تميمة الحظ

مها عبدالمنعم · 11-02-2015, 02:31 PM

العاده انه لمن انزل البلد بشوف فرح الناس بي من خلال الضحكات والجبنه العاملنها بقلوب صافيه نية ونديانا رضا رغم انه دائما في احساس بشي قاعد في قلب الكل والشي دا يمكن ما عنده معني بس احساس بكون اكيد جا من حته ما انتبهت ليها، بس امنه بت عمي عمر ماكانت بتدس غيظه من جيتي وطوالي كنت بتخيل انها خاته عينه علي واحد من ولاد الفريق فشفقت اخده منها ...كنت بتبسم لمن اشوف غيظه هي متخيلاني هبله انا كان اااااااخر همي اخد ود عمها والا غيرو كنت متذكره انو ريحة ابوي متحكره في الفريق فلمن اجي طوالي يمكن يرضا بالبعمل فيهو ..مع اني ما كنت بعمل في شي بس بحاول اعرف في شنو خلاه يرمينا الرميه الغريبه دي ... اي خمسه سنه خلانا وفات لا هو قال شي ولا امي ضوت دربنا ...بس امي عندها ودعه غريبه لمن جات تموت لبستني ليها في رقبتي في سلسلة دهب وقالت لي بتجيب ليك البخت وفي نفس الوكت ما تعرفي يمكن قدرك تكون كاتباه الودعه دي ..قلت ليها امي استغفري كيف يعني القدر دا مش بيد الله اي اي ما قلت شي بس الودعه دي حافظي عليها فيها بختك ..وسبحان الله فعلا كنت متوفقه شديد في الحياة ما بعرف هل اشان انا مجتهده والا عندي تميمة حظ!

مها عبدالمنعم · 11-02-2015, 02:34 PM

الودعه كانت غريبه شديد لونه لا ابيض شدييييييد ولا رمادي ولا اسود حتي انه فيهو زي لمعه... كنت بخجل طبعا يشوفه زول في رقبتي يقوم يسالني شنو قصته لمن جا يوم اكتشفت انها الودعه دي البشوفوها حوليني ما بشوفوها ودعه!
كل زول بشوفه شي البقول لي راس كم حيوان مع بعض ...اااخر زول كان ود عمتي مهوس اثار كدا قال لي تشبه صورة الاله الاسد ابادماك!
ماعرفت منو ابادماك دا كمان قلت لي: دا واحد من من الهة الهنويد؟عاين لي بطريقة شنو الجاهله دي
انتي ماقريتي تاريخ!
لا
طيب قريتي شنو؟
لس ماقريت انا في سنه اولي تجاري
كلية التجاره ؟
لالا تجاري تجاري
وبطريقة الدار يفهمني اني ما عارفه شي قال لي مع هزة راس اهاااااااانتي لساتك شافعه بس امشي فتشي صوره للاله الاسد اللابساه في رقبتك دا
سمح سمح...

مها عبدالمنعم · 11-02-2015, 03:06 PM

البت القاعده جنبي في الفصل قالت لي قرن الشطه حقك دا دهب؟
قلت ليها ياتو؟صرت لي وشيها ولوت خشمه قالت لي يعني قايلاني ح اشحدك ليو !
مافتحت خشمي بس عاينت وسكت لمن ود عمتي قال كلامو عن الاله داك بس اتاكدت انو في سر كبير شديد في الودعه
مره قاعده اغسل في العده جات بت عمي ماشه فجاه شفتها وانا صاحيه زي الح تقع تكسر كراعه من المفصل قمت كوركت ناديته اتلفتت علي مخلوعه اظن حسي كان عالي شديد هجمه مع دويرته ديك وقعت وفعلا كسرت كراعه ..واحدين قالو طقيته عين وحبوبتي قالت لي غايتو الله يكفينا شر امك !
حبوبتي عمة ابوي دي بتكره امي دي لمن لمن اقول امي الله يرحمه
تقول لي الزول البياذي الناس باقي ليك الله بغفر ليو!

