خريجو جامعة أسيوط لمزيد من التواصل

[الجيلي عبد الله الريح]

المشاركة الأصلية كتبت بواسطة Kamal Mahjoob

ود الكاشف ايها الرائع سلامات
لدي طلب واحد كان نفسي اقولو من زمان ... بس نسيت ، يا اخي لو في امكانية تغير الصورة دي يكون كويس ... ليه ؟ والله ما ارف بس بتذكرني بي الكبر
على الرغم من أن عرفتي بمدني لا تتعدي المرور السريع ، إلا أن قصة حدثت لي في مدني غيرت مجرى حياتي كلها ... كنت قادما من سنار صباحا ، لم أجد مواصلات في حينها ... لا أعرف مكانا أذهب اليه ، ولما كنت من عشاق قصب السكر ، رأيت من بعيد أحدهم يبيع قصب السكر ، ذهبت اليه واشتريت "عكازتين" وجست أرضا "أطحن" فيهما ... جاء رجل وقور ، أوقف عربته ثم ترجل واشتري أيضا من ذلك لبائع ، سلم ثم تحاورنا قليلا لأجده أحد زملاء والدي ، خيرني بين السفر للسعودية أو العمل في تلفزيون الجزيرة ، قررت السفر ولا زلت مسافرا ... كان هذا الرجل مدير لجنة الإختيار في مدني "كوراك". لكن وداني في سكة جعلتني أترك قصب السكر للأبد والحمد لله . تلك مدني لكنها مدينة تنضح انسانا قل أن يوجد على الأرض ...

الأخ كيمو ...تحية وإحترام ...
أعتقد صورة اسامه هذه مناسبه .. ذكّرتك الكبر ولا ماذكّرتك ..
عندنا تجارب كثيرة مع صور الكاشف ...في إحدى الصور شفنا العميل السري يتلصص عليه حتى في الخلطات .... عندما نزّل الاخ شبارقة
صورته الاولى في المنتدى... هاج وماج قسور غابه ...وخفنا عليه
من العملاء لمهران (الزو ...) وهسه العميل ده في مدني ...يعني
إنت عايز الكاشف يروح فيها ببساطه ولا ايه ..؟؟
إنت بتوصي في أسامه ..طيب انت ماتنزل صورتك عشان يكون
عندنا أحساس بي عز الشباب ....أتحداك ....؟؟؟

[الجيلي عبد الله الريح]

المشاركة الأصلية كتبت بواسطة Kamal Mahjoob

ود الكاشف ايها الرائع سلامات
لدي طلب واحد كان نفسي اقولو من زمان ... بس نسيت ، يا اخي لو في امكانية تغير الصورة دي يكون كويس ... ليه ؟ والله ما ارف بس بتذكرني بي الكبر
على الرغم من أن عرفتي بمدني لا تتعدي المرور السريع ، إلا أن قصة حدثت لي في مدني غيرت مجرى حياتي كلها ... كنت قادما من سنار صباحا ، لم أجد مواصلات في حينها ... لا أعرف مكانا أذهب اليه ، ولما كنت من عشاق قصب السكر ، رأيت من بعيد أحدهم يبيع قصب السكر ، ذهبت اليه واشتريت "عكازتين" وجست أرضا "أطحن" فيهما ... جاء رجل وقور ، أوقف عربته ثم ترجل واشتري أيضا من ذلك لبائع ، سلم ثم تحاورنا قليلا لأجده أحد زملاء والدي ، خيرني بين السفر للسعودية أو العمل في تلفزيون الجزيرة ، قررت السفر ولا زلت مسافرا ... كان هذا الرجل مدير لجنة الإختيار في مدني "كوراك". لكن وداني في سكة جعلتني أترك قصب السكر للأبد والحمد لله . تلك مدني لكنها مدينة تنضح انسانا قل أن يوجد على الأرض ...

