وما الناسُ بالناس الذين عرفتهم !!! عبد الله الشقليني

إلى د. طلال فى حربه العادلة و قيادته الماثلة !!! معتصم الطاهر

الجن وعالــم اللامرئيـات/Parapsychology !!! خالــد الحـــاج

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!
آخر الأخبار العالمية

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 28-06-2015, 10:44 PM   #[1]
خالد الأيوبي
:: كــاتب نشــط::
 
افتراضي فونقات رمضانية ....

(1 ) قصة مثل سوداني ((قام من نومو. لقى مسج))

أول امبارح. .. صحيت من النوم منزعج جدا. فأنا عادة بنوم ساعة او بالكثير ساعة و نصف بعد الشغل. دي اول مرة أجرها ثلاثة ساعات متواصلة. نهضت مفزوعا. الباقي عشرين دقيقة فقط على الآذان. وجري علي المطبخ. لم أكترث للإشعار في شاشة التلفون (لديك رسالة فائتة ). دخلت المطبخ:
يا الله ! ليه انا دفقت باقي (البرياني) و الجكن الرهيب بتاع امس داك !؟. يعني عشان شبعت؟ نسيت الصوم؟.
توقفت عن عتاب نفسي و ارتسمت علي وجهي ابتسامة النصر وانا أفتح باب التلاجة: بيض و علبة فول حدائق كلفورنيا و طماطم و زبادي و جبنة. تماااام التمام . أكتر من كدا داير شنو؟....
لكن أخخخخخ. اتذكرت اني جدعت باقي العيش الصباح، نسيته بايت كاشف فنشف و بقى حجر. خميتو في كيس القمامة وانا ماشي الشغل.
طيب و الحل؟
أمشي المطعم السوداني؟ المطعم شنو؟ هو باقي ربع ساعة بس و مشوار المطعم داير نص ساعة. حتي لو قررت امشي اداهم صديقنا (كيشو) برضو مشوار بيته محتاج نصف ساعة. دا في حالة جليت الحمام.
اها أتقفلت فوق تحت.
أرتميت علي الكرسي محتارا و لعنت (عزوبية الكبر ). أعمل شنو يارب؟ تيقنت ان البلح و الماء هو فطوري اليوم. تناولت التلفون قلت أدخل قروب الواتساب (تواصل و محبة ) و أتناسى. فقد قالوا في المثل (البشوف مصيبة عثمان حمد في رمضان بتهون عليه مصيبتو.). و لكن قبل ان اتواصل و أحب، لمحت إشعار الرسالة الفائتة (Missed Call ) مرة أخرى. ياخ دا وقت رسالة؟ فكرت اصهين. لكني فتحتها بتكاسل و عدم أكتراث. وقرأت 😳:

((يا خالد انت نائم ولا شنو؟. ما بترد علي رسايلي مالك؟. اسمعني.. انا الليلة جايب فطوري و جايي أفطر معاك. ما تعمل أي حاجة ولا حتى عصير. انا جايب كل حاجة من العصيدة للآبري. انت بس جهز التربيزة. عليك الله ما تسوي أي حاجة...... جارك محمد))
....
يتبع 2



خالد الأيوبي غير متصل   رد مع اقتباس
قديم 28-06-2015, 11:20 PM   #[2]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

عزوبية الكبر مافي اكعب منها معاناة رهيبة في رمضان ..وكلنا في الهم شرق يا ايوبي ..

الله يكمل الاجازة دي قوام قوام عشان قلنا الروووووووب

تحياتي



التوقيع: إذا فتحت ابواب خير فأقبلوا

موائد أهل الله خير الموائد
عبد المنعم حضيري غير متصل   رد مع اقتباس
قديم 28-06-2015, 11:31 PM   #[3]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

والله صحي
القام من نومو ولقي فطورو جاااااهز جايهو دلفري

خالد الايوبي

مشتاقيييييين ياخ

تصوم وتفطر علي خير

والتحايا لجارك محمد ده ياخ اريتو جاري

ههههه



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 28-06-2015, 11:43 PM   #[4]
شبارقة
:: كــاتب نشــط::
الصورة الرمزية شبارقة
 
افتراضي

السلام عليكم ورحمة الله

أضحكتني والله يا خالد .. ومعاك حق .. عزوبية الكبر بتجهجه والمواقف دي مرت علينا برضو مع إختلاف النهايات.