معتصم الطاهر · 11-02-2015, 03:47 PM

اقتباس:

المشاركة الأصلية كتبت بواسطة مها عبدالمنعم

العاده انه لمن انزل البلد بشوف فرح الناس بي من خلال الضحكات

لعاده انه لمن افتح سودانيات بشوف فرح الناس بي من خلال مساهماتك

فيصل سعد · 11-02-2015, 04:17 PM

اقتباس:

المشاركة الأصلية كتبت بواسطة معتصم الطاهر

لعاده انه لمن افتح سودانيات بشوف فرح الناس بي من خلال مساهماتك

و غالبا لما ادخل منتدى الحوار ببدا بالمتواجدين الآن، و ان لم تكن
متواجدا،، بمشي بكمل كباية الشاى و ادبلها حتي ادخل للقراءة..

لكما التحايا معتصم و مها..

أبو جعفر · 13-02-2015, 02:34 AM

حقيقي شكراً

ولي بكرة شكراً

وزي ما قال الباشا

أنتي الفرح

فرح الفرح

وفوق الفرح فرحين فرح.

كيفك بت أخوي وعساك بألف خير ...

بالله كتري لينا

عشان الزمن مسخ بالمسوخ

السدو الدرب دراب

مها عبدالمنعم · 13-02-2015, 10:05 AM

القرايه دي ماعندي ليها شديد شغله وكمان مضيعة زمن بس بعرف ارسم قلت خلاص النخش التجاريه النسويه منها ارضي علي امي ومنها اتعلم اطرز التياب ومنها اكون قريت ..وانا في سنة تامنه مشيت البلد لقيت عرس بت عمي والنسوان مواعداهن زوله تجي تحنن بس قالو ولده بلع ليو دبوس مشت المستشفي اتحيرن.
اها زي حسيت يدي اكلتني قمت قلت نجرب في يدي داب الناس مشغوله سبحان الله في علاه الكيس اتخيط براه وانا ماسكاه بقرطس فيو اها لخبطت البيقن واول ما رسمت يدي مرقت شي عجيب عجيب اي مره جات سالتني منو حننك ؟
لمن اقول ليهن براي
كل واحده تقول لي النبي كان ما رسمتي لي كرعي
والشغلانه سلكت ودعتي لمن امسك الكراع والا الايد تبرق تبرق فقلت الودعه دي شكلها فعلا تميمة بخت!

مها عبدالمنعم · 13-02-2015, 10:07 AM

اقتباس:

المشاركة الأصلية كتبت بواسطة معتصم الطاهر

لعاده انه لمن افتح سودانيات بشوف فرح الناس بي من خلال مساهماتك

تسلم يا باش وربنا يديك الصحه والعافيه

مها عبدالمنعم · 13-02-2015, 10:11 AM

اقتباس:

المشاركة الأصلية كتبت بواسطة فيصل سعد

و غالبا لما ادخل منتدى الحوار ببدا بالمتواجدين الآن، و ان لم تكن
متواجدا،، بمشي بكمل كباية الشاى و ادبلها حتي ادخل للقراءة..

لكما التحايا معتصم و مها..

وليك التحايا فيصل سعد

مها عبدالمنعم · 13-02-2015, 10:12 AM

اقتباس:

المشاركة الأصلية كتبت بواسطة أبو جعفر

حقيقي شكراً

ولي بكرة شكراً

وزي ما قال الباشا

أنتي الفرح

فرح الفرح

وفوق الفرح فرحين فرح.

كيفك بت أخوي وعساك بألف خير ...

بالله كتري لينا

عشان الزمن مسخ بالمسوخ

السدو الدرب دراب

تسلم عمنا ابو جعفر

مها عبدالمنعم · 13-02-2015, 10:13 AM

النصيحه لله الحاجات البتعمله تميمة امي دي في الاول بس ..كانت عاجباني ماداني ب احساس القوه وانه الفي يدي مافي يد غيري في يدي سلطه وحمايه وحرس بس كمان فجاه بدت تحصل اغرب حوادث ماعندها سبب والناس زي بدو يتشامؤا من قعادي الكتير في البلد اخرشي خلا جدي يقرر اني ما اجي البلد الا اخت نحس امي بعيد منهم
بس ياجدي شنو نحس امي
يابت ما تتلكعي قدام كرعي كفاي موت البهم وجفاف الضرع سكت شنو علاقة التميمه بموت البهم ..اها مراح البهائم فيه اربعه نعاج سبحان الله طرحن واحده ورا التانيه ..بس اكيد في قصه شلت التميمه ورميته في الشنطه قلت يلا خلاص مافي داعي للمضره مسكني صداع راسي دا دار يتكسر شربت الجبنه ما نفع بلعت البندول ما نفع لمن امسي الليل عيوني بقن مابشوفن خالص ..جربت كلللل شي مانفع اخيرا ربطت بين التميمه والصداع اول ما لبستها بدا الصداع يروح