الاخ كيمو وقصب السكر ...
يآسلآآآآآم على موسم قصب السكر ....تمتلئ الشوارع والحارات
والاستادات والملاعب والسينمات والبصات واللواري والاسواق بقشر
قصب السكر بعد ان تم طحنه بواسطه كمال وبقية أهلنا ...
وكنا نأخذ الحذر من إدخال القصب الى الفصل وإلا العصا
لمن عصا ...وتذكرت بياع قصب السكر على حماره وهو يصيح
قصب السكررر...قصب السكر ....ونجري حوله بعد أن نتنفض
من غبار( الخور)...
عندما جئنا الى مصر وجدنا قصب السكر بشكل آخر ...
قصب نظيف وموضوع بنظام في محلات العصير ذات اللافتات
الكبيرة ...ووقفنا باستغراب أمام هذه الماكينه التي تتطحن قصب
كمال محجوب وتحيله الى عصير بارد جميل ينزل بردا وسلاما
على المعده ....ومنها كان عصير القصب رفيقنا في كل الاوقات
بالذات اصحاب العجلات والمسافات الطويله ... أمثال أخونا
العوض عبدالله محمد طه ...وما زلت أسأل نفسي ونحن نملك
قصب السكر في السودان لماذا لا تكون لدينا ماكينات مثل هذه
لنجنب كل ذي بشرة سمراء مغبه تكسر أسنانه ...أو غربه
طوويـــــــــــــــــــــله ....؟؟

[muntasir hassan]

المشاركة الأصلية كتبت بواسطة الجيلي عبد الله الريح

الأخ كيمو ...تحية وإحترام ...
أعتقد صورة اسامه هذه مناسبه .. ذكّرتك الكبر ولا ماذكّرتك ..
عندنا تجارب كثيرة مع صور الكاشف ...في إحدى الصور شفنا العميل السري يتلصص عليه حتى في الخلطات .... عندما نزّل الاخ شبارقة
صورته الاولى في المنتدى... هاج وماج قسور غابه ...وخفنا عليه
من العملاء لمهران (الزو ...) وهسه العميل ده في مدني ...يعني
إنت عايز الكاشف يروح فيها ببساطه ولا ايه ..؟؟
إنت بتوصي في أسامه ..طيب انت ماتنزل صورتك عشان يكون
عندنا أحساس بي عز الشباب ....أتحداك ....؟؟؟

ياكيمو الراجل اداك عكازين قصب وداك السعوديه يعنى كان اداك الربطه كلها كان رحته فيها الله ستر عليك
يالجيلى واسامه الزول دا انا بعرفوا بحب المضره من زمن الوست غايتو اعماوا حسابكم كدى اقنعونى زول اجازته كم يوم من دبى امشى مدنى بدل ماامشى القرير واتفرج فى الخزلن تقول لى ماشى اسلم على سيف وامين

[أسامة الكاشف]

الموضوع يا منتصر فيه "إن" كبيرة
ودي ما زيارة بريئة
شوف كمان عاملها بالوثائق عشان الإرهاب يكون على أصولو
يفك الخبر
ويلبد
غايتو حنجيب اثرو
عملنا شوية اتصالات وكده
وفي انتظار الرد من مدني

[شبارقة]

المشاركة الأصلية كتبت بواسطة أسامة الكاشف

وفي انتظار الرد من مدني

[align=justify]مدني النخلي ؟ [/align]

[Kamal Mahjoob]

الخواجة فتحي ... قصب السكر دة جابني لي مكان لا زلت فيه غريب الوجه واليد واللسان والمزاج ... ما تذكرني بي المواجع ... ثم شكرا لك أن اصبحت واحدا من هذه العصبة التي نعتز بها كثيرا رغم وجود الجيلي فيها كواحد من أروع وأنقى من عرفت ورغم طفولته "الخيرانية" إلا أن ذلك أكسبه خبرات "شماسية" أفادته كثيرا ، والآن عرفت فقط لماذا يحب الجيلي المشي على الرغم من ملكيته الكاملة على عجلة خضراء تسر الناظرين.
منتصر : طبعا انت ليس لديك أي خبرة بالخيران والمجاري وعالم المجهول ، ناس الجيلي والزول ديل بودروك ، اعمل حسابك وخليك حنين عليهم شوية.
ود البيك وأحمد عبد القادر سلامات كتيرة جدا.
الجيلي : نزل لينا كل اسبوع صورة واختار منها شخص واحد عشان ننزل فيهو تشريح و"تشليت" واولهم يكون "منير العوض" عشان عاوز أفش فيه بعض من "غل"