شبارقة غير متصل   رد مع اقتباس
قديم 28-06-2015, 11:51 PM   #[5]
خالد الأيوبي
:: كــاتب نشــط::
 
افتراضي

الله يرجعهم ليك بالســـلامة يا حضيري
...
و كلنا في الصوم جهجهة
تســــــلم



خالد الأيوبي غير متصل   رد مع اقتباس
قديم 28-06-2015, 11:55 PM   #[6]
خالد الأيوبي
:: كــاتب نشــط::
 
افتراضي

يا ناصـــر و الله الشـــوق بالكوم
جاري محمد فهو بعض من بقايا ســـــودانية تتلاشى تدريجيا و نحن بنتفرج ... و الله يدي العافية



خالد الأيوبي غير متصل   رد مع اقتباس
قديم 28-06-2015, 11:57 PM   #[7]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة خالد الأيوبي مشاهدة المشاركة
الله يرجعهم ليك بالســـلامة يا حضيري
...
و كلنا في الصوم جهجهة
تســــــلم
اميييين يا رب ... اجمل دعاء يا ايوبي يديك العافية



التوقيع: إذا فتحت ابواب خير فأقبلوا

موائد أهل الله خير الموائد
عبد المنعم حضيري غير متصل   رد مع اقتباس
قديم 29-06-2015, 12:00 AM   #[8]
خالد الأيوبي
:: كــاتب نشــط::
 
افتراضي

يا شـــــبارقة قلت لي (مع إختلاف النهايات) ها ها .... طبعـــاً في نهايات بنقطعها في مصارينا أو (نخليها في حناننا) كما يقولون
تســـــلم يا صديق
.



خالد الأيوبي غير متصل   رد مع اقتباس
قديم 29-06-2015, 01:04 AM   #[9]
زول الله
:: كــاتب نشــط::
الصورة الرمزية زول الله
 
افتراضي

ياخ والله الجار عندك
ممكن تسلفني ليهو من بعد بكرة وليي قدام؟؟؟

تحايا وتقدير









اقول قولي هذا واستغفرالله لي........................



التوقيع:

انا يوماتي أردد إسمِك بعد الحمدو "مكان الآية"
لما وحاتِك -من أشواقي- حِفِظ القول خيط المُـصلاية



أبــداً ماهُنـتَ ياســـوداننا يـومـاً علـينا

زول الله غير متصل   رد مع اقتباس
قديم 29-06-2015, 01:20 AM   #[10]
خالد الأيوبي
:: كــاتب نشــط::
 
افتراضي

ها ها ها

تدفع خلو رجل يا زول الله .... غناء جميل مقبول ... كل يوم أغنية
.
.
نواصل



خالد الأيوبي غير متصل   رد مع اقتباس
قديم 29-06-2015, 01:34 AM   #[11]
خالد الأيوبي
:: كــاتب نشــط::
 
افتراضي

(2) الليلة ووب

إلا رمضان .... فعندنا تارك الصلاة (ولد كويس بس كســول) وسارق حق الناس (شفت و فهلوي)... و شارب الخمر (حيجي يوم ربنا يهديه) أمـــا فاطر رمضان فهو على أقل تقدير (ما راجل عدييييل كدا).
و ليس (جلد رمضان) وحده عيباً كبيراً في معاييرنا بل حتى (الجرســة) العادية يقف لها مرصد المجتمع الســوداني بالمرصـاد و يســـجلها نقاطـاٌ ضدك.

وفي ذاكرة كل منا بلا شك عدد من حالات (الجرسـة) التي رصدها و سـجلها، ســواء علي نفسه أو علي من حوله من الناس.

من أطرف ما تحتفظ به ذاكرتي من (جرسـات) رمضانية قصة عصــام صديقي مع خالته (بخيتة)
أخذنا زميلنا عصـام و نحن طلاب من الداخليه لنفطر في بيت خاله ذات رمضان صيفي حار جدا و مولع نار. - فقط في السـودان يمكنك أن تأخذ مجموعة من أصدقائك إلي منزل خالك أو عمك أو جدك بدون إخطار ســابق لأهل الدار ويســتقبلونك بكل أريحية و محبة كما حدث لنا ذلك اليوم.