مها عبدالمنعم · 13-02-2015, 10:19 AM

مشيت قدر ما حاولت اعرف سر العلاقه المرتابه من ناحية امي مافي زول رضا يقول غير انو امك ربنا يسامحه اذت كتار لمن حبوبتي زهجت من سوالي قالت لي كانت عندها ودعه معاها بسم الله تشوف الفي بطن امه
كيف يعني ؟
كدي
وما كانت بتسكت كل ما تشوف شي تقولو ابوك طلقه المره الاولي بس ما في شي وقفه فرقت الراجل ومرته وعقدت بت علي من الولاده !!
امي انا !!
هي ما امك الشيطان اللابسه وامك ماخلت عمائل السحر الا بعد ابوك جا هنا وتاني حلف ما يعوده قال الله يسامحه عاشرت الشيطان وولدت منه ولد سلف عقب ولادتو
كيف يعني
كدي ويابت هوي خلي النضم دا وشيلي الودعه الفي رقبتك دي بدل مطوطحه ليك شيطان طالعه نازله
قلت يلا يا تميمة بختي النرميك في البحر بدل البهدله وانا في السكه مية فكره جات في راسي بس قلت هوي اوعا تسمعي بس كمان الحنه فيها رزق سمح رجعت ما رميته بس شلتها من رقبتي ودفنت غطست حجره في الحوش الوراني قلت اشيله وانا راجعه عربات البلد بقومن بدري شديد واتاخرت في النوم سريع سريع اتجهزت عشان نحصل العربات مرقت نسيت الودعه محل حفرت وطمرتها..

مها عبدالمنعم · 13-02-2015, 10:20 AM

انشغلت في بكي خالي الصغير لقوهو مكتول في حواشته وسبحان الله خالي دا ولد رضا والفريق كله مديهو الكلمه الاخيره في شان الناس وماعنده لا عداوه لا اتسرقت بهيمه ولا اتفقدت من الحواشه شي فيشان يكون كتل عشانه
جاية جدي للبكي سالني اتي يابت ودعة امك وين مشت ؟
قلت مابعرف...وقعت من رقبتي في البلد
عاين لي بعدم تصديق بس ما زدت في كلامي
كمان استغربت الودعه دي شنو سرها اكيد في شي

عكــود · 13-02-2015, 11:23 AM

حبابك يا مها
ومرحباب حكيك الممتع

عبد المنعم حضيري · 13-02-2015, 02:40 PM

متابعين

بنتي مها

تحياتي

11-02-2015, 02:31 PM	#[1]
مها عبدالمنعم :: كــاتب نشــط::	تميمة الحظ العاده انه لمن انزل البلد بشوف فرح الناس بي من خلال الضحكات والجبنه العاملنها بقلوب صافيه نية ونديانا رضا رغم انه دائما في احساس بشي قاعد في قلب الكل والشي دا يمكن ما عنده معني بس احساس بكون اكيد جا من حته ما انتبهت ليها، بس امنه بت عمي عمر ماكانت بتدس غيظه من جيتي وطوالي كنت بتخيل انها خاته عينه علي واحد من ولاد الفريق فشفقت اخده منها ...كنت بتبسم لمن اشوف غيظه هي متخيلاني هبله انا كان اااااااخر همي اخد ود عمها والا غيرو كنت متذكره انو ريحة ابوي متحكره في الفريق فلمن اجي طوالي يمكن يرضا بالبعمل فيهو ..مع اني ما كنت بعمل في شي بس بحاول اعرف في شنو خلاه يرمينا الرميه الغريبه دي ... اي خمسه سنه خلانا وفات لا هو قال شي ولا امي ضوت دربنا ...بس امي عندها ودعه غريبه لمن جات تموت لبستني ليها في رقبتي في سلسلة دهب وقالت لي بتجيب ليك البخت وفي نفس الوكت ما تعرفي يمكن قدرك تكون كاتباه الودعه دي ..قلت ليها امي استغفري كيف يعني القدر دا مش بيد الله اي اي ما قلت شي بس الودعه دي حافظي عليها فيها بختك ..وسبحان الله فعلا كنت متوفقه شديد في الحياة ما بعرف هل اشان انا مجتهده والا عندي تميمة حظ!
مها عبدالمنعم :: كــاتب نشــط::	التوقيع: http://mahamonem.com/