[محمد الامين مصطفي]

الاحبة الاسايطة 00اخي دكتور كمال وبقية العقد الفريد 00
اهداء للزوول :

يا زول يا نيل .. كيف خليت الغربة تسوقك وإنت المزروع طيبة نخلة في خصر النيل
كيف وقعت بطاقة فقدك جوه عيون مليانة محنة وجوه قلوب رايداك بالحيل
مالك يازول أدمنت الغربة و زدت همومك وكنت وحاتك جمل الشيل 000 ((منقول )





اليوم كنا في مدني وذلك في اطار قافلة سيرتهامجموعة سوداتل لاجلاس اربعة الف طالب وتأهيل لاربعة مستشفيات ريفية بالمعدات الطبية والاسرة وهي مستشفي رفاعة ومستشفي اربعة وعشرين القرشي ومستشفي العزازي 00
في مدخل مدني توجد لافتة كبيرة تقول ابتسم انت في مدني كانما تخاطب هذه اللافتة هذا البوست
00ووالله ابتسمت وتذكرت الزوول 000 وزيارته الميمونة والمامونة لمدني 00 يا اخوانا هدو اللعب شوية 000الزوول قاصد خير وبعدين مدني الشفناها دي ما اظنها ما تستقبل الزوول حتي لو بي ابتسامة 00 (الكلام ده لي ناس مدني العزيز اسامة كاشف والحبيب ود البك وبقية العقد
الفريد)
كذلك ابلغكم تحايا خاصة من الاسيوطي والاجتماعي الناشط وزير الشباب والرياضة بولاية الجزيرة الرجل الهمام العزيز عثمان ابو قناية 000

مدني يا أجمل خبر
فيها قضيت الطفولة
وفيها شاب عمري وكبر
قبة السني وبيوتنا
وعامرة حلقات الذكر
مدني في حدقات عيوني
باقية لي أبد الدهر
تلهم الكاشف يغني
ويكتب المساح شعر
كتب كلماتها الشاعر المرهف جمال عبدالرحيم



ود مدنى
وصفها الشاعر ود القرشي
للنيل باقية شامة
والهدهد علامة
ومنسق نظاما
وفي تقدم دوما
حنتوب الجميلة

