PM   #[1]
الزوول
عضو
الصورة الرمزية الزوول
 
افتراضي والله الغُنيي دي زاني لي في راسي من الصباح

السلام عليكم
مش مرات كدي الواحد يقوم من النوم
يردد في كلمات ، لحن ، أغنية ...الخ
بدون سبب !!!
اها
شريط ود النصري الجديد ده سمعتو من كم يوم كدي
وفاكر نفسي صفيتو من دون مخلفات
...
الليلي
وبدون سبب ...لقيت نفسي من قمت من النوم
اسوي فيهو
الغريبة اكتشفت اني حافظ معظم الغُونيي

عليكم الله اسمعوها
واتأملوا الكلمات الجميلة
مش تستاهل تزن في راسي :):)
....
[rams]http://www.sudanyat.org/upload/uploads/dab_alshoog.mp3[/rams]
...


كلمات وألحان: كمال علي فضل
أداء محمد النصري

داب الشوق
كل البي داب الشوق
متين القى السعادة اروق
**
اه يا دنيا حال الناس في الزمن الضمير مسروق
اه من زائف الاحساس انعدم البطابق الشوق
اه للاختيار معياره زي اصناف سلع في السوق
**
اتردد سؤال جواي لمتين لي حلوكي نضوق
عشان ترضي الطموح الفيك عجلات الزمن بتسوق
واخاف من تبقى قولة لا لا قدام والدي عقوق
**
اتكبل قليبي الخايفو انكشف اللي كان مطبوق
داخل سجنك المفتوح لا مقيد ولامطلوق
الابيض تشوفو العين وفي باطنه الجدار محروق
**
تتبدل ملامح البسمه آهات الحشا المحروق
تعابير الحزن في العين تكتحل الدموع مسحوق
غاير ما أندمل جواي جرح الهم دوام مفتوق
**
لا كان يوم يكون الكان ولا كان يوم حسابي فروق
ولا كان يبقى في الامكان ولا الكون لو يكون مطلوق
اتغير حساب الكون اتبد ل غروبه شروق
**
اتعكز عصا العميان وفي دربك وقع في الطوق
أقول أرجع أعيد من تاني وكتين من مصيبتي أفوق
بقى الحظ فيها يلعب دوره والقانون صبح مخروق


**



التعديل الأخير تم بواسطة الزوول ; 26-12-2010 الساعة 03:09 PM.
التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 26-12-2010, 03:25 PM   #[2]
خالد الحاج
Member
الصورة الرمزية خالد الحاج
 
افتراضي

الزول
شكرا يا دوك علي اللحن الكارب
دي غنية شحمانة.. أي والله
الصباح ساعتك البتردد في البيت الحافظو منها زهجتني
يا أخي انت زمنك فارق :D
لكن كفرت عن ذنبك بتنزيل الأغنية

همسة :
أهديها لي أشتر
لو سمعها بيسكن هنا..



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 26-12-2010, 03:45 PM   #[3]
wageeda
:: كــاتب نشــط::
الصورة الرمزية wageeda
 
افتراضي

يازوووووووووووووق يازووول
غنوة جميلة بجدة لامست حته جوا الجوف
ياخي ديش الشوائقه ظاتم
ااكان ما الطنبور الحنييين ده كنا هجرناهم لاسرائيل
اقترح عمل كشك اقصد بوست للطنبور وابداعاته
ود الحاج بس ما تشوف باص سيرة فارهه الا تجئ تتشعلق فيه ;)

وقنب عافيه



wageeda غير متصل   رد مع اقتباس
قديم 26-12-2010, 04:31 PM   #[4]
صالح تاجاب
:: كــاتب نشــط::
الصورة الرمزية صالح تاجاب
 
افتراضي

اتكبل قليبي الخايفو انكشف اللي كان مطبوق
داخل سجنك المفتوح لا مقيد ولامطلوق
ـــــــــ
إبداع والله



التوقيع:
إلاهى وو نور خالد الحاجا أرحمومى
xx8xx@tajab.com
صالح تاجاب غير متصل   رد مع اقتباس
قديم 26-12-2010, 05:40 PM   #[5]
سارة
:: كــاتب نشــط::
الصورة الرمزية سارة
 
افتراضي

يازول يا جميل

عافية تخصك فى المصارين

تعابير الحزن في العين تكتحل الدموع مسحوق
غاير ما أندمل جواي جرح الهم دوام مفتوق


الله قادر



سارة غير متصل   رد مع اقتباس
قديم 26-12-2010, 05:53 PM   #[6]
الزوول
عضو
الصورة الرمزية الزوول
 
افتراضي

اقتباس:
المشاركة الأصلية كتبت بواسطة خالد الحاج
الزول
شكرا يا دوك علي اللحن الكارب
دي غنية شحمانة.. أي والله
الصباح ساعتك البتردد في البيت الحافظو منها زهجتني
يا أخي انت زمنك فارق :D
لكن كفرت عن ذنبك بتنزيل الأغنية

همسة :
أهديها لي أشتر
لو سمعها بيسكن هنا..