11-02-2015, 02:34 PM	#[2]
مها عبدالمنعم :: كــاتب نشــط::	الودعه كانت غريبه شديد لونه لا ابيض شدييييييد ولا رمادي ولا اسود حتي انه فيهو زي لمعه... كنت بخجل طبعا يشوفه زول في رقبتي يقوم يسالني شنو قصته لمن جا يوم اكتشفت انها الودعه دي البشوفوها حوليني ما بشوفوها ودعه! كل زول بشوفه شي البقول لي راس كم حيوان مع بعض ...اااخر زول كان ود عمتي مهوس اثار كدا قال لي تشبه صورة الاله الاسد ابادماك! ماعرفت منو ابادماك دا كمان قلت لي: دا واحد من من الهة الهنويد؟عاين لي بطريقة شنو الجاهله دي انتي ماقريتي تاريخ! لا طيب قريتي شنو؟ لس ماقريت انا في سنه اولي تجاري كلية التجاره ؟ لالا تجاري تجاري وبطريقة الدار يفهمني اني ما عارفه شي قال لي مع هزة راس اهاااااااانتي لساتك شافعه بس امشي فتشي صوره للاله الاسد اللابساه في رقبتك دا سمح سمح...
مها عبدالمنعم :: كــاتب نشــط::	التوقيع: http://mahamonem.com/

11-02-2015, 03:06 PM	#[3]
مها عبدالمنعم :: كــاتب نشــط::	البت القاعده جنبي في الفصل قالت لي قرن الشطه حقك دا دهب؟ قلت ليها ياتو؟صرت لي وشيها ولوت خشمه قالت لي يعني قايلاني ح اشحدك ليو ! مافتحت خشمي بس عاينت وسكت لمن ود عمتي قال كلامو عن الاله داك بس اتاكدت انو في سر كبير شديد في الودعه مره قاعده اغسل في العده جات بت عمي ماشه فجاه شفتها وانا صاحيه زي الح تقع تكسر كراعه من المفصل قمت كوركت ناديته اتلفتت علي مخلوعه اظن حسي كان عالي شديد هجمه مع دويرته ديك وقعت وفعلا كسرت كراعه ..واحدين قالو طقيته عين وحبوبتي قالت لي غايتو الله يكفينا شر امك ! حبوبتي عمة ابوي دي بتكره امي دي لمن لمن اقول امي الله يرحمه تقول لي الزول البياذي الناس باقي ليك الله بغفر ليو!
مها عبدالمنعم :: كــاتب نشــط::	التوقيع: http://mahamonem.com/

13-02-2015, 02:34 AM	#[6]
أبو جعفر :: كــاتب نشــط::	حقيقي شكراً ولي بكرة شكراً وزي ما قال الباشا أنتي الفرح فرح الفرح وفوق الفرح فرحين فرح. كيفك بت أخوي وعساك بألف خير ... بالله كتري لينا عشان الزمن مسخ بالمسوخ السدو الدرب دراب
أبو جعفر :: كــاتب نشــط::	التوقيع: مسك العصا من النصف لا يوصلها إلى رأس الحية آفة الرأي الهوى

13-02-2015, 10:05 AM	#[7]
مها عبدالمنعم :: كــاتب نشــط::	القرايه دي ماعندي ليها شديد شغله وكمان مضيعة زمن بس بعرف ارسم قلت خلاص النخش التجاريه النسويه منها ارضي علي امي ومنها اتعلم اطرز التياب ومنها اكون قريت ..وانا في سنة تامنه مشيت البلد لقيت عرس بت عمي والنسوان مواعداهن زوله تجي تحنن بس قالو ولده بلع ليو دبوس مشت المستشفي اتحيرن. اها زي حسيت يدي اكلتني قمت قلت نجرب في يدي داب الناس مشغوله سبحان الله في علاه الكيس اتخيط براه وانا ماسكاه بقرطس فيو اها لخبطت البيقن واول ما رسمت يدي مرقت شي عجيب عجيب اي مره جات سالتني منو حننك ؟ لمن اقول ليهن براي كل واحده تقول لي النبي كان ما رسمتي لي كرعي والشغلانه سلكت ودعتي لمن امسك الكراع والا الايد تبرق تبرق فقلت الودعه دي شكلها فعلا تميمة بخت!
مها عبدالمنعم :: كــاتب نشــط::	التوقيع: http://mahamonem.com/