نقلاً عن كتاب ودمدني (كرة القدم خلال مائة عام 1900-2000)
للمؤلف عبدالعزيز حسن فضل البصير.
التوثيق لمدينة ودمدني ... سيدة المدائن
نبذة تاريخية عن مدينة ودمدني:-
تقع مدينة ودمدني عاصمة ولاية الجزيرة بين خطي عرض وطول 14 . 19 درجة شمالاً و 31 . 33 درجة شرقاً وتتميز بموقعها الجغرافي في وسط السودان حيث تقع على الضفة اليسرى من النيل الأزرق وعلى مسافة 186 كلم جنوب الخرطوم، وتعتبر منطقة التقاء طرق حيث تربط مابين الخرطوم وبقية ولايات السودان المختلفة وميناء السودان الأول ببورسودان وطبيعة الأرض فيها ذات سطح مستو ذي انحدار هادئ من الجنوب الى الشمال وتبلغ المساحة الكلية لمدينة ودمدني حوالي 50 كلم مربعا ويبلغ عدد السكان 700 ألف نسمة تقريباً (2004).
تعتبر مدينة ودمدني من اقدم اربع مدن في السودان ويرجع تاريخها الى نهاية النصف الاول من القرن السادس عشر الميلادي في عهد مملكة الفونج (السلطنة الزرقاء 1508-1820) التي بلغ فيها مؤسسها الشيخ محمد مدني السنى عمرا ألم فيه بعلوم الدين .. فقد سميت مدينة ودمدني منسوبة له وكان جده القاضي (دشين) الذي سمى بقاضي العدالة جاء سائحا من منطقة الجزيرة العربية عن طريق مصر ووادي حلفا وقد ولاه الشيخ عجيب بامر الملك (دكين) قاضيا على اربجي وقد قال فيه الشيخ فرح ودتكتوك:
ود دشين قاضي العدالة الما يميل للضلالــــة
نسله نعــــم السلالـــــــة الاوقدوا نار الرسالة
ويرجع نسب الشيخ محمد مدني السني الى قبيلة العقليين .. وهو محمد بن مدني بن دشين بن احمد بن نضر بن ابراهيم بن سلام بن رقم بن مكرم بن الحاج بن محمد بن احمد بن علي بن ابراهيم بن جعفر بن محمد بن احمد بن اسحاق بن حسن بن عقيل بن ابي طالب بن عبدالمطلب بن هاشم، استقر في مكان الضريح المعلوم اليوم بعد ان نظف الارض من الشوك والاشجار واسس اول حلقة قرآن واول حلقة علم في الفقه المالكي الذي نبغ فيه نبوغاً ملحوظاً وسرعان ماالتف حوله اعداد كبيرة من طلاب العلم من داخل السودان وخارجه، وقد استهوت هذه المنطقة بعض القبائل العربية وخصوصا قبائل العوامرة، والدباسين والكواهلة .. وتقول بعض المصادر ان المغاربة اول من هاجر الى ودمدني ونسبوها الى مؤسسها الشيخ محمد مدني السني والكلمة ليست ود ولكنها واد في لهجة اهل المغرب العربي .. وقد زارها المؤرخ اليوناني (جيوفاني) في القرن السابع عشر وكتب عنها .. ويروي انها سميت بودمدني لان الطالب عندما يسال الى اين يذهب فيقول الى ودمدني .. كان حي المدنيين اول احياء المدينة وكان يسكنه الدارسون والمريدون، وقد انتشرت فيها انذاك حرفة صناعة المراكب الشراعية الى جانب الصناعات المحلية كدباغة الجلود والاحذية والعناقريب.
فعلى مدى تلك الفترة استطاعت ودمدني ان تحقق طفرة في النمو الا انه لم يقم بها اي نوع من الحكم حتى عام 1820 في عهد خورشيد باشا حينما تم اختيارها عاصمة للسودان في فترة الحكم التركي وتم تعيين قاضيين في المدينة كما جعلوها مركزاً لحامية تركية تمهيدا لغزو سنار وفازوغلي، وانتهت اهمية المدينة كقاعدة عسكرية بعد مقتل اسماعيل باشا، واستمرت على حالها الى ان سقطت الحكومة التركية على يد الامام المجاهد محمد احمد المهدي .. واختارت المهدية ود الصوفي واليا على المنطقة التي تقع بين قرية الرميلة غرب الخرطوم حتى سنار واتخذ ودمدني عاصمة لولايته.