الخال نعلك طيب
وبالخسوس بطنك وضهرك ورقبتك وباقي العفش :D
غايتو الحمد لله على نعماً كثيرة
منها نعمة النت دي
....
الشي دي من الصباح مسخّنا بي
داير لي زول اسمعو ياها
اشيل واردد في الغنيي دي من صباحات ربنا
وصارها في عِبي (أقصد فلاشتي) :)
وادردق فيكم
لا حضرتك لا عمك عكود ابيتو تحسو ضمة ضمة
فالحين في لهط اللحمة وشراب الروب والحاجات التانية
أحمدك يا رب
أن سخّرت لنا (نِتاً)
نتشارك فيه مع مرهفي المشاعر
الألحان المسخنة بينا :):):)

....



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 27-12-2010, 08:54 AM   #[7]
مرافي
:: كــاتب نشــط::
الصورة الرمزية مرافي
 
افتراضي

اقتباس:
المشاركة الأصلية كتبت بواسطة الزوول مشاهدة المشاركة
[الابيض تشوفو العين وفي باطنه الجدار محروق
**
تتبدل ملامح البسمه آهات الحشا المحروق
تعابير الحزن في العين تكتحل الدموع مسحوق
غاير ما أندمل جواي جرح الهم دوام مفتوق
**



**
اللللللللللللله عليك يا زول

فتقت فينا جروح حسبناها اندملت ولكن جرح الهم دوام مفتوق

كلمات تتسمع بالقلب والاحساس ما بالاذن.

همسة .:- يازول نعلك عافييي..بعد الشواء دا سيبني في عز الجمر..:D:D

اختيار عميق...



التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ
ومَهْدُ المرءِ في أَيدي الروَاقي كنعش المرءِ بينَ النائحات
وما سَلِمَ الوليدُ من اشْتكاء فهل يخلو المعمَّرُ من أَذاة ؟
أحمد شوقي
[/frame]
مرافي غير متصل   رد مع اقتباس
قديم 27-12-2010, 09:10 AM   #[8]
أحمد طه
:: كــاتب نشــط::
 
افتراضي

الزووول الجميل .. و ما يجيب الجميل إلا جميل !
محمد النصري فنان ثم فنان ، و كمال علي فضل شاعر ثم شاعر ، و بالمناسبة هم الإتنين من حلّتنا (مروي شرق) ... يعني الغنوه دي حقتنا 100% :D:D:D

تسلم يا رايع على الاختيار الرايع !



أحمد طه متصل الآن   رد مع اقتباس
قديم 28-12-2010, 10:57 PM   #[9]
عبدالعزيز خطاب
:: كــاتب نشــط::
 
افتراضي

اقتباس:

الخال نعلك طيب
وبالخسوس بطنك وضهرك ورقبتك وباقي العفش :D
غايتو الحمد لله على نعماً كثيرة
منها نعمة النت دي
....
الشي دي من الصباح مسخّنا بي
داير لي زول اسمعو ياها
اشيل واردد في الغنيي دي من صباحات ربنا
وصارها في عِبي (أقصد فلاشتي) :)
وادردق فيكم
لا حضرتك لا عمك عكود ابيتو تحسو ضمة ضمة
فالحين في لهط اللحمة وشراب الروب والحاجات التانية
أحمدك يا رب
أن سخّرت لنا (نِتاً)
نتشارك فيه مع مرهفي المشاعر
الألحان المسخنة بينا :):):)

الزول الطيب
سلام ومحبة والله في الله ولي الله
كلامك الفوق ده عجبني بالحيل وخاصة مسألة عفش الخال:p

انا عندي مشكلة في سماع غناكم والخال عارف السبب
السبب الشيالين واصواتهم التى لا علاقة لها بصوت المغني
بس!!!!!!!!!
في الأغنية دي كان الأمر مختلف واستمتعت بسماعها والله لأن ود النصري نفسه كان احدهم وكان الصوت متوافق وصوت المغني..

اللحم الشووه ده كان لحمي اوع تكون اكلت معاهم looool
ياني ود أختهم الميت كمد
عمو لزيز .. عمو عزيز .. عزيز .. عزيز اللزيز أو كما قالوا



عبدالعزيز خطاب غير متصل   رد مع اقتباس
قديم 18-01-2011, 08:04 AM   #[10]
الزوول
عضو
الصورة الرمزية الزوول
 
افتراضي

اقتباس:
المشاركة الأصلية كتبت بواسطة وجيدة مشاهدة المشاركة
يازوووووووووووووق يازووول
غنوة جميلة بجدة لامست حته جوا الجوف
ياخي ديش الشوائقه ظاتم
ااكان ما الطنبور الحنييين ده كنا هجرناهم لاسرائيل
اقترح عمل كشك اقصد بوست للطنبور وابداعاته
ود الحاج بس ما تشوف باص سيرة فارهه الا تجئ تتشعلق فيه ;)

وقنب عافيه
وجيدة حبابك

شكراً .... مرورك الأنيق

وشاكرين ليكم ...تسامحكم معنا

ولطنبورنا

أن حمانا من (التفليش) *

غايتو ما عارف عينك دي عين شنو .... لكن نجمّتي الخال نَجام قبورة

لا حولاااااااااا

رقدتي الجنا مستشفى عديل كدي
....
* التفليش فعل مشتق من الفلاشا
....



