ديسمبر من كل عام ...

أريج محمد · 14-09-2021, 12:05 PM

ديسمبر من كل عام _ حريه سلام و عداله

الثوره خيار الشعب

المجد و الخلود لكل الشهداء

                                                                                  ............

واقف بلا رجلين سانِد علي وجعي

نايم بلا احلام صابر على واقعي

وفي سكتَك ودران سلميه ما بتنفع

رشونا بالرصاص هتكو العروض جهراً و الدم قصادو الدم و الديه ما بتنفع

و الساحه رويت دم و العيد غشاهو سواد

ورجعنا بالأحزان نشرب و نتجرع

لا ثوره بالرصاص لا قلنا كلمة شين

اصواتنا ممدوده فارشين سمانا غنا

مادين ايدنا سلام فاتحين صدورنا دروب

طالعين عشان الحق

شنقونا بي حقين

لا ثوره بتكفي مكسوره بالدبشك و حق الشهيد يرجع

لا ارتحنا من الهم لا دار مكن مصنع

لا عيشه لا بنزين

لا حقنه لا جزلين

عايشين جياع بالدين

دافعين وما دافعين

عايشين وجع طافحين

وقفت مدارسك دُت

وين الكتب يا هم

وين الفصول يا غم

ماشين على الأشغال

ملِّح معاك يا عم

تعريفه زي السم

والجيب قدودو كتار

ما بيرقعن لو كم

والسوس نخر في الساس

خلانا في الوسواس

زي مره متفاءلين

ومره نتكمم

نسكت ونتدمدم

والسوس هدااك قاعد

ينفث دمار وحمم

مرات كلام مسموم

مرات فعل يلخم

ماخلا لينا طريق

نمشيهو شان نوصل

يفرتك المغزول

ويفرزع البتلم

السوس ده ما هو حشر

السوس ده ماهو بشر

شيطان و مية عين

شيطان ومليون ميل

حرتوه حرت الجن

سرقوه بالواضح

سرقوه بالمخفي

نحروهو نحر الشاة

ومُشهدين النيل

فضح المخبا وجع

طلع غبينتو فجع

قلب المُساهره الليل

راجايهو كان يرجع

                                                                                                 .....

أريج محمداحمد

ناصر يوسف · 15-09-2021, 12:04 AM

نسأل الله السلامة لنا و للوطن الجريح

عكــود · 15-09-2021, 03:06 PM

قصيدة تصلح لشعار يردده الثوار هتافات تشق صمت الفلول وتزلزل صلف الجحافل المأجورة ويتغنى بها المغنون أيام الثورة!

ليتها وجدت طريقها إلى المسامع والقلوب حينذاك.

تحياتي واحتراماتي أريج

14-09-2021, 12:05 PM	#[1]
أريج محمد :: كــاتب جديـــد ::	ديسمبر من كل عام ... ديسمبر من كل عام _ حريه سلام و عداله الثوره خيار الشعب المجد و الخلود لكل الشهداء ............ واقف بلا رجلين سانِد علي وجعي نايم بلا احلام صابر على واقعي وفي سكتَك ودران سلميه ما بتنفع رشونا بالرصاص هتكو العروض جهراً و الدم قصادو الدم و الديه ما بتنفع و الساحه رويت دم و العيد غشاهو سواد ورجعنا بالأحزان نشرب و نتجرع لا ثوره بالرصاص لا قلنا كلمة شين اصواتنا ممدوده فارشين سمانا غنا مادين ايدنا سلام فاتحين صدورنا دروب طالعين عشان الحق شنقونا بي حقين لا ثوره بتكفي مكسوره بالدبشك و حق الشهيد يرجع لا ارتحنا من الهم لا دار مكن مصنع لا عيشه لا بنزين لا حقنه لا جزلين عايشين جياع بالدين دافعين وما دافعين عايشين وجع طافحين وقفت مدارسك دُت وين الكتب يا هم وين الفصول يا غم ماشين على الأشغال ملِّح معاك يا عم تعريفه زي السم والجيب قدودو كتار ما بيرقعن لو كم والسوس نخر في الساس خلانا في الوسواس زي مره متفاءلين ومره نتكمم نسكت ونتدمدم والسوس هدااك قاعد ينفث دمار وحمم مرات كلام مسموم مرات فعل يلخم ماخلا لينا طريق نمشيهو شان نوصل يفرتك المغزول ويفرزع البتلم السوس ده ما هو حشر السوس ده ماهو بشر شيطان و مية عين شيطان ومليون ميل حرتوه حرت الجن سرقوه بالواضح سرقوه بالمخفي نحروهو نحر الشاة ومُشهدين النيل فضح المخبا وجع طلع غبينتو فجع قلب المُساهره الليل راجايهو كان يرجع ..... أريج محمداحمد
أريج محمد :: كــاتب جديـــد ::

15-09-2021, 12:04 AM	#[2]
ناصر يوسف :: كــاتب نشــط::	نسأل الله السلامة لنا و للوطن الجريح
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

15-09-2021, 03:06 PM	#[3]
عكــود Administrator	قصيدة تصلح لشعار يردده الثوار هتافات تشق صمت الفلول وتزلزل صلف الجحافل المأجورة ويتغنى بها المغنون أيام الثورة! ليتها وجدت طريقها إلى المسامع والقلوب حينذاك. تحياتي واحتراماتي أريج
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.