رساله خاصه للزول المولود في تسعه شهور وعشره ايام
ﺗﺤﻴﻪ ﺻﺒﺎﺣﻴﻪ ﻭﺍﺭﺟﻮ ﺍﻥ ﻳﺼﻠﻚ ﻣﻜﺘﻮﺑﻲ ﺍﻥ ﻛﻨﺖ
ﺗﻬﺘﻢ ﺍﻭ ﻻ ﻭﻳﺠﺪﻙ ﺑﺨﻴﺮ
ﻣﻌﻠﻴﺶ ﻋﺎﺭﻓﻪ ﺍﻧﻮ ﺯﻣﻦ ﺗﻘﺮﺍ ﻓﻴﻬﻮ ﻛﻼﻣﻲ ﺩﺍ
ﻣﺎﻓﻲ ﺑﺲ ﻋﻠﻴﻚ ﻋﺰﺍﺯﻙ ﻛﺎﻥ ﻡ ﺗﻤﻴﺖ ﻣﻜﺘﻮﺑﻲ
ﻟﻼﺧﺮ ﻭﻛﻼﻣﻲ ﺩﺍ ﻳﻌﻠﻢ ﺍﻟﻠﻪ ﺣﺒﺔ ﺍﻟﺰﻋﻞ ﻣﺎﻓﻴﻬﻮ
ﺑﺲ ﻓﻴﻪ ﺷﻮﻳﺔ ﻣﺤﺎﺳﻴﺲ ﺧﺎﺻﺎﻧﻲ ﺩﺍﻳﺮﺍﻙ ﺗﺴﻤﻌﻪ
ﺍﻭﻝ ﺍﻟﺘﺒﺎﺩﻱ ﺑﻘﻠﺒﻚ ﺛﻢ ﺑﻌﺪ ﺫﻟﻚ ﺍﻋﻤﻞ ﻓﻴﻬﺎ ﺭﺍﺳﻚ
ﻓﻜﺮﺍ ﻭﻟﻮ ﺟﺎ ﻋﻠﻲ ﺑﺎﻟﻚ ﺑﻌﺪ ﺗﺨﻠﺺ ﺗﺴﺐ ﻟﻲ
ﺣﻴﺚ ﺍﻧﻲ ﺧﻴﻞ ﻟﻚ ﺧﻠﺨﻠﺖ ﻣﺎﻛﻨﺖ ﺗﻌﺘﻘﺪﻩ ﻓﺎﻋﺮﻑ
ﺍﻧﻲ ﺳﺎﻣﺤﺘﻚ ﻟﻮﺟﻪ ﺍﻟﻠﻪ .. ﺍﺳﺎﺳﺎ ﺍﻟﻤﺴﺎﻣﺢ ﻛﺮﻳﻢ
ﻭﺍﻟﻜﺮﻳﻢ ﺍﻟﻠﻪ ﻭﺍﻧﺎ ﺯﻭﻟﻪ ﺧﻠﻘﻪ ﺍﻟﻠﻪ ﻭﺟﺎﺑﻮﻧﻲ ﺑﺸﺮ
ﺍﻱ ﺯﻳﻚ ﺗﻤﺎﻡ ﺍﻡ ﻭﺍﺏ ﺍﻟﻤﻬﻢ ﻓﻲ ﻓﺮﻕ ﻓﻲ ﻭﻻﺩﺗﻨﺎ
ﻳﻤﻜﻦ ﻳﺨﻠﻴﻚ ﺗﻘﻮﻝ ﺍﻧﺎ ﺍﺣﺴﻦ ﻭﺍﺧﻴﺮ ﻭﺍﺑﺮﻙ ﺣﻴﺚ
ﺍﻧﻮ ﺍﻣﻚ ﻟﻤﻦ ﻗﺮﺑﺖ ﻭﻻﺩﺗﻪ ﻛﺎﻧﺖ ﻣﺒﺴﻮﻃﻪ