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 18-01-2011, 09:32 AM   #[11]
الزوول
عضو
الصورة الرمزية الزوول
 
افتراضي

اقتباس:
المشاركة الأصلية كتبت بواسطة صالح تاجاب مشاهدة المشاركة
اتكبل قليبي الخايفو انكشف اللي كان مطبوق
داخل سجنك المفتوح لا مقيد ولامطلوق
ـــــــــ
إبداع والله
....
تحياتي صالح
في المكان الشغال فيهو
عندنا مناطق صحراوية معزولة تماماً
يعني عشان تطلع منها ... لازمك بطاقة أمنية
وسيارة لانكروزر ... وواحد يجي يمسك مكانك
تعرف يا صالح ...
بيتك الجبتو ده أصدق تعبير عنهم :):)

داخل سجنك المفتوح لا مقيد ولامطلوق

....
الله يكون في عونهم

...



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 18-01-2011, 09:36 AM   #[12]
الزوول
عضو
الصورة الرمزية الزوول
 
افتراضي

اقتباس:
المشاركة الأصلية كتبت بواسطة سارة مشاهدة المشاركة
يازول يا جميل

عافية تخصك فى المصارين

تعابير الحزن في العين تكتحل الدموع مسحوق
غاير ما أندمل جواي جرح الهم دوام مفتوق


الله قادر

...
شكراً يا سرورة مرورك الجميل (المتوقع)
فحيثما كان الجمال ...قطعاً كنت أنت

....



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 18-01-2011, 09:40 AM   #[13]
الزوول
عضو
الصورة الرمزية الزوول
 
افتراضي

اقتباس:
المشاركة الأصلية كتبت بواسطة مرافي مشاهدة المشاركة

همسة .:- يازول نعلك عافييي..بعد الشواء دا سيبني في عز الجمر..:D:D

اختيار عميق...
...
حباب المرافي

غايتو عينكم حارة حروريي

نان بعد الحصل للخال
تاني بخلي لي زول يصورني .... الله اكبر :):)
.....



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 28-12-2011, 11:43 AM   #[14]
الزوول
عضو
الصورة الرمزية الزوول
 
افتراضي

اقتباس:
المشاركة الأصلية كتبت بواسطة خالد الحاج مشاهدة المشاركة
الزول
شكرا يا دوك علي اللحن الكارب
دي غنية شحمانة.. أي والله
الصباح ساعتك البتردد في البيت الحافظو منها زهجتني
يا أخي انت زمنك فارق :D
لكن كفرت عن ذنبك بتنزيل الأغنية

همسة :
أهديها لي أشتر
لو سمعها بيسكن هنا..
...
كما قلت يا خال
لدي فرق زمن
يترجم اللحظات السعيدة ...بعد مرورها
وكأني محكوم بأن أسعد بأثر رجعي
سعادة ذكريات
....
يا لغرابته !!! هذا النوع من السعادة
لا تتعرف عليه وأنت تعيشه
ولا يمكنك أن تحس به
إلا ... وأنت خارجه
تماماً
مثل عدم إحساسنا بدوران الأرض
...
صدقت يا خال
نعم زمني فارق تماماً
اكتشفت ...
مبلغ سعادتي وأنت بمعيتنا قبل عام مضى
أكتشفت ...
أن لدي أشياء كثيرة كنت أود أن أحكيها لك
اكتشفت...
أن عندي أسئلة كثيرة كنت أؤجل طرحها ... وفات أوانها
للأسف ... هذا الاكتشاف جاء متأخراً ...
متأخراً جداً
بعد رحيلك
ألم تقل أن زمني فارق !!!
...

رحمك الله يا خالد
بقدر محبتنا لك
وبقدر فقدنا إياك
وجعل مثواك الجنة

....



التوقيع:
يا متلبك في الأدران ... الحجـر الأسـود مـاهو البروة
وماها مكاوي الكعبة تجيها ... حين ينكرفس توب التقوى
ومافي خرط للجنة تودي وما في خطط ممهـورة برشوة
والمشروع الديني الخـالص ... ما محتاج لدراسة جدوى
ويات من قال "يا رب" من قلـبو ... رد الخالق دايما "أيوه"


حِمّيد
الزوول غير متصل   رد مع اقتباس
قديم 28-12-2011, 11:52 AM   #[15]
جيجي
:: كــاتب نشــط::
 
افتراضي

دي تقريبا الايام الزاركم فيها يا الزول
مضى عام
لكم هي مولمة الذكري
لكم المنا هذا الرجل بكل لحظاته
له المغفرة والسلوان
ومحبة مازلت تغيم فوق القلوب
ولنا السلوى بكل جمال تركه بين ايدينا



جيجي غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 12:06 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.