في فترة الحكم الثنائي الانجليزي والمصري اتخذت مدينة الكاملين عاصمة لمديرية الجزيرة في يوم 8 مارس 1903 ... وكانت مدينة ودمدني مركزاً تابعا لمديرية سنار وكانت العاصمة مدينة سنجة .. ثم نقل مركز الادارة العمومية من مدينة سنار لمدينة ودمدني في 20 ابريل 1903 حيث صارت عاصمة لمديرية سنار، وفي اول يناير 1906 تم نقل مدينة ومركز ودمدني من مديرية سنار لمديرية النيل الازرق وصارت مدينة ودمدني عاصمة لمديرة النيل الازرق واضيفت لها مديرية الجزيرة.
واخذت مدينة ودمدني شكلها الاساسي بعد دخول الانجليز اليها عام 1898 حيث اعيد تنظيمها فاخذت شكل المدينة الاستعمارية حيث اخذ تقاطع الشوارع شكل العلم الانجليزي ولازال هذا الطابع مسيطرا على هيكلها العام كما هو في اغلب مدن السودان الكبيرة.
شهدت مدينة ودمدني في فترة الحكم التركي والثنائي نشاطاً تجارياً كبيراً وحلت بالمدينة اعداد كبيرة من المهاجرين تجار وحرفيين وموظفين بالبلاد من داخل السودان وخارجه من الاجناس المسلمة وغير المسلمة ونذكر من تلك الاجناس ذات الاديان المختلفة الانجليز والاتراك والاقباط والشوام والاحباش واليهود والاغاريق واليمنيين والايطالين والهنود والمجراب والانرؤط والارمن والمغاربة والمجوس والمصريين ونحوهم من الاجناس الافريقية الاخرى .. فقد كان الجو روحيا لكل الناس وعلى مختلف عقائدهم وعبادتهم ليكونوا نسيج ودمدني الثقافي الاجتماعي الحالي.
وخلال العشرين الاوائل من عام 1900 اقيمت محطة السكة الحديد والمتستشفى الذي كان وحدة عسكرية تابعة للقوات البريطانية ومباني رئاسة المديرية والمحاكم والبوستة والجامع الكبير وامتداد شارع النيل، وباكتمال الخط الحديدي لمدينة الابيض في 27 فبراير 1912 ولشرق السودان عام 1928 اصبحت ودمدني مركزاً تجارياً هاماً، كان يستقبل يومياً عشرات القبائل والقوافل المحملة بحاصدات السودان، واستعادت اهميتها الاقتصادية بقيام مشروع الجزيرة، وضمت ايضا رئاسة هيئة البحوث الزراعية ورئاسة وزارة الري حيث توسعت حركة الاداء الحكومي نسبة للتطور الانمائي والاجتماعي.
وفي العقود الاخيرة من القرن العشرين شهدت طفرة في مجال التعليم والصناعات حيث تم تشييد عدد كبير من المدارس كما تم افتتاح جامعة الجزيرة وغيرها من الكليات العلمية المختلفة، كما شهدت قيام صناعة الغزل والنسيج وصناعة الجلود والصابون والزيوت والحلويات والالبان وغيرها من الصناعات الاخرى.
ونجد ان مدينة ودمدني غلب الطابع الصوفي، وظلت منذ ا نشاتها مكانا مرتبطا بالدين وشعائره، وقد كان لقرب المدينة من ابي حراز حيث الطرق الصوفية اثراً كبيراً فكانت الزيارات المتواصلة بين المشايخ، وقد وضع الشيخ عبدالسيد محمد بخيت اللبنة الاولى للطرق الصوفية بودمدني، ومن اشهر شيوخ الطرق الصوفية محمد عبدالرحمن شاطوط، والشيخ عثمان زياد.
اما في مجال الثقافة والاعلام فهي سابقة في هذا المجال فقد شهدت ودمدني قيام الجمعية الادبية من بداية الثلاثينات وفيها تم اقتراح قيام مؤتمر الخريجين عام 1937 وقد تبنت هذه الجميعة ايضا قيام المهرجان الادبي الاول في السودان بمدينة ودمدني عام 1938 وتكونت ايضا رابطة ادباء الجزيرة والتي كان من اعلامعا الشاعر المعروف د. محمد عبدالحي ثم في السبعينات رابطة الجزيرة للآداب والفنون وقد شهدت ودمدني طفرة كبرى بافتتاح مسرح الجزيرة في 1961 وتلفزيون الجزيرة في عام 1972 واذاعة ودمدني في يناير 1985، وفي عام 1991 تم افتتاح المجمع الثقافي بودمدني.
اما في مجال الفن والابداع نجد الفنان ابراهيم الكاشف، عوض الجاك،الخيرعثمان، محجوب عثمان، محمد احمد الشبلي، رمضان حسن، رمضان زايد، احمد عمر، محمد مسكين، محمد الامين، ابوعركي البخيت، عبدالعزيز المبارك، ثنائي الجزيرة، علي السقيد، الفاتح السقيد، صديق متولي، صديق سرحان، عصام محمد نور، عادل هارون وغيرهم .. وفي مجال الموسيقى نجد في فترة الثلاثينات والاربعينات عازف الكمان ميشيل تيروز وهو كان يعمل نجاراً ويسكن منطقة السكة حديد، وانور الحلاق (سوري الجنسية) ومن الموسيقيين ايضا علي الحويرص، محمود محمد جادين، عبدالرحمن البوشي، الطيب الكارب، محمد ابوبكر، عبدالمنعم عبدالسلام، عثمان ابوبكر، عبدالرحمن البوشي، عبدالله عقارب، الاستاذ محمد الامين كيعورة، جرجس عياد، مصطفى درويش، سعدالله عبدالله، علي قسم الله، دبلي، بدر التهامي، وامتداد لهم احمد عباس، صلاح درويش، واولاد اللميجي، عثمان النو، محمد عجاج، د.الفاتح حسين، وفي مجال المسرح فرقة النيل الازرق، والمكي وودحبوبة المسرحية، والمسرح المتجول، كما قدمت المدينة الممثل العربي الكبير ابراهيم خان، ولاح في سماء الشعر شعراء كثر منهم الشاعر الغنائي علي المساح ومدثر البوشي والشاعر عبدالرحيم مكنش والهادي احمد يوسف، ومرغني عشرية وغيرهم، وفي مجال الفن التشكيلي بابكر صديق، د.راشد دياب، مكرم نسيم، احمد سالم، وجميع هؤلاء المبدعين وغيرهم قدموا الكثير لمجمتع ودمدني في زمان كان يفتقد فيه الكثير من مرافق الثقافة واسباب الترفيه.
ومن رواد العمل الوطني نذكر الاستاذ احمد خير المحامي صاحب فكرة الجمعية الادبية ومؤتمر الخريجين والشيخ مدثر البوشي عملاق الحركة الوطنية والشيخ احمد بيومي رائد المشروع الاسلامي وبابكر كرار الداعية الاسلامي الذي وهب حياته كلها للدعوة الاسلامية في المحيطين الداخلي والخارجي والامير المجاهد عبدالرحمن نقدالله والشيخ ابوزيد احمد رائد التعليم الاهلي بودمدني والدكتور النور شمس الدين الشافعي من الرعيل الاول من الاطباء بودمدني ومأمون بحيري اول وزير مالية سوداني يوقع على العملة السودانية وغيرها، وان كنا حاولنا تفصيلا للمبدعين الذين انجبتهم ودمدني في مجالات شتى فان المجال ليضيق دون ذكرهم مجتمعين ونكتفيى بهذه الاشارات العابرة لهؤلاء العباقرة دون قصد الاهمال او الاغفال لمن اسهم في الماضي العريق والتاريخ المجيد للمدينة وللسودان بتراثه ميراثه من توثيق وتطوير.
من المشاهير الذين تلقوا تعليمهم بمدينة ودمدني نذكر منهم الرئيس اسماعيل الازهري والرئيس المصري محمد نجيب وشقيقه اللواء علي نجيب والفريق علي علي عامر قائد القيادة العربية الموحدة في الستينات واللواء امان عندوم الرئيس الاسبق لاثيوبيا بعد انهيار امبراطورية هيلاسلاسي والرئيس الاسبق جعفر محمد نميري والشريف حسين الهندي الزعيم الاتحادي واشهر وزير مالية في السودان وكثيرون من قادة الفكر والسياسة.
هذه هي ودمدني التي قصدها الناس من كل مكان وتعايشوا مع اهلها وربطت بينهم الصلات الطبية والعريقة وصارت قبلة انظار قرى الجزيرة باسرها ومحط الرجال الوافدين عبرها واليها من داخل السودان وخارجه، فكان الترابط بين القريب والحبيب.

وللزوول منها نصيب

[فتحي مسعد حنفي]

المشاركة الأصلية كتبت بواسطة شبارقة

[align=justify]مدني النخلي ؟ [/align]

تعرف ياشبارقة الاسبوع الفات ضرب لي عادل عسوم من السودان وقام بدون مقدمات اداني مدني النخلي في التلفون..طبعا أنا اتفاجأت وما عرفت أقول شنو وفي لحظة سلمت عليهو وقلت ليهو ياخ أنا داير أشتكي ليك أخوك محمديعني تصرف عادل وقع في راس محمد النخلي

[Wad Elbeck]

المشاركة الأصلية كتبت بواسطة محمد الامين مصطفي

مدني يا أجمل خبر
فيها قضيت الطفولة
وفيها شاب عمري وكبر
قبة السني وبيوتنا
وعامرة حلقات الذكر
مدني في حدقات عيوني
باقية لي أبد الدهر
تلهم الكاشف يغني
ويكتب المساح شعر
كتب كلماتها الشاعر المرهف جمال عبدالرحيم

أبو اللمين ..
لك جزيل الشكر على النبذه التاريخية كاملة الدسم عن مدينة ودمدنى..
فعلاً هى مدينة كما البوتقة تمتزج فيها كل الأعراق والأنساب لتكسب أهلها تلك اللونية والمزاج الخاص بها ..
تخريمة:
ياخى ما لقيت لى خبر من الأخ صلاح محمد أحمد؟ عليك الله حاول أسأل لى عنه..

[Kamal Mahjoob]

المشاركة الأصلية كتبت بواسطة محمد الامين مصطفي

الاحبة الاسايطة 00اخي دكتور كمال وبقية العقد الفريد 00
وللزوول منها نصيب

ود الأمين الجميل تحياتي .... حنفي ، الكاشف ود البيك والجميع
كنت أظن أن البيك هذا لقب غير رسمي لمحمد سيد أحمد ، لكنني علمت أمس أن البيك هو لقب واسم رسمي مدون في سجلاته الرسمية ، يعنى الأخ محمد بيك بحق وحقيقة ... بعدين يا ود البيك طلب خاص ترسل لي صورة ختان يوسف عبد الله ادريس فلي فيها مآرب أخرى
ود الكاشف : ما غيرت الصورة الا زلت مصرا على "القهقرى" والله الكلمة دي ما عارف معناها بالضبط لكن تشبه اصرارك ..
محمد الأمين : نرجو ألا تخفي عنا كل هذا السرد الأدبي الرفيع ... فكلماتك تصنع حتى من الزوول والجيلي أشخاصا كانهم لم يعرفوا الحفر والخيران يوما من الأيام ...

[محمد الامين مصطفي]

صور من ود مدني الجميلة 00اهداء لكم احبتي الاسايطة 00دكتور كمال 00 اسامة ود البك وبقية العقد الفرد 00
(بداية شارع الجمهورية )

[الزوول]

....

السلام عليكم
.......
الى حين عودة وقراءة متأنية لهذة الكتابة الدسمة والمعلومات الوافية التي أتى بها -كعادته- أديبنا ود الأمين
...

...

[muntasir hassan]

المشاركة الأصلية كتبت بواسطة الزوول

....

السلام عليكم
.......
الى حين عودة وقراءة متأنية لهذة الكتابة الدسمة والمعلومات الوافية التي أتى بها -كعادته- أديبنا ود الأمين
...

...