ﻭﻓﺮﺣﺎﻧﻪ ﻭﺗﺠﻬﺰ ﻻ ﺧﻠﺖ ﺟﻬﺎﺯ ﻃﻔﻞ ﻻ ﺧﻠﺖ ﺩﻳﻜﻮﺭ
ﻻ ﺧﻠﺖ ﻣﻼﻳﺎﺕ ﻭﺗﻴﺎﺏ ﻭﺧﺒﺎﺋﺰ ﻭﺍﻟﻼﺯﻡ ﻣﻨﻮ ﻭﺍﺑﻮﻙ
ﺯﺍﺗﻮ ﻣﻨﺘﻈﺮﻙ ﺗﺠﻲ ﺑﻔﺎﺭﻍ ﺍﻟﺼﺒﺮ ﻭﻛﺎﻣﻞ ﺍﻟﺘﺮﻗﺐ
ﻭﻳﺸﻴﻞ ﻭﻳﺪﻓﻊ ﻓﻲ ﻗﺮﻭﺵ ﺍﻟﺘﺠﻬﻴﺰﺍﺕ ﻭﻳﺼﻤﺪ ﻓﻲ
ﻗﺮﻭﺵ ﺍﻟﺴﻤﺎﻳﻪ ﻭﻳﻤﻜﻦ ﻛﻤﺎﻥ ﻳﻜﻮﻥ ﻭﻟﺪﻭﻙ ﻓﻲ
ﻣﺴﺘﺸﻔﻲ ﺩﺭﻳﻢ ﺩﻓﻌﻮﺍ ﻟﻴﻚ ﻋﺸﺮﻩ ﻣﻠﻴﻮﻥ ﺑﺲ ﺣﻖ
ﺍﻟﻮﻻﺩﻩ ﻭﻛﻤﺎﻥ ﻛﺎﻥ ﻡ ﻭﻟﺪﻭﻙ ﺍﻻ ﻓﻲ ﻣﺴﺘﺸﻔﻲ
ﺣﻜﻮﻣﻲ ﺑﻜﻮﻥ ﺩﻓﻌﻮﺍ ﺑﺮﺿﻮ ﻭﺑﺮﺿﺎ ﻭﻳﻤﻜﻦ ﺯﻏﺎﺭﻳﺪ
ﺍﺳﺘﻘﺒﻠﻮﻙ ﺑﻴﻬﺎ ﺍﻫﻠﻚ ﻛﺎﻥ ﻭﻟﻴﺪ ﻭﺍﻻ ﺑﻨﻴﻪ
ﻭﺳﺎﻣﺤﻨﻲ ﻟﻼﻃﺎﻟﻪ ﺍﺻﻠﻮ ﺍﻟﺴﻤﺢ ﺑﻌﺠﺐ ﺍﻣﺎ ﻭﺍﻥ
ﺩﺍﺭ ﻣﺤﻮﺭ ﺍﻟﺴﻮﺍﻝ ﻋﻨﻲ ﺗﻤﺎﻣﺎ ﺑﺨﺘﻠﻒ ﺍﻟﻮﺿﻊ
ﻣﺎﻳﺠﻌﻠﻚ ﻣﻤﻴﺰﺍ ﻋﻨﻲ ﻓﻄﻮﺍﻝ ﺷﻬﻮﺭ ﺣﻤﻞ ﺍﻣﻲ
ﺑﻲ ﺗﺴﺐ ﻭﺗﺴﺨﻂ ﻭﺗﻠﻌﻦ ﺍﻟﻴﻮﻡ ﺍﻟﺸﺎﻓﺖ ﻓﻴﻬﻮ
ﺍﺑﻮﻱ ﺍﻭ ﺍﻟﻤﻔﺮﻭﺽ ﺍﻧﻮ ﺍﺑﻮﻱ ﺣﻴﺚ ﺣﻤﻠﺘﻨﻲ ﺩﻭﻥ
ﺭﺿﺎ ﻭﻛﺒﺮﺕ ﺑﺎﺣﺸﺎﺋﻬﺎ ﻭﻫﻲ ﺗﺤﺎﻭﻝ ﻣﺮﺍﺕ ﻭﻣﺮﺍﺕ