حاجة (بخيتة) في وســط الحوش ترش التوب بالموية وتتغطى به وترحب بنا وسـط تذمر متواصل من حر ذلك اليوم (دا يوم حار خلاص يا أولادي.. دا حر موت يا عصـام ولدي). و يرد عصـام (أصبري يا خالة عشان أجرك يزيد).
و بينما نحن في الصالون أتانا صوت الخالة بخيتة (الليلة ووب... الليلة وووب).
ناداها عصـام من داخل الصالون (يا خالة إنتي كدا حتجرحي صيامك ســـاكت ... حرام عليك .. الليلة ووب كيف يعني؟)

فجاء ردهــــا من الحوش واضحــاً و صريحــاً:
(الليلة وووب و بكرة وووب و بعده ووب و لاااامن ينتهي رمضــان دا وووب)
.



خالد الأيوبي غير متصل   رد مع اقتباس
قديم 29-06-2015, 01:36 AM   #[12]
فيصل سعد
:: كــاتب نشــط::
الصورة الرمزية فيصل سعد
 
افتراضي

سلامات يا خالد و رمضان كريم، نشاركك الجهجهة بمقدار طفيف حيث أراد الله لنا السكن وسط المطاعم الشعبية، و جيران أفاضل، بس صراحة نومة العصر بتجهجه شديد، لكن لا بد منها مع سهر الليالي..

ارقد عافية..



التوقيع: اللهم اغفر لعبدك خالد الحاج و
تغمده بواسع رحمتك..

سيبقى رغم سجن الموت
غير محدود الاقامة
فيصل سعد غير متصل   رد مع اقتباس
قديم 29-06-2015, 01:58 AM   #[13]
خالد الأيوبي
:: كــاتب نشــط::
 
افتراضي

و من الجهجهات أيضـاً يا فيصل ســــعد
عندما تكون فاطر في مكان بعيد .... و يمقلبك الزمن .. زي ينزل ليك لســــتك أو البنزيت يصفر و ما في محطة قريبة ... و ما في ناس بيفطروا في الشارع (طبعا مافي السودان)
أنا مرة في موقف زي دا مرة في عمان .... فطرت بي ســـــيجارة .... مارلبورو أبيض .... بيجــوز؟
.



خالد الأيوبي غير متصل   رد مع اقتباس
قديم 29-06-2015, 06:55 AM   #[14]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

اقتباس:
المشاركة الأصلية كتبت بواسطة خالد الأيوبي مشاهدة المشاركة
و من الجهجهات أيضـاً يا فيصل ســــعد
عندما تكون فاطر في مكان بعيد .... و يمقلبك الزمن .. زي ينزل ليك لســــتك أو البنزيت يصفر و ما في محطة قريبة ... و ما في ناس بيفطروا في الشارع (طبعا مافي السودان)
أنا مرة في موقف زي دا مرة في عمان .... فطرت بي ســـــيجارة .... مارلبورو أبيض .... بيجــوز؟
.

يحول السعااااال هذااااا
لمولانا كييييييشو




التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 29-06-2015, 08:22 AM   #[15]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

سلامات

و كيفنكم

يا ايوبي .. أسوأ ما فى الإفطار انك تكون معزوم مع زول و يفطرك بأكل بفتخر بيهو وهو الصحن الأساسي .
أها كمان يكون قافل الصحن و مغطيهو و يفتحو ليك كمفاجئة ويقول ليك
" أم اسماعيل عاملاهو ليك مخصوص"
و الأكل دا بيسبب ليك حساسية .. و بيهيج المصران.

أو عزومة صاحبتنا هندية فاجأت الجميع بكاري أرجل واحد فينا ضاقوا عيونو حمّرن و عيدموعو جرن و و قحقح .. و شرب ليهو
التمانية التانين ولا لمسو حاجة
غايتو الهندية وأنا الاتنين دموعنا يكبن شَو. أنا من الشطة وهي من الحسرة

غايتو انا جاملتها بأكل الرز حاف أو بالجِبنة و الروب علّه يخفف حرارة الخشم .
البقية اكتفوا بالسوائل.



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 11:34 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2021, vBulletin Solutions, Inc.