الليله جاك بلا ياود لكاشف دا دخل الحله وماشايف لى خيران انا قلت ليكم حب الازية من طباع العوضى واتذكر اخونا الزول شايقى وقال ليه امنيتك شنو قال الجنى دا مااشوف امه

[Wad Elbeck]

المشاركة الأصلية كتبت بواسطة Kamal Mahjoob

ود الأمين الجميل تحياتي .... حنفي ، الكاشف ود البيك والجميع
كنت أظن أن البيك هذا لقب غير رسمي لمحمد سيد أحمد ، لكنني علمت أمس أن البيك هو لقب واسم رسمي مدون في سجلاته الرسمية ، يعنى الأخ محمد بيك بحق وحقيقة ... بعدين يا ود البيك طلب خاص ترسل لي صورة ختان يوسف عبد الله ادريس فلي فيها مآرب أخرى
ود الكاشف : ما غيرت الصورة الا زلت مصرا على "القهقرى" والله الكلمة دي ما عارف معناها بالضبط لكن تشبه اصرارك ..
محمد الأمين : نرجو ألا تخفي عنا كل هذا السرد الأدبي الرفيع ... فكلماتك تصنع حتى من الزوول والجيلي أشخاصا كانهم لم يعرفوا الحفر والخيران يوما من الأيام ...

كيمو.. سلامات ..
فعلاً إسمى الرسمى فى السجلات هو محمد سيدأحمد محمد بيك ... وبيك هذا إسمه الحقيقى عبدالرحمن لكن يبدو أن لقبه قد سار عليه حتى طغى على إسمه الحقيقى حتى فى السجلات الرسمية..يعنى الراجل إسمه الحقيقى "إتلحس"...
الغريب فى الأمر أن هذا "اللقب الإسم" قد إرتبط بى منذ الصغر دون باقى إخوتى والذين عادةً ما ينادون فلان أو علان سيدأحمد .. أما معى فقد بدأ الأمر بمحمد بيك.. ثم تلاشت محمد فأصبحت ودالبيك .. ثم أصبحت تُدلّع ب بكّو أحياناً أو ودّو تارةً أخرى .. وفى أحيان كثيرة إذا قلت محمد سيدأحمد ما فى حد يعرفك ... يعنى يا كمال جدنا ده ما كفّاهو إنو لحس إسمه ..برضو لحس لى إسمى معاهو...
الصورة بعمل ليك بيها إبميل... بس أنا ما رسلت حاجه..

[muntasir hassan]

المشاركة الأصلية كتبت بواسطة Wad Elbeck

كيمو.. سلامات ..
فعلاً إسمى الرسمى فى السجلات هو محمد سيدأحمد محمد بيك ... وبيك هذا إسمه الحقيقى عبدالرحمن لكن يبدو أن لقبه قد سار عليه حتى طغى على إسمه الحقيقى حتى فى السجلات الرسمية..يعنى الراجل إسمه الحقيقى "إتلحس"...
الغريب فى الأمر أن هذا "اللقب الإسم" قد إرتبط بى منذ الصغر دون باقى إخوتى والذين عادةً ما ينادون فلان أو علان سيدأحمد .. أما معى فقد بدأ الأمر بمحمد بيك.. ثم تلاشت محمد فأصبحت ودالبيك .. ثم أصبحت تُدلّع ب بكّو أحياناً أو ودّو تارةً أخرى .. وفى أحيان كثيرة إذا قلت محمد سيدأحمد ما فى حد يعرفك ... يعنى يا كمال جدنا ده ما كفّاهو إنو لحس إسمه ..برضو لحس لى إسمى معاهو...
الصورة بعمل ليك بيها إبميل... بس أنا ما رسلت حاجه..

ياود البك كويس السموك البك معقوله شويه واحد مشى بيت ناس قرن شطه دق الباب جا ابو قرن شطه فتح الباب فسالوا ياغمى شطه قرن موجود تخيل لوكان ادوك واحده من الينه دى بالمناسبه سمعت قالوا الزول مشى مدنى اركب عداد للطنبور عشان دخل عليه الكهرباء عقبال المويه بالل يالزول سلم على سيف وامين وقول لسيف انا كنت فى السودان وتلفونه اتغير لو عندك الجديد رسلوا لينا