ﻗﺘﻠﻲ ﺩﻭﻥ ﻓﺎﺋﺪﻩ ﻭﺧﻮﻑ ﻣﻦ ﻳﻮﻡ ﻭﻻﺩﺗﻲ ﺑﻞ
ﻭﺫﻫﺒﺖ ﺑﻲ ﻟﻠﺪﺍﻳﻪ ﻋﻘﺎﺏ ﻟﻴﻞ ﻭﺍﺗﻴﺖ ﻟﻠﺪﻧﻴﺎ ﻭﺍﻇﻦ
ﺍﻭﻝ ﺷﻲ ﻋﻤﻠﻮ ﻟﻔﻮﻧﻲ ﻓﻲ ﻣﻼﻳﻪ ﻗﺪﻳﻤﻪ ﻭﺧﺘﻮﻧﻲ
ﻓﻲ ﻛﺮﺗﻮﻧﻪ ﻭﺟﺪﻋﻮﻧﻲ ﻗﺮﻳﺐ ﺟﺎﻣﻊ ﺑﻌﺪ ﺩﺍﻙ ﺳﻘﻂ
ﻋﻦ ﺫﺍﻛﺮﺗﻲ ﺗﻔﺎﺻﻴﻞ ﻡ ﺣﺪﺙ
ﻭﻳﺎﺳﻴﺪﻱ ﺍﻟﺰﻭﻝ ﺍﻧﺎ ﺯﻭﻝ ﺯﻳﻚ ﺍﺳﺘﺤﻖ ﺍﻟﻌﻴﺶ
ﺍﻟﻜﺮﻳﻢ ﻓﻠﺴﺖ ﺑﺠﺎﻥ ﻟﺘﻘﺼﺪﻧﻲ ﺑﺎﻟﻌﻘﺎﺏ
ﺍﻧﺎ ﺗﻤﺎﻣﺎ ﺯﻳﻚ ﻡ ﺍﺧﺘﺮﺕ ﺍﻥ ﺍﻛﻮﻥ ﻓﻲ ﻫﺬﺍ ﺍﻟﺤﻴﺰ
ﺍﻟﻮﺟﻮﺩﻱ ﺑﺲ ﺟﻴﺖ ﻓﻴﻪ
ﻛﺘﺒﺖ ﺍﻣﻠﻪ ﺍﻥ ﺗﻜﺒﺮ ﺑﺪﺍﺧﻠﻚ ﺭﻏﺒﺔ ﻓﻲ ﺍﻟﻨﻈﺮ ﺍﻟﻲ
ﺩﻭﻥ ﺍﻥ ﺗﺘﻬﻤﻨﻲ ﻓﻼ ﺍﻋﺮﻑ ﻣﻦ ﺍﺑﻮﻱ ﻭﻟﻴﺲ ﺫﻟﻚ
ﺫﻧﺒﻲ
ﺍﺧﻴﺮﺍ ﻭﻟﻴﺲ ﺍﺧﺮﺍ ﺍﺭﺟﻮ ﺍﻥ ﺗﺘﺎﺡ ﻟﻲ ﻓﺮﺻﺔ ﺍﻟﺮﺩ
ﻋﻠﻴﻚ ﺍﻥ ﺭﻣﻴﺖ ﺑﺮﺳﺎﻟﺘﻲ ﻫﺬﻱ ﻓﻲ ﺳﻠﺔ
ﺍﻟﻤﻬﻤﻼﺕ
ﻭﺗﻘﺒﻞ ﺧﺎﻟﺺ ﺗﻘﺪﻳﺮﻱ ﺍﻧﺎ ﺍﻟﻌﺎﻭﺯ ﺍﻛﻮﻥ ﺯﻭﻝ
ﺍﻳﺠﺎﺑﻲ
ﻭﺍﻟﺴﻼﻡ ﺧﺘﺎﻡ
ﺍﻟﺘﻮﻗﻴﻊ ﺯﻭﻝ ﻋﺎﻭﺯ ﻳﻜﻮﻥ ﺯﻭﻝ ﻛﺎﻣﻞ ﺍﻻﻧﺘﻤﺎﺀ
|