13-02-2015, 10:13 AM	#[11]
مها عبدالمنعم :: كــاتب نشــط::	النصيحه لله الحاجات البتعمله تميمة امي دي في الاول بس ..كانت عاجباني ماداني ب احساس القوه وانه الفي يدي مافي يد غيري في يدي سلطه وحمايه وحرس بس كمان فجاه بدت تحصل اغرب حوادث ماعندها سبب والناس زي بدو يتشامؤا من قعادي الكتير في البلد اخرشي خلا جدي يقرر اني ما اجي البلد الا اخت نحس امي بعيد منهم بس ياجدي شنو نحس امي يابت ما تتلكعي قدام كرعي كفاي موت البهم وجفاف الضرع سكت شنو علاقة التميمه بموت البهم ..اها مراح البهائم فيه اربعه نعاج سبحان الله طرحن واحده ورا التانيه ..بس اكيد في قصه شلت التميمه ورميته في الشنطه قلت يلا خلاص مافي داعي للمضره مسكني صداع راسي دا دار يتكسر شربت الجبنه ما نفع بلعت البندول ما نفع لمن امسي الليل عيوني بقن مابشوفن خالص ..جربت كلللل شي مانفع اخيرا ربطت بين التميمه والصداع اول ما لبستها بدا الصداع يروح
مها عبدالمنعم :: كــاتب نشــط::	التوقيع: http://mahamonem.com/

13-02-2015, 10:19 AM	#[12]
مها عبدالمنعم :: كــاتب نشــط::	مشيت قدر ما حاولت اعرف سر العلاقه المرتابه من ناحية امي مافي زول رضا يقول غير انو امك ربنا يسامحه اذت كتار لمن حبوبتي زهجت من سوالي قالت لي كانت عندها ودعه معاها بسم الله تشوف الفي بطن امه كيف يعني ؟ كدي وما كانت بتسكت كل ما تشوف شي تقولو ابوك طلقه المره الاولي بس ما في شي وقفه فرقت الراجل ومرته وعقدت بت علي من الولاده !! امي انا !! هي ما امك الشيطان اللابسه وامك ماخلت عمائل السحر الا بعد ابوك جا هنا وتاني حلف ما يعوده قال الله يسامحه عاشرت الشيطان وولدت منه ولد سلف عقب ولادتو كيف يعني كدي ويابت هوي خلي النضم دا وشيلي الودعه الفي رقبتك دي بدل مطوطحه ليك شيطان طالعه نازله قلت يلا يا تميمة بختي النرميك في البحر بدل البهدله وانا في السكه مية فكره جات في راسي بس قلت هوي اوعا تسمعي بس كمان الحنه فيها رزق سمح رجعت ما رميته بس شلتها من رقبتي ودفنت غطست حجره في الحوش الوراني قلت اشيله وانا راجعه عربات البلد بقومن بدري شديد واتاخرت في النوم سريع سريع اتجهزت عشان نحصل العربات مرقت نسيت الودعه محل حفرت وطمرتها..
مها عبدالمنعم :: كــاتب نشــط::	التوقيع: http://mahamonem.com/

13-02-2015, 10:20 AM	#[13]
مها عبدالمنعم :: كــاتب نشــط::	انشغلت في بكي خالي الصغير لقوهو مكتول في حواشته وسبحان الله خالي دا ولد رضا والفريق كله مديهو الكلمه الاخيره في شان الناس وماعنده لا عداوه لا اتسرقت بهيمه ولا اتفقدت من الحواشه شي فيشان يكون كتل عشانه جاية جدي للبكي سالني اتي يابت ودعة امك وين مشت ؟ قلت مابعرف...وقعت من رقبتي في البلد عاين لي بعدم تصديق بس ما زدت في كلامي كمان استغربت الودعه دي شنو سرها اكيد في شي
مها عبدالمنعم :: كــاتب نشــط::	التوقيع: http://mahamonem.com/

13-02-2015, 11:23 AM	#[14]
عكــود Administrator	حبابك يا مها ومرحباب حكيك الممتع
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-02-2015, 02:40 PM	#[15]
عبد المنعم حضيري :: كــاتب نشــط::	متابعين بنتي مها تحياتي
عبد المنعم حضيري :: كــاتب نشــط::	التوقيع: إذا فتحت ابواب خير فأقبلوا موائد أهل الله خير الموائد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري