صورة{اليساريات} فى سودانيات: {حالة ماجد} نموذجا.

[صديق عيدروس]

المشاركة الأصلية كتبت بواسطة صديق عيدروس

طيب يادكتورة نفهم من التعريفات دي كلها انو الشيوعيين ماعندهم علاقة باليسار السياسي في عالم اليوم ،،، فليه بيحاولوا ينتحلوا هذه الصفة ..؟

وسؤالي :هل يوجد حقيقة شيوعيين بالمعني الحرفي للكلمة وليس المعنى المجازي ،،، واقصد بالمجازي هو ان كل من انتسب للحزب الشيوعي بعضوية في الحزب او ارتباط تنظيمي فهو شيوعي ،،

انا اقصد هل يوجد حقيقة بين من ينضوون في عضوية الحزب الشيوعي(السوداني )او من يعلنون انهم شيوعيين ،، هل يوجد بينهم من يعتقد فعلا او يسعى حقيقة الى الصول الى مرحلة الحياة الشيوعية كما تبشر بها النظرية الماركسية ...؟

واذا كانت الاجابة بلا ،،، فلماذا يصر الرفاق على اسم الحزب الشيوعي رغم انهم في مرحلة (التطلع) الى الاشتراكية ...؟

[Ishraga Hamid]

المشاركة الأصلية كتبت بواسطة ناصر يوسف

كتبت لي مداخله وقمت مسحتها

معليش أعفي لي يا اشراقة مصطفي ياخ

يا اخوى ناصر

ليه ياخ مسحتها؟ كانت حاتكون مفيدة مؤكد
الجايات اكتر

[Ishraga Hamid]

المشاركة الأصلية كتبت بواسطة صديق عيدروس

انا اقصد هل يوجد حقيقة بين من ينضوون في عضوية الحزب الشيوعي(السوداني )او من يعلنون انهم شيوعيين ،، هل يوجد بينهم من يعتقد فعلا او يسعى حقيقة الى الصول الى مرحلة الحياة الشيوعية كما تبشر بها النظرية الماركسية ...؟

واذا كانت الاجابة بلا ،،، فلماذا يصر الرفاق على اسم الحزب الشيوعي رغم انهم في مرحلة (التطلع) الى الاشتراكية ...؟

الاخ الكريم صديق

الاطار النظرى لا يمثل بالضرورة وجهة نظرى الخاصة.. استعنت بقوقل فى تعريف ماهية اليسار وتطرقت لبعض المراجع ثم استندت على الجوانب النظرية والعملية من خلال تجاربى. ارجو ان تراجع تلخيصى لماهية اليسار حسب وجخة نظرى.

ارجو ان انوه ان هذا البوست ليس عن الحزب الشيوعى وهناك اسئلة يستطيع الاجابة عليها اهل الشأن وهم الاقدر, عليه ارجو التركيز على الموضوع حسب عنوان البوست وهو صورة اليساريات والذى افترعته على ضوء بوست العداء لهن والاساءة والتجريح الغير مؤسس على اى منهج علمى..

دعنى اسألك اخ صديق ماهو رأيك فى الاساءة الى زميلات لك هنا فى هذا المنبر؟

مع فائق الاحترام

[Ishraga Hamid]

المشاركة الأصلية كتبت بواسطة أبو جعفر

مرحبا استاذة إشراقة
قصدت إلى عرض فكر اجتماعي (خاطئ) لقيادية يسارية معروفة.

علماً بأن الخطأ والعك والتخليط هو ديدن الفكر اليساري ومنسوبيه على كل المستويات السياسية والاجتماعية والاقتصادية.. ودونك حال السودان قبل وبعد مايو.

عندي صديق عندما أسأله عن كيف يتبع الناس الباطل وهم يعلمون؟. .. يقول لي: "لهم فيه مآرب أخرى" .. فهل الفكر اليساري الباطل منطقاً وأخلاقاً وجمالاً هو مجرد وسيلة لإظهار تفوق غير مستحق. أي تحقيق نظرية خالف تذكر.

أخى الكريم جعفر

ليتك تستند الى مرجعيات علمية للاستلال على ما ادليت به هنا
ماهو تعريفك لليسار؟
كيف باطل منطقا؟
ماهو معيار بطاليه اخلاقيا وجمالا؟

ارجو ان تساهم فى الاضاءات لتوسيع فضاءات التبادل المعرفى

مع تقديرى لك

[Ishraga Hamid]

المشاركة الأصلية كتبت بواسطة معتصم الطاهر

حالة صدق .. ليست فريدة ..



لا أريد أن اخرج عن موضوعك استاذة اشراقة ..
لكن نقلك للموضوع بانتقاداته اجبنى ..

حتى الآن يعجبني نهج التناول و الموضوعية ..

معاك ..

سلامات يا باشمهندس

لابد من عرض كل وجهات النظر, رغم ان هذا يمكن ان يتطور ليكن بحثا يعتمد على عدد من المراجع التى تتناول تعريف اليسار..وتحديد آليات الضبط المنهجى للتحليل.
شكرا للمتابعة

[Ishraga Hamid]

المشاركة الأصلية كتبت بواسطة اشرف السر

أحيي اشراقة على هذا البوست ذو المنهج العلمي..
وارى الكثير من المداخلات الأخرى تنحو للتعميم والرأي الشخصي والإسقاط..
هذا بوست علمي.. فعلى الأقل اعتقد ان على من يتداخل أن يتسلح بقليل من الأسلوب العلمي فهو لا يضر.. كما العاطفة والأحكام المعممة المُخِلة...


متابع يا إشراقة....

شكرا يا أشرف على المتابعة
وملاحظتك سليمة خاصة فى رمى الاحكام المطلقة التى لايمكن رميها على اطلاقها حتى فى العلوم التطبيقية ناهيك عن كلام غير مؤسس وغير مدعوم علميا.

[Ishraga Hamid]

المشاركة الأصلية كتبت بواسطة Hassan Farah

----------------------------------------------------------
ابو جعفر سلامات
يا اخى فى امدرمان زمان(يمكن وقتها انت تكون فى المرحلة المتوسطة) كنا عادى بنقدم بنات الحلة نصف الليالى من حفلات الاعراس الى بيوتهن وهن لسن باخواتنا ولا حتى قريباتنا....فيها شنو...

سلامات يا حسن

هذا كان قبل ان يقسم {المشروع الحضارى} السودانيين الى اناث وذكور
والى اثنيات صغيرة يتغنى بها مغنين آخر الزمان ويؤسسون للعنصرية فى اقبح وجوهها.

[Ishraga Hamid]

1.من هن اليساريات المعنيات فى الاسفير؟ لعل سودانيات احدى هذه الاسافير.
2.هل يمكن فصل قضيتهن من قضايا الانسان عامة وقضايا المرأة خاصة (غير المنضوية لليسار؟)
3. هل يمكن تحليل ماتتعرض له المرأة اليسارية والناشطة تحديدا من النساء سوى يساريات او يمينيات بعيدا ماتتعرض له هؤلاء النساء على سبيل المثال المنابر؟ هنا سوف اسوق امثلة وادلل عليها.


يتبع

[أبو جعفر]

المشاركة الأصلية كتبت بواسطة معتصم الطاهر

سلام البديرى
ممكن طلب ؟
فكك دى ..

مرحبا يا باش مهندس
بالنسبة لمقاييس المنطق والأخلاق والجمال فهذه مقاييس فلسفية تجعل الحكم على الفكر سوى كان سياسي أو اجتماعي او اقتصادي بمدى نفعه وفق قواعد تختلف باختلاف المجال قيد النظر.. ولكنها تتفق على أن مقياس الفكر هو المستقبل وليس الماضي .. أي أن النتيجة المتوقعة والمنظورة هي الحكم وليس العواطف التي من الممكن أن تقودنا إلى نتائج خاطئة.

هذا علماً بأن قواعد المنطق والأخلاق والجمال قل أن تخطئ في الحكم على الأشياء بسبب أن الله سبحانه وتعالى ألهم عقل الإنسان (الفجور والتقوى) وأرجو أن تضع ألف خط تحت كلمة أو مفردة (الفجور) فالنفوس المريضة سوف تستغل كل وسيلة لكي تشبع هذا الفجور داخلها .. ولهذا السبب قال الفقهاء إيمان المقلد غير مقبول فهناك أمتحان فجور وتقوى يحتاج إلى الفهم .. ووصف تعالى أصحاب حسن النية خارج العقل بالأخسرين أعمالاً.

والآن إن نحن عرضنا شعارات اليسار إلى المنطق والأخلاق والجمال فلن نحتاج إلا إلى ترديدها لنكتشف خطلها .. وخذ عندك ... الشرعية الثورية بدلاً عن الإنتخابية .. والدياليكتيك المادي بدلاً من الإنساني الديمقراطي .. والتفاعل الذاتي للمادة بدلاً الإستقرار والتعادل الذري .. وصراع الطبقات بدلاً من تعايشها كل تحت قشرة طبقته.. أما النتائج العملية لهذا الفكر الفاسد فأظنك أشرت إليه بما لا مزيد عليه..

[أبو جعفر]

المشاركة الأصلية كتبت بواسطة معتصم الطاهر

يا ابو جعفر ..
سلامات ..

ياخ بنات الحلة و المدرسة أقؤب من بنات الجامعة و بنات الدار بتاعة المدينة ..

دار الخريجين مثلا ..
طيب رايك شنو فى
( طلعت القمرة .. اخير يا عشااى تودينا لى أهلنا ..بسألوك مننا) ..

..
فى يوم و بعد اجتماع تنظيمي كان فى انتظارنا رجال أمن ..
رجال الأمن فى زمن نميرى كانوا رجال ..
قلنا لهم " نوصل البنات و نجيكم نسلم نفسنا"
وصلناهن و رجعنا ..
الصول " كان من ناس البلد " قال لينا " أمشوا .. حرّم البوصل البنات و برجع مامون على البلد اكتر من الـ..... ديل "

مرحبا مرة تانية معتصم
وأرجو أن لا أفهم خطأ فأنا (لا أقول) بعدم الثقة مطلقاً ... ولكن أدعو إلى إستعمال العقل وعدم التطرف بحجة التقدمية. فالناس ليسوا سواسية في طباعهم. فهناك بجانب أمثلة الماضي المشرقة مآسي يحكي عنها الإعلام اليوم يشيب لها العقل. وليس أقلها مشكلة المساكنة. ربنا يستر ويغطي على كل بنات العالمين.

[أبو جعفر]

المشاركة الأصلية كتبت بواسطة اشرف السر

أحيي اشراقة على هذا البوست ذو المنهج العلمي..
وارى الكثير من المداخلات الأخرى تنحو للتعميم والرأي الشخصي والإسقاط..
هذا بوست علمي.. فعلى الأقل اعتقد ان على من يتداخل أن يتسلح بقليل من الأسلوب العلمي فهو لا يضر.. كما العاطفة والأحكام المعممة المُخِلة...


متابع يا إشراقة....

السلام عليكم أشرف وعساك بألف خير
وصدقني يا أشرف العلم إن لم ينعكس على حياة الناس هو ترف لا داعي له.. وأضيف لما ذكرت للباشمهندس (مقياس الفكر هو المستقبل لا بطون الكتب). الشيء الذي أختصره ابن عقيل بقوله: (الشريعة بحيث يكون الناس أقرب للصلاح) وأسمح لي بأن أضيف إلى قاعدته (الشريعة - أي شريعة - بحيث يكون الناس أقرب للصلاح .. ويكون مقياس الصلاح الناس أنفسهم).

[لنا جعفر]

مساء الخير يا أحباب
وسلام وعافية يطلنك ياشوش
فكرة مقاطعة تسلسل فكرتك باقي لي اشتر يا اشراقة
ح انتظرك لحتة معقولة وعندي الكتير الح اقولو معاك...
لكن شايفة عشان نطلع بشي مفيد نسمع فكرتك ومنهجك للبوست
وبعدين نتداخل خاصة لو كانت مداخلاتنا انطباعية وافكار خاصة بينا
قبلما افوت تاني عايزة اشكر الناس الوقفت موقف واضح جدا
من احداث البوست المدهش داك
وفي معلومة واحقاق حق هنا ياشوش مفروض نقولا
وهي انه صديق عيدروس وقف موقف واضح ومن اوائل القالو رأيهم
في البوست العجيب ...وانا بشكره انه رغم اختلافه معاي قال الحق وصدح بيهو
لكن السؤال الموجه لي ابو جعفر ومن لف لفه فيما يختص بمواقفهم
يعني الناس ماتوقف الخطأ لانه المتضرر من الخطأ زول معتقدو مختلف؟؟
دي القيم عاملة كده؟؟؟
او يقيف ليك زول موقف ماواضح لدواعي وتوازنات بتخصه..
الناس البتعمل وزنات والناس الما بتقول الحق كقيمة وصدق
شخصيا ما اجي القاهم في موقع نصح ونصيحة...او لبس لبوس الحكمة
حكمتك وعدالتك مجتزئين تقعد بيهم حقو
عموما ياشوش ي اختي متابعين معاك وحقو تكملي فكرتك بهدوء
زي عوايدك وبقترح عليك تتركي حكاية الردود لحين الفراغ من كلامك
تحايا ومحبة قطعا تعلميهن

[ناصر يوسف]

المشاركة الأصلية كتبت بواسطة لنا جعفر

قبلما افوت تاني عايزة اشكر الناس الوقفت موقف واضح جدا
من احداث البوست المدهش داك

وفي معلومة واحقاق حق هنا ياشوش مفروض نقولا
وهي انه صديق عيدروس وقف موقف واضح ومن اوائل القالو رأيهم
في البوست العجيب ...وانا بشكره انه رغم اختلافه معاي قال الحق وصدح بيهو

لكن السؤال الموجه لي ابو جعفر ومن لف لفه فيما يختص بمواقفهم
يعني الناس ماتوقف الخطأ لانه المتضرر من الخطأ زول معتقدو مختلف؟؟
دي القيم عاملة كده؟؟؟
او يقيف ليك زول موقف ماواضح لدواعي وتوازنات بتخصه..
الناس البتعمل وزنات والناس الما بتقول الحق كقيمة وصدق
شخصيا ما اجي القاهم في موقع نصح ونصيحة...او لبس لبوس الحكمة
حكمتك وعدالتك مجتزئين تقعد بيهم حقو

الناس واقفين موقف محايد ديل مالهم يا لنا جعفر

ما يقيفوا لو هم عاوزين يقيفوا محايدين البمنعهم منو ؟؟

انا ما بعتقد بإنو عشان الزول يجي ويقيف ليه في موضع نُصح ونصيحه لااااااازم يدخل ويقول رأيو مع أو ضِد موضوع اليساريات والتجريح للمرأة عموماً الدائر هنا اليومين ديل ولا شنو ؟؟

عن نفسي هناك ،، قلت كلامي للأخ العزيز ماجد تاج وبوضوح لأنو البوست بتاعه داك حقيقي صادِم وفيه بعض المفردات الغير مقبوله عندي أنا ده
وحتي في البوست بتاع أختنا جيجي برضو قلتها ليه وبالوضوح الكامل

يبقي شنو ،،، في ناس تاني ما عاوزين يقولوا في الموضوع ده بِغِم ساكِت

لأنو البوست ده قلتو علمييييييييييييي وأنا شخصياً زول ( كَرشَجِي ) ساكِت ( مساق أدبي ياخ) لا بفهم في العِلم ولا في الشيوعية ولا شنو يعني يسار ولا يمين ،،
عليكي أمان الله اليسار عندي يعني يدي الشِمال واليمين ياها الباكل بيها

وبـــــــــــس

وأهو بندخل ونقرأ ،،،

ويا إشراقه مصطفي معليش أعفي لي ياخ ،،، مداخلتي الكتبتها كانت مداخله ما علمية والله ،،، أهو مجرد كلام عاااااااااادل كتبتو ولقيت نفسي ما قدر العلام العندكم ده وقمت مسحتها ،،

ربنا ينصر الإنسان ( إمرأة ورجُل )

[صديق عيدروس]

المشاركة الأصلية كتبت بواسطة Ishraga Hamid

دعنى اسألك اخ صديق ماهو رأيك فى الاساءة الى زميلات لك هنا فى هذا المنبر؟

مع فائق الاحترام

جزاك الله خير
انا بينت رأيي بوضوح في مكانه ولا اظن ان هناك من يرضى ذلك ولا حتى ماجد تاج نفسه والرجل مازلنا نظن به خيرا ولكن هناك خلل ما وغرام عند ماجد بالعناوين المثيرة والتي غالبا ما تشوه فكرته وتسيئ اليها قبل ان تسيئ للاخرين،،، وانا اتمنى ان يمتلك الاخ ماجد الشجاعة ويعتذر عما بدر منه

[ماجد تاج]

المشاركة الأصلية كتبت بواسطة صديق عيدروس

جزاك الله خير
انا بينت رأيي بوضوح في مكانه ولا اظن ان هناك من يرضى ذلك ولا حتى ماجد تاج نفسه والرجل مازلنا نظن به خيرا ولكن هناك خلل ما وغرام عند ماجد بالعناوين المثيرة والتي غالبا ما تشوه فكرته وتسيئ اليها قبل ان تسيئ للاخرين،،، وانا اتمنى ان يمتلك الاخ ماجد الشجاعة ويعتذر عما بدر منه

ـ


مرحب يا عيدروس ..

أنا توقفت عن التداخل في سودانيات مش قلة قدرة على الرد ..

ولا عجز عن توضيح المقاصد .. لكن لأسباب بعضها ع الاقل معلوم ..

ومع ذلك ما زال الباسوورد بحوزتي ..

وتعلم أنه لا تنقصني شجاعة الاعتذار ..

فقط طلب بسيط :

ممكن تقتبس هنا في هذا البوست وين بالضبط الموضع " الانا أوردته " ويستحق الاعتذار ؟